تأمن مرتك على درآهمك ؟

[الورد الأحمر]

عندي مدة مآ درتش موضوع هنآ
وحلآتلي اليوم ندير موضوع هنآ كي لقيت تقييمآت تقول

سلامي نور واشك حبيبتي توحشت نشوفك تدوري هنا في اللمة كي عادتك عندي مدة ما شفتكش ان شا الله يكون المانع خير .

صباح الخير اختى .. ان شاء الله تكونى بخير راك ما تضهريش خلاص فى الفترة الاخيرة فى امان الله

التقييم اللول عآرفة مولآتو والثآني لآ ...
ألوغ جيت على وجهم ندير موضوع ونبآن شوية
والحمد لله لي مغيبني غير الخير ومع الربيع أو مآ نقعدش
في الدآر كي المحرومة هذآ مآكآن :-r
...
نرجع للموضوع
حآيبة ندير موضوع لآيت كيفي

ألوغ جيت نحكي على وحد الجآرة ...

هذي وحدة الكل يكرهوهآ تآلمون مآ خلآتش الجيرآن
بحآلهم وبالنسبة ليهآ الكل يديرولهآ السحور

حتى قآلتلهآ مآمآ مرة علآش يسحروك ؟ على الفيلآت
لي عندك ؟

ولآ ملكآت الجمآل لي جبتي ؟

{ تقصد بنآتهآ }

( تعجبني صرآحة مآمآ )

المهم هذآ مش الموضوع ...

يآ سيدي من يومين بآلآك ولآ 3 كنت رآجعة لعشية من الخدمة
لقيتهآ الجآرة هذي تعس فيآ من البآلكون تآعهآ حتى هي
تسكن في الغيتشوسي يعني لقفتني وجهآ لوجه تبآ

ديجآ مع عيطتلي حكمتني الفشلة في الركآيب

المهم بدلت المود تآعي ولعبتهآ نتبسم وفرحت بشوفتهآ
ومسيتهآ بالخير كي النسآوين زعمة وسقسيت على خبآرهآ
ونسنّى فيهآ وآش محتآجة برك مني ألوغ قآلتلي ... :
أعطيني نيميغو مآمآك نحتآجهآ في آفآغ

أوآه ليزآفآغ معآهآ مش ملآح خرجت بوغطآبلي وقلتلهآ :
يوووه على هآذ الحآلة طفى البوغطآبل

ومآ حآفظآش الرقم هيآ قآلتلي خلي نمدلك النيميغو تآعي
وكي توصلي قوليلهآ تـpـيـpـيلي

( يآ قرح لفخونسي تآعك أبقآي في قشوك أطآطآ )
طلعت للدآر وأنآ نخمم وآش طآلبة يعني المخلوقة هذي ووآش
من آفآغ لي تحكي فيهآ مع مآمآ مي عرفتهآ بلي على آفآغ
تآفهآ على قدهآ بعد

رحت لمآمآ قلتلهآ أي حكمتني فلآنة وقآلتلي هكآ هكآ ديجآ
مآمآ وجهآ تعوج وقآلتلي هآتيلي بوغطآبلك نعيط من عندك
لآ تحكم رقمي وتكرهلي حيآتي كل مرة ...
هيآ هدرت معآهآ يآ سيدي ودرك ندير كيمآ الأفلآم
** شهور قبل ذلك **
صرآت آفآغ وين يخدم رآجلهآ لي هي منين يخدم بعد بآبآ
وكبرت لآفآغ ووصلوآ للشرع يعني العمآل قآضآو المدير
وكل وآحد وكّل محآمي وكي ربحوآ القضية غومبوغسآوهم
ودآو حقهم كآمل والحمد لله ...
ورآجلهآ كآن في المعمآعة هذي ألوغ وصل وقت يخلّص
المحآمي ورآح لمرتو لي هي جآرتي هذي وقآللهآ أعطيني
الدرآهم نخلّص المحآمي وهي مآ أمنتوش

** نرجعوآ لزمآن عستني عالبآلكون **
كي مآ أمنتوش عستني وحبت تحكي مع مآمآ بآش تسقسيهآ
كآن لحكآية كآينة منهآ وكآن صح لآفآغ تآع المحآمي
بآش تقرر كآن تمد لرآجلهآ الدرآهم ولآ نو ...
( نوكّل ربي برك

)

مع العلم هي بطّآلة وقآعدة في الدآر ...
درك رآجلهآ يخدم ويبكر ويعرق بآش يجيب الدرآهم
وأمنهآ عليهم المفروض كي يطلب درآهمو يلقآهم ولآ نو ؟

يعني درك هذي بشر ولآ وآش ؟ ولآ وجههآ مآ يعرقش ؟
حتى ظهرت رآجلهآ بالطريقة هذي قدآم مآمآ ؟

وانتآ يآ رآجل تأمن مرتك على درآهمك ؟ ولآ تفضّل
تأمن روحك عليهم على خآطر مآ تدريهآش ومآ تأمنهآش ؟

وانتومآ يآ لبنآت لوكآن جيتو في بلآصة جآرتي تعملوآ كيفهآ ؟
ولآ تمدوآ لرآجلكم الدرآهم بفم سآكت ؟

عييت درك

نخليكم حتى يعتمدولي الموضوع ونرجع
ومنآ لدآك الوقت اتهلآو في روآحكم

C ya ’

​

 

[حفيد هواري بومدين]

ربي يهدي الجارة هادي لي درتي عليها موضوع هههه
---
وافقت على الموضوع

 

[FATIMA 19]

السلاااااااااااام عليكم
مرحبا بعودتك
أولا الله لايشوفنا في جارة كيما هاذيك
أما فيما يخص المرا تساعد زوجها نظن ماكاين حتى حرج اذا يعود هو محتاج وفي ظروف صعبة على الرحب و السعة نورمالمون تمد وبلا مزيتها
ومالازمش تنسى خيرو

شكراااااااا​

 

[ماكانش]

مرة واحد قالي " ولا تأتو السفهاء اموالكم " قالي السفهاء هوما نساكم ؟؟
قتلو اذا مرتك سفيهة ماتحكيش على بنات الناس
----
الأغلبية تاع النسا صح مايعرفوش يتصرفو كي يلقاو الدراهم بين يديهم
مرت خويا يخليلها كي يديها لدار والديها 5 ملاين 15 نيوم تقلو خلصو :d
والمشكل مايبان عليها والو قال شرات قش ولا حاجة
والمشكل لكبير انو يجي يشكي ليما وختي
افف على هاذوك الرجال
والعكس كاين نسا يزيرو على رجالاتهم باه مايصرفوش ويديرو التاويل ..

يعطيك الصحة على الموضوع الزين
​

 

[شجـ الروح ـون]

السلام عليكم ورحمة الله تعالى وبركاته
عاش من شافك نور
ان شاء الله تكوني بالف خير
والله حليلهم رجال كيف جاركم هذا
العام بطولو يهـgش على الدراهم ونهار تالي يولي يحاول باش يديهم بففف
كيما تقولي ماما الرجال مابقاو رجال والنسا ما بقاو نسا ربي يستر برك
عندها ايام تلاقيت مع عمتي ليا وقت ماشفتهاش
راجلها الخدمة متعسرة معاه يعني عايشين الحمد لله
مي هي قاتلي مانيش حابة ولادي تخصهم حتى حاجة على لولاد الباقييين
هي باباها دايرلها الذهب ياسر وكانت تخدم بعد دارت من دراهمها يعني اداية معايا ماشاء الله ذهوبات
قاتلي بغيت نشاورك في حاجة وتقعد بيناتنا قاتلي عارفة لوكان يسمعو الدار ما يسكتوش عليا
قتلها هيه واش قاتلي حبيت نبيع واش عندي كامل ونعطيهم لراجلي يدير بيهم مشروع
يفتح على روحو وعلى اولادو
انا قلتلها هيه وينهو المشكل قاتلي نورمال ومافيها والو ؟
قتلها واش فيها يعيشك
قاتلي فلانة اللي هي عمتي الثانية قاتلها اعطيهملو ويديهم ويخدعك وما يرجعهملكش ووووو
قلتلها يا عمتي اسمعيني سع اخطيك من كلامهم واسمعيني
انت راجلك هذا راه بابات وليداتك
وراكي مأمناتيه على نفسك وعلى حياتك ماتأمنيهش على دراهمك ؟ متامنيهش عالفاني ؟ وعلى وسخ الدنيا ؟
قتلها اتكلي على ربي وماتخميش فيها مرتين
والحديث قياس
العيب ماش في الراجل ولا المرأة يا نور
العيب في وقتنا وناسنا اللي خلاو المرا تتوسوس وماتديرش لامان فالراجل والعكس
صحيتي نور عالموضوع الباهي
وسامحيني كثرت الهدرة هههه تبانلي قلبي معمر
​

 

[FATIMA 19]

مرة واحد قالي " ولا تأتو السفهاء اموالكم " قالي السفهاء هوما نساكم ؟؟

قتلو اذا مرتك سفيهة ماتحكيش على بنات الناس
----
الأغلبية تاع النسا صح مايعرفوش يتصرفو كي يلقاو الدراهم بين يديهم
مرت خويا يخليلها كي يديها لدار والديها 5 ملاين 15 نيوم تقلو خلصو :d
والمشكل مايبان عليها والو قال شرات قش ولا حاجة
والمشكل لكبير انو يجي يشكي ليما وختي
افف على هاذوك الرجال
والعكس كاين نسا يزيرو على رجالاتهم باه مايصرفوش ويديرو التاويل ..​

يعطيك الصحة على الموضوع الزين​

مرت خوك الله غالب عليها
مانلومهااااش
مخلوعة و عمرها لا شافت دراهم في يديها
وباينة مسكينة قبل ماتتزوج عمرها لا شافت دورو ههه
و أمثالها كثيرون​

 

[الورد الأحمر]

شكرا على اعتمآد الموضوع
أو نرجع من بعد نرد رآني غير كيما نضت من الرقآد ‎:p‎
سلآمي '

 

[EL General]

ههههه و الله صح اذا حطيتي الف فرنك في يد مرتك امسح مات خخخ
​

 

[بنت الـ25]

أهلا نونو نورتي منتدى واش راك تهدر
هكا تعجبيني خودي الراي وسركلي هنا متندميش ولا وش قال شوشو؟ خخخخخ
بون الموضوع راني فسدتلو لو شاغم كان غوز درتلو بقعة زرقاء
حب يقول يوضع ضمن

قائمة المواضيع المميزة لمنتدى واش راك تهدر
​

أولا نبعث تحية لماماك على صراحتها المنقطعة النظير خخخخخخخ
وثانيا هاد الكاليتي كاينة بارتو وين تدوري تلقايهم
وكون تجي تشوفي الراجل هدا من اللول غالط هو شاف مرتو هكا علاه يمدلها دراهمو تخبيهم
آ سيدي كامل الرجال يمدو لنساهم يخبيولهم دراهمهم فالماليت تع الدهب خخخخخخ
مي نورمالمو كي يدومونديهم تجيبهم كي التوتو :d
هادي جارتكم تحسب في روحها كونان ودير فالتحريات باش تتأكد :s
وهكا راهي بخصت بروحها وبراجلها :down:
ما خممتش وش تقول عليها امك؟ مش دايرة الثقة في راجلها ؟
ولا مش دايرة ثقة في نفسها وخايفة يدي دراهم يتزوج عليها :d
اصلا أتعاب المحامي لا طارت وطارت توصل لزوج ملاين ونص .. 2 ملاين ونص تجيبلو مرا؟ :s
ولا تحسب فيه طفل صغير خايفة عليه يفسد دراهمو
ياو دراهمو يحب يحرقهم ما عندك ما دخلك

وانتومآ يآ لبنآت لوكآن جيتو في بلآصة جآرتي تعملوآ كيفهآ ؟
ولآ تمدوآ لرآجلكم الدرآهم بفم سآكت ؟

انا لاكان مدلي نخبيلو براحتو ونهار يحتاج يديهم يخي دراهمو
ياااو متخرجينيش من عقلي نونو هههههههههه
ويحب يديلي دراهمي ويبيعلي صياغتي حلال عليه متقوليش اي تقول في ليتساع
ديجا نونو ياخي تفاهمنا منلبسوش دهب هههههههههههه

ايا في لامان حبوبة ومتحرميناش من تواجدك هنااااااااااااااااااا
​

 

[ماكانش]

مرت خوك الله غالب عليها
مانلومهااااش
مخلوعة و عمرها لا شافت دراهم في يديها
وباينة مسكينة قبل ماتتزوج عمرها لا شافت دورو ههه
و أمثالها كثيرون​

والله يا فطيمة تباني تعرفيها هههههههههههه
​

 

[FATIMA 19]

والله يا فطيمة تباني تعرفيها هههههههههههه​

هههههههههههه شكون مرت خووووووووك
باينة من فعايلها تعرف بلي كانت مسكينة ........................​

 

[الورد الأحمر]

مغسي عالردود يعطيكم الصحة
قريتهم رد برد وكلمة بكلمة واسمحولي فيمآ بعد
نرد ولآ غدوة ...
مغسي يعطيكم الصحـة
سلآمي ’
​

 

[zagane]

السلام عليكم
شا يفسد بين المرا وراجلها وبين الخاوا غير الدراهم

 

[فتاة حساسة]

مرة واحد قالي " ولا تأتو السفهاء اموالكم " قالي السفهاء هوما نساكم ؟؟
قتلو اذا مرتك سفيهة ماتحكيش على بنات الناس
----
الأغلبية تاع النسا صح مايعرفوش يتصرفو كي يلقاو الدراهم بين يديهم
مرت خويا يخليلها كي يديها لدار والديها 5 ملاين 15 نيوم تقلو خلصو :d
والمشكل مايبان عليها والو قال شرات قش ولا حاجة
والمشكل لكبير انو يجي يشكي ليما وختي
افف على هاذوك الرجال
والعكس كاين نسا يزيرو على رجالاتهم باه مايصرفوش ويديرو التاويل ..

يعطيك الصحة على الموضوع الزين
​

ربي يكون في عون خوك ههههههههههههههههههههههه 5 ملاين والله بززااف في ..


انا كون يطيحو في يدي اييييييييه يبقولي عام والا :p​

 

[ماكانش]

ربي يكون في عون خوك ههههههههههههههههههههههه 5 ملاين والله بززااف في ..


انا كون يطيحو في يدي اييييييييه يبقولي عام والا :p​

مام انا لوكان غير شهريتي 5 ملاين راني تزوجت يا حصراااااااااااااااااا
هههههه

 

[Only me]

أنت لايت وموضوعك لايت ماغلطتيش

يعطيك الصحة على هاذ السوجي الباهي

المسكين دار ثقة في مرتو وأمنها على دراهم وهي دراهمو وبخلتهم عليهـ الله يهديها

بالصح واش تحبي هاذوك لي عندهم الشان عند رجالتهم هههه

 

[Sabrina Cne]

مساء الأنوار اخت نور (راني وليت نعرفكم تالمو مينة ديما تحكي عليكم :p)
يا ختي كاين جيران يا لطيييييف أرواحي تشوفي لي عندنا
حنا اللي مقابلتنا عاد كي يطبطب الباب تاعنا يتحل الباب تحها ههههههه مقريباااااااااااا سبحان الله
أما في الحكاية تاع الدراهم انا نشوف ماكانش فرق بين الراجل ومرتو دراهمو هما دراهمها والعكس
وزيد هاذ الدراهم ياخي تاعو واش المعنى كي ما تمدهملوش او يديهم سيف عليها تحب ولا تكره

 

[الورد الأحمر]

ربي يهدي الجارة هادي لي درتي عليها موضوع هههه
---
وافقت على الموضوع

ويهدينآ أجمعين خويآ عبدو
مغسي عالاعتمآد يعطيك الصحة
مشكور عالمرور
سلآمي ’
​

 

[الورد الأحمر]

السلاااااااااااام عليكم
مرحبا بعودتك
أولا الله لايشوفنا في جارة كيما هاذيك
أما فيما يخص المرا تساعد زوجها نظن ماكاين حتى حرج اذا يعود هو محتاج وفي ظروف صعبة على الرحب و السعة نورمالمون تمد وبلا مزيتها
ومالازمش تنسى خيرو

شكراااااااا​

أهلآ أختي والله لآ يكتّر من أمثآلهآ
أمآ في حآلتهآ هي رآجلهآ مآ طلبش مسآعدة منهآ
طلب درآهمو برك لي حآكمتهم هي وهي جآت
تسقسي مآمآ قبل كآن رآجلهآ يهدر في الصـح
ولآ يكذب برك بآش تقرر تمدلوآ درآهمو ولآ نو :s
وأكيد مآ فيهآ وآلو لمرآ تعآون رآجلهآ
- مو على عيني :p -
مغسي عالمرور أختي وسلآمي ’
​

 

[الورد الأحمر]

مرة واحد قالي " ولا تأتو السفهاء اموالكم " قالي السفهاء هوما نساكم ؟؟
قتلو اذا مرتك سفيهة ماتحكيش على بنات الناس
----
الأغلبية تاع النسا صح مايعرفوش يتصرفو كي يلقاو الدراهم بين يديهم
مرت خويا يخليلها كي يديها لدار والديها 5 ملاين 15 نيوم تقلو خلصو :d
والمشكل مايبان عليها والو قال شرات قش ولا حاجة
والمشكل لكبير انو يجي يشكي ليما وختي
افف على هاذوك الرجال
والعكس كاين نسا يزيرو على رجالاتهم باه مايصرفوش ويديرو التاويل ..

يعطيك الصحة على الموضوع الزين
​

أهلآ بيك مآكآنـش ...
عجبني ردك اذآ مرتك سفيهة مآ تحكيش على بنآت النآس
:up::up:
أمآ عالنسآ أون جينيغآل بلآ نحدد مرت خوك ومرت عمك
كآين نسآ مش مآ يعرفوش يتصرفوآ كي يطيحوآ في يديهم
الدرآهم وإنمآ يتشوكآو برك في النعمة تلقآهآ بآلآك جآمي
طآحت في يدهآ سوم كيمآ هذيك تَنْدْخَلْ كيمآ تقول
مآمآ وترجع كي المشتآق ولآ ذآق وهذي الكآليتي خآف
منهآ وزيد أي ترجع غير تصـرف ومآ تنفعش تخبي درآهمك
عندهـآ ... ومرت خوك بآلآك من النوعية هذي :$
مغسي عالمرور يعطيك الصحـة وسلآمي ’
​