اممم وآقيل رآيحة نوآلف ونولي كل يوم نجي ندير موضوع هنآ
مسآء الخير عليكم ووآش حوآلكم ربي يدوم الصحة برك هذيك هي الصح
+ يسقم القوسطو: قوسطو مدرح مآ يخليكش تحس بالصحة
البآرح عملت موضوع بمآ أني حآبة نشوف تغيير في المنتدى هذآ
احنا كبرنآ ولآ عقآلنآ ولآ رجعنآ Périmé ؟
تعودنآ نلومو ونبكيو عالأطلآل ومآ نديرو فيهآ وآلو من غير أنو نقولو
المنتدى هذآ كآن زمآن هك وهك والشلة لقديمة كآنت دايرة هك وهك
مآلآ قلت هيا نبدآ بروحي بآلآك كآشمآ يتلحلح المنتدى بأعضآؤوآ
وفينآلمون رآيحة نستنتج بلي مش بينآ لقديم والجديد بينآ بآلآك التفنيين ؟
الموآَضيع كآينة سوآء كآنت لآيت ولآ ثقيلة بغيجيم ولآ بلآ غيجيم
موضوع مآ يتحرك غير لي كتبلو ربي يتحرك !
رجع الـconteur يحسب في عدد المشآهدات والـconteur تآع الردود رآقد
وينكم يآ جمـآعة خمرتوآ ولآ ...
هيآ اليوم قلت نخدم Guide touristique للجمآعة الجديدة ونعرفهم بمنتدى
وآش رآك تهدر كيفآه كآن زمآن ...
نبدا هك بنبذة صغيرة ونقول أنو المنتدى قبل بـ 3 سنين هكآك قولو في 2011 زمآن
أنآ ركزت فيه صح ووليت نتبعو مليح كآن روعة بموآضيعو وأعضآؤوآ ومآكآنش موضوع يتحط
غير تلقى الردود تهبط عليه كي لمطـر وهذآ مآ يلحق يقتبس لهذآ خآصة كي يكون موضوع
دسم نتلمو الكل فيه مآ نخلو لمولآه الوقت بآه يقتبسلنآ
وطبعـآ مرآت يتقلب الموضوع لتمنغيل كبير ويجو المرآقبين ولآ الإدآرة وتغلقوآ الموضوع
في وجوهنآ من الدردشة لي زآدت بزآف واحنآ مآ نكلّوآ مآ نملوآ نهزوآ روآحنآ لموضوع وحد آخر
ونكملوآ نقضيو عليه ...
وقتهآ نشفى كآنت ديالى مراقبة وكآنت ستخيكت لي يغلط يخلـصهآ بمخآلفة هي لي كآن الخوف
منهآ كتر كنآ كي نشوفوهآ نتريقلو هي والإدارة الحمرآء مع نشوفو صحآب المونطو لحمـر
دخلو نلعبوهآ تخونكيل وخآطينآ ...
كآنت وحد الجمـآعة هك فيهآ المونغول لخوه وآحد فينآ مآ صآلح في رآسو أمثآل
bilal22
النورس
ساندريلا زماني
Moon_light
الجزائري05
ماكانش
بنـ MaPa ـت
nina bonoise
secret de coeur
Mafia-beo16
═♥° شجـ الروح ـون °♥═
sahiko hamza
أمينة16
Houda Chaouienne DZ
عفاف الجزائرية
AWDIESL
Orodent
سمو الأميرهـ
معاك يا الخضراء
الطفلة البريئة
NeيRسNe
Jagwar
Jeune Sghir Mc
Mïŋěţţe
ملكًة الاحسآس
°أم عبد الله °
yildiz
سلفي والحمد لله
لاجودان شاف
Moha le sage
nanoche
هآلة
mlina4algeria
zagane
وبزآف أسمآء وحد أخرين ممكن لي نسيت وممكن لي بدلو اسمهم تلفولي وكآين Sam Houssem
لي مآ لقيتش رآبط عضويتو ... كل هذو وحد الوقت كآنو عآملين حضآرة بموآضيعهم في
الـ 2010 والـ 2011، 2012 والـ 2013
ومع الـ 2014 بدآت تختفي أقلآمهم وبدآت تتغير ظروف كل وآحد فينآ
لي تزوج ولي تزوجت ولي جبد ولي جبدت وكل وآحد وين رآه
وكآين لي مآزآلو مي يدورو برك وهومآ سآكتين
وكآين لي مآزآلو ينشطو في منتديآت أخـرى و و و ...
حبيت نوجه تحية لكل الأسمآء أعلآه ونوجه شكر ليهم كآمل ونقوللهم
ان شآء الله تكونو كآمل بخير وإذآ رآكم تشوفو فينآ (زعمة في حصة بحث عن مفقودين)
غير رآسلونآ ولآ طلوآ علينآ هنآ وإذآ كرهتونآ نقوللكم مآ كرهنآكمش وإذآ هربتو
بسبة عيبآد نقوللكم وآحد مآ ملكو اللمة رآنآ بنينآهآ كآمل مع بعضآنآ ...
ولقيت في وحد الموضوع قديم وحد الفوطوة صورتهالنآ عضوة اسمها زهرة الندى
في 2011/06/17 فيهآ غآشي كبير نخليلكم الفوطو #24
ولي يلقى اسمو في الفوطو يقول حآآضر :p:p
ولي يلقى اسمو في القآئمة لي درت الفوق يقول حآضر :d
ولي مآ يلقآش اسمو في القآئمة ونكون نسيتو يقول نسيتيني :p
ولي مآ يلقى اسمو لآ في الفوطو لآ في القآئمة معنآهآ رآه جديد مرحبآ بيه :-r
وفي اللخر نخليكم مع قآئمة تآع موآضيع كآنت عآملة ضجة من قبل في هذآ المنتدى
ونتوما يا لبنات تعرفو تحطو السينيا ؟؟؟ ... للظآهرة ماكانش
قالك لهجتنا هكا للمنغول bilal22
قندورة التصديرة ب 8ملايين أنتي مهبولة ! للشرطية ساندريلا زماني لي مآ لقيتلهآش
موضوع من موآضيعهآ تاع 2011
راه قريب يدي لاروترات و تما صح خلات راحت ولا ولاٌت تآع الشهبندر النورس
خلّونا من السيريو...أرواحو هنا نgصرو مع بعضانا...ونضحكو شوية تآع حضرة جنآبي Moon_light
لي خاف سلم...................!!!!!!!! !!!!!!!! تآع العآقل سلفي والحمد لله
الأنوثة غاضها الحال ........بغاتو سمر تآع الـ Pirate لاجودان شاف
وبزآآآف موآآضيع رآحولي من بآلي مي مآ رآحش من بآلأي بلي كنآ عآملين بيهم
أومبيونص كبيرة مع شلة كبيرة ربي يذكرهم بالخير كآمل
وفي اللخر نقوللكم أتهلآو في روآحكم وان شآء الله يعجبكم الموضوع :d
آخر تعديل بواسطة المشرف:
