أول موضوع بعد الرجوع.....لي كورني محشيين بالسلاطة ممممم من مطبخ أم نيفين

[أم نيفين]

السلام عليكم و رحمة الله و بركاته

اليوم درت لي كورني محشيين بالسلاطة ممممم كامل عجبوهم

قولولي واش رايكم ؟؟؟

المقادير:
العجينة:
3 كؤوس فرينة+ملح+ 1 م ك خميرة الخبز+5 م ك زيت+1 م ص خميرة القاطو و نخلط كلش مليح + ماء دافئ حتى تتلم العجينة نعجنها شوية برك باش تتداخل امكونات مع بعض و ترطاب ..نغطيها و نخليها تتخمر .. ثم نحللها بالحلال لسمك حوالي 5 مم ثم نقطعها شرائط و نلف كل شريط حول الكورني حتى نكمل كل العجينة ... نستفهم في بلاطو مدهون بالزيت ثم ندهنهم بالبيض و نذري من فوق الجلجلانية و إلى الفرن حتى يحمارو من تحت ثم نشعلو من فوق حتى يصبح اللون ذهبي كيما فالصورة و نخليهم يبردو و نخرجوهم من الكورني و نخليهم على جنب
الآن نحضر الحشو : و هذا يعتمد على واش عندكم و إمكانياتكم
في طبسي غامق= سلاطة خضرة مقطعة صغيرة جدا+خيارة مقطعة مربعات صغار+ماييس+بصلة صغيرة مقطعة مثل التشكتشوكة مذبلة في شوية زيت زيتون+2 بيضات مغليين و مرابيين+شوية طون+فرماج قرويار قطع صغيرة+كورنيشون قطع صغيرة+زيتون أخضر و أسود .... و إلخ ......
(طبعا أنا مادرش هاذ الخير كامل هههه ماكانش متوفر عندي كلش بصح جات مممممم بشهادة أهل البيت )
ننصحكم جربوه ... مش رايحين تندمو عليه ... يصلح أيضا للضياف يحمر الوجه
و فالاخير نتمنى تدعيولي دعوة خير حبيباتي
سلام​

</B></I>

 

[روعة2005]

ممممممممممم تسلم دياتك ام نيفين يشهو بزاااااااااف

 

[*عزة الاسلام*]

تسلم الايادي يشهوووووو
يعطيك الف عافية
​

 

[أم نيفين]

الله يسلمكم حبيباتي ...نورتوني

 

[simou11]

يسلمو اختي
مي حبيت نسقسيك
تاع دارنا كامل مايوكلوش السلاطة
_ بسلامتنا نباتيين خخخخ _
وش نقدر ندير في بلاصتها ؟​

 

[ام سيف]

تسلم الايادي يشهوووووو
يعطيك الف عافية


اما سؤال الاخت عن الحشو
فهو اختياري
تقدري اديري حشوة البوراك
​

 

[ibtesem]

ربي ابارك عليك ام نفين يعطيك الصحة اختي

 

[ŚσÚмĨÁ.Ďz]

يمممممممم جآوك هآآيليين

بصحتكم
​

 

[{مُدَلَّلَتُهُ}]

اممممممممم تبان بنينة تسلم الأيادي

 

[imen ahmad]

امممممممممممممممممممم ايمو جاوك متحوفين يااااسر

 

[السلطانة]

الله يبارك يمممممم
يشهيو يعطيك الصحة

​

 

[la_safa]

يعطيكـ الصحة خيتو
جآوكـ هآيلين + بالصحة على قلوبكم
... ~||
​

 

[أم نيفين]

الله يسلمكم حبيباتي ...نورني مروركم ...شكرا

 

[imane27]

امممممممممممم هايلين ام نفين يعطيك الصحة

 

[simou11]

تسلم الايادي يشهوووووو
يعطيك الف عافية


اما سؤال الاخت عن الحشو
فهو اختياري
تقدري اديري حشوة البوراك
​

اوكي مرسي
كي نجربها نقلكم ^^​

 

[omarwa]

يعطيك الصحة ام نفين هايلين

 

[أم نيفين]

الله يسلمكم .....شكرا على المرور

 

[ندى الورود]

يعطيك الصحة ام نيفين
يشهوا
​

 

[mimi53]

الف شكر لكي حبيبتي يعتيك الصحة والف شكر

 

[حاملـة المسك]

و عليكم السلام أم نفين

هايلين جاوك تبارك الله عليك
برك كون وحدة منهم عكستي تصويرها ....غاشي يحب التقرعيج ههه

في انتظار جديدك​