نقيم روحي والا يقيموني الناس

[أم أمين23]

على سلامتكم يا ناس اللمة واللهجة الحلوة هادي مدة ما درتش هنا والموضوع اليوم خطرلي وكنت نخمم وين هنا والا في الفصحى ومن بعد قلت مادامنا نحكو على عقليات خلينا في الدراج افضل كاشما يوصل المعنى افضل:
مالا يا وليداتي وخواتاتي اليوم حبيت نحكي على تقيمنا لرواحنا وتقييم الناس لينا
كيفاش الواحد لازم يشوف روحو من تقيمو هو لروحو والا من تقييم الناس ليه
والي يكون فور يقول راني فور والا يستنى الناس تقولو راك فور
والي ما يعجبناش ويقول علينا عيانين معناها بلي احنا ما نسواوش والا هاداك رايو ولازم نقبلوه مادام عارفين بلي رانا قمة وواحد ماراهو كيفنا
والا الناس كل واحد ورايو قادر الي نشوفوه احنا مليح فينا يشوفو غيرينتا قبيح والي نشوفوه قبيح يشوفوه مليح؟؟؟
المهم يا جماعة الي حبيت نقولو لازم احنا نقيمو رواحنا والا نخلو الناس يقيمونا؟
واد كاش عباد جاو وقالولنا راكم ما تسواوش لازم نقيمو القيامة عليهم والا عادي كل واحد حر في رايو ويبقى الاختلاف بين الناس ميزة؟
مالا يا جماعة قولولي كيفاش تشوفو رواحكم ديما فور وواحد ما كيفكم والا كيفاش راكم تقيمو وعلى اي اساس تشوفو لرواحكم
​

 

[حفيد هواري بومدين]

او كل واحد يعرف قيمتو يا يختي واحد ماتخليه يقيمك او ناس كامل تلقالك تلقالك عيب
وافقت على الموضوع

 

[ماكانش]

أهلا بيك ام أمين
يعطيك الصحة على موضوعك المليح
القدر والتقيام الإنسان هوا ألي يديرو لروحو
يكون رزين ومايلوحش روحو فيما لا يعنيه يعني يكون راجل الناس تقادرو
يعني يحترم ولا تحترم روحها يحتارموها الناس

 

[abdellah gourari]

و الله عن نفسي ما نيش مقيم روحي و كلام الناس فيه نوع ما شك كاين لي قدامك يقول كلة مي تروح أنت يقلب الكلام

 

[afkaar]

عزيزتي أم أمين
الناس أجناس و إرضاءهم غاية من المستحيل أن تدرك ,,, هناك من الأشخاص من يملأ قلبه حب الله فتجدينه يرى كل الناس بعين المحب و يتمنى لهم كل الخير الذي يتمناه لنفسه ,, و يتغاضى عن مساوءهم و عيوبهم و يتفادى جرح مشاعرهم و يحاول دائما الرفع من معنواتهم في الخطأ و الصواب .
و هناك من الناس من تملأ قلوبهم الغيرة و االحقد حتى إن حاولوا إخفاء ذلك فإنه يظل بارزا في تصرفاتهم ,,, فتجدينهم يتربصون خطوات غيرهم و يتصيدون الأخطاء حسدا من عند أنفسهم للتقليل من شأن الآخرين.
الأفضل أختي الفاضلة أن يكون الشخص صادقا و واضحا مع نفسه و مع خالقه و لا يقوم بفعل أشياء لانتظار تقييم خارجي بل لتحقيق الرضى النفسي.​

 

[أم أمين23]

او كل واحد يعرف قيمتو يا يختي واحد ماتخليه يقيمك او ناس كامل تلقالك تلقالك عيب
وافقت على الموضوع

مشكور على الاعتماد اخي وفعلا كلامك صحيح الناس ديما تخلي المحاسن في الغالب وتبحث على العيوب

 

[أم أمين23]

أهلا بيك ام أمين
يعطيك الصحة على موضوعك المليح
وبيك خويا سفيان نورتني
القدر والتقيام الإنسان هوا ألي يديرو لروحو
يكون رزين ومايلوحش روحو فيما لا يعنيه يعني يكون راجل الناس تقادرو
يعني يحترم ولا تحترم روحها يحتارموها الناس

صح لسانك الواحد لازم يفرض احترامو بتصرفاتو واقوالو اعطيك الصحة الا حبينا الناس تحترمنا لازم نحترمو رواحنا اولا

 

[SAMIRA25]

هناك امور كثيرة في الانسان يمكن تقيمها
اشياء يقدر يقيمها وحده و اشياء يخلي الناس المقربين منه يقيموها
بصح ما شي اي واحد يقيمني طبعا
الاشياء لي نقيم روحي وحدي فيها هي علاقتي مع الله علاقتي مع اهلي هدو امور شخصية ما يقدروش الاخرين الاطلاع عليهم بيني وبين نفسي
اما الاشياء لي نسمحلهم يقيموني الاشياء الظاهرية مثلا الدراسة العمل الطبخ والحاجات لي نشوفها صحيحة و ممكن تغييرها اللهم بارك اما لي ما عندهاش معنى الى الحائط لانه طبعا ارضاء الناس غاية لا تدرك
بارك الله فيك اختي ام امين على الموضوع
ان شاء الله نشوفو رايك انت ايضا
بالتوفيق​

 

[أم أمين23]

و الله عن نفسي ما نيش مقيم روحي و كلام الناس فيه نوع ما شك كاين لي قدامك يقول كلة مي تروح أنت يقلب الكلام

صح اخي ما قلت احيانا الواحد يتعامل نورمال ويهدر من قلبو يجي لاخر ويحور واش قلت وولو الناس يشوفو فيك ما نعرف واش درت وانت مسكين لا خبر

 

[أم أمين23]

عزيزتي أم أمين
الناس أجناس و إرضاءهم غاية من المستحيل أن تدرك ,,, هناك من الأشخاص من يملأ قلبه حب الله فتجدينه يرى كل الناس بعين المحب و يتمنى لهم كل الخير الذي يتمناه لنفسه ,, و يتغاضى عن مساوءهم و عيوبهم و يتفادى جرح مشاعرهم و يحاول دائما الرفع من معنواتهم في الخطأ و الصواب .
و هناك من الناس من تملأ قلوبهم الغيرة و االحقد حتى إن حاولوا إخفاء ذلك فإنه يظل بارزا في تصرفاتهم ,,, فتجدينهم يتربصون خطوات غيرهم و يتصيدون الأخطاء حسدا من عند أنفسهم للتقليل من شأن الآخرين.
الأفضل أختي الفاضلة أن يكون الشخص صادقا و واضحا مع نفسه و مع خالقه و لا يقوم بفعل أشياء لانتظار تقييم خارجي بل لتحقيق الرضى النفسي.​

كلامك جميل جدا اختي والله عندك الحق في كل واش قلتي وعجبتني بزاف اخر عبارة هايلة تاع الصح وانا واحدة من الناس حاطة هاد الكلام في بالي وزدتي انت في قناعتي بيه

 

[أم أمين23]

هناك امور كثيرة في الانسان يمكن تقيمها
اشياء يقدر يقيمها وحده و اشياء يخلي الناس المقربين منه يقيموها
بصح ما شي اي واحد يقيمني طبعا
الاشياء لي نقيم روحي وحدي فيها هي علاقتي مع الله علاقتي مع اهلي هدو امور شخصية ما يقدروش الاخرين الاطلاع عليهم بيني وبين نفسي
اما الاشياء لي نسمحلهم يقيموني الاشياء الظاهرية مثلا الدراسة العمل الطبخ والحاجات لي نشوفها صحيحة و ممكن تغييرها اللهم بارك اما لي ما عندهاش معنى الى الحائط لانه طبعا ارضاء الناس غاية لا تدرك
بارك الله فيك اختي ام امين على الموضوع
ان شاء الله نشوفو رايك انت ايضا
بالتوفيق​

اهلا سميرة صدقتي حوايج نقيمو احنا روحنا خاصة في علاقتنا مع الله ومع الاهل وانا نقول الناس عموما لخاطر الله واحنا اعلم بما في قلوبنا وحتى لو تصرفاتنا تعكس امور ممكن الاخر يقيمها بطريقة خاطئة على بيها احنا فقط الادرى بيها
وكيما قلتي الامور الاخرى الي ممكن تكون ملموسة كيما الطبخ والدراسة ممكن لخرين يشوفوها افضل منا لخاطر تكون بالاصل موجهة ليهم
منورة بمرورك وردك

 

[{مُدَلَّلَتُهُ}]

السلام عليكم

يعطيك الصحة أم أمين على الموضوع

الواحد من الأفضل يقيم روحو بروحو psk كاين شي ناس توكليهم لحمك ما يقولوهاش فيك مليحة و خدمتهم تطياح المورال و الهدرة الزايدة donc كي تسمعيلهم ولا تدي رايهم تظلمي روحك في الباطل
هذا رايي
سلامو
​

 

[ώᾄƒᾄA ħBᾄⱢ]

C VRAI WLH LAZAM LWAHAD ydir 9ima lroho
mrc 3liiiiiiiik​

 

[عفيفة الحبوبة]

الانسان ادا دار في باله الناس عمره ما يفلح
احسن حاجة انه يصنع قيمته بنفسه سواء باخلاقه او تصرفاته او اعتقاداته و مبادئه
شكراااااااااااااا​

 

[فتاة حساسة]

انا نشتي روحي ..انا نعشق روحي انا نقادر روحي ..انا تعجبني روحي ههههههههههههههههه
والله ياطاطا مانسنى تقييم من حتى حد ..

شكرا ليك على الموضوع ..واني تواحشتك طاطا :$
​

 

[بنت الـ25]

وحشتوني وحشتوني وحشتوووووووووني
مبختي ام امين قسم التنمية البشرية مش هنا ؟
بون دوري دورة اللولة واهبطي درجة تلقاي بلاكة مديريش عليها
:p :p :p :p
المهم نرجعو للميضوع المهم والمميز
نقولك بلي الانسان يقسم تقييم شخصيته نصف على الناس ونصف على نفسو
بون احنا عايشين مع الناس وهوما يشوفو فينا كتر ما نشوفو مع رواحنا خاصة من حيث التصرفات
دونك كي يقولك انسان راك فيك كذا وكذا سواء بالسلب ولا الإيجاب يلزم تتقبلو بصدر رحب
لاكان سلبي تحاول تغيرو ولاكان ايجابي تحاول تطورو للأحسن

ومن جيهة اخرى احنا نحكمو على رواحنا من حكمنا على الناس
مثلا تصرف قمت بيه ولا عادة نتميز بيها إذا كنت ننكرها على الناس الأكيد مش رح نرضى بيها لنفسي
لأنو بطبيعة الحال الناس رايحة تحكم عليا من نفس المنظور لي رح نحكم بيهم عليهم

لذا مدامنا عايشين مع الناس هوما لي يقيمونا اضف إلى ذلك تقييمنا لأنفسنا
تستاهلي تقييم غلاتوووو
​

 

[nina usma]

انا نقيم روحي على

عقليتي

طيبة قلبي

مسااااااامحة

و الحمد لله
مشكوووووووووورة حبيبتي​

 

[أم أمين23]

السلام عليكم
وعلكم السلام ورحمة الله وبركاته
يعطيك الصحة أم أمين على الموضوع
ومرسي ليك للمرور
الواحد من الأفضل يقيم روحو بروحو psk كاين شي ناس توكليهم لحمك ما يقولوهاش فيك مليحة و خدمتهم تطياح المورال و الهدرة الزايدة donc كي تسمعيلهم ولا تدي رايهم تظلمي روحك في الباطل
هذا رايي
سلامو
​

صح كاينة احيانا شيء ناس الافضل ما تقيمهمش خلاص وانت تعرفي الي عملتيه مليح والا شين والا هدرو كلامهم يكون زيادة اكيد

 

[الكاتبة الصغيرة]

موضوع رائعو في محلو

اختي لازم كل واحد تكون عندو ثقة في نفسو و ميديرش على اي واحد يعطيه رايو باسكو كل انسان و عقلتو و ذوقو

و لازم تاني ميمدحش نفسو بزاف قدام الغاش حتى يقولو عليه مغرور و متكبر و حاسب روحو

يعني كون في الوسط و كيما يقولو خر الامور اوسطها

تقبلي مروري

 

[أم أمين23]

C VRAI WLH LAZAM LWAHAD ydir 9ima lroho
mrc 3liiiiiiiik​

ايه الواحد لازم يدير قيمة لروحو بصح مالازمش يدير قيمة اكثر من يستاهل يعني مليح الواحد يقيم روحو قد قد ما يزيد ما ينقص والا راح يولي انسان مريض وكيما يقولو مقيم روحو فوق اللازم يعني شوي منعندنا وشوي من الناس