** فترة الخطــــــــــــــوبة و مشاكلها [{¤ moha le sage vs poliyana ¤}]

[Moha le sage]

السلام عليكم



** فترة الخطــــــــــــــوبة و مشاكلها [{¤ moha le sage vs poliyana ¤}]




الموضوع هذا نحاول نوب فيه على الشباب ( اللي راح يخطب و اللي ناوي يتزوج ماشي لي يطلع شعرو الصباح :music_whistling: )

وتنوب فيه ختي poliayana عن جميع البنات ( الي رايحات يدخلو القفص تاع الزواج ..ولا مخطوبات .ماشي لي مزالو يبكو قدام ستاراك و يعشقو في لي جوار تاع البالو :music_whistling: ..


ونحاولو نوصلو لحلول لتساؤلاتنا مع بعض

انا هنا في الخدمة .. وختكم بوليانا ثاني

راح نبداو نحلو جميع الظواهر وما نخليو والو بكل شفافية و بعيد عن كل نفاق وتزواق تاع هدرة

وما يدوم غير الصح

شكون يبدا لول ؟


​

 

[Moha le sage]

شوفي بعض الامور لي تحيرني


التلفون معنديش فيه مشكل ..خرين يشوفو الهدرة فيه دخاصة وخرين يشوفوه مضيعة للوقت و نا نشوفو حاجة مليحة و تربط اكثر بين المخطوبين ..

ذرك كل واحد و النيفو تاعو ..اذا كانت الهدرة تاع سقاطة و تاع نيفو طايح اكيد رايح يكون التلفون مضرة ..

مثلا انا في ولاية و خطيبتي في ولاية ..كيفاش راح نحكو في امورنا و علاقتنا ؟؟ نروح ليها كل يوم ولا مرة في السمانة ؟ هي ما تجيش

حنا نلومو ديما التكنلوجيا و سكايب و التلفون و البارابول .. والديفو في لعباد و عقلياتهم البيريمي


كيان حاجة .. التلفون ثاني اوقات ..ديفوا كيما قلتي الطفلة برا و هو يعيطلها ولازم تحل عليه و تقعد تحكيلو مطولا .. وهو يديرلها شرع ..معامن خرجتي وواش شريتي ووكتاش تروحي ...الخ

كينين حوايج بزاف ضارين .. كينين حوايج ثاني يقلقو .. زعما يكي يعيطلها و هي ما تهزش .. ولا يبغى يحكي و هي تكون مديرونجيا .. من بعد رايح يقلها راكي تشنفي و يتفرقو ..

اذا كان هو من النوع لي يحكي في اليل .. وهي متقدرش ولا تشوف فيه دخص ..لازم تقلو

باسكو هو محتاجها تكون معاه و تسمعو كلام حنين كل يوم ..بصح في نفس الوقت


هذو على التلفون من بعد نعقب للحوايج لخرين


الطياب مثلا هههه


​

 

[POLIYANA]

حتى انا راني هنا ونستنا نقاش هادف ونوصلو بيه لافكار مليحة كخلاصة لتجارب شخصية لاعضاء وعضوات من اللمة
نحكيو بكل صراحة وشفافية كيما قلت يا محمد بعيدا عن التملق..

 

[sahiko hamza]

نديماري انا معاكم
يقلك التلفون مليح ومشي مليح
ماتعليقكم وانتم لا بمخطوبين ولا بمتزوجين ههههه


اريد سبب مقنع
​

 

[عفاف الجزائرية]

استناو نجيب ورقة وستيلو ونحطلكم المشاكل
ربي يبعدهم على كل شخص ناوي لحلال
​

 

[nada242008]

موضوع باهي ومفيد
كاش استفسارات راني نعاونكم بحكم التجربة
خطبة سنتيت وزواج سنتين ونصف:surrender:

 

[nina@dz]

الهدرة بزاف تجيب المشاكل.........الشيء إذا زاد عن حده إنقلب إلى ضده........ولا واش قلتو؟؟؟

 

[محبة بلحاج]

الهدرة تجيب الدسارة بزااف والمشاكل
surtout مع التلفون ماشي غالي في بلادنا بزاف
و كاين الباطل
كاين عيباد يظلوا في التلفون
والهدرة بزاف تبين العيوب وتخسر الانسان
التلفون لازم يكون في حدود المعقول ماشي بالسوايع في النهار
هدا راي وشكرا على الموضوع ​

 

[Moha le sage]

نديماري انا معاكم
يقلك التلفون مليح ومشي مليح
ماتعليقكم وانتم لا بمخطوبين ولا بمتزوجين ههههه


اريد سبب مقنع
​

راني عدلت الرد الاول .. و مديت وجهة نظري عاود ولي ليها .. في انتظار بوليانا
​

استناو نجيب ورقة وستيلو ونحطلكم المشاكل
ربي يبعدهم على كل شخص ناوي لحلال
​

هاتي كناش و ابداي جردي فيه هههههههه

مرحبا بيك عفاف ..بصح متحطيش كلش اليوم ..خلي شوي للحلقات الجايين

​

موضوع باهي ومفيد
كاش استفسارات راني نعاونكم بحكم التجربة
خطبة سنتيت وزواج سنتين ونصف:surrender:

ياو نتي كنت نحوس عليكم بالشمعة :yahoo: مش غير نحتاجك برك ..ذرك نرهجك بالاسئلة تاعي .. الواحد راه يتزوج خطرة في حياتو ..ربي يصلح الامور .. و ان شاء الله منكونش ثقيل عليك
​

الهدرة بزاف تجيب المشاكل.........الشيء إذا زاد عن حده إنقلب إلى ضده........ولا واش قلتو؟؟؟

الهدرة مديورة باش تحل المشاكل ماشي تجيبها .. و اللي ما يعرفش يهدر هذيك حاجة خرى

و توقيعك راه حكم صفحة وحدو :busted_red: هههههه
​

 

[POLIYANA]

نديماري انا معاكم
يقلك التلفون مليح ومشي مليح
ماتعليقكم وانتم لا بمخطوبين ولا بمتزوجين ههههه


اريد سبب مقنع
​

شوف يا السي خونا
انا نعطيك رايي وقادر يقنعك وقادر لالا
مانعرف
بالصح نعطيك رايي من جهة واحدة وهي وجهة نظري كفتاة ونخي لمحمد يكملك تاع الشباب

ايا باسم الله يا ربي...
التلفون نعرفوه كامل عندو عيووووووووووووووب ومحااااااااااااااسن
وصاديبون على العبد الي يخدم بيه
وحنا عندنا ضرك كل من مداير صاحبتو ولا حبيبتو ولا كيما يحب يسميها اول حاجة يديروها هيا التلفون والقراطوي ونقولك حاجة هيا نفسها المشاكل تاعو في فترة الخطوبة.
صح هو مليح كي يكون التلفون بين زوج مخطوبين وتكون عندهم ميلينيوم ولا 061 ولا حتى القراطوي تاع جيزي هكدا يكونو يقدرو يحكيو كل وقت وكيما يحبو بدون عوائق تسما الطفل يعيط للطفلة يسقسي عليها واينك واش خاصك رحتي جيتي ووووو راك تعرف ...وفي هادي الامور الطفلة تجيها مليحة نقولك الصح واش تحس ..:wink: هيا تحس بلي راهو كاين راجل وراها وحوس عليها وواقف عليها يعني حرمة ومدايرلها قيمة عرفت كيفاه :wink:..
نروحو ضرك للسلبيات ..
يا خويا كي يكون التلفون 24 ساعة فالودن لا الطفلة لا الطفل ماعندهم في رايك حياتو الخاصة الي يعيشها ,? هدا تقيد من جهة وكي تجي تدير حاجة كون تقول دقيقة نكوبيو ونحكيو وقت خلاف تطيح الروح تسما ماكش حاب تحكي معايا وواش رايحة ديري ?
كون هيا ماشية وتسلم على وحدة شكون هادي ولكان مع واحد تعرفو صباح الخير تما ايييييييييه خلات
ويوليو وكانهم عايشين مع بعضاهم بالكدب. وخلينا على هدرة الناس هادي الطفلة الي النهار كامل والتلفون فالودن والناس تشوف وباينة بلي تحكي مع طفل والله عيب وعيب كبير الي جاي ورايح يشوف الكبير والصغير وساعات تضحك وساعات تشالي بيديها .....ماتقرا قرايتها قدقد وماتشبع من قعدات صحاباتها الي هوما قاعدين وهيا راهي منطوية في زاوية وتحكي ماوااااااااااااااااالو......
هروح يا سيدي يحكيو ويحكيو ويحكيو والله والله الهدرة تخلاص يتوانسو في كلش فالدار فالعايلة في كلشيييييييييييييييييي واش يبقا تلقا نفس الهدرة اهه واش تحكي وكاش جديد وهيا تقولو والو من عندك ...بفففففففففف هكدا والله تولي قلقة يولي كي يصوني البورطابل ايااااااااااااااااه .
ويولي يتحكمو في بعضاهم فالرايحة والجاية وكترة الهدرة تطيح القدر يعني مهما ومهما يحاول العبد يحكم في روحو بالصح يتوسع مجال الحديت لحوايج خلاف .
ويكتر سوء التفاهم وبالطبيعة الانسانية تولي تقلق من الطفل الله غالب.
وعلاه يا خويا يا سيدي نفرضوها يدير الطفل القراطوي 2 مرات ولا 3 فالسمانة يحكيو مرة في فال نص ساعة ولا ساعة بزاف يحكيو فالمفيد بلا خرطي هدرات موزونين كاين موضوع يتوانسو فيه ويكونو متوحشين حتى صوت بعضاهم ويفرحو ويحسو بلي حاجة كي يهدرو مع بعضاهم والله صدقني هكدا تبقى كاينة هاديك الروح تاع الحب بينهم .............. هههههههههه غلبت من الكتيبة وافكاري اختصرتها بزاااف علابالي كون نكمل ياو شواش مايسكتنيش

زكيما قالك محمد العبد لازمو شوية حنانة يعني هدرة اليله قبل الرقاد لازمة ههههههه نص ساعة ولا ساعة صاديبون تاع شوية تمعشيق ههههههه

 

[nada242008]

ياو نتي كنت نحوس عليكم بالشمعة :yahoo: مش غير نحتاجك برك ..ذرك نرهجك بالاسئلة تاعي .. الواحد راه يتزوج خطرة في حياتو ..ربي يصلح الامور .. و ان شاء الله منكونش ثقيل عليك
​

خلاص غير طفي الشمعة مالا:surrender:
اكيد على الرحب والسعة

 

[POLIYANA]

الهدرة تجيب الدسارة بزااف والمشاكل
surtout مع التلفون ماشي غالي في بلادنا بزاف
و كاين الباطل
كاين عيباد يظلوا في التلفون
والهدرة بزاف تبين العيوب وتخسر الانسان
التلفون لازم يكون في حدود المعقول ماشي بالسوايع في النهار
هدا راي وشكرا على الموضوع ​

ماش ديما وماش بالضرورة خلاص خلاص
هدا يتناسب مع العبد الي يحكي وتربيتو اولا والنيفو تاعو عقليتو تانيا ​

 

[POLIYANA]

خلاص غير طفي الشمعة مالا:surrender:
اكيد على الرحب والسعة

لازم تكوني هنا
اولا مناه عقليتك ماشاء الله ونستفيدو كيما قلتي من تجربتك
باه نكونو ملمين من نواحي بزاف
يكونو كاينين مخطوبين ومتزوجين وتاني اسئلة من عند مقبلين على الزواج ​

 

[nada242008]

لازم تكوني هنا
اولا مناه عقليتك ماشاء الله ونستفيدو كيما قلتي من تجربتك
باه نكونو ملمين من نواحي بزاف
يكونو كاينين مخطوبين ومتزوجين وتاني اسئلة من عند مقبلين على الزواج ​

من غدوة يا بوليانا تلقايني مقارية في هذا الموضوع
ونقسم معاكم تجربتي بمشاكلها وبايجابياتها

 

[MIDO.DODO]

لن أكون إلا متتبعا لنقاشكم
لأني مازلت صغير
و نستفاد منكم
​

 

[POLIYANA]

من غدوة يا بوليانا تلقايني مقارية في هذا الموضوع
ونقسم معاكم تجربتي بمشاكلها وبايجابياتها

:yahoo::yahoo::yahoo:​

 

[ISMA.dz]

السلام عليكم
أولا نشكركم على الموضوع
ثانيا حبيت نسأل هل الحب يجي بعد الزواج؟ويعني الفتاة اذا ماقدرتش تحب خطيبها في فترة الخطوبة معناها خلاص وتفسخ خير ليها ولا تستنى بعد الزواج بالاك يجيها الحب؟
انا مانقدرش نعيش مع واحد مانحبوش ونخاف لوكان حتى بعد الزواج نبقى مانحبوش
أرجو الرد

أختكم أسماء​

 

[POLIYANA]

السلام عليكم
أولا نشكركم على الموضوع
ثانيا حبيت نسأل هل الحب يجي بعد الزواج؟ويعني الفتاة اذا ماقدرتش تحب خطيبها في فترة الخطوبة معناها خلاص وتفسخ خير ليها ولا تستنى بعد الزواج بالاك يجيها الحب؟
انا مانقدرش نعيش مع واحد مانحبوش ونخاف لوكان حتى بعد الزواج نبقى مانحبوش
أرجو الرد

أختكم أسماء​

هدا السؤال والله مانقدر نعطيك عليه اجابة صريحة جدا مناه يا اسماء ختي صاديبون
ادا كنتي هدا العبد ماتعرفيهش خلاص يعني كيما زواج تاع بكري زواج تقليدي تسما توالفو ببعضاكم في فترة الخطوبة والحب يجي مع الوقت وبالعشرة
بالصح كي تكوني تعرفيه وتتخطبو وتطول الخطوبة ونتي ماعندك حتى ميول من جهتو تسما هكدا شوية الحكاية فيها لوش يعني مستحيل مايتحركش قلبك من جهتو خلاص خلاص. ​

 

[ISMA.dz]

هدا السؤال والله مانقدر نعطيك عليه اجابة صريحة جدا مناه يا اسماء ختي صاديبون

ادا كنتي هدا العبد ماتعرفيهش خلاص يعني كيما زواج تاع بكري زواج تقليدي تسما توالفو ببعضاكم في فترة الخطوبة والحب يجي مع الوقت وبالعشرة

بالصح كي تكوني تعرفيه وتتخطبو وتطول الخطوبة ونتي ماعندك حتى ميول من جهتو تسما هكدا شوية الحكاية فيها لوش يعني مستحيل مايتحركش قلبك من جهتو خلاص خلاص. ​

ميرسي حنونة على الرد ربي يخليك:tears:

 

[POLIYANA]

ميرسي حنونة على الرد ربي يخليك:tears:

شكرا ليك نتمنى نكون فدتك ولو بشوية وقنعتك برايي..شكرا لمرورك العطر​