بقلاوة من مطبخي

[شجـ الروح ـون]

العجينة :
5 كيلات فرينة
1 كيلة سمن
1 بيضة
فانيليا
وتجمع بماء الزهر

الحشو :
3 كيلات لوز مفروم متوسط
1 كيلة سكر
ماء زهر حسب الحاجة
.وفي الاخير 1 كغ من العسل

نحضر العجينة وترتاح لمدة ساعتين او اكثر
ثم نفردها بالنشاء "المايزينة"
نحلها بالالة في تاني ارق سمك

ندهن الصينية بالسمن ثم تفرش بسبعة طبقات منالعجين مع دهن كل طبقة بواسطة الفرشاة والسمن

نضع طبقة وفيرة من الحشو اكيد بعد مزج المكونات
نصب فوقها قليلا من السمن

ونواصل وضع الطبقات السبع العلوية
مع دهن كل واحدة
وفي الاخير نقطعها مربعات او معينات حسب الرغبة

ونقوم بتزيينها ب وريدات صغيرة وحبة لوز

ندهنهنا بالسمن بكمية وفيرة
والى الفرن المسخن مسبقا "230 درجة مئوية"
بعد نضجها نصب عليها العسل وهي ساخنة
وترك ليلة كاملة لكي تتشرب
والف صحة وهنا

تحياتي
:re_gards:​

 

[نور الهدايات]

يعطيك الصحة والله غير بقلاوة وعليها الكلام
أنا أول رد نستاهل طبسي بقلاوة​

 

[شجـ الروح ـون]

ربي يحفظك حبيبتي
ماش خسارة فيك
هزي الطبسي بكل ههه​

 

[Habibat Mohamed]

مممممممممممممممممممممممم تشهي حبيبتي
بارك الله فيك
أتريكي فنانة في الحلويات ني ندير عندك تكوين ههههه
مرسي حنونة

 

[السلطانة]

يعطيك الصحة جاتك تشهي
تاكلوها بالصحة
ممممممممم
​

 

[شجـ الروح ـون]

هههه مرحبا بيك خيتي
وفيك بارك الله
نورتي غاليتي​

 

[شجـ الروح ـون]

يسلمك شوشو ربي يخليك
نورتي​

 

[عاشقة الوردة]

اممممممممممممممم
بقلاوة وعليها اللكللام
يعطيك الصحة

 

[شجـ الروح ـون]

يسلمك حبيبتي هذا من ذوقك
الف شكر على المرور الطيب​

 

[hanane alg]

آمممممم يعطيك الصحة حنونة


جآتك تهبل
​

 

[شجـ الروح ـون]

يسلمك حبيبتي حنان
الله يخليك
شكرااااا​

 

[imane27]

جاتك هايلة يعطيك الصحة

 

[tasnim55]

يممممم يعطيك الصحة يالفحلة والله غير تهبل وتشهي مشاء الله سؤال حنونة من فضلك طريقتك في التعسيلة دري ماء الزهر مع لعسل وشحال دري ومشكورة مرة اخرى وبصحتكم:sheer:
​

 

[شجـ الروح ـون]

مشكورة حبيبتي ايمان على المرور
.
.
اختي تسنيم الله يخليك حبيبتي
نورتي
العسيلة
زدتلها كمية صغيرة فقط من ماء الزهر
باش تتشربها البقلاوة بسرعة
وتسيح شوية
:shay:
:re_gards:​

 

[tasnim55]

مشكورررررة حبيبتي على الرد الشحال 3 كيلات بكيلة ماء الزهر وتكون دافية
​

 

[شجـ الروح ـون]

العفو غاليتي
العسيلة انا نضيفلها حوالي فنجان صغير لواحد كلغ
باش تسيح شوية برك
والا راح تجيك مايهة
وتتعجنلك البقلاوة
.
.
​

 

[tasnim55]

وتكون باردة لعسيلة الاغالب عجبتني بزاف الله يبارك
​

 

[شجـ الروح ـون]

انعم حبيبتي
العسيلة تكون باردة
بشرط انك تحطيها عالبقلاوة وهي سخونة
اي بمجرد ماتخرجيها من الفرن
.
.
براحتك عزيزتي
اني فالخدمة
في اي وقت​

 

[tasnim55]

الف الف شكرررر ربي يحفضك ويطول في عمرك حنونتي مشاء الله عليك:re_gards:
​

 

[شجـ الروح ـون]

العففففففففو حبيبتي تسنيم:luve_1:
ربي يعيشك حنونة
خجلتيني هههه:shay::shay:
مشكورة على المرور الطيب
سلامي غاليتي
:re_gards:​