وين الهربة .........نروحو نعيشو في الجبل ....؟!!....

[ام اسحاق]

وش راكم ناس اللمة الملاح ....خواتاتي و خياني و ابناءي و بنياتي ......
يااااا رب بالف صحة وفرحة .....

الموضوع الي فات طلعنا بيه المورال ....بيان الحمد لله .........
اليوم واقيلة تحاوزوني و تضربوني بالطماطم .........مزية الطماطم غالية

المهم ...الحكاية و ما فيها يا سيدي و يا سيدتي ...اني حبيت نشرب قهيوة ورا صلاة العصر و بانتلي في زريرة
سخونة الله الله .......حطيتهم يطيبو و قعدت نقرا في البـيْطة تاع الزبدة ....
هادي منكهات و هادي زيوت مهدرجة و هادي واحد 50من حرفE و حذاه رقم ...حوافظ !!

وين راحت الزبدة ؟؟؟؟؟؟؟!!
رحت فتحت الثلاجة و بديت نقرا ....في الياؤورت و الطماطم المعلبة ...والفرماج
كيم لي هرب من الضبع حكمو الصيد من لقفا ...........
.....تشوكيت ............كامل حوافظ خاصة كي بحثت في الانترنيت
و لقيتها كلها مسرطنات
عافانا الله و اياكم ......عدت ندور كي المهبولة ...

كملت علاها و رحت لا سال دو بان ...و قريت الصابون و الشمبوان و مواد التنظيف
و بحثت على اخطارها
و لاو الافكار في راسي كالقط و الفار
هادي تضرب في هاذي

و كي رحت لحوايج وليدي اسحاق ربي يخلي هولي ......لي لانجات و لي كوش و الكريمات
يا عمري على وليدي
وليت ...راح نقطع حوايجي

هادو كامل كيميائات رانا عايشين فيهم ؟؟؟؟؟
بلا ما نحسبو حساب التلوث تاع البيئة و السيارات و المياه ...............
و لا ليست مازال طويلة ............
حوايجنا لي رانا لابسينهم ..........بولييستر و الياف صناعية .........انا نقول نحبس خير
راني كثرت عليكم .....

المفيد
الفكرة نتاعي وش رايكم نعيشو في الجبل ؟؟؟ كل واحد فينا يدير فيها بقيرة و دجيجة و خريف
؟؟؟؟


بلاك تحشم المسرطنات وما تلحقناش ​

 

[بنت الـ25]

اهلا أم اسحاق راكي منورة منتدى واش راك تهدر بطلتك الباهية
قلتي

اليوم واقيلة تحاوزوني و تضربوني بالطماطم .........مزية الطماطم غالية

وانا نضربك بـ 100 نقطة شرفية :up: .. مزية النقاط غاليين :p
يعطيك الصحة موضوعك عن جدارة هاد المرة الثالثة يستاهل يكون ضمن
http://4algeria.com/forum/threads/364565/#post4629033

بصراحة حطيتي يدك عالجرح ... كون نطلو على أجسامنا نلقاوها 85 % مواد كيميائية والباقي عظم خخخخ
من كثرة الكيماويات اللي نرهجوها كل يوم واللي نستنشقوها ...الخ
علابيها مالين الدوار تلقاي خدودهم حومر وجسامهم صحيّحة يضربو فيها زيت الزيتونة والعضام تع جاج عرب
وحليب البقرة الله الله والزبدة الناتيرال مش كيما المرغرين تاعنا سيرتو هديك اللي فيها الريحة اطلع القلب
ولمخيرة تع لمخيرين نضحكو عليهم ...قيييو تع دوار:down:
ياو احنا اللي يضحو علينا :p

ديجا كي جبتي سيرة لجبل فكرتيني فالخرشف وش مشتهية ناكلو هداك اللي يجي حلو وفيه الما
يم يم خخخخخخخخخخخ

ربي ما يحرمنا من تواجدك الحلو


​

 

[أم محمد رائد]

تاع الصح عندك الحق أختي
كيما راهي تقول أمي : أنتم وليتو مصبرات
كل شي في حياتنا أمراض
وصح كيما قلتي المعيشة فالجبل عجبتني الفكرة هاذي
يعطيك الصحة

 

[حكايا الورد]

السلام عليكم
عودتينا سيدتي بمثل هذه المواضيع الشيقة من جهة والمفيدة
من جهة أخرى...أوافقك الرأي فالعيشة تاع الجبل والدليل
أن آباءنا و أمهاتنا صحتهم مليحة و كيما يقولو المرض جاهم
على الكبر ..بصح حنا من دوك رانا مراض وأي حاجة تقيسنا
تقضي علينا غير من انعدام الفيتامينات و الامراض اللي رانا
ناكلو فيها كل يوم...
ربي يستر الجميع
بارك الله فيك
​

 

[mira real]

ايييييييييه رايحة نضربك بالبصلة خير هكا تولي ريحتك مش مليحة ومتزيديش دوري بينا خلاص هههههههههه

ايه يا ختي رانا عايشين براكا برك علابيها كثرت الامراض الغريبة العجيبة عند صغار و لكبار

ياو لمعيشة تاع الجبل و مطيرلناش كان جات طيرلنا انا وحدة من ناس غدوة نروح نعيش فيه ههههههه

مرسي على الموضوع المفيد

 

[ملكًة الاحسآس]

وعليكم السلآآىم
مآحبيتش نرد حتى رحت نقآيس على لآبوآث تآع الزبدة
ـ آآه نتأكد قبل بلكـ يهبطلي المورآل على حبة مآكآن :p ـ
نتمسخر بركـ
نوآفقك الرأي فالمعيشة فالجبل
جدودنآ كي عآشو على الكسرة تآع القمح
وعضيمآت تآع العرب ، مع زيت الزيتون والزبدة الي طبيعية مليون فالمية
يىخي كآين الي مآت وآقف وهو في عمره 90 سنة ، وكآين الي حتى مآت مآقآلش آي
الله يبآركـ كآنو بصحتهم وصحآح وخدودهم ديمآ حومر ثآلمون عآيشين غير من الحوآيج الطبيعية
قشر وكول ، ولآ احلب واشرب
ودركـ كلش دآخلة فيه موآد كيميآئية ،الصغير والكبير يشكي
ربي يشفي كل مريض ان شآء الله
والا لقيتي بلآصة فالجبــل مآتنسآيش خآوتك ندير لمة أخرى فالطبيعـة :d
يعطيك الصحة على الموضوع القيم
​

 

[شجـ الروح ـون]

]السلام عليكم ورحمة الله تعالى وبركاته
موضوعك باهي وهادف
نسبة الكيميائيات اللي دايرة بينا كارثية
ونزيدلك النسب الحقيقية وقت تشوفيها في مخابر ال control de qualite
افضع وافضع
مواد التنظيف وما يشبهها ممكن نتغاضاو عليها
لكن مواد التجميل ومشتقاتها والمواد الغذائية اكبر خطر جاي منهم
لانو بالاضافة للمواد الحافظة اللي فيهم واللي هي فطبيعتها مسرطنة كي تزيد نسبتها
زيدي عليها سوء الحفظ وعدم مراعاة درجة الحرارة فالتخزين
تولي سرطان مفرعن
ياي كارثة كارثة كارثة والله
ماغلطوش جدودنا كي كانو ياكلو خدمة يديهم
ويغسلو بصابون الحجرة
يالطيف من وقتنا كل يوم نسمعو بحاجة جديدة تخدمت واخترعوها
وبالمقابل كل يوم نسمعو بصنف مرض جديد ربي يعافينا
يعطيك الصحة ام اسحاق
عالموضوع الباهي
برك ماتتوسوسيش بزاف بيسك تهبلي ههههه
احلى تقييم لعيونك
عالطرح اللي جبتيلنا فيه ريحة الجدود والربيع
تحية طيبة
​

 

[أم راضية ~_]

السلام عليكم
راكي جايبتها :up:
إييه الموضوع هادا حكيت عليه ديجا
***
من كل جيهة المرض يتبع فينا و كي تنصحي الناس و لا تحاولي تديري خطوة للتوعية يوهموك بلي ما نقدروش
الحالة مُسَيسة و الرقابة راقدة في سابع نومة
انا ما نلومش الشعب الجاهل بامور كيما هادي نلوم أكتر الرقابة و الجمارك من المفروض عندهم مقاييس تخضع ليها المنتوجات
وبالنسبة لهاد الموضوع بكل صراحة ما نشوفوش من الناحية الصحية و خلاص على خاطر عارفة بلي
" لن يصيبنا الا ما كتب الله لنا"
بصح نشوفو من ناحية ديننا لأنو و بطبيعة الحال هاد المنتوجات مصنوعة من قبل أعداء الله والدين , يعني شيء متوقع و طبيعي انو يدسولنا فيه السموم
وهايليك قائمة مواضيعي الي حكيت فيها على هاد الشي و تناولتو من جيهات مختلفة علّ و عسى يفيقو المارين على مواضيعي

http://4algeria.com/forum/threads/358783/

http://4algeria.com/forum/threads/352413/

http://4algeria.com/forum/threads/341014/​

وشكرا على الموضوع سيدتي :regards01:​

 

[بنت الـ25]

]السلام عليكم ورحمة الله تعالى وبركاته
موضوعك باهي وهادف
نسبة الكيميائيات اللي دايرة بينا كارثية
ونزيدلك النسب الحقيقية وقت تشوفيها في مخابر ال control de qualite
افضع وافضع
مواد التنظيف وما يشبهها ممكن نتغاضاو عليها
لكن مواد التجميل ومشتقاتها والمواد الغذائية اكبر خطر جاي منهم
لانو بالاضافة للمواد الحافظة اللي فيهم واللي هي فطبيعتها مسرطنة كي تزيد نسبتها
زيدي عليها سوء الحفظ وعدم مراعاة درجة الحرارة فالتخزين
تولي سرطان مفرعن
ياي كارثة كارثة كارثة والله
ماغلطوش جدودنا كي كانو ياكلو خدمة يديهم
ويغسلو بصابون الحجرة
يالطيف من وقتنا كل يوم نسمعو بحاجة جديدة تخدمت واخترعوها
وبالمقابل كل يوم نسمعو بصنف مرض جديد ربي يعافينا
يعطيك الصحة ام اسحاق
عالموضوع الباهي
برك ماتتوسوسيش بزاف بيسك تهبلي ههههه
احلى تقييم لعيونك
عالطرح اللي جبتيلنا فيه ريحة الجدود والربيع
تحية طيبة
​

كلام خبيرة 100% سامو
ردك يفاجي عالخاطر من جيهة ويغمنا من جيهة اخرى
سيغتو كي حكيتي على مواد التجميل
​

 

[قلمي سلاحي]

يقولوا إخوانا المصريين :d في مثل حالتك الست دي بتقول كلام زي الفل ههههههههه

والله عسل يا أم إسحاق:p

حتى هي الأخلاق تلوثت

مشكورة على الفكرة الجبلية وانا أول المتطوعين للرحيل معاك ​

 

[hala.21]

السلام عليكم ...موضوع رائع وتستهلي من اولاد اللمة الرش بالورود بدل من طماطم

اما بالنسبة للمواد الكيميائية ياختي راهي تشكل اضرار خطيرة على اجسامنا وعلى صحة اطفالنا بالخصوص . كما تؤثر هذه المواد على وظائف أجهزة الجسم الحيوية مثل كبد وكلى والجهاز عصبي مركزي...وغيرها من اجهزة اخرى وايضا لها القدرة على احداث مرض السلطان كما سبق وذكرت .
ملا معلينا ياحنونتي غير نلمو فاليزاتنا ونرحو لجبل ديك عيشة باهية وريحة زينة ونتم نديرو بدائل مثل :نعود نعالجو شعورنا بالزيوت نباتية وحنة ونلطف جو بالاعشاب عطرة ونبيض ملابس بالماء مغلي وشرائح ليمون غير من جافيل ليخلاها عليا ومرضت بالحساسية بسبتو..اني نكتب ونسيت روحي قبالي رايحة ندير فيها جريدة واش راك تهدر :p:p
فااخير شكرا لكي اختي على موضوعك رائع وتقبلي مروري .

 

[SETIF étudiant]

السلام عليكم
​

[FONT=&quot]يجي نهار لي ينشفلنا فيه البترول[/FONT] ([FONT=&quot]وللاسف ما استفدناش منو خيرنا راه في يد غيرنا[/FONT]) [FONT=&quot]ويعود بينا الزمان الى الوراء زمان الجبال والارياف و كل واحد فينا يرجع يركب الدواب ويرعى الغنم ويطيب العجين ياكل كسرة تاع القمح و يشرب اللبن[/FONT] (على الاقل [FONT=&quot]صحي على الكوكا لي تفرتت السنّين وتدير هشاشة العظام[/FONT]) والتي هي بالنسبة لي [FONT=&quot]كلها مأكولات أأمن ألذ وصحية وخير من المواكل لي فيها كيماويات تمص الصحة وتفقر الجيب برك [/FONT]
[FONT=&quot]و في لافان في بالي نعيشو هاد المعيشة خير بويسك حتى واحد مايزيد يتكبر على خوه ونعيشو بكل كفكيف سواسية كاسنان المشط [/FONT]:d
( [FONT=&quot]صحيا تاكل زوج بيضات تاع جاج عرب خير ما تاكل جاجة محمرة في ريسطورون[/FONT])

[FONT=&quot]نشوف في الشعب راه ياكل في كل شيء ليسونسيال يلقى حاجة تتكل وصاي و لي ما تقتلش اي تسمن ما يهموش ههههههه[/FONT]
[FONT=&quot]مي نديرو في بالنا بلي هادي الماكولات لي فيها الرهج راهي كموت بطيئ برك تقتل الانسان عرق بعرق و سي سا لازم تكون فيها رقابة وتوعية وحماية من طرف المواطنين انفسم وكذلك الدولة [/FONT]
[FONT=&quot]وما بيا نقول غير الله يبعد علينا وعليكم هاد السموم برك[/FONT]​

 

[nanoche]

والله يا اختي غير ربي يسترنا و حطيتي يدك على نقطة بزاف مهمة
خصوصا انه تقريبا كل المواد اللي نستعملوها مستوردة
و تظني الغرب يحبولنا المليحة؟؟؟
هوما ماذابيهم يلقاو الامة الاسلامية تنهشها الامراض و تتلاشى بشوية بالهم طويل باش يقضيو علينا ما عندهاش بزاف عيطلي خويا و قاللي غير بدلي الشمبوان راه فيه مادة Sodium Laureth Sulfate و هي مادة مسرطنة و لما قلبت واش عندي من مواد ياااا حبابي لقيتها التركيبة الرئيسية في كل المواد اللي نستعملوها لانها المادة التي تنتج الرغوة بكثافة
ودوكا واش نديرو وباش نغسلو راهي موجودة اي هاذ المادة حتى في مواد التنظيف
صحيتي على الموضوع و على التنبيه ربي يحفظك اختي
​

 

[ام اسحاق]

اهلا أم اسحاق راكي منورة منتدى واش راك تهدر بطلتك الباهية
قلتي

وانا نضربك بـ 100 نقطة شرفية :up: .. مزية النقاط غاليين :p
يعطيك الصحة موضوعك عن جدارة هاد المرة الثالثة يستاهل يكون ضمن
http://4algeria.com/forum/threads/364565/#post4629033

بصراحة حطيتي يدك عالجرح ... كون نطلو على أجسامنا نلقاوها 85 % مواد كيميائية والباقي عظم خخخخ
من كثرة الكيماويات اللي نرهجوها كل يوم واللي نستنشقوها ...الخ
علابيها مالين الدوار تلقاي خدودهم حومر وجسامهم صحيّحة يضربو فيها زيت الزيتونة والعضام تع جاج عرب
وحليب البقرة الله الله والزبدة الناتيرال مش كيما المرغرين تاعنا سيرتو هديك اللي فيها الريحة اطلع القلب
ولمخيرة تع لمخيرين نضحكو عليهم ...قيييو تع دوار:down:
ياو احنا اللي يضحو علينا :p

ديجا كي جبتي سيرة لجبل فكرتيني فالخرشف وش مشتهية ناكلو هداك اللي يجي حلو وفيه الما
يم يم خخخخخخخخخخخ

ربي ما يحرمنا من تواجدك الحلو


​

المنتدى منور بيك يا حبيبتي Mïŋěţţe

ياااااا رب يعطيك تحقيق لمليون امنية في الدنيا قبل الاخرة .........
شفتي حبوبة كيفاه رانا عايشين كي الكوميك :p
انت تاني تحبي الخرشف ...انا نموت عليه سيرتو مع كسيكسية مريقتو بيضاء يالحمص و اللحم
ياي يهبل
على الطريقة القسنطينية ....و على فكرة جداتي راي من بلادك ..امها لماما ربي يرحمها
يعني رانا فاميليا :d

هيا نروحو للجبل ونطيبوه على الحطب

و ربي ما يحرمني من خفة روحك :up:

​

 

[ام اسحاق]

تاع الصح عندك الحق أختي
كيما راهي تقول أمي : أنتم وليتو مصبرات
كل شي في حياتنا أمراض
وصح كيما قلتي المعيشة فالجبل عجبتني الفكرة هاذي
يعطيك الصحة

هيا اختي ام غفران ....نديرو قافلة تسير و نروحو نحوسو على جبل واسع .............
و نعيشو فيه :p
​

 

[ام اسحاق]

السلام عليكم
عودتينا سيدتي بمثل هذه المواضيع الشيقة من جهة والمفيدة
من جهة أخرى...أوافقك الرأي فالعيشة تاع الجبل والدليل
أن آباءنا و أمهاتنا صحتهم مليحة و كيما يقولو المرض جاهم
على الكبر ..بصح حنا من دوك رانا مراض وأي حاجة تقيسنا
تقضي علينا غير من انعدام الفيتامينات و الامراض اللي رانا
ناكلو فيها كل يوم...
ربي يستر الجميع
بارك الله فيك
​

و عليكم السلام ....حكايا الورد .......
فكرة مليحة ....؟؟...و سيرتو كي يكون اول بروجي في الجبل هو حديقة ورود غناءة
انت المسؤولة عليها :p:d
ربي يستر الجميع و يحفظنا
​

 

[ام اسحاق]

ايييييييييه رايحة نضربك بالبصلة خير هكا تولي ريحتك مش مليحة ومتزيديش دوري بينا خلاص هههههههههه

ايه يا ختي رانا عايشين براكا برك علابيها كثرت الامراض الغريبة العجيبة عند صغار و لكبار

ياو لمعيشة تاع الجبل و مطيرلناش كان جات طيرلنا انا وحدة من ناس غدوة نروح نعيش فيه ههههههه

مرسي على الموضوع المفيد

mira....الباهية ...راكي باينة لا علاقة مع القفة
البصل راو اغلى من الطماطم :p:p
و مع ذلك معليش البصل راو مليء بمضادات الاكسدة و رقم 1 ضد المسرطنات :d

و الله غار صح ...المعيشة في الجبل و ما عادتش طيرالنا
مالا وين نروحو ؟؟؟؟:s....هههههههه
​

 

[ام اسحاق]

وعليكم السلآآىم
مآحبيتش نرد حتى رحت نقآيس على لآبوآث تآع الزبدة
ـ آآه نتأكد قبل بلكـ يهبطلي المورآل على حبة مآكآن :p ـ
نتمسخر بركـ
نوآفقك الرأي فالمعيشة فالجبل
جدودنآ كي عآشو على الكسرة تآع القمح
وعضيمآت تآع العرب ، مع زيت الزيتون والزبدة الي طبيعية مليون فالمية
يىخي كآين الي مآت وآقف وهو في عمره 90 سنة ، وكآين الي حتى مآت مآقآلش آي
الله يبآركـ كآنو بصحتهم وصحآح وخدودهم ديمآ حومر ثآلمون عآيشين غير من الحوآيج الطبيعية
قشر وكول ، ولآ احلب واشرب
ودركـ كلش دآخلة فيه موآد كيميآئية ،الصغير والكبير يشكي
ربي يشفي كل مريض ان شآء الله
والا لقيتي بلآصة فالجبــل مآتنسآيش خآوتك ندير لمة أخرى فالطبيعـة :d
يعطيك الصحة على الموضوع القيم
​

اهلااااااا ملكة الاحساس ........
صح عندك الحق ........جدودنا كانو الله يبارك كلشي طبيعي ...........
اما احنا كي دجاج التريسيتي .......على ما كانش نمرضو ...ربي يبقي الستر
راني نحوس على بلاصة زينة وواسعة باش نروحو كامل .....:p:d
بلا ما توصي انت الاولى في القافلة ............
​

 

[عفاف الجزائرية]

انا وراسك اختي ام اسحاق اذا لقيتي بلاصة في الجبل عيطيلي نجي معاك
والله نطيبلك ونصرحلك بالبقرات ومن لعشيا للعشيا نخبزو فيها خبزة رغدة ونجيبو كاس حليب سخون من البقرة واحنا في الف عافية
والله كيما قالتها اخت قبلي تلوث كلشي حتى الاخلاق راها تسلطنت
ربي يسترنا ويستر علينا وعلى والدينا وارواحنا ووليداتنا وخياننا وكل امة محمد
ربي يبقي الستر برك
​

 

[ام اسحاق]

]السلام عليكم ورحمة الله تعالى وبركاته
موضوعك باهي وهادف
نسبة الكيميائيات اللي دايرة بينا كارثية
ونزيدلك النسب الحقيقية وقت تشوفيها في مخابر ال control de qualite
افضع وافضع
مواد التنظيف وما يشبهها ممكن نتغاضاو عليها
لكن مواد التجميل ومشتقاتها والمواد الغذائية اكبر خطر جاي منهم
لانو بالاضافة للمواد الحافظة اللي فيهم واللي هي فطبيعتها مسرطنة كي تزيد نسبتها
زيدي عليها سوء الحفظ وعدم مراعاة درجة الحرارة فالتخزين
تولي سرطان مفرعن
ياي كارثة كارثة كارثة والله
ماغلطوش جدودنا كي كانو ياكلو خدمة يديهم
ويغسلو بصابون الحجرة
يالطيف من وقتنا كل يوم نسمعو بحاجة جديدة تخدمت واخترعوها
وبالمقابل كل يوم نسمعو بصنف مرض جديد ربي يعافينا
يعطيك الصحة ام اسحاق
عالموضوع الباهي
برك ماتتوسوسيش بزاف بيسك تهبلي ههههه
احلى تقييم لعيونك
عالطرح اللي جبتيلنا فيه ريحة الجدود والربيع
تحية طيبة
​

و عليكم السلام و رحمة الله و بركاته
اهلا شجن الروح ....الي خدم في لابوراتوار كيما حالتنا لازم يوسوس
ربي يسترنا و يبعد البلاء ...........
يعطيك الصحة على الرد الباهي ......
يا ذكية راكي فهمتي المقصود جبتلكم الورود باه تتخيلوا عيشة الجبل و تجيو معايا :p
​