إجتماع طارئ ~ شكون حنا

[لاريمان]

راك روطار خويا
انا طرحت السؤال قبلك
اناامازيغية العرق عربية اللسان والاسلام ديني

 

[ضيوف وسـنغادر]

السلام عليكم ورحمة الله تعالى وبركاته
حالكم بخير ان شآء الله
موضوع مميز كالعآدة ماشآء الله تبآرك الله
#شكون أحنآ؟
=>ضيوفٌ في هذه الحيآة سنغآدر<=
فالنجمع ما يكفي زآدآ لرحيل لآ نعلم موعده#​

 

[Malika Tlm]

السلام عليكم
يعطيك الخير والله ضحكتني
حاب تعرف شكون حنا اوك
حنا امة محمد صلي الله عليه وسلم
حنا بلد المليون ونصف مليون شهيد
حنا لي متحابين ومتوحدين في المحن
حنا هوما حنا الشعب لي يحب بلادوا
حنا لي الكريتيك عندنا والمخ خاوي
حنا حنا حنا حنا
ربي يخلينا هكدا متاحدين خاوا
تعيش مالك

 

[Skor m@k]

ههههههه
حنا هوما سيلان ( سيرلانكا)
قد تكون زيمبابوي افضل مليون مره من سيلان ..
ماهي الدنيا درجات " ورفعنا بعضكم على بعض درجات "

جميل بوحك .. شكرا .

السلام عليكم
ههههه بصح واش دخل سيريلانكا ههههه
مالا حنا زيمبابوي هههه
الشكر لك خويا

 

[Skor m@k]

السلام عليكم و رحمه الله تعالى وبركاته
طرح جميل وممتع للاحداث استمتعت حقا

ضرك نقولك شكون حنا
استنى دقيقة



على حساب داروين عالم في التطور البشري راه يقول
كنا بكتيريا والبكتيريا تطورت ،،
،ودارت عينين ومن بعد تطورت
ولا عندها زعانف
ولات حوتة
والحوتة خرجت من الما وولات برمائية. والبرمائية تطورت بين ليلة وضحاها ولات قرد والقرد لبس قشو ولا حنا
شفت وين رانا حنا في ذيل القائمة
يعني على حسابو حنا بكتيريا

الله لا تربحو بكتيريا؟
نشوف حوتة نقولها جدة ولا خالتي

كون نشوفو ليه كاين من القرود اللي رايح يولي كيما حنا
خويا نخليك تكتشف وشكون حنا ،بالتوفيق
استمتعت حقا
حلم كبير

السلام عليكم
ههههه أنت ديتنا لعهد الديناصورات ههههه
داروين مهبول حب يقول بلي حنا قرودة
سلال قال حنا فقاقير يكفينا فخرا هذا هههه
وزاد قال بكتيريا ههههه
مزيا مازدتش جبت القدافي الله يرحمه كي قال جرذان ههههه

سور مانعرفش شكون حنا هههه
يعطيك الصحة خوو

 

[Skor m@k]

السلام عليكم
استنى نضحك هههههههههههههههههههههههههههههههههههههههههههههههههههههه سمحلي الصوت مكانش نزيدلك الصورة
شكوون حنا ههخخه حنا الفقاقير هههههه
حنا شكوون شكون حنا مي بحث تاعك ناقص كيفاه نجاوبوك
موضووع هاايل واصل

وعليكم السلام
ههههه واقيل جبتيها انت ختي كيما قال عمو سلال
حنا هوما الفقاقير هههه
صح ناقص بزاف البحث الله غالب
تلفتلي شكون نسقسي ههههه
جيت لعندكم تقولولي شكون حنا
شكرا لك ختي

 

[Skor m@k]

اشكون احنا
احناالشعب و الشعب فقط نتخاصمه .ومنتفاهموش مع بعضنا البعض ومنحسوش ببعضنا ونتخيلوا بلي رانا نكره بعضنا بصح.في وقت الشدة احناكلنا شخص واح طبعا دائما نفول احنا الشعب ،عندتا هوية و هي العروبة والقبائلي والشاوي و المزابي والتاقي و النايلي وغيره كلهم ابناء الجزائر .
احنا اللنتوحدوا في الازمات ،في باب الواد ،زلزال الشلف ،في الوقوف مع الفريق الوطني
يعني احنا هما احنا اولاد الجزائر الغالية والصحراء الباهية كما قال رابح درياسة

ههههه جبتيها كي تاع درياسة
يحيا أولاد بلادي و يحيا وبنات بلادي و شنانا فل حساد
أحنا أولاد الجزائر خاوا في كل بلاد
تقولي مانعرفهاش اوووو باللحن تانيت ههههه
صح حنا هوما ولاد الجزائر ومنا ماتكون بلاد
ختي ميلينا قريب جيبيها شكون حنا هههه
زيدي حوسي شويا بلاك تلقاي شكون حنا

 

[Skor m@k]

شكون حتا
حنا في وقت نكونوا وجدين
حنا في وقت الحاجة وقفين
حنا أمة لا تعرف الخوف حتى لو كان بنتنا خلاف بصح في وقت الحاجة متحدين
حنا أمة النبي صل الله عليه وسلام

بصح حتى حنا لي نسبو ربي ليل ونهار
حنا لي الأغاني حافظينها والقرآن نسيناه
حنا لي السطاد عمرناه والجوامع فارغين
بصح حنا مهما يكون الإسلام هو دينا

 

[Skor m@k]

السلام عليكم
خير عليكم
وش الحالة ؟
يا خويا مالك ....تحوس تعرف شكون حنا
..ههه...
اقعد حوس ..
المهم ...صح ..انا نحوس روراوة يروح
هكذاك باه تهبط سومة البنان و الشباب يلقى خدمة و الزواج يسهال و ناس الباك يديرولهم العتبة و تتحل كل مشاكل البلاد
ههه
و كأن روراوة هو المشكل لي خلى البلاد تولي للوراء
الله غالب
هذو... حنا
ههه
شكرا
​

السلام عليكم
هههههه يا خويا صلاح قريب جبتها
حنا لي نهار يروح روراوة نتهناو
حنا لي كي يخطينا نخرجو نديفيليو هههه
حنا لي روراوة لي عاد يتحكم فالسكر تاعنا وحصلو في ربراب هههه
يعطيك الصحة خيي​

 

[Skor m@k]

هههههههههههه توب والله يا مالك خويا ضحكتني
شا نقولك حنا ههوما لي ماناش عارفين شكون حنا
وحنا لي نقبلو نزعقو ع بعض مي واحد ماشي جزائري ويهدر فينا يا ويله
شكرا مالك موفق ^^

السلام عليكم
مليحة تاع حنا مناش عارفين شكون حنا هههههه
حنا واقيل فقاقير كيما قال عمو سلال ههههه
هذي صح نعايرو البلاد مي كي يهدر المصري علينا ناكلوه ههههه
حنا لي يخلط فينا نضربوه هههه
شكرا لك ختي قمرونة

 

[Skor m@k]

حنا اللي عندنا البالون مسألة حياة او موت
حنا اللي تسرقوا نص اطفالنا و ما تقلقناش عليهم كيما تقلقنا على الكان
حنا اللي تعلمنا الريع رقد و كول و اخلص و تكلم
حنا ادمغة في الهدرة برد في الخدمة ويييييو
حنا اللي نحبوا فلسطين غير بالهدرة برد
حنا نكرهو فرانسا و نموتوا في الحرقة ليها
حنا اللي معمرين الفيسبوك بالدسارة
حنا اللي نعمروا المقاهي و المكتبات نكرهوها

حنا الهدااااااااااااااااااااااااااااااااااااااارة بلا حضااااااااااااااااااااااارة

هههههه في هذي عندك الحق خويا محمد
بصح هوما لي خلاونا نخممو هكذا
هوما لي حبو ينسونا فالتقشف
هوما لي روراوة ولا هو بابانا
هوما لي هبطونا الإقتصاد باش خلاونا هكذا
ياو هوما ماشي حنا هههه
شكرا لك خيي

 

[Skor m@k]

نعطيك شكون حنا في كلمتين ..
حنا لي في أغلبنا شايع فينا (حب التخاذل)
و هاذاك هو سباب العفس منذ آلاف السنين .. هاذيك الخصلة هي سباب هلاكنا من غابر الأزمان​

بصح شكون خلانا نكونو هكذا
يا و هوما ليخلاونا هكذا
حقرونا صديقي ايه حقرونا أنا من دزاير صديقي
حطونا الموس فالرقبة ونهبو أرضنا وثرواتنا صديقي
هوما لي مرمدونا وخلاونا نتمناو نعيشو بحقوقنا برك صديقي
أك فاهم خوو ​

 

[Skor m@k]

هههههههه قتلتني يا ولد الناس بالضحك
و الله غير البارح كنت نخمم فيها
كنت رايحة ندير موضوع هنا
برك كنت نستنى تستوي الطبخة
يا سيدي سبقتني كي العادة القط ياكل عشاي ههههه
نرجعوا لموضوعك شكون حنا..... من نحن
سؤال عندو مية جواااب بصح ما نعرف حتى واحد فيهم
مازلت في مخبري الصغير ندير في ابحاثي
جاااري البحث عن شكون حنا
على مقولة سي محرز اخاوتشي واش نقولكم
حنا العزم و معلاباليش واااش موراها نسيتها
لي عودة سير بعد ما نلقاها شكون انا و شكون انت و شكون انتم و شكون هوما
و شكون حنا ​

أهلا بالمدريدية بنت لبلاد ياه ياه هههه
عبقرينو تاعنا للمرة الثانية أو الثالثة لي نفوتها بالمواضيع ههههه
زعما نقول ختيتي شاطرة بصح أنا خفيف عليك وذكي شويا عليك
خموس عليا هههه ماتعاينينيش هههه
واش يا عبقارينو كنت نستنا قلت أنت لي تلقاينا الحل
وفي الأخير جيتي بحناكك ممبعد شكون أنت معلبالكش هههههه
ألقاينا أزربي شكون حنا ياو هههه​

 

[Skor m@k]

السلام عليكم ورحمة الله تعالى وبركاته
حالكم بخير ان شآء الله
موضوع مميز كالعآدة ماشآء الله تبآرك الله
#شكون أحنآ؟
=>ضيوفٌ في هذه الحيآة سنغآدر<=
فالنجمع ما يكفي زآدآ لرحيل لآ نعلم موعده#​

وعليكم السلام
والله يا ختي أنت أسمك هو الصواب
رانا هنا ممبعد مكاش طار لحمام
كل واحد يشوف مخروجو من هذي الدنيا
إن شاء الله ربي يهدينا أجمعين
شكرا لك ختي​

 

[Skor m@k]

السلام عليكم
يعطيك الخير والله ضحكتني
حاب تعرف شكون حنا اوك
حنا امة محمد صلي الله عليه وسلم
حنا بلد المليون ونصف مليون شهيد
حنا لي متحابين ومتوحدين في المحن
حنا هوما حنا الشعب لي يحب بلادوا
حنا لي الكريتيك عندنا والمخ خاوي
حنا حنا حنا حنا
ربي يخلينا هكدا متاحدين خاوا
تعيش مالك

وعليكم السلام
ههههه عجبتني تاع لكريتيك والمخ خاوي هههه
حنا لي الدزاير نكرهوها بصح نحبوها هههه
حنا لي مهبولين ونضحكو على روحنا
حنا لي عايشين بصح معلباناش علاه
بصح حنا لي يخلط فينا باصة هههه
ربي يحفظك ختي مليكوس على وزن دحمانوس هههه

 

[Skor m@k]

راك روطار خويا
انا طرحت السؤال قبلك
اناامازيغية العرق عربية اللسان والاسلام ديني

ههههههه الله غالب نسهرو بزاف عليها ديما روطار
واقيل وعلى ما أعتقد جبتيها
شكرا لك ختي

 

[لاريمان]

ههههههه الله غالب نسهرو بزاف عليها ديما روطار
واقيل وعلى ما أعتقد جبتيها
شكرا لك ختي

ظننت للوهلة انك تجاهلت ردي ياسيد سكور
بامزية جاوبت كنت رايحة نعمل فيديو ونحرشهم عليك
وننتافضو للحقرةههههه ولاتنا عادة شكرا وربي يعينك

 

[Skor m@k]

ظننت للوهلة انك تجاهلت ردي ياسيد سكور
بامزية جاوبت كنت رايحة نعمل فيديو ونحرشهم عليك
وننتافضو للحقرةههههه ولاتنا عادة شكرا وربي يعينك

ههههه لالا مانسيتكش
خاطرش كي كنت ندير فالردود ماخرجليش فالصفحة الولى
حتى عاودت حدثت الصفحة باش خرجلي ردك
أواه انا نعاود نفيريفي مليح باش ماننساش حتى واحد هههههه
آه ياخي تحرشيهم عليا هكذا سافيك هههه

 

[نعمات]

لالا الدنيا مزلها بخير وكاين الرجال والنسا في هدى البلد ولدها صح فيها شوي اختلافات بصح حنا خوة في الدنيا. والجومع مازالها بالعبادها يحفظ القران وليغني ربي يهديه
كلمة وحدة قلنها
الفران دستورنا
الرسول صلى الله عليه وسلم قدوتنا
السلف منهجنا
الله اتبثنا على الدين ويحفظنا من الهلك والغفلة

 

[Skor m@k]

لالا الدنيا مزلها بخير وكاين الرجال والنسا في هدى البلد ولدها صح فيها شوي اختلافات بصح حنا خوة في الدنيا. والجومع مازالها بالعبادها يحفظ القران وليغني ربي يهديه
كلمة وحدة قلنها
الفران دستورنا
الرسول صلى الله عليه وسلم قدوتنا
السلف منهجنا
الله اتبثنا على الدين ويحفظنا من الهلك والغفلة

ايه يا ختي الخير مزال في لبلاد
ومزال ناس لي عندهم النية
ان شاء الله ربي يثبتنا على الدين
شكرا لك ختي