بلادكم هادي ...ربي يجيب ...

[فتاة حساسة]

السلام عليكم ورحمة الله تعالى وبركاته ..

ان شاء الله بخير ..وأحولكم بخير...ولافامي بخير...


المهم ندخلو ديراكت للموضوع ..

الصباح رحنا للسبيطار باه نديرو لي اناليز ...

هههه (السبيطار كاامل معمر نساوين ههه الجنس الدكري ماكانش خلاص ههههههههههههه ..كاين غير خويا اللي دانا ):p :p



المهم نوليو لموضوعنا ..نورمالمو السبيطار فيه كل شيئ..

اي حاجا تاع الطب فيها ..

مي المشكل ...السبيطار قد باباه ..مافيهش ...قطن ..يا خاوتي حبسولي راسي ..

حتى راخ خويا ماعرف منين جاب ..كي سقسيتو قتلو ..منين جبتو وعلاه ماكانش القطن ..قالي ااايه

او كاين مي مخبينو .. :-o ..لا حول ولا قوة الا بالله ..


المهم ..رحنا نحينا الدم وكل شي ...الريزلتا ماتخرجش لتم في السبيطار...ماعندهمش lès produits


:s :s
يا خاوتي قولي برك هادي بلاد فيها بترول...هادي بلاد فيها ثروات ..لاكان تعود باه دير لياناليز لازمك ..تشري من برا..

هادا سبيطار..!!!.


فهموني حاجا ...الدراهم اللي يجيبهوم من البتروال واين راهم .....

المهم انا قلبي معمر ..وبلادكم هادي ..ياو ربي يجيب..

اتهلاو في رواحكم..:p​

 

[ماكانش]

أهلا بيك نجلاء
هههههههه
هاذي هيا الجزاير
ماعندهاش شهرين صاحبي طلعلو السطر كي وصلناه للسبيطار فالليل باه يديرولو برا قالونا روحو أشريوها ماعندناش
مزيا لقينا فارماصي حال فالليل
اتخيلي ماكان ألي حالين يموتو بالسطر ؟؟؟؟
والمشكل كان مخبي زوج لحبابو كيما سمعتو يحكي مع واحد
مليح تصرالو يارب هههه
باه تعرفي دولة متخلفة و لالا شوفي قطاع المواصلات والصحة :d
​

 

[فتاة حساسة]

أهلا بيك نجلاء
هههههههه
هاذي هيا الجزاير
ماعندهاش شهرين صاحبي طلعلو السطر كي وصلناه للسبيطار فالليل باه يديرولو برا قالونا روحو أشريوها ماعندناش
مزيا لقينا فارماصي حال فالليل
اتخيلي ماكان ألي حالين يموتو بالسطر ؟؟؟؟
والمشكل كان مخبي زوج لحبابو كيما سمعتو يحكي مع واحد
مليح تصرالو يارب هههه
باه تعرفي دولة متخلفة و لالا شوفي قطاع المواصلات والصحة :d
​

اهلا بيك خويا سفيان..
ايه والله ليوم رحت تعمر قلبي ...
واش راح نديرو..ربي يهديهم ..وربي يمهل ولا يهمل وهادو اللي يسرقو في دراهم البلاد وباطاة دوا ماكانش حيسابهم عند ربي..

شكرا اخويا على المرور :-r​

 

[سمسم السمسومة]

لما التعجب أختي نجلاء...........لما تتسائلين أين نقود البترول............ليس من حقك ذلك فأنت واحدة منا واحدة من أبناء الشعب.....لست أبنة الوزير أو الرئيس لتحاسبيهم........قلنا و سنقول دوما عن دولتنا_ماتت و السلام_

 

[فتاة حساسة]

لما التعجب أختي نجلاء...........لما تتسائلين أين نقود البترول............ليس من حقك ذلك فأنت واحدة منا واحدة من أبناء الشعب.....لست أبنة الوزير أو الرئيس لتحاسبيهم........قلنا و سنقول دوما عن دولتنا_ماتت و السلام_

اختي انا حرت في هادي تاع البرا والقطن مخبينو ..هادي حبيتلي راسي ..كون جاو الرجال تاع الصح اللي حاكمين الباد كون .راهي بخير..مي الله غالب ..مات الراجل نتاع الصح ومن داك راحت الرجولة ..."الله يرحمك اهواري "​

 

[سمسم السمسومة]

أنا ديت خويا باه يديرولوا الفاسمة على رجلوا داروهالوا مي مدارولوش لالكول.........كي قنالهم قالونا مكانش.....درنا حالة الفسبيطار قلنالهم حابين نشوفوا المدير.......عياطات و حالة حالة حتى جا واحد قالنا نتوما واش حاسبين رواحكم قلنالكم مكانش ....نطق واحد منهيه قالوا هاذوك ولاد لافوكا تاع السبيطار على بيها راهم يديروا هاكا.......و الله متصدقي روحك رجعوا يحاولوا فينا........باه نسكتوا و اقعدوا قريب يجيبولنا قهوة..........مي منكذبش عليك حنا درناهالم زكارة و خرجنالهم قلوبهم و من بعد جينا خارجين.......و نهار رحنا دينا وليدأختي على 1 تاع الصباح طلعتلوا السخانة...لقينا لالة الطبيبة راقدة و سي خونا راح يدقدق الباب عليها بالشوي شغل يقولها نوم الهنا........شفنا ليهم و من بعد فات خويا راح قريب كسر عليها الباب باه خرجت شبعانة رقاد......و ماش عاجبها الحال.......مي الحاجة لي تضر صح و ماشي غير في هاذي أنوا بلادنا فيها صح الحقرة و الزوالي و لي معندوش طفرت فيه و الله حاجة تبكي صح

 

[فتاة حساسة]

أنا ديت خويا باه يديرولوا الفاسمة على رجلوا داروهالوا مي مدارولوش لالكول.........كي قنالهم قالونا مكانش.....درنا حالة الفسبيطار قلنالهم حابين نشوفوا المدير.......عياطات و حالة حالة حتى جا واحد قالنا نتوما واش حاسبين رواحكم قلنالكم مكانش ....نطق واحد منهيه قالوا هاذوك ولاد لافوكا تاع السبيطار على بيها راهم يديروا هاكا.......و الله متصدقي روحك رجعوا يحاولوا فينا........باه نسكتوا و اقعدوا قريب يجيبولنا قهوة..........مي منكذبش عليك حنا درناهالم زكارة و خرجنالهم قلوبهم و من بعد جينا خارجين.......و نهار رحنا دينا وليدأختي على 1 تاع الصباح طلعتلوا السخانة...لقينا لالة الطبيبة راقدة و سي خونا راح يدقدق الباب عليها بالشوي شغل يقولها نوم الهنا........شفنا ليهم و من بعد فات خويا راح قريب كسر عليها الباب باه خرجت شبعانة رقاد......و ماش عاجبها الحال.......مي الحاجة لي تضر صح و ماشي غير في هاذي أنوا بلادنا فيها صح الحقرة و الزوالي و لي معندوش طفرت فيه و الله حاجة تبكي صح

شفتي يا ختي ..حتي باه ي
ديرو الفاسمة بالمعريفة ..هادي ماش بلاد Gاع ..ربي يججب ساعة الخيرهادا ماكان..شكرا على المرور​

 

[سمسم السمسومة]

أختي نجلا موضوعك راه فالصميم..........مي سامحيني معا من راح تحكي مع ناس مات فيها الضمير و لا ناس عايشة بلا ضمير أصلا......موضوعك ان وسعناه سيشمل كل القطاعات و بها سنفتح أبوابا...................

 

[بنت الـ25]

سلام نجلا
قلتي بلادكم؟ علاه انتي وش هي بلادك؟
نضحك برك خخخخخخخخخ :p
جات فالقطن وحبست ههههههه
ياو احنا في قسنطينة لي يزاد عندو مزيود يقولولولو روحي اشري carnier de vaccins من برا معدناش:-o
مرة انا فالمكتبة دخل واحد السيد مكستم ضارب فيها حطة b1 cm il fo عريس ربي يبارك عليه :d
وجهو مشقر والعرق يقطر قال لمول المكتبة عندك livret de famille ؟
رحت نعقد فالبلدية قالولي معدناش روح اشري من برا
انا قعدت هك :scared01:
هادي تقدري تيماجينينيها في نهار لعقود تاعك؟ :surrender01:خخخخخخخ
النقامي (شهادات الميلاد) تروحي تخدمي وحدة مش أصلية يقولولك جيبيها مالطاكسيفون
اما السبيطارات فحدث ولا حرج:cray02:
لا نيستيزي مكانش، القطن مكانش ، معندهم والو
سي سمحيلي عندهم ، مي قالك الولة تمول فينا بكمية محدودة كون تخلاص متحبش تزيدنا
يا ودي انت استعمل ما تفسدش برك وراح يكفي بحول الله

قلتيلي وين راهم دراهم البترول
وهنا نقولك هاهاهاهاهاهاهاهاهاها استغفري مولاك يااااااو
من وقتاش دراهم البترول (تع الشعب الجزايري كامل) يعودو للشعب ؟
ولا ينتفع منهم الشعب بأي شكل من الأشكال؟:very_mad:
المهم
لمرة لجاية كي تروحي للسبيطار ادي معاك القطن والكومبراس والحقنة تان خخخخخخخخ

سلامو


​

 

[FATIMA 19]

مشكووورة على الموضوع
أنا مانحير ماوالو و نتوقع أي شيء
هاذي هي حالة العباد والظلم مايشفولهمش العباد
ويهتمو غير بارواحهم كرهنا المعرفة​

 

[SAMIRA25]

بارك الله فيك اختي على الموضوع و هدي صايرة بلاك في كامل لبجزائر و من بكري انا نشفى صراتنا من 10 سنسن فاتو على 1 تاع الليل قالونا روحو جيبو الابرة من برا
لا حول و لا قوة الا بالله و دراهم البترول داوهم الصحاح حسبنا الله و نعم الوكيل

 

[رحاب ملاك]

هههههههههههههههه
في وقت جاي حتى ليزاناليز ديريهم برا
ههههه بلا ما تعيي راسك معاهم

 

[✿أسيـل✿]

أختي
نورمال راكي فالدزاير كل شي ممكن
مرة رحنا لسبيطار ايا دخلنا لقيت الناس قاعدة فالرض واحد يتوجع واحد الدم في راسو يععععععععع
وطفل صغير يبكي ويعيط وزيد وزيد
مع هداك الوجع والمزرية يجي يقلك الطيبة ماهيش لهنا استناو درك تجي
هدي مش بــلاد حتى السبيطار بالمعريفة
زعما بلاد البتــــــــرول
السرقة والرشوة وووووووووووو الله يجعل الخير
هدي البلاد وين راهي رايحة وين؟؟

القلب راه معمر وراه صابر

خيتو مشكورة على الموضوع
​

 

[فتاة حساسة]

سلام نجلا
قلتي بلادكم؟ علاه انتي وش هي بلادك؟
نضحك برك خخخخخخخخخ :p
جات فالقطن وحبست ههههههه
ياو احنا في قسنطينة لي يزاد عندو مزيود يقولولولو روحي اشري carnier de vaccins من برا معدناش:-o
مرة انا فالمكتبة دخل واحد السيد مكستم ضارب فيها حطة b1 cm il fo عريس ربي يبارك عليه :d
وجهو مشقر والعرق يقطر قال لمول المكتبة عندك livret de famille ؟
رحت نعقد فالبلدية قالولي معدناش روح اشري من برا
انا قعدت هك :scared01:
هادي تقدري تيماجينينيها في نهار لعقود تاعك؟ :surrender01:خخخخخخخ
النقامي (شهادات الميلاد) تروحي تخدمي وحدة مش أصلية يقولولك جيبيها مالطاكسيفون
اما السبيطارات فحدث ولا حرج:cray02:
لا نيستيزي مكانش، القطن مكانش ، معندهم والو
سي سمحيلي عندهم ، مي قالك الولة تمول فينا بكمية محدودة كون تخلاص متحبش تزيدنا
يا ودي انت استعمل ما تفسدش برك وراح يكفي بحول الله

قلتيلي وين راهم دراهم البترول
وهنا نقولك هاهاهاهاهاهاهاهاهاها استغفري مولاك يااااااو
من وقتاش دراهم البترول (تع الشعب الجزايري كامل) يعودو للشعب ؟
ولا ينتفع منهم الشعب بأي شكل من الأشكال؟:very_mad:
المهم
لمرة لجاية كي تروحي للسبيطار ادي معاك القطن والكومبراس والحقنة تان خخخخخخخخ

سلامو


​

اخخلاااااااااااااااااااااااااااااااااااااااااااااااااااااا على الحكايا تاع الكارني د فامي يااااااااااااااااااااااااااا ..التبهديلاااااااااااااااا التبهديلةةة...

ههههههههههههههههههههههه عجبتني الضحكة تاعك الحمرا ....يااااو ربي يصلح الاحوال اختي ...صاحيتي على المرور ..وصاحيتي كا اعتمدتي الموضوع..والمرة الجايا منروحش خلاص للسبيطار نديهم برا ونتهنى ..:down:..كون جاو الرجال تاع الصح كاينين كون مانش هكدا
​

 

[Only me]

والله نقطة حساسة صح

احنا اهنا سبيطار بريفي وتباتي ليلة بشحال

بنت خالي مسكينة زادت في سبع اشهر هي وتوأمها أختها ماتت ربي يرحمها وهي داروها في القرعة، :sليلة وحدة قالولو لخالي لازم تديها لسبيطار آخر باش تخلي البلاصة :-o

يعني سبيطار بطولو وعرضو فيه قرعة وحدة ، وباش تديها لسبيطار آخر لازم المعارف والرونديفو والدنيا تخبط

بدراهمك ومايهزوكش تحوسي تروحي في الليل تقلقيهم ولا

الله يجيب الخير

 

[ام اسحاق]

يا بنتي وش دخل دراهم البترول وشكون قالك الدولة ما تمولش في السبيطارات ....
رام عندهم كلش ياو سراق من تحت سراق ...يخبيو شوي للمعريفة و الاوخر يديوه شوي شوي ما نعرف يبيعوه و لا يخبيوه احتياطي كي يمرضو ...يا ربي يمرضو
الابرة و القطن و الفاسما ...هادو الكل ماعليش وش رايك مرة بنتي طلعت الها السخانة و رحنا باه نديرولها الابرة
ما كانش !!!!! ني دواء ني الابرة و ما دارولها والو ...عشيت انا في السبيطار مدبرة قرعة ما و نبرد فيها
و ندمت كون قعدت في الدار خير او موان ندبر راسي
لا حول و لا قوة الا بالله

 

[prncess fifi]

اناعندي 12سنة ملي خرجت من الدزاير بصح كي نسمع هكدا قلبي يوجعني ونبقى نقارن معاملة الكفار للانسان وبين معاملة المسلمين للانسان نلقاها معادلة صعبة بزاف

خطرة وحدة فاميلتي راحت تدير ليزاناليس في السبيطار اداها راجل بنتها قالولو جيبنا الحوت نديرولها قالو راجل بنتها ديرلها ودوق نخرج نجيبلك الحوت هادي يمة ما نقدرش نخرج ونخليها جاء الطبيب من لهيه قالو هديك ك يماك ماشي يمة قالو هداك الراجل دير في وجه ربي قالو الطبيب ما تكلخليييييييييييش والله مادارولها حتى شافو الحوت

كيما حاولت نفهمها ما قدرتش \
حسبنا الله ونعم الوكيل

 

[iméne09]

ياحي عليك سبيطار تمرميد غبنتي روحك كي رحتي لتماك تحاسبيني بربي غير سبيطار محيناه من بالنا دوكة دراهمك ينفعوك ايماجيني تروحي ميتة تلقاي طبيب مكاش راكم ملاح كي يديرولكم ليزاناليز حنايا والله ماتشوفيهم سبيطار عندنا جياحة بمعنى الكلمة حتى في ماتاغنيتي تروح تولد يخليوها تتعدب ومايشدوهاش يشدو غير بلمعريفة
قالك بترول راح يخلاص يادرا كيفاش راح نعيشو مور مايخلاص حنا كي كاين ماعشناش وماستفدناش منو كي يخلاص سـuـر لافان نعرفوها
يطيك الصحة خيتو قستيها من هاد سـuـجي
​

 

[همس الوُرود]

ههههههههههههههههههههههه هايل الموضوع هدا والله
وأنتي علاش ماجبتيش معاك قطن؟؟آآآآ
خخخخ ربي يهدي ما خلق واش رايحة نقولك
​

 

[فتاة حساسة]

أختي نجلا موضوعك راه فالصميم..........مي سامحيني معا من راح تحكي مع ناس مات فيها الضمير و لا ناس عايشة بلا ضمير أصلا......موضوعك ان وسعناه سيشمل كل القطاعات و بها سنفتح أبوابا...................

صاحيتي ختي ..معمن تحكي ومعمن تخلي ... ..او يفرج ربي ان شاء الله.مشكورة سمسم على المرور​