أعراس آخر زمن .... الله يستر من الخلطة!!!

[nanoche]

واش راكم يا معجون قلبي .... ان شاء الله تكونو بخير و ديمة ملمومين

اليوم جيتكم بواحد ال sujet ان شاء الله يعجبكم
نحكيلكم الحكاية après نتمنى نعرف رايكم

الخميس اللي فات روحت لعرس في البليدة عند لافامي

العريس مغترب يعني دارو عرس واحد أهل العروسة و أهل العريس كانوا كلهم ملمومين
في الصباح نضت بكري باش نوجد روحي راكم تعرفو حفافة و حوايج أخرين كل النسا يهتمو بيهم http://l.********/lo/api/res/1.2/8FRN9rJ2vL3.I9sdZWj23Q--/YXBwaWQ9bWtihttp://www.goudgrijp.nl/emoticon-3d/3D%20Smilies/050104_emm2_prv.gif
المهم ... نزلنا للبليدة و روحنا للصالة directement ماكانش عندنا وقت بزاف
و كي دخلنا لقينا يمات العروسة قاعدة قدام الباب تستقبل في الضيوف و قاعدة معاها واحدة عمباتلي في début واحدة gاورية ههههه على حساب الحطة ديالهاhttp://l.********/lo/api/res/1.2/wNmNPNldfr8DGt97yhaSkg--/YXBwaWQ9bWtihttp://www.messengerfreak.com/emoticons/love/lips_343f.gifعرفت بعدها بليك هي يمات العريس

مشات معانا يمات العروسة في الكولوار و قالتلنا اقعدو من هاذيك الجيهة لأن أهل العريس يقعدو من هاذ الجيهة ياك رانا رايحين نديرو فيونصاي و عرس en même temps أنا جاتني عادي كاين بزاف اللي يواسيوهم بين زوج في مرة http://l.********/lo/api/res/1.2/yLWimym3aG46O0Sw6wEkFQ--/YXBwaWQ9bWtihttp://www.goudgrijp.nl/emoticon-3d/3D%20Smilies/ja.gif
حكمنا بلايص شوية بعاد .... مانحبش نبان في الكاميرا

و بعد وقت قصير سمعنا الزرنة يعني جات العروسة

و هنا كانت المفاجأة !!!!http://l.********/lo/api/res/1.2/w26CeS_PSz0sGEQRWMywAA--/YXBwaWQ9bWtihttp://www.goudgrijp.nl/emoticon-3d/3D%20Smilies/36_1_25%5B1%5D.gif دخلت مع العريس ديغاكت
أنا حضرت أعراس فيهم الفيونصاي و العرس في نهار بصح بعد ما تكمل التصديرة ديالها يدخل العريس يلبسلها الخاتم
و المفاجأة الأكبر أن أهل العريس دخلو كلهم نساء و رجال يعني العرس ميييييييييييكست

و بلا ما نحكي على الزماgرة و اللبسة اللي دخلو بيها

بدات السخانة تطلعلي http://l.********/lo/api/res/1.2/Gf7gJwt5p01Ol9._IJZieg--/YXBwaWQ9bWtihttp://www.goudgrijp.nl/emoticon-3d/Yelling/header.gif
خرجت الملاية من الكابة و لبستها و لبست الخمار ديالي و استنيت برك العروسة قعدت في الكرسي ديالها بعد ما شبعت شطيح مع عريسها

و انا نغلي و نقوللها في قلبي اقعدي يعطيك غمة

روحت باركتلها و اعطيتها الكادو ديالها و قلت ليما امشي بلاصتنا ماشي هنا يا ميمتي
بدات يمات العروسة علاش اقعدو مازال الحال مازال العرس ما بداش و تعنق فيا علاش يا بنتي اقعدي اديري الحنة مع أختك
اضطريت نألف قصة باش نخرج و لوكان عرفت هاكذاك ما نروحش خلاص
و على بالي يقولو غارت .... خليهم يحكيو ما يهمنيش http://l.********/lo/api/res/1.2/VQYF8Vy5Ya7kP394a6nXhQ--/YXBwaWQ9bWtihttp://www.messengerfreak.com/emoticons/animals/penguin03.gif
هاذي هي الحكاية يا حبابي في ميزكم واش قالو عليا ؟؟؟ مغندفة يااك
هههههههههه
و انتوما شكون صراله كيفي؟؟؟ وواش رايكم في النسا اللي يحضرو لعراس ميكست و هن كاسيات عاريات قدام رجال برانيين عليهم؟؟؟؟
أنا ضد ..... أندد...... أحتج..... لاااااا أقبل ههههههه

​

 

[بنت الـ25]

صحيتي ننوش موضوع مميز و كعبة مالمقطوعين
يتحط ضمن قائمة المواضيع المميزة لمنتدى واش راك تهدر

كيما يقولها البروف تع العلوم شرعية فالليسي
الموضوع أو خطير آ جماعة
ربي قال " ولا تبرجن تبرج الجاهلية الأولى" والرسول عليه الصلاة والسلام قال:
"أيما امرأة استعطرت وخرجت ليجدوا ريحها فهي زانية"
هنا استعطرت برك فما بالك المرأة فالعرس وهي بكامل زينتها تخلط مع الأجانب عليها
مي وش رح تهدري ووش رح تقولي هادو عالأاقل زمgــّر ما آمـpورطالهمش
انا مرة صراتلي في عرس جارتنا ايماجيني حنات قبل ما تلبس الخاتم :$ وجى السبع تعها ساماها وهي تحني :-h
وزاد وصلها وين تبدل باش تلبسش لاغوب :d وزاد جابها وتع الهدوة هدوك يتبعو فيهم آلي غوتور
والرجاجيل زدمت :-o
والبناويت والنسا لابسين لباس كيما لي حكيتي :down:
انا وماما وجيراننا لوخرين كنا مجبوديش شوية منهيه
وزاد بابا طلعلو الدمار كي شاف التخلاط هدا حرق عليا التلفون باش نروحو
طريق كاملة وهو يقابد وينعل مزية لاصال مش بعيدة على الدار 5 دقايق واحنا وصلنا
عيب والله عيب .. وحد الوقت وصلنا ليه يا لطيف ومبعد يقولو كيفاه تصاورنا عند اللي يسوا واللي ما يسواش
أصلا ربي ما يباركش يا حصرااااااااا
رح نوليو طلاين؟


​

 

[لؤلؤة قسنطينة]

فعلا موضوع مهم جدا والمشكل أنه صار عادة مميزة في الأعراس
حيث أولاً أغاني تقشعر لها الأبدان وخالية من الإحترام بتاتاً
وثانيا ملابس الفتيات التي إن وصفتها بغير المحتشمة فقد قصرت في وصفها هههه
يعني ملابس .....الكفار ولا يتجرؤون على لبسها والمشكل محجبات ...يعني تلقايها اللبسة ماتعجبش وكي تجي خارجة دير الخيمار
والمشكلة الأكبر هو أن العرس يكون مختلط ويكون فيه آلات تصوير عديدة
وأنا الشي لي يحيرني كيفاه الاب يقبل بنتو ولا مرتو يلبسو هكا ويقابلو ناس غرباء وفي عرس مختلط
وأنا تاني صراتلي بزاف مرات تروحي لعرس نورمال وكي تدخلي تقولي راني في عرس تاع كفار ماش تاع عرب ومسلمين
والمشكل الأعراس في فرنسا وولاو مستورين على تاع تاعنا
على كل حال شكرا للموضوع القيم والرائع
تحياتي

 

[ملكًة الاحسآس]

وعليكم الســلآآآم
عجبني موضوعك ننوش :d
هآآو انتي تآني بآينة مآدآم الزمآgــرة دآخلين فالحكآية
بلي رآيحين يديرو عرس كمآ تآع لهيه :p
فكرتيني نهآر عرس صحبتي ، دآرتهآ فالدآر في وحد لآكوغ كبيييييييييرة
مآلآ حنآ حآلتنآ حآلة عرس صآحبتنآ اللبسة كفآه الشعر كيف كيف :-h
سمعنآ ليكلآكسون شدينآ بلآيصنآ فالصف الأول زعمه خوتآت العروسة خخخ ، دخلو النسآ الأول
وكي جآ بآش يدخل العريس حبو يدخلو معآه صحآبه كي مآحبش بآبآهآ يخليهم يدخلو
دخلو على وحد البآب نسآو مآعسوهآش وكآنت قريبة لينآ ، يآمحآينكـ تقول طلقولهم من الحبس
المزية كآنت عبآيتي معيآ طول لبستهآ وحطيت الخمآر
بصح وحد البنآت بانتلهم عآدي كي شغل مش دآيرين حجآب من أصله
كي رحت للدآر حكيتلهآ لمآمآ قالتلي استر ربي كي جآ بآبآك يديكـ لقآهم رآحو
ولآ سينو قلبهآ عليك وعليآآ :p
قلتلهآ من اليوم الي يعرض لآزمه يقول ولآ يكتب فلكآغث دانفيثاسيون
آسكو ميكسث ولآ لآلآ على الأقل الوحده تدير حسآبهآ ، مآتروحش وتقص عليهآ :d
منعرف وين رنآ لآحقين ، على قولت مينآث رآيحين نوليو طلآين وآقيلآآ


​

 

[أم راضية ~_]

السلام عليكم
وين دارو العرس في لالة مريم ولا pالي صهيب ؟؟ ههههههههه
أي باينة ادا في هاد الزوج ولا غيرهم من المعروفين راهم لازم يدخلو فالديكور تاع لاصال هههههه
الناس هبلت ...​

 

[nanoche]

ربي يثبتنا على الدين يا ربي
​

 

[nanoche]

صحيتي ننوش موضوع مميز و كعبة مالمقطوعين
يتحط ضمن قائمة المواضيع المميزة لمنتدى واش راك تهدر

كيما يقولها البروف تع العلوم شرعية فالليسي
الموضوع أو خطير آ جماعة
ربي قال " ولا تبرجن تبرج الجاهلية الأولى" والرسول عليه الصلاة والسلام قال:
"أيما امرأة استعطرت وخرجت ليجدوا ريحها فهي زانية"
هنا استعطرت برك فما بالك المرأة فالعرس وهي بكامل زينتها تخلط مع الأجانب عليها
مي وش رح تهدري ووش رح تقولي هادو عالأاقل زمgــّر ما آمـpورطالهمش
انا مرة صراتلي في عرس جارتنا ايماجيني حنات قبل ما تلبس الخاتم :$ وجى السبع تعها ساماها وهي تحني :-h
وزاد وصلها وين تبدل باش تلبسش لاغوب :d وزاد جابها وتع الهدوة هدوك يتبعو فيهم آلي غوتور
والرجاجيل زدمت :-o
والبناويت والنسا لابسين لباس كيما لي حكيتي :down:
انا وماما وجيراننا لوخرين كنا مجبوديش شوية منهيه
وزاد بابا طلعلو الدمار كي شاف التخلاط هدا حرق عليا التلفون باش نروحو
طريق كاملة وهو يقابد وينعل مزية لاصال مش بعيدة على الدار 5 دقايق واحنا وصلنا
عيب والله عيب .. وحد الوقت وصلنا ليه يا لطيف ومبعد يقولو كيفاه تصاورنا عند اللي يسوا واللي ما يسواش
أصلا ربي ما يباركش يا حصرااااااااا
رح نوليو طلاين؟


​

ربي يخليك أختي و مرسي على الكاشي راني رجعت نحب نشوفو ههههههه واقيلا والفتو واش يصبرني عليه
الموضوع أو خطير آ جماعة
قوليها و عاوديها يا الحبيبة
وين رانا ووين راهو الدين ديالنا غير رايحين للهلاك و زايدين و حاسبينها حضارة و تقدم و الله هذا هوالتخلف بعينه
و كي تقولي ما عجبنيش الحال يقولو ياخي مغندفة هههه واش عليه اذا كان هذا هو التغنديف غير خليوني نتغندف و نزيد
ربي يثبتنا على الدين يا ربي​

 

[أم أمين23]

انا الي نعرفو بلي ناس العاصمة يديرو عراسهم ميكست يعني الاغلبية
احنا في الشرق كاين وكاين بصح الاغلبية كل واحد وعرسو والا عملوه مشترك رجال وحدهم والنسا وحدهم لخاطر معروف احنا في الاعراس ماشي برك الفاميلا الاحباب والاصحاب والجيران
بصح المشكل هنا في مالين العروسة الي قبلو بهاد الامر كان من المفروض يخبرو الناس الي يحب يجي ربي يسهل يدي الوزر وحدة
ربي يهدي برك راهي الناس هبلت ولات تخلط في كل شيء

 

[serinee]

أهلا بك غاليتي
فعلا موضوع مميز جدا
يا صبحان الله علابيها واش راهو صاري فالدنيا اي من فعايل الناس حبو يهبلو
انا شخصيا ضد الاعراس المكسية و ما نحضرهمش و ربي ان شاء الله ميحضرنيش ليهم
نستعرف بيك يا فحلة
​

 

[nanoche]

فعلا موضوع مهم جدا والمشكل أنه صار عادة مميزة في الأعراس
حيث أولاً أغاني تقشعر لها الأبدان وخالية من الإحترام بتاتاً
وثانيا ملابس الفتيات التي إن وصفتها بغير المحتشمة فقد قصرت في وصفها هههه
يعني ملابس .....الكفار ولا يتجرؤون على لبسها والمشكل محجبات ...يعني تلقايها اللبسة ماتعجبش وكي تجي خارجة دير الخيمار
والمشكلة الأكبر هو أن العرس يكون مختلط ويكون فيه آلات تصوير عديدة
وأنا الشي لي يحيرني كيفاه الاب يقبل بنتو ولا مرتو يلبسو هكا ويقابلو ناس غرباء وفي عرس مختلط
وأنا تاني صراتلي بزاف مرات تروحي لعرس نورمال وكي تدخلي تقولي راني في عرس تاع كفار ماش تاع عرب ومسلمين
والمشكل الأعراس في فرنسا وولاو مستورين على تاع تاعنا
على كل حال شكرا للموضوع القيم والرائع
تحياتي

كلامك في الميزان يا اختي في فرنسا راهم أعراسهم مستورين علينا
عندي حبيبتي تزوجت في فرنسا الصيف اللي جاز و كانت بلا حجاب
و لما دخلت من حوالي شهرين و شفتها سبقتني الدمعة
لبست الحجاب الملتزم و قاتلي لما تروحي للغربة تحسي vغيمون واش معناتها الدين
و احنا شوفي واش راهو يصرا عندنا
شكرا على المرور
​

 

[nanoche]

وعليكم الســلآآآم
عجبني موضوعك ننوش :d
هآآو انتي تآني بآينة مآدآم الزمآgــرة دآخلين فالحكآية
بلي رآيحين يديرو عرس كمآ تآع لهيه :p
فكرتيني نهآر عرس صحبتي ، دآرتهآ فالدآر في وحد لآكوغ كبيييييييييرة
مآلآ حنآ حآلتنآ حآلة عرس صآحبتنآ اللبسة كفآه الشعر كيف كيف :-h
سمعنآ ليكلآكسون شدينآ بلآيصنآ فالصف الأول زعمه خوتآت العروسة خخخ ، دخلو النسآ الأول
وكي جآ بآش يدخل العريس حبو يدخلو معآه صحآبه كي مآحبش بآبآهآ يخليهم يدخلو
دخلو على وحد البآب نسآو مآعسوهآش وكآنت قريبة لينآ ، يآمحآينكـ تقول طلقولهم من الحبس
المزية كآنت عبآيتي معيآ طول لبستهآ وحطيت الخمآر
بصح وحد البنآت بانتلهم عآدي كي شغل مش دآيرين حجآب من أصله
كي رحت للدآر حكيتلهآ لمآمآ قالتلي استر ربي كي جآ بآبآك يديكـ لقآهم رآحو
ولآ سينو قلبهآ عليك وعليآآ :p
قلتلهآ من اليوم الي يعرض لآزمه يقول ولآ يكتب فلكآغث دانفيثاسيون
آسكو ميكسث ولآ لآلآ على الأقل الوحده تدير حسآبهآ ، مآتروحش وتقص عليهآ :d
منعرف وين رنآ لآحقين ، على قولت مينآث رآيحين نوليو طلآين وآقيلآآ


​

هههههههه و لا عندك الصح لازم يكتبو في les cartes d'invitation اذا ميكست ام لالا
المشكل انهم لما بعتولنا لي كاغت ماقالوش بليك عرس واحد جابلي ربي ما خداوش لاديسيزيون تم تم حنى تطفرت و رجعت أنا للدار بالخلعة من هول ما رأيت ههههههه حسبت روحي غلطت في لادغااس
مرورك أسعدني و نور موضوعي يا الحبيبة
​

 

[nanoche]

السلام عليكم
وين دارو العرس في لالة مريم ولا pالي صهيب ؟؟ ههههههههه
أي باينة ادا في هاد الزوج ولا غيرهم من المعروفين راهم لازم يدخلو فالديكور تاع لاصال هههههه
الناس هبلت ...​

و عليكم السلام يا الحبيبة
و الله في بالي لوكان لقاو يديرو العرس في واحدة و يتعشاو في الاخرى
هههههههههههه
​

 

[nanoche]

انا الي نعرفو بلي ناس العاصمة يديرو عراسهم ميكست يعني الاغلبية
احنا في الشرق كاين وكاين بصح الاغلبية كل واحد وعرسو والا عملوه مشترك رجال وحدهم والنسا وحدهم لخاطر معروف احنا في الاعراس ماشي برك الفاميلا الاحباب والاصحاب والجيران
بصح المشكل هنا في مالين العروسة الي قبلو بهاد الامر كان من المفروض يخبرو الناس الي يحب يجي ربي يسهل يدي الوزر وحدة
ربي يهدي برك راهي الناس هبلت ولات تخلط في كل شيء

ربي يحفظك يا الحبيبة و مشكورة على المرور
بصح ماشي كل ناس العاصمة يديرو لعراس ميكست
احنا jamais ما درنا عرس مخلط و الله يا بابا يطبق العرس على ريسانا ههههههه
كاين و كاين في كل منطقة و كيفاش
و مالين العروسة اغواهم الفاني و انخدعو بالمظاهر صدقيني انا اتخلعت حسبت روحي راني في عرس ما نعرفش اماليه
قعدت مشوكية و الحمد لله أني خرجت لأنو واش حكاولي على اللي صرا اومبعد .... حمدت ربي أني رفدت يما و رجعت بيها للدار
​

 

[nanoche]

أهلا بك غاليتي
فعلا موضوع مميز جدا
يا صبحان الله علابيها واش راهو صاري فالدنيا اي من فعايل الناس حبو يهبلو
انا شخصيا ضد الاعراس المكسية و ما نحضرهمش و ربي ان شاء الله ميحضرنيش ليهم
نستعرف بيك يا فحلة
​

ربي يخليك يا الحبيبة
وصدقيني عندي بزاف ملي راني مقاطعة أعراس الصالة و نروح في الليل يكون الجو هادي في الدار و نمد للعروسة الكادو ديالها
مي هادي الله غالب هي ماشي غير فاميلتي ... هي أختي من الرضاعة يعني كنت مضطرة نروح للصالة و بالاك ماقالوليش لأنهم عارفيني ما نروحش لوكان ندري
شكرا على المرور الكريم
​

 

[أميرة زمانـے‎]

هاذو هوما لعراس تاوع هذا الزماان

نساء مع الرجال وماشية الحالة

وبطبيعة الحال اناا ضدددّ هذاا الشيء ، أكيد كي يعود العرس مختلط متزهالكش كاامل في الشطح [ مع اني انا 0 في الشطح وجامي شطحت هع هع هع ] المهمممْ ، وربي حرم علينا نشوفو الرجال بلا خمارات


ربي يستر برك

 

[ahlam02]

نستعرف بيك اختي هدي هي احنا مسلمين ...مرة كنت رايحة لعرس لبست ومكييت ومشطت احنا النساء معروفين واش نحبو كي لحقت لقيتو عرس ميكست كرهت حياتي ودرت خماري وتهنيت.

 

[nihade.off]

صح عندك الحق الظاهرة انتشرت بزاف حتان الواحد ولا مايحبش يروح للاعراس بصح حبيت نقول بلي المشكل موش في الاعراس الميكست فقط حتى الوحدة كي تكون زايرة عند لافامي تكون تتصرف على راحتها حتان تلقى ولد عمها او خالها زادم يسلم و يقصر و ماعلابالوش و كي تشكي من الوضع او ماتحبيش تنحي حجابك يزعفو عليها و عمتك او مرت عمك و خواتاتو يقولو ليماك بنتك تتكبر علينا ولا معقدة المهم الكلمة اللي لقاوها يقولوها واش ديري في مجتمع حب يبعد على مبادؤو الي يحسبها تخلف بسبب جهل و قلة وعي
شكرا شكرا شكرا على الموضوع ​

 

[nanoche]

هاذو هوما لعراس تاوع هذا الزماان

نساء مع الرجال وماشية الحالة

وبطبيعة الحال اناا ضدددّ هذاا الشيء ، أكيد كي يعود العرس مختلط متزهالكش كاامل في الشطح [ مع اني انا 0 في الشطح وجامي شطحت هع هع هع ] المهمممْ ، وربي حرم علينا نشوفو الرجال بلا خمارات


ربي يستر برك

مشكورة على المرور حبيبتي
ربي يهدينا ان شاء الله
​

 

[nanoche]

نستعرف بيك اختي هدي هي احنا مسلمين ...مرة كنت رايحة لعرس لبست ومكييت ومشطت احنا النساء معروفين واش نحبو كي لحقت لقيتو عرس ميكست كرهت حياتي ودرت خماري وتهنيت.

الأعراس المختلطة ماهي لا من عاداتنا ولا من تقاليدنا و راكي تشوفي وين لحقنا غير التقليد الأعمى و قاعدين زادمين
أسعدني مرورك حبيبتي

ربي يستر برك من الجاي ماناش عارفين من هنت للصيف واش يخرجولنا جديد
​

 

[nanoche]

صح عندك الحق الظاهرة انتشرت بزاف حتان الواحد ولا مايحبش يروح للاعراس بصح حبيت نقول بلي المشكل موش في الاعراس الميكست فقط حتى الوحدة كي تكون زايرة عند لافامي تكون تتصرف على راحتها حتان تلقى ولد عمها او خالها زادم يسلم و يقصر و ماعلابالوش و كي تشكي من الوضع او ماتحبيش تنحي حجابك يزعفو عليها و عمتك او مرت عمك و خواتاتو يقولو ليماك بنتك تتكبر علينا ولا معقدة المهم الكلمة اللي لقاوها يقولوها واش ديري في مجتمع حب يبعد على مبادؤو الي يحسبها تخلف بسبب جهل و قلة وعي
شكرا شكرا شكرا على الموضوع ​

خليهم يقولو كيما يحبو انت حاولي ترضي ضميرك و راعي مبادئك و خلي اللي حاب يهدر يهدر راهم يحتتو في الذنوب برك
ولا شكر على واجب اختي
​