قالك نكرهو القسنطينيين وبناتهم بايرات -_-

[لؤلؤة قسنطينة]

رد: قالك نكرهو القسنطينيين وبناتهم بايرات -_-

الصراحة كلامك برد القلب
وراكي لخصتي كل شيء
رانا في بلاد وحدة ومنين تروحي كاين وكاين
مشكل المهور مشكل عالمي ههههههه لالا وطني برك

اهلا بيك حبيبتي لاريمان نورتيني بمرورك الزينة وتوحشنا مواضيعك حتى نتي ما طوليش علينا
ههههه خلاص ما تحشمونيش لا نولي نكتب كل يوم ونبردلكم القلب هههه يتكونجلا مسكين ههه
كيما قلتي اختي في كل مكان كاين لمليح والحاير وشخص واحد مايمثلش امة ولا يمثل بلد ولا مدينة
كل شخص واخلاقو
ههههه اييه يا المهور هاداك موضوع وحدو مانخلصوش منو لغدوة كن نتكلمو عليه :p
شكرا حبيبتي لاريمان على كرم مرورك ربي يهنيك ويحفظك غاليتي
تحياتي
​

 

[آمِيْرَتُه]

رد: قالك نكرهو القسنطينيين وبناتهم بايرات -_-

السلام عليك
هذي بغات تلعبلكم بالمستقبل هههه
كاين ولاية وحدة وتلقي العادات والتقاليد مختلفة
واش من فايدة كباش وقنادر و حلويات وبعدها طلاق
العبد يتمنى من ربي برك يهنيه ويعيه ذرية صالحة

 

[الحلم الوردي]

رد: قالك نكرهو القسنطينيين وبناتهم بايرات -_-

السلام عليكي
واش راكي حنونة
والله هديا باينة ماش قسنطينية
وانت عارفة الناس وحدة كي تغلط يخلطو الكامل
مي الله يهديها
علا خاطرش باينة هي من عالم المريخ ولا عايشة كاش فيلم في راسها
باسكو كيما قولتي بنات قسنطينة الاصيلات
رانا عارفين قداش الشرط
باينة راهي من كاش كوكب خارج الجزائر
على حسابي
مي واش رايحة ديري
الله يهديها
وكيما قولتي مريومة
كلنا اخوة وبنات قسنطينة بنات الاصالة
يعطيك الصحة حنونة
​

 

[Hakan]

رد: قالك نكرهو القسنطينيين وبناتهم بايرات -_-

بفففففف تعادل مخيب للآمال
هيا نفرغ غشي في بنات العصر بنات الدوميل ديسات
المهيم مشكل غلاء المهور هذي يعني فيها هدرة كبيرة ماعييت نجبد فيها
وكل طفلة تشرط واش يحب خاطرها وكل راجل يحب يقبل يحب يرفض
ربي يسهل المهم برك ما يرخسش روحو برك
اما عن انو ناس تجي تجبد ولاية معينة بالعيب يعني هذي قمة الوقاحة صراحة
لانو انا واحد من ناس لوكان يحكي واحد على الولاية نتاعي صح صح
نخربلو الوجه نتاعو باسكو كي تحكي على ناس راك تحكي على اعراض
وماكانش اللي كامل في هذي الدنيا في كل ولاية الشيب والعيب
وكل ولاية فيها التمسخير نتاع البنات هذا
لكن ما يعنيش انو البنات كامل هكاك كل وحدة ولامونطاليتي نتاعها
والاحلام نتاعها والعقل نتاعها ومش على ذبانة نسب الماكلة خخخ مثل مش طايح طول
المهم هاسيدي وحدة شرطت الذهب ومانعرف واش ياسيدي يعني مافهموهاش مسكينة
برك يعني هي تقول للرجال بعدوني خاطيني الزواج خاطيتني المسؤولية وهما قاعدين يطيحو في الهدرة
اضافة الى انو وللاسف الشديد عند مرض نفسي والعياذ بالله
في جميع اقطار الوطن وهذا مخلفو الاستعمار الفرنسي فينا واللي هو العصبية القبلية
وكل واحد يشوف في روحو هو المخير نتاع المخير خخخخ اشهار دانون ولا صومام
حنا عندنا اللي تخطبت بالملايين وكاين اللي تخطبت بالملاييييين خخخخ وكل نقطة بزوج ملاين احسبي على روحك

وهكذا اما قاورية وخرطي هذاك ناس راهي تصبر في روحها برك
انا صراحة واحد من ناس اللي مؤخرا راني نكره حاجة اسمها اجنبي واجانب يا بن عمي حيوانات تمشي على سطح الارض
والله مهما كان العيب في العرب مي صراحة هذو الاجانب حيوانات وخلااص
المهم الناس اللي حكاو على قسنطينة متاكد مكانش فيهم اللي زار قسنطينة
ومكانش فيهم اللي صاحب قسنطينة عن حق وحقيقة الحمد لله عندي زوج اصدقاء من قسنطينة يقراو معايا
ونعم الناس ونعم الاخلاق والتربية
اما الفتيات نتاعهم اول وحدة خالطتها هي المتحدثة ختنا مريم ومن لايعرف مريم لم يتذوق طعم شوكولا نوتيلا خخخخ
المهم ربي يهنيك وربي يحفظ قسنطينة وناسها سلاام ​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

للاسف درك راح الحال وراني غير بالتيليفون غدوة لا كتب ربي
نكمل نرد على البقية ان شاء الله
شكرااا على مروركم جميعا
وتصبحو على خير
يوم موفق غدا للجميع ان شاء الله
سلام​

 

[باتنية و نص]

رد: قالك نكرهو القسنطينيين وبناتهم بايرات -_-

سلام عليكم
فعلا كاينين اللي يڨزاجيريو خاصة عندنا فالشرق معروفين بالمهر الغالي
لكن شخصيا نشوف انو اهم حاجة هي الدار لتجنب المشاكل وراكي علبالك المعيشة في دار العايلة كيفاش تكون
اما بالنسبة لموضوع التعميم
قبيلت برك كنت عند الدونتيست وكانو النسا يحكيو مع بعضاهم ملا نطقت وحدة قاتلهم يخي مكان حتى شاوية هنا انا بلعاني سكت مبغيتش نقول بلي انا شاوية ...وهي راجلها قبايلي..ملا طاحت على الشاوية بالسبان
وانا منكذبش عليك القسنطينية كرهتني فيهم استاذة قسنطينية مدتلي صورة سيئة عليكم خاصة من ناحية الزوخ
لكن من بعد بدلت رايي بعد معرفت ناس ما شاء الله وانتي وحدة منهم
ومش عندكم فقط ..الباتنية ثاني مكروهين من اغلب الجزائريين (يعني على حسب ما قريت ) يقولك يلعبوها رجلة بزاف ويفتخرو بخشونية الراس
مي كيما قلتي كل منطقة فيها الصالح و الطالح
قادرة تعرفي واحد يكرهك فمنطقة وقادر شخص آخر يحببك فأمة باكملها
في النهاية نبقاو كامل "ابناء الجزائر"
وكلنا اخوة على اختلاف عاداتنا وتقاليدنا
ربي يحفظك اختي
تحياتي

 

[الأزرق الملكي]

رد: قالك نكرهو القسنطينيين وبناتهم بايرات -_-

السلام عليكم

حقيقة إطلاق الأحكام المسبقة ووضعها على العامة هو راجع للمكبوتات النفسية والمشاكل التي يعاني منها الناس

فنجد النقص الذي يعاني منه ذلك الفرد أو التجربة التي خاضها تجعله يفكر بسلبية اتجاه موقف معين فيعمم

تلك النظرة على مكان معين او طائفة ...الخ لأنها ردة فعل مبرمجة جاءت من الظروف التي يعيش فيها.

مثال الذي ذكرتيه بمجرد مشاهدة كلام مرآة تقطن في قسنطينة بدأ البعض بالتهكم على هذه المنطقة

ولو نظرنا الى هؤلاء الأشخاص ستجدهم إما بطالون او رفضوا من بعض البنات أو لم يستطيعوا الزواج بسبب غلاء

التكاليف العرس.. فكان كلامهم سلبي ومتعصب .

توجد امثلة عديدة لو نرجع قليلة لقصة اكرام وكيف أصبح الكثير من الشباب يرمي التهم ويقدف في المحجبات بنقص

الدين ويعمم و في الحقيقة نجد ذلك الشاب الذي يشتم المحجبات أن لديه قصة حب لم تنجح ووجد هذه الحادثة كملاذ

لتفريغ ما بداخله كانتقام منه فيشتم كل المحجبات لان صديقته كانت محجبة .

و حصة التي بثت في قناة النهار عن الجامعيات و هواري مول لومبيلونس فأصبحوا يعممون ماحدث على كافة الجامعات .

لو ابتعدنا قليلا على الصعيد العالمي هناك أمثلة أيضا فعندما يفجر إرهابي نفسه ينظر الكثير من الغربيين إلى المسلمين

على أساس أنهم جميعا مثل ذلك الإنتحاري لأن في داخلهم نقص الأمان والخوف جعلهم يطلقون الأحكام العامة.

نقطة ثانية تجعل الفرد يحكم بصفة عامة هو الجهل بالأمور فمن لا يعرف كيف هو الزواج في مكان معين أو في قسنطينة

يظن انه غالي أو من لا يعرف عن الإسلام يظن أن المسلمين ارهاب وهكذا .

شخصيا شاهدت روبرتاج عن تقاليد الزواج في تلمسان لكنها تبقى تقاليد وهذا لايعني ان الزواج في تلمسان سيكون بتلك

الطريقة لأن الناس تختلف والظروف تختلف مثلما هناك من شرطها ب40 مليون هناك من شرطها ب3 ملايين

وكل واحد يتزوج حسب واش كاين في الجيب .

لب الكلام أن أي إطلاق نظرة عامة هي حالة نفسية نتجت عن حادثة سيئة أو تجربة فاشلة سابقة أو لجهل بالأمر.

تسلمي
​

 

[همس الوُرود]

رد: قالك نكرهو القسنطينيين وبناتهم بايرات -_-

السلام عليكم

بعد ما تحطمت البارح هههه كتبت بزاف وفالأخير تفاصالي راني رجعت اليوم نرد عليك ^^

مرحبا أختي مريم نتمنى تكوني بخير

يا اختي في كل بلاصة كاين الصالح والطالح أنا وحدة عندي صحاباتي من قسنطينة هايلات و من أعز الناس على قلبي ومابيناتنا غير الخير
يعني نعرفهم بنات أصل و محترمات
وكاين بنات من نفس الولاية قسنطينيات و مانتوالمش معاهم نهائيا و منتفاهموش خلاص ميعجبونيش

هكا حتى فميلة و كاين صحاباتي الي يعجبوني ونحبهم وكاين الي مانتفاهمش معاهم يعني هذا أمر عادي

بالنسبة لقصة المهور أنا حسب علمي قسنطينة وميلة كيف كيف فالمهر 14مليون وهذا هو الشرط الوحيد هادي عموما

وكل دار ورايها وثقافتها تاني

وفالأخير كلنا مسلمين من المفروض هذي العنصرية والتعقيد كامل مايكونش .. ^^

سلام غاليتي

 

[ليليا مرام]

رد: قالك نكرهو القسنطينيين وبناتهم بايرات -_-

السلما عليكم مريومة
راكي عارفة جبت جارتي تقرا معايا عيييييت هههه امزح امزح
والله يا اختي شوفي كل ولاية وعاداتها وكل بلاصة وواش يشرطو هوما معروفين بنات الشرق انو يديرو قش الدار بزاف ويحبو الذهب يعني عادات عنابة وتبسة مش كسيما عادات قسنطينة وباتنة وغيرو نفس الشي احنا العاصمة والغرب مش كيفكيف حتى فعادات الاعراس مش كيفكيف الهدرة الزايدة علاه كل واحد يعرف وين يدفن باباه
انا لو حبيت نتزوج وما نشدش مهر على خطيبي شكون يسالني انا راجلي من الشرق وعارفة يحبو القش بزاف مي انا فهمتهم انو انا نتبع عاداتي هو يشري ويدير اذا حب انا عادتنا ندو الجهاز لكن ما ندوش مثلا صالون او فرجيدار او تلفاز وغيرو لالا ندي جهاز عادي وليد خالي جابها من قسنطينة وشهادة الحق دفع 10 ملاين وخاتم نتاع الخطوبة وهو من نفسو شرالها سنسلة يوم الفيونساي هذا وبرك والحق لما جاو اهلها جابو جهازها قاتلو ما دير والو الشمبرة برك دارو وحدو شرا الشمبرة واكيد يماه وخوتاو جهزوها وحضروها مي لما جاو اهلها كل شي جابوه من نهارو دارو معمرة حتى الكليماتيزور جابتو هذي هي حبت تبارك الل كاميو صغير معمر حنا دهشنا كل شي جابتو من نفسها هو ما شرط وما طلب منها تجيب وهي ما شرطتلوش
هنا عندنا ثاني كل واحد وامكانياتو فبالي هذيك زواخة صح نتوما زيادة علينا شوي مي مش لدرجة اللي قالتها
تبسة يطلبو المقياس والمقياس غالي مي كاين وين لالا المهم يكونو متفاهمين
الشين والزين فكل ولاية راهي فدار وحدة وتلقاي الخاوة واحد مليح وواحد لالا وخرجو من بطن وحدة يعني ما تعيي روحك ما والو بهدرة الناس
الله يهدي الناس تتقدم واحنا نتخلف تقولي وز نمشو ماشريار

 

[الامين محمد]

رد: قالك نكرهو القسنطينيين وبناتهم بايرات -_-

أهلا أختي الصغيييرة مريــــــــــــــــومة
هذا اللي يحكي على الناس باسم الناس واش يكون
أكيد مريض نفسيا لازم يروح يرقي او يعالج

أختي كل بلاد و فيها الزين و الشين
و اذا كان هناك شاذ فالشاذ لا يقاس عليه بالمطلق

اما عن قسنطينة
فرايح نقول وراء كل رجل عظيم امرأة
فهنيئا لكل قسنطسينية و يكفيها فخرا انها
أم او اخت او خالة او عمة او قريبة أو جـارة
لــــــــــ بن باديس
و مالك بن نبي
و يوسف يوغابة
أحمد باي
صالح باي
سيدي نمديل
مالك حداد
أحمد رضا حوحو
رابح بيطاط
زيغود يوسف
كاتب ياسين
عبد الحميد أبركان: رئيس المنظمة العالمية للصحة (1996– 1998م)،
عبد الحميد مهري
زهور ونيسي
محمد الطاهر الفرقاني
عبد الله حمادي

يكفيكم فخرا بهؤلاء
و يكفي أصهاركم فخرا أن يكون هؤلاء أخوالا لأبنائهم

أكيد ما لم يصل العنب يقول عنه حامض
​

 

[أم أُنٌَيسة]

رد: قالك نكرهو القسنطينيين وبناتهم بايرات -_-

السلام عليكم و رحمة الله و بركاته
ان شاء الله تكوني بالف خير يارب
ربي يهدي من خلقه يارب

لم يزل خلق الله منذ النشأة الأولى مختلفين فيما بينهم أعراقا وقبائل وإثنيات؛ ومن ثم نزعات وتوجهات وأفكارا، وقد نبهت نصوص الوحي المحفوظ إلى سرمدية هذا الاختلاف وأنه من السنن الكونية التي غرسها الله في نفوس ساكنة هذه الدار الدنيا؛ فهم لن يزالوا مختلفين حتى ينتقلوا إلى دار الفصل والجزاء؛ قال تعالى: {وَلَوْ شَاءَ رَبُّكَ لَجَعَلَ النَّاسَ أُمَّةً وَاحِدَةً وَلَا يَزَالُونَ مُخْتَلِفِينَ إِلَّا مَنْ رَحِمَ رَبُّكَ وَلِذَلِكَ خَلَقَهُمْ} [هود: 118، 119]، إذا فالخلق وجميع أمم العالم لن تتوحد أفكارهم مهما بذلنا السبيل لذلك لأن الإرادة الإلهية لم تشأ ذلك بل جعلت الخلق ممتدين في هذه الدار على سماطين ومتفرقين على نجدين طريق للخير وأخرى للشر، وستقوم الساعة عندما يتمحض الشر في الدنيا ولا يبقى فيها إلا شرار الناس يتهارجون تهارج الحُمُر كما دلت على ذلك نصوص السنة النبوية المطهرة .

لكن مع ذلك فالخلق على اختلاف مشاربهم مضطرون إلى التعامل مع بعضهم البعض ومحتاجون إلى إعانة بعضهم بعضا، ليَلْتئم قِوام العالَم، لأجل ذلك كان لا بد من دساتير عامة تحكم التعاملات بين الناس جميعا مسلمهم وكافرهم فاسقهم ومهتديهم وإذا ما تلمسنا منهج الإسلام في ضبط التعاملات التي تتعلق بالآخر - مهما كان حجم الاختلاف معه - فسنجد أنها كانت إرشادات حكيمة في غاية النبل والرقي؛ تكبح الجماح عن التسلط والاستبداد على حرمات الغير أو الإساءة إلى معتقداتهم وإن لم تكن مقدسة في المنظور الإسلامي، كل ذلك جاء مسطورا في نصوص محكمة من الوحيين الكتاب والسنة؛ نستعرض في الأسطر التالية قراءة تحليلية لنماذج من هذه النصوص التي ترسم حدود المعالجة الإسلامية لنزوة الاعتداء والإساءة إلى الآخرين المكبوتة في نزعات النفس البشرية:

قال الله تعالى: {وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ} [الأنعام: 108] .
تضمنت هذه الآية الكريمة نهي للمسلمين عن سبّ معبودات المشركين وعقائدهم، وتنبيه إلى أن هذا قد يحملهم على المقابلة فيسبون الله تعالى بغيا وجهلا واندفاعا في العصبية والحمية الجاهلية، وتقرير بأن الله تعالى قد جبل الناس على طبيعة استحسان ما يعملون أو أن من مقتضى النظام الذي أقام الله عليه الاجتماع البشري أن يستحسن الناس ما يعملون، وأن مرد الجميع إليه حيث ينبئهم بما عملوا ويوفيهم عليه بما استحقوا.
وهنا مبدأ آخر – بعد مبدأ عدم جواز سب عقيدة الآخر – يعتبر من مبادئ الاجتماع الإنساني وهو أن الله قد زين لكل جماعة اجتمعت على حق أو باطل عملهم من خير أو شر ومن ثم فإنهم حساسون تجاه المساس بمقدساتهم أو تحقيرها فليس من الحكمة مهاجمتها أو الإساءة إليها وإنما المجادلة بالتي هي أحسن .

وهذا المبدأ السامي الذي تنوه به هذه الآية الكريمة من الواضح أنه يستهدف تحقيق غايات عدة منها:
 - صيانة جناب الذات الإلهية ومقدسات الإسلام عن أن تطالها ألسنة السفهاء جهلا منهم بعظيم حرمتها .
- سد الوسائل والسبل التي قد تؤدي إلى فتح باب السفاهة والمشاتمة لأن المبدأ القرآني صريح في دفع خطاب الجهالة من لدن السفهاء بالإعراض والإغضاء والسلام .
- اكتساب احترام الآخرين وعدم تنفيرهم عن قبول الدين أو إدخال الغيظ والغضب في قلوبهم لأن الغاية الأسمى لدعوة الإسلام تتمثل في استخلاص الناس من حبالة الشيطان وإنقاذهم من الضلالة إلى الهدى ومن الغي إلى الرشاد لا إيغار صدورهم وإثارة نعراتهم .

الإساءة إلى الآخرين والسب والشتم لا تترتب عليها مصلحة دنيوية ولا دينية لأن المقصود من الدعوة هو الاستدلال على إبطال الباطل وفساد حججه، فذلك هو الذي يتميز به الحق عن الباطل، وينهض به المحق ولا يستطيعه المبطل، فأما السب فإنه مقدور للمحق وللمبطل فيظهر بمظهر التساوي بينهما، بل ربما استطاع المبطل بوقاحته وفحشه ما لا يستطيعه المحق فيلوح للناس أنه تغلب على المحق.
وليست هذه الآية التي ذكرنا وحيدة في مجال إثبات هذا المبدإ الإسلامي النبيل فقد روى ابن عمرو رضي الله عنهما عن النبي صلى الله عليه وسلم أنه قال: " إن من أكبر الكبائر أن يلعن الرجل والديه، قيل يا رسول الله: كيف ذلك؟ قال: يلعن أبا الرجل فيلعن أباه ويلعن أمه فيلعن أمه "، أخرجه: أحمد (2/216، رقم 7029)، والبخاري (5/2228، رقم 5628) .

من كل ذلك نستنتج أن نصوص الوحي جعلت المتسبب في الفعل فاعلا، وغير المحترز من تبعات ردة أفعاله فاعلا، وأحاطت معتقدات ومقدسات الآخرين بسياج متين من الحرمة فلم تسمح بسبها بمبرر فسادها أو ضلالها – رغم أنها كذلك في ما نعتقد - أو حتى بمبرر الدعوة إلى الله، وفي هذا قدر كبير من الجلال والروعة التأديبية التي تهدف إلى إبعاد المسلم عن الفحش والبذاءة وإثارة الغير وجرح عاطفته الدينية مهما كانت، كذلك يمكننا أن نلمح أن المعالجة الإسلامية لهذه الركيزة الأساسية من ركائز الاجتماع الإنساني كانت متميزة فلم تقع في وحل الازدواجية الذي وقعت فيه الدعوات الحقوقية المعاصرة التي سمحت بالإساءة لمعتقدات بعض المخالفين بحجة أن ذلك من قبيل حرية الرأي التي لا تحدها حدود، ومنعته في حق البعض الآخر بحجة أن فيه معاداة للسامية وتغذية لمشاعر الكراهية والعنف .
على أنه لا بد هنا من التنبيه إلى أنه ليس من السب ولا يعتبر من الإساءة النسبة إلى خطأ في الرأي أو العمل، وليس منه إبطال ما يخالف الإسلام من عقائد ونسبتها إلى الضلال في مقام المجادلة ولكن السب أن نباشرهم في غير مقام المناظرة بذلك .
المصدر : اسلام ويب

موضوع مميز غاليتي و شحال مرة نتذابز مع صحباتي بسبتو
بارك الله فيكي وجزاكي كل خير
تحياتي احترامي وتقديري
في امان الله
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

السلام عليكم
ههه
يا فاقو .ههه...............الخيوة gاع يقولو الهنا .

..هههه...بصح ماهمش عارفين وش معنى كلمة الهنا ....هي الدار و الخدمة و الخرجة في كل وقت
هههه
المهم ..صراحة غلاء المهور هذا و الله راه تقريبا في كل بقعة من التراب الجزائري .....
و لكن ما نجمعوش ..كاين ناس و ما اقلهم لي يشرطو الهنا بمعناه الحقيقي ..............هه
المهم ..الله يهدي و خلاص ..........
الشباب يحوس على خدمة
و
رؤاسء العمل يحوسو على نساء يخدمو
و
النساء يحوسو على شباب يخدم

هههه
هذي المعادلة ....اقليدس ما يحلهاش
هههه
شكرا ليك يا اخت على الموضوع المثير للجدل
هههه​

وعليكم السلام ورحمة الله وبركاته
هههههه اهلا بيك خويا صلاح ضحكتني صراحة خاصة الصورة هاديك ههه
يسمى الشاب مسكين بين المطرقة والسندان يتعدب ههه ربي يكون في عونو المغبون
نوليو للموضوع
بالفعل كيما كنت نقول الهنا عند بعض الاشخاص هو فيلا وسيارة ورحلات للترك ولكوريا
ماش ابتسامة بين اتنين واحترام وحياة بسيطة لكن على طاعة الله ويبات فيها كل طرف مهني البال
المهم ظاهرة المهور ظاهرة كن نتكلمو فيها نجيبو سنين وحنا نهدرو ومانخلصوش لأنو فيها تناقضات كبيرة
وكيما قلتها غلاء المهور وغيرها من الظواهر منتشرة في كل بلاصة من الجزائر ومشا كلمة من شخص
ترجع على امة كاملة لأنو كل شخص يتحاسب على اعمالو وماش امة كاملة تتحاسب على شخص واحد
ربي يهديهم برك هادا مانقولو
شكرا خويا صلاح على كرم المرور ربي يهنيك
تحياتي


​

 

[Salah eddin]

رد: قالك نكرهو القسنطينيين وبناتهم بايرات -_-

وعليكم السلام ورحمة الله وبركاته
هههههه اهلا بيك خويا صلاح ضحكتني صراحة خاصة الصورة هاديك ههه
يسمى الشاب مسكين بين المطرقة والسندان يتعدب ههه ربي يكون في عونو المغبون
نوليو للموضوع
بالفعل كيما كنت نقول الهنا عند بعض الاشخاص هو فيلا وسيارة ورحلات للترك ولكوريا
ماش ابتسامة بين اتنين واحترام وحياة بسيطة لكن على طاعة الله ويبات فيها كل طرف مهني البال
المهم ظاهرة المهور ظاهرة كن نتكلمو فيها نجيبو سنين وحنا نهدرو ومانخلصوش لأنو فيها تناقضات كبيرة
وكيما قلتها غلاء المهور وغيرها من الظواهر منتشرة في كل بلاصة من الجزائر ومشا كلمة من شخص
ترجع على امة كاملة لأنو كل شخص يتحاسب على اعمالو وماش امة كاملة تتحاسب على شخص واحد
ربي يهديهم برك هادا مانقولو
شكرا خويا صلاح على كرم المرور ربي يهنيك
تحياتي


​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

الجماعة كامل هنااااا صحيتي مرومة جبتيهم
امسية سعيدة


حالياً الأعضاء النشيطين الذين يشاهدون هذا الموضوع: 13 (7 عضو و 6 ضيف)
‏كارلا, ‏ЯέКîά Яồมkà, ‏لؤلؤة قسنطينة+, ‏habchisalaheddin, ‏Malika Tlm, ‏Mustapha Bita, ‏صآحبة القبعة الحمرآء​

هههههه المتفرجين بزاااف
مرحبا مرحبا بيكم نورتونا بمروركم
ابتسموا باه نحكمو صورة للذكرة :d
​

حالياً الأعضاء النشيطين الذين يشاهدون هذا الموضوع: 13 (8 عضو و 5 ضيف)
‏صآحبة القبعة الحمرآء, ‏ЯέКîά Яồมkà, ‏لؤلؤة قسنطينة, ‏لاريمان, ‏habchisalaheddin, ‏Malika Tlm, ‏Mustapha Bita, ‏كارلا

هيا نزيدو نحكمو صورة خلاف للذكرة نديروها في ألبوم اللمة
تشييييز :d
​

أبنتي أو عندك المعرفة هنايا خخخ ... اممم واش نقولك النقطة هذي مهمة بزاف وهذي الغلطة بزاف ناس يوفعو فيها تاع يجمعو الناس ويغلط واحد من عايلة يحكمو على كامل العايلة بلي كيفو وهكذا كل مرة من عينة يضمو عينة أكبر ... ربي وقال لا تزر وازرة وزر أخرى مي احنا المجتمع يتحمل وزر غلطة غلطها انسان واحد حتى يحكمو ع المجتمع تاعو ... كي حكاية جزايري يخرج برا الجزاير ويتصرف تصرف غلط يقولو الجزايريين مش متربيين ... ربي يهدينا ... مغسي ع الموضوع .

اهلا بيك اختي نورتيني بمرورك العطر
هههههه مرحبا بكامل الضيوف والاعضاء الدار داركم
والله صح الأمر هادا ماينطبقش غير على بين المدن
حتى بين العايلات وبين البلدان، الناس تحكم على أمة من خلال فرد واحد
ونساو انو اي انسان راهو يمثل نفسو ويمثل اخلاقو وتربيتو ولي يغلط راهو يدخل قبرو وحدو مايديش معاه امة
لكن لمن نقولو هاد الهدرة؟؟ المشكل الانسان يهدر على غيرو كتر من لي يهدر مع غيرو
ربي يهدينا كيما قلتي ويغفرلنا
شكرا حبيبتي على كرم المرور وعلى رأيك القيم
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

وعليكم السلام
شكون لي حكى على بنات الشرق نحيلو عينيه

راهم عادو يشركو علينا فامهم بزاف

كيما يقولو علينا 100 جنية ولاقالمية !!
جنية تسكنهم ان شاءالله

باش يحكمو على بنات قسنطينة كامل هك لالا
لانو كاين وكاين
هاذي لي حكات هك زيها تحلم ههههه بالشروط التعجيزية تاعها
انا شرطي كان 9 ملايين وحاجة ذهب وخاتم عقد وشوفة وانتهى
والحمد لله باقيها والديا داروه من عندهم ربي يحفظهم ومحبوش يمشيو بحاجة اسمها تضخيم وعادات وتقاليد

اهلا بيك اختي ام ياسمين نورتيني بمرورك العطر
ههههه معا لاقتلاع عيون كل من يتكلم عن شرق الجزائر ههههه
غير نضحك الجزائر كاملة مانحبش عليها
هههههه عجبتني تاع جنية تسكنكم، والله هادي هي غلطة المجتمع ماتديش القالمية فيها هكا
وماتديش القسنطينية فيها هكا وماتديش الوهرانية فيها هكا كلي كل مدينة تتمثل بشخص واحد
اذا الدار الوحدة تلقى فيها اخوة مختلفين في التفكير وفي كلشي فمابالك بأمة
وكيما قلتي مهرك خير دليل باه مايقولوش مثلا القالميات يغليو ولا في المهور
لأنو كل شخص وواش يحب وكل شخص وتفكيرو
ربي يهديهم برك ويهدينا
شكرا اختي ام ياسمين على كرم المرور ربي يهنيك
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

لـــــــــــــي عـــــــــــــــــودة
السكر راه تحت للغرام قلبي راه خارج
​

ربي يشفيك ان شاء الله اخي ويعافيك
وتكون مع دخول السنة الجديدة بصحة وعافية ويكون فرح عليك ان شاء الله
​

أهلا أختي الصغيييرة مريــــــــــــــــومة
هذا اللي يحكي على الناس باسم الناس واش يكون
أكيد مريض نفسيا لازم يروح يرقي او يعالج

أختي كل بلاد و فيها الزين و الشين
و اذا كان هناك شاذ فالشاذ لا يقاس عليه بالمطلق

اما عن قسنطينة
فرايح نقول وراء كل رجل عظيم امرأة
فهنيئا لكل قسنطسينية و يكفيها فخرا انها
أم او اخت او خالة او عمة او قريبة أو جـارة
لــــــــــ بن باديس
و مالك بن نبي
و يوسف يوغابة
أحمد باي
صالح باي
سيدي نمديل
مالك حداد
أحمد رضا حوحو
رابح بيطاط
زيغود يوسف
كاتب ياسين
عبد الحميد أبركان: رئيس المنظمة العالمية للصحة (1996– 1998م)،
عبد الحميد مهري
زهور ونيسي
محمد الطاهر الفرقاني
عبد الله حمادي

يكفيكم فخرا بهؤلاء
و يكفي أصهاركم فخرا أن يكون هؤلاء أخوالا لأبنائهم

أكيد ما لم يصل العنب يقول عنه حامض
​

واهلا وسهلا بيك خويا منور الموضوع
والله يا اخي ماش غير مراض نفسيا خاطر لي يسب امة بسبب شخص ماراهوش نورمال
وكيما قلتها البلاد فيها المليح وفيها المعوج
واصابع اليد الواحدة ماش كيف كيف
لكن للاسف واش تقول للناس؟ ربي يهديهم برك
ربي يحفظك خويا هادو قبل ما يكونو ابناء قسنطينة راهم ابناء الجزائر ككل
ورانا اخوة ومن بلد واحد ومانحبش يكونو مثل هاد الخلافات بين مدن بلادي وبين ولاد بلادي
ربي يهديهم ان شاء الله
شكرا خويا على كرم المرور ربي يشفيك ويهنيك ان شاء الله
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

آااااه كتبت جرناان وفالأخير راح كلش تفااصالي!!!!

ههههههه مالفة تصرالي وصعبة جدا شعور لا يمكن وصفه هههه
​

السلام عليكم

وعليكم السلام ورحمة الله وبركاته
اهلا عبورة نورتيني بمرورك العطر
​

بعد ما تحطمت البارح هههه كتبت بزاف وفالأخير تفاصالي راني رجعت اليوم نرد عليك ^^

مرحبا أختي مريم نتمنى تكوني بخير

مرحبا بيك الزينة تاعي الدار دارك
وشكرا جزيلا على العودة مجددا للموضوع بالرغم من انو تفاصالك الرد
بارك الله فيك عزيزتي
​

يا اختي في كل بلاصة كاين الصالح والطالح أنا وحدة عندي صحاباتي من قسنطينة هايلات و من أعز الناس على قلبي ومابيناتنا غير الخير
يعني نعرفهم بنات أصل و محترمات
وكاين بنات من نفس الولاية قسنطينيات و مانتوالمش معاهم نهائيا و منتفاهموش خلاص ميعجبونيش

بالفعل حبيبتي قسنطينة هازة المليح والحاير .. والناس تختلف من منطقة لمنطقة ومن شخص لآخر
انا مانقلوش ناس قسنطينة كامل مخيرين وماش كامل فاسدين
وكي تحب تحكم على عبد احكم عليه من اخلاقو هو ماش من طبايع غيرو
​

هكا حتى فميلة و كاين صحاباتي الي يعجبوني ونحبهم وكاين الي مانتفاهمش معاهم يعني هذا أمر عادي

بالنسبة لقصة المهور أنا حسب علمي قسنطينة وميلة كيف كيف فالمهر 14مليون وهذا هو الشرط الوحيد هادي عموما

وكل دار ورايها وثقافتها تاني

يعطيك الصحة عبورة على الكلام هادا
كل دار وثقافتها وكل شخص واش يفضل
قادر تلقاي جيران ولا نفس العائلة وحايد يمدو بناتهم بمهور مناسبة ولخرين يغليو في المهر
وهادي هي الدنيا فيها الاختلاف
​

وفالأخير كلنا مسلمين من المفروض هذي العنصرية والتعقيد كامل مايكونش .. ^^

سلام غاليتي

اكيد حبيبتي اخلاقنا كمسلمين ماتسمحلناش نسبو مئات الاشخاص بسبب شخص واحد
واش نقولو ربي يهديهم برك
شكرا عبورتي على كرم المرور ربي يحفظك غاليتي ويحميك
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

السلام عليك
هذي بغات تلعبلكم بالمستقبل هههه
كاين ولاية وحدة وتلقي العادات والتقاليد مختلفة
واش من فايدة كباش وقنادر و حلويات وبعدها طلاق
العبد يتمنى من ربي برك يهنيه ويعيه ذرية صالحة

وعليكم السلام ورحمة الله وبركاته
اهلا بيك حبيبتي نورتيني بمرروك العطر
ههههه راكي تشوفي هربتلنا العرسان كامل :p
يعطيك الصحة ختي كل ولاية وعادتها وهادي ماش حتى عادة ولاية هادي راهي هدرة
انسانة واحدة اسقطوها على مدينة كاملة
وكيما كاين لي تحب المال والمظاهر كاينة لي تحوس على الهنا والسترة
ربي يهديهم برك هادا واش نقولو
شكرا حبيبتي على كرم المرور ربي يحميك
تحياتي
​

 

[لؤلؤة قسنطينة]

رد: قالك نكرهو القسنطينيين وبناتهم بايرات -_-

السلام عليكي
واش راكي حنونة
والله هديا باينة ماش قسنطينية
وانت عارفة الناس وحدة كي تغلط يخلطو الكامل
مي الله يهديها
علا خاطرش باينة هي من عالم المريخ ولا عايشة كاش فيلم في راسها
باسكو كيما قولتي بنات قسنطينة الاصيلات
رانا عارفين قداش الشرط
باينة راهي من كاش كوكب خارج الجزائر
على حسابي
مي واش رايحة ديري
الله يهديها
وكيما قولتي مريومة
كلنا اخوة وبنات قسنطينة بنات الاصالة
يعطيك الصحة حنونة
​

وعليكم السلام ورحمة الله وبركاته
اهلا ملوكتي نورتيني بمرورك العطر
كيما قلتي عزيزتي هادي بيها الفوخ والزوخ برك
وعاميتها المادة ربي يهديها برك
وراهي تمثل نفسها على كل حال وتمثل الفئة لي تبع المادة
يعني ماتمثلش المدينة كيما راهي الناس تظن
وكيما قلتيها الله يهديها ويهديهم كامل ويهدينا
شكرا ملوكتي على مرورك ربي يحفظك ويهنيك غاليتي
تحياتي
​

 

[♫حيَاةٌ اُنثىّ]

رد: قالك نكرهو القسنطينيين وبناتهم بايرات -_-

السلام عليكم اختي وكل الاخوة
خلاص ديسيديت نجي نخطبك وشرطي خمسين دار وزوج سيارات ههههه راني نقصرو
يعني انا معنديش علاقة بناسى قسنطينة ماعندي عائلة ثما ماعندي والو بصح والله مانجاملك ولا نزيد عليها راكي ممثلا ناس قسنطينة احسن تمثيل وانا والله غير حبيتهم منك يعني هذي المرا عطات صورة سلبية للفحلات تع قسنطينةقسنطينة اما نتي راكي عطيتي صورة هايلة عليهم وفي كل مكان تلقاي انسان مليح وانسان ماشي مليح
شكرا ختي الشابة هه نتمنالك الخير