ماذا حضرتن من حلويات ؟

[بسمة القلوب]

السلام عليكم سيدات المنتدى الشاطرات الفحلات
بما انه العيد قرب فيجب تحضير الحلويات و اليوتوب راه العجب المعجب نتاع الحلويات واش تختاري و واش تخلي .
وانا هاد العام راها تالفتلي واش ندير لكثرة الاختيارات.
إذن كل وحدة تقولنا واش رايحة تحضر و هكدا نديو افكار من بعضنا تساعدنا باش نختارو.
تحياتي ...

 

[ذكريات]

وعليكم السلام ورحمة الله
راها عاد تالفا، طبعا كاين حلويات معتادين نديروها الابناء ما يستغناوش عليها ونزيدو حاجة جديدة، يلا عندك وصفات جميلة، شاركيها معانا، هذه السنة افكر في تجربة وصفة الأخت @Bouchra zarat تبدو لذيذة وأنيقة،

حلوة Moka من مطبخي

🌺سلام عليكم خوتي ان شاء الله تكونو بخير جبتلكم الوصفة جاتني هايلة والله 😁 العجينة نجيبو 250غ زبدة نزيدو عليها نص كاس عسل ومغرف كبيرة قهوة سريعة ذوبان مخلطا مع مغرف كبيرة الماء وحبة بيض ونخلطو كلشي نزيدو فرينة وساشي تع خمارة حلويات ونخلطو حتى تتشكل العجينة الكريمة كريمة. زبدة درت 125 غ زبدة...

www.4algeria.com

 

[إلياس]

ديري بقلاوة و مقروط خير من كامل حلويات أخرى

 

[السلطانة]

وعليكم السلام ورحمة الله وبركاتهث
صحا فطوركم حبيبتي
مزال مقررتش هههه لي متأكدة منو الكروكون والمقرود

 

[آمِيْرَتُه]

السلام عليكم
صحة فطوركم
أولمرة منديرش حلوة العيد راح نكوموندي مريضة من يدي الله غالب مقدرتش

 

[بسمة القلوب]

السلام عليكم
صحة فطوركم
أولمرة منديرش حلوة العيد راح نكوموندي مريضة من يدي الله غالب مقدرتش

معليش حبيبتي ربي يشافيك

 

[Soumia hadj mohammed]

يبدو اني جيت روطار
درت صابلي كراميل وقصيبات وكرات القطايف وبوسولاتمسو وبقلاوة واخر شوكولا بريستيج

@آمِيْرَتُه ربي يشافيك الغالية
نحياتي للجميع،صح عيدكم