طريقة القضاء على ريحة لي تعبق دارك [مسابقة خاصة بالعناية المنزلية]

[iméne09]

واش راكم فحلات اللمة يالي مزهيين القعدة بالشطارة والهمة جيت نشارك في مسابقة


باش نفيدكم بشي يصرالنا توجوغ كلما نشرو السردين لي ريحتو تعبق الدار ماتقدريش تقعدي فيها قدما نديرو لي باغفيمي مي تبقى وزيد يكتر الدبان عليه

وانا جبتلكم 2طرق ان شاء الله تفيدكم باش تتهناو من ريحتو ويبعد عليكم الدبان وهمو
طريقة لولة
ماعليكم غير تاخدو قشور تاع تشينا +قشور تاع قارص +وقشور تاع تفاح

تلات عيدان تاع القرفة +ماء

نرفدو كاسغول ونحطوها على نار ونفرغو هداك الماء
منباعد نحطو قشور القارص.تشينا .تفاح والقرفة عود
نخليوهم يغلو مليح ومنباعد خلطيهم تزيدي شوية تبدا تنطلق ريحة هايلة وتنحي كامل ريحة السردين وتبعد عليك ديرونجمون لي هو الدبان

طريقة تانية
خودي كاسغول حطيها فوق نار وفرغي عليها الماء وخليها على نار هادية كي يولي الماء يغلي ارميو عليها
4 ابراج تاع القارص

زيدولو شوية خل تاع التفاح

ونخليوهم يغليو مع الماء منباعد
تولي تنطلق وحد ريحة تعبق الدار وتهنيك من ريحة السردين
وفي لافان راني صاييتها وكاينة منها
ارجو ان تنال اعجابكم



​

 

[ملكًة الاحسآس]

وعليكم السلآآم
اهلآآ ايمآنو توحشتكـ وتوحشت موآضيعكـ
يعطيكـ الصحة يالفحلة ، ريحة السردين أكره حآجة عندي
ولآ كي تخدميه وتخلصي تلقآي ذبآن امة لآ اله الا الله كآمل في كوزينتكـ
سوغثو الآ كآنت الطآقة مفتوحة :d
طريقة مليحة ، ميريسي ليكـ :up:
موفقة في المسآبقة
​

 

[منايا الجنة]

طريقة هايلة هكداك نتهنا من خبيط جدهم و نحاوزهم من التاقة
بارك الله فيك

 

[ام بسومة]

شكرا اختي مشاركة هايلة و مفيدة

 

[ام اسحاق]

يعطيك الصحة ايمان ربي يعطر ايامك
​

 

[السلطانة]

وعليكم السلام

طريقة رائعة اختي ايمان للقضاء على رائحة الساردين المزعجة
يعطيك الصحة
بالتوفيق في المسابقة

​

 

[tistissa dj-tissou]

طريقة رائعة وفعالة
صح ريحة السردين تحكم يومين في الدار
مرسي عليك
موفقة
​

 

[iméne09]

وعليكم السلآآم

اهلآآ ايمآنو توحشتكـ وتوحشت موآضيعكـ
يعطيكـ الصحة يالفحلة ، ريحة السردين أكره حآجة عندي
ولآ كي تخدميه وتخلصي تلقآي ذبآن امة لآ اله الا الله كآمل في كوزينتكـ
سوغثو الآ كآنت الطآقة مفتوحة :d
طريقة مليحة ، ميريسي ليكـ :up:
موفقة في المسآبقة ​

يتوحشك الخير يلحبيبة والله مام انا متوحشاتك كتر وبلا مزيتي انا تاني نكره ريحة هديك مانحملها هاد لاستـuــس صايتها نحاتلي كامل الريحة لوكان تشوفي سردين غير يدخل يدخل معاه ضياف معمرة دنيا بدبان
نورتيني بمرورك حبيبتي ​

 

[iméne09]

طريقة هايلة هكداك نتهنا من خبيط جدهم و نحاوزهم من التاقة
بارك الله فيك

هههههههههههه تقعدي تحوزيهم سير راكي تتعدبي حنونة سي بون دوكة عندك هاد لاستـuـس هنيتك منهم
وفيك بركة نورتي يلغالية ​

 

[iméne09]

شكرا اختي مشاركة هايلة و مفيدة

بلامزيتي حنونة ليسونسيال نفيدكم وتكون عجبتكم طريقة ​

يعطيك الصحة ايمان ربي يعطر ايامك ​

ويزين حياتك حنونة وبلامزيتي اهم شي تكونو استفدتو مني
نورتوني ​

 

[iméne09]

وعليكم السلام ​

طريقة رائعة اختي ايمان للقضاء على رائحة الساردين المزعجة
يعطيك الصحة
بالتوفيق في المسابقة ​

الله الله شكون زارتني نورتيني حنونة بمرورك المعطر بالورد وياسمين ​

 

[iméne09]

طريقة رائعة وفعالة

صح ريحة السردين تحكم يومين في الدار
مرسي عليك
موفقة ​

هههههههههه سي vــغي ريحة سردين سامطة كي يدخل للدار يتحلال باش تتنحي ديك ريحة تبهدل سيختو ادا جاونا ضياف لازم دار تنغسل ميل فوا ويا ربي ادا راحت نورتيني حبيبتي بمرورك الرائع ​

 

[Tite Fàtimà]

طريقة هاايلة
بارك الله فيك
​

 

[khadidja02]

طريقة هايلة يعطيك الصحة

 

[rawen r.m.a]

رد: طريقة القضاء على ريحة لي تعبق دارك [مسابقة خاصة بالعناية المنزلية]

يطيب ريحتك ختي مرسسسسي

 

[ام اية الرحمان]

رد: طريقة القضاء على ريحة لي تعبق دارك [مسابقة خاصة بالعناية المنزلية]

يعطيك الصحة شكراااا على معلومة المفيدة