•·.·´¯`·.·•(هيلدا& معاك يا الخضراء..vs ..الراجل المتسلط)•·.·´¯`·.·•

[هــــيلدا]

مرحبا بيكم كامل:001_wub: وشراكم شوية..نشالله تكونو أنتيك وبشبش:001_wub:

نبداوها بدون مقدمات

كنت نحكي انا وطاطا ريوم (معاك يا الخضراء) ونطلعو ونهبطو في واحد الموضوع..متفاهمناش عليه خلاص..قلنا تشاركونا فيه هنا برايكم:001_wub:

شوفو لحكاية..عندي صاحبتي عندها 3 أشهر وهي مع واحد والحمد لله قبل سمانة جاء خطبها وقبلو والديها وبربي نشالله هاد الصيف العرس (توحشت لعراس:crying

المهم الفايدة والحاصول أنا حيرتني طريقة تعاملو معاها نتاع راجل متسلط طوoooول وراسو خشين ويحوس يهدر غير هو....مفهمتوش ريوم قولهم كيفاش

ريمة( معاك يا الخضراء): يا سيدي هذا من نهار عرف الطفلة وهو عاقد عليها :scared:ولا نقولو متحكم فيها خير..
نتاع: متخرجيش:001_huh:، متروحيش:blink:،متجيبيش:glare:، متديريش،:closedeyes:وين رحتي:bored:، منين جيتي:mellow:، علاش خرجتي ..اكسترا...اكسترا

=) قبل ما تنوي تدير اي حاجة لازم تقولو اني راح ندير exp راح تخرج لازم تقولو اني خارجة..../ هيلدا: ايه ولازم السيد يقبل يعني لوكان يكون مورالو هابط ويقولها لالا يعني لالا حتى ولو يعرفها يخرجو عينيها.:cursing:
ريمة: خليني نكمل....هاه خطيبها هذا هكذا مداير حاسبها ملكيتو الخاصة كيما الطوموبيل نتاعو وكلش فيها خاص بيه.:glare:

هيلدا: ريمة تشفاي نهار ماحكاش معاها 3 أيام وقافل عليها الموبيل..قوليلهم علاه:huh::huh:

ريوم: اه هذوك ليامات كانت مريضة وهو بقى يقولها روحي للطبيب، أشربي الدواء، نجي نديك للطبيب..وهي بقات تتكسل حتان طاحت في الفراش من المرض بزااف..

قالها نتي متسمعيش كلامي وخليتي روحك تمرضي ودرتيها زكارة فيا وعاداها 3 أيام محكاش معاها...(يسما نتاع كيفاش تمرض روحها):lol::blink::blink:

هيلدا: هيه وكي يعود يحكي معاها يقولها أسكتي متهدريش خلاص كي نعود نهدر :blink:يقولها متكسريليش كلامي ولازم متعيطش كي تحكي:bored: ويا ويلها ياو تهز صوتها عليه خلات عليها محركها كي البوبية...بصح مننكرش يموووووووت عليها صح جامي شفت واحد يحب وحدة كيما هذاك:001_wub:

المهم هادي لمحة برك حابيين نوصلو بيها للمغزى وللي يمثل الراجل المتسلط بهاد العقلية

بنات يقولو مليحة ومن خوفو وغيرتو عليها بزااف يدير هكذا
وبنات يقولو حاكملها حريتها خلاص ومخليها خضرة فوق عشاء:angel_not:

علابالي طولنا عليكم بزاااف بصح مكفيناش حق الهدرة

المهم حنا حبينا تشاركونا رايكم

البنات الزينات نتاعنا قولونا اذا عجبتكم هاد العقلية وتقدرو تتعايشو مع راجل كيما هذا؟

و لولاد البوقوسين قولونا اذا فيكم شوية من هاذ الطبايع والعقلية وواش راكم تشوفو فيها؟


راني هنا انا وريمة نعسو...للي يدخل ويخرج بلا مايمد رايو
ندعيو عليه ربي يرزقو بشريك grav علا هذا:angel_not::angel_not:


دمتم بود



هذه الصفحة برعاية

مثبت الشعر..جال..:biggrin::biggrin:

لشعر يابس وميحركو حتى ريح:biggrin:
​

 

[[ايمآن]]

سلااام
لهيلدا ومواضيعها اليابسة اللي ميحركهاش الاعصار
انا وحدة منحبش النوع هذا
نحب الحرية مدامني ندير في الصح
اخطيني برك
ونحمرلو وجهوو

​

 

[العنابية]

انا منحبش واحد كيفك نحب واحد مايكترش و خير الامور اوسطها

 

[محارب الصحراء]

السلام عليكم

أنا عجبتني البيبليسيتي انتاع

الجال :thumbdown: ...لازمني حتى أنا ندور على

سبونسور للمواضبع انتاعي ... :thumbup1:




يعني واش نقولكم هذ الشيء عادي

طبعا لازم الراجل هو اللي يحكم و هو

اللي هدرتو تمشي و لكن بحدود و بلا

ما يكرهها في حياتها و يضايقها ....ممكن

هاذ الانسان اللي تحكو عليه راه مازال ما

عندوش خبرة أو ممكن عندو عقدة الله يعافينا

******​

مشكورين على المجهود

تحياتي .

 

[سمسوم]

1* ماكانش طفلة ما تحبش يكون عندها خنونها كي هدا

2* البوقوس اللي يلعبها متسلط و هي مش من طبايعه يعني شلحة برك : كي تحاوله حبيبته على حاجة يخضعلها

3* كاينين شي بنات يموتوا على هاد العفسة و يحبوا يتقلشوا قدام صحاباتهم زعما شوفوا حبيبي متسلط و هو المسكين كون يخرج عليه واحد هو و اياها يهرب و يخليها

4* الجاني :"حبيبي راني رايحة لـــ la rue H لواحد مولا كوسميتيك موصياته على حوايج و راني عيطتلو في الموبيل نتاعه و قالي راه جابهم "

المجني عليه : اوكي حنونتي روحي و ما طوليش

مليحة هادي ؟؟؟؟ صافا كوم صا ؟؟؟؟

5* يعطيكم الصحة على السوجي

 

[Moha le sage]

يعطيك الصحة على الموضوع الليمايحركو حتى ريح

يا سيدي راكم تشايخو على مواضيع باهية ..المرة لي فاتت كي لقيتكم حكينا غير على الجبال و الحضارة تاع باتنة هههههههه

منبعدنولي للميضوع كشما نمد راي ..


هيا احكمولي بلاصة في لافون تاع الميضوع ههههههه

 

[D aucun]

السلام عليكم
هاكي غادي نقولك هاد حساب الشخص وحساب عقليته وكل واحد كيفانش يشوف
هاكي نقولك الامرأة تتمنى غير راجل في هاد الدنيا واذا جاها سي بون تقولو لازم تجيب لي الدنيا كامل هادي وحدة
نزيدك وحدخرة قالك واحد كان يبغي وحدة ايا كل يوم لي كادو هاد تاع عيد الحب هادي تاع المرأة عيد الكره المهم كل يوم عندها عيد ايا غير خطبها حبس عليها كل شيء ايا سقساته مالك تبدلت علي قالها انا كنت نصيد فيك ايا غير طحت في الشبكة سي بون
ايا هادي طاحت في الشبكة
هههه خير نضحك برك ربي يوفقهم نشالله

 

[اللؤلؤة المصونة]

اياااااااا واش هاداااااا هيلدا حنونتى وبلا ماننساو ريمه اللي نعرفوكم ماتحبوش لعووووووووووج........



..وين وين هادا مبيريمي للخر نورمالمووو كي مرضت الطفله يزعف على روحوا كيفاه حبيبتو قاتلو مريضة ومادارش حل وطول اداها وماخلاهاش تزيد تمرض و3ايام وهو يقلش فيها ماشي مزعف عليهااااااااااااا
البنات الزينات نتاعنا قولونا اذا عجبتكم هاد العقلية وتقدرو تتعايشو مع راجل كيما هذا؟


اوووووووو انا جااامي نجي واحد دايرنى بوبيةـــــــ نقطة ارجع للسطرــــــــــ .


وبلاماتعسي راانااا نحطولك ((كم))في ردود.............مارسي عليك ((كم))...ا


آآآه بالحق صح هاداك الجال مليح؟؟​

 

[مروة MARWA]

ياا ختي او في الحباس وعادو يدمولهم الحرية شوي ههههههههههههههه (نضحك برك)

وشبيه هادا معقد كيما هك لازم يكون اوvار شوي على الاقل يتمتعو يحبهم وحيااااتهم بصح انا نظن انو هي لازم

تخليه يزيد ثقتو فيها وهكا رح يكون الحال احسن وربي يجيب لي فيه الخير

وماتنساوش تبعتولنا الكاسات تاع العرررررس
​

 

[هــــيلدا]

سلااام
لهيلدا ومواضيعها اليابسة اللي ميحركهاش الاعصار
انا وحدة منحبش النوع هذا
نحب الحرية مدامني ندير في الصح
اخطيني برك
ونحمرلو وجهوو

​

اهلا خولة
وشراكي شوية
ياسيدي هادي غيبة

اوو راهو الجال للي حطيتو تاني ميحركوش الاعصار:w00t:

صحيتي هدا رايك وعندك فيه الحق:001_rolleyes:
مدامك مراكي تديري في حتا حاجة نورمالمو يخطيك شوية
المارسي عليك خوولة نورتينا:001_wub:
​

 

[هــــيلدا]

انا منحبش واحد كيفك نحب واحد مايكترش و خير الامور اوسطها

اهلا حبوبة
اسمعي راني نسالك حاجة
البارح جيتكم نزور ضيفتي موح وخليتيني:crying::sneaky2:

صح خير الامور أوسطها مايكون مقفول مايكون طالق طوول
ربي يخليك حنونة وراني نرجعلك:001_wub:
​

 

[هــــيلدا]

السلام عليكم

أنا عجبتني البيبليسيتي انتاع

الجال :thumbdown: ...لازمني حتى أنا ندور على

سبونسور للمواضبع انتاعي ... :thumbup1:

loOL:yahoo::yahoo: أرواح نعاونك راني رايحة ندورها غير اشهارات..قالك هوما للي فيهم الفايدة:w00t:




يعني واش نقولكم هذ الشيء عادي

طبعا لازم الراجل هو اللي يحكم و هو

اللي هدرتو تمشي و لكن بحدود و بلا

ما يكرهها في حياتها و يضايقها ....ممكن

هاذ الانسان اللي تحكو عليه راه مازال ما

عندوش خبرة أو ممكن عندو عقدة الله يعافينا

هو صح هادي طوول باينة بللي الراجل للي لازم يحكم بصح كيما راك تقول في حدود
مايضايقها ميكرها في حياتها
بصح والله هاد السيد GRAV متتصورش طول كيفاش مخدوم
ووقيلة عندو العقدة صح كيما راك تقول هدا وين تولهتلها
قادر يكون معقد في روحو
نقرعج عليك ونردلك بالخبر اذا صحيح

ايا راك قاوي وولهتني لحاجة مدرتهاش في لحساب:thumbup1:
​

******​

مشكورين على المجهود

تحياتي .

العفو أخي
وجودك نورنا
دمت وفي
​

 

[Jagwar]

رانى جيت واش كاين ​

هيلدا ربى يطيحك فى واحد أكثر من هذا السيد لى راكم تحكو عليه
انتى و ريمة هكذا باش يقصلكم لسانكم مرة وحدة:biggrin:​

هذا السيد لى راكم تحكو عليه و الله نستعرف بيه
و الله راجل تاع الصح
و الراجل هو لى يفرض كلمتو على مرتو :sneaky2:
يسمى انتوما النساوين عمايلكم سودا لوكان تلقاو الرخفة
يعنى لازم دايما نبقاو مزيرين عليكم
و نحولكم العقلية هاذيك تع كل مرة رانى رايحة للبلاصة الفولانية ، رانى خارجة نشرى هاذيك الحاجة ، راه خصتنى مسايس و لا مقياس:biggrin:​

انتوما اذا لقيتو واحد عاقل تركبو على راسو
هاذى حاجة باينة
مالا انا و الحمد لله عقليتى أكثر عنف و صرامة من السيد هذا لى حكيتو عليه
هل من معترض ؟​

ياخى حالة ياخى واش بيه الكونيكسيون اليومين هادو:angry:​

 

[AnGeL*dZ]

البنات الزينات نتاعنا قولونا اذا عجبتكم هاد العقلية وتقدرو تتعايشو مع راجل كيما هذا؟
الحق الحق مانقدرش
انا تاني نحب يكون عندي رأي نمدوا
صح نحترموا
بصح ماشي لهاذي الدرجة
الراجل لازم يكون عندوا كلمة
بصح ماشي يحـــgـــــــر المرا
ميرسي لبنات الزينونات
احسن رآعي درتوه هههههههههه
​

 

[هــــيلدا]

1* ماكانش طفلة ما تحبش يكون عندها خنونها كي هدا

انا اوو حنون كيما هدا يجيب غير الموفيصة:glare:
2* البوقوس اللي يلعبها متسلط و هي مش من طبايعه يعني شلحة برك : كي تحاوله حبيبته على حاجة يخضعلها

هيهيهي ايه كاين هاد النوع يلعبها هدا مكان ميشقاش تحاولو تقولو راني رايحة يقولها وين تقولو قتلك رايحة
يقولها صيبي راحتك:biggrin::laugh:

3* كاينين شي بنات يموتوا على هاد العفسة و يحبوا يتقلشوا قدام صحاباتهم زعما شوفوا حبيبي متسلط و هو المسكين كون يخرج عليه واحد هو و اياها يهرب و يخليها

لالا والله صاحبتي هادي هكذا مداير معاها صح
مرة عيطلها لقاها تحكي معايا كي قالها مع من كنتي تحكي قاتلو صاحبتي
مدتلو نيميرو تاعي وعيطلي يشوفني اسكو صح ولا لالا ودور معيا في الهدرة حتان ثبت:001_huh::bored:
4* الجاني :"حبيبي راني رايحة لـــ la rue H لواحد مولا كوسميتيك موصياته على حوايج و راني عيطتلو في الموبيل نتاعه و قالي راه جابهم "
المجني عليه : اوكي حنونتي روحي و ما طوليش


مليحة هادي ؟؟؟؟ صافا كوم صا ؟؟؟؟


:lol::thumbup::laugh: هادي فووور تاع الصح يسما كل كلمة كتبها معنيت بيها
متخافش اختك قاوية وتفهم....ياي قاتلو عيطلو في الموبيل وقالها جبيتهم:blink::blink::scared::scared:
5
* يعطيكم الصحة على السوجي

الله يسلمك سمسوم
طلتك منورتنا

حقا حرقت ولا مزالhmy: راني مزلت نشفا:001_cool:
​

 

[هــــيلدا]

‏* تسنيم *, ‏زمردة الايمان, ‏عاشقة متمور

جوزو مرحبا بيكم معانا​

 

[هــــيلدا]

يعطيك الصحة على الموضوع الليمايحركو حتى ريح

يا سيدي راكم تشايخو على مواضيع باهية ..المرة لي فاتت كي لقيتكم حكينا غير على الجبال و الحضارة تاع باتنة هههههههه

منبعدنولي للميضوع كشما نمد راي ..


هيا احكمولي بلاصة في لافون تاع الميضوع ههههههه

الله يسلمك .......بصح راهو عندنا هنا ريح في باتنة والله يزعزع علا هديك لازم ديما نحوسو نحطو الماكس:angel_not::angel_not:


هههههه لالا رانا تسرحنا:yahoo:
المرة للي فاتت من الحشمة:blushing: ملقيناش واش نحكو رديناها علا لجبال
والمتحدث معجباتوش باتنة:w00t::tongue_smilie:

رانا نستناو طلتك
والميضوع ميضوعك راك عارف:001_cool::thumbup1:
​

 

[K.kharbache]

واش يا هيلدا كيفاش تحبي يقولو عليه راجل إذا مواساش كيما هكا
يعني لازمو كل عشية رابور على كل واش صرا ولما تحب تبوجي هاك وإلا هاك تكتب دوموند قبل أربعة وعشرين ساعة

نظن راهو مزودها شوية الحياة بيناتهم رايحة تكون جحيم حتى لو كان حاب يعرف كل تحركاتها كاين أسلوب أذكى من هاك وبصراحة أنا نحس بلي راهو مهوش واثق فيها

والله أعلم
​

 

[Jagwar]

قالك فى 2016 رايحين يخدمولنا عرايس بوبيات ( روبو )
ياخدو الراي و ما يشركوش فامهم
هكذا خير باش نتهناو من لسانكم الطويل



​

 

[هــــيلدا]

السلام عليكم
هاكي غادي نقولك هاد حساب الشخص وحساب عقليته وكل واحد كيفانش يشوف

صح كل واحد وعقليتو وكيفاش مخدوم..واحد من الحديد وواحد من البلاستيك:biggrin::angel_not:
هاكي نقولك الامرأة تتمنى غير راجل في هاد الدنيا واذا جاها سي بون تقولو لازم تجيب لي الدنيا كامل هادي وحدة

اي اي راك جبتها ونقدر نقولك 99% عندك فيها حق:thumbup1:
نزيدك وحدخرة قالك واحد كان يبغي وحدة ايا كل يوم لي كادو هاد تاع عيد الحب هادي تاع المرأة عيد الكره المهم كل يوم عندها عيد ايا غير خطبها حبس عليها كل شيء ايا سقساته مالك تبدلت علي قالها انا كنت نصيد فيك ايا غير طحت في الشبكة سي بون
ايا هادي طاحت في الشبكة
هههه خير نضحك برك

يااااه هادي نحطها في بالي باش منحكم من عندو حتا حاجة ..معروفين بالدوران بزاف:glare:ربي يوفقهم نشالله

ويوفقك خيو لعزيز
ربي يخليك وراك منورنا