حكــآيتي مــع فتح خطــوبتي ~ حصرية للمة~

[حكايا الورد]

السلام عليكم ورحمة الله تعالى وبركاته
بسم الله الرحمن الرحيم

​

​

حبيت نشارك معاكم لسببين :


الأول : بعض الأشياء و بعض الأسرار تحبس في القلب
ولكن يجي نهار وين تحب تخرجها لناسك و حبابك يشاركوك
حزنك كيما شاركوك فرحك


الثــاني : حبيت نتشارك معاكم حزني كيما تشاركت معاكم فرحي

​

القصة عن فتح خطوبتي


​

ربي كتب و عملت خطوبتي على رجل بالفرح
ودخل بيتنا و تعرفو العائلات على بعضاهم
و أقمنا حفل خطوبة صغير تاع تعارف برك
والحمد لله لي كان حفل صغير برك​

الأمور ماشية لاباس كل حاجة راهي بخير
صح كان بيناتنا حب و احترام وخطبتنا ماكانتش تقليدية بزاف
و العقليات بدينا نتعارفو عليها و نجبدوا الخبايا تاعها

بدات الأوامر تتطور كل يوم ديري هاكا
وماتعاوديش هذي وعلاش درتي هذي
والمندبة لكبيرة ماهيش هنا

يعني مايش فيه هو وخلاص


عندو أربع أخوات ماهمش متزوجات

رجع يقولي أختي قاتلي لازم تديري هاكا

و الأخرى تاني قاتلي لازم تقولها تدير هاكا



يعني أمــور نعتذر عن عدم ذكرها لكم
و لكم أن تتخيلوا واش كاين



​

حسيت روحي مخنوقة و مانيش حرة

كل حاجة نحسبلها حساب و كل يوم نخمم
في حاجة جديدة كانت أمي برك لي نشكيلها
و هي تصبرني ماعليش بلاك برك راه يزير فيك
بلاك برك راه يشرلك باش تبعي كلمتو
بصح تعبت و أي حاجة نتغاضى عليها تخرج وحدة جديدة




وجا نهار وين تعمر قلبي و قررت نفتح الخطبة

كان يوم أسود عليا الصراحة تعذبت بزاف و خفت
لا نندم ولا نتسرع بصح كان الحل الوحيد
باش نرجع كيما كنت ونرجع الابتسامة والسعادة
كاينة عائلتي ربي يحفظها وقفت معاها و ناس غاليين
وقفوا معايا ربي يخليهم
الانسان لازملوا برك شوية شجاعة و صبر و ايمان
بقدر ربي


​

الانسان يقول نتزوج باش نستقر و نسعد في حياتي
مايش باش يحزن و كل يخمم و هموم الدنيا الكل رافدها


صح مريت بأيام صعيبة و جاني كلشي صعيب
بصح الحمد لله اليوم خير من غدوة

الخطبة خير من الزواج

ربي ماهوش مكتب هذا الزواج

و عطاني تجربة باش يختبرني والحمد لله
راضية بمكتوب ربي

أول حاجة أمنت بربي و بالمكتوب
ثاني حاجة قلت في نفسي هذي خطبة
وهاكا بعد الزواج كيفاش
ثالث حاجة قلت مايش غير أنا صرات فيا هاكا
كاين ناس راهي فاتت بحوايج أكثر و صبروا و جازاهم ربي
و الانسان لازم يكون شجاع في اتخاذ قراراتو
و هاكا فاتت عليا الأزمة هذي ان شاء الله


جرحي مازالو جديد شوي بصح ارتحت بزاف بزاف


و ربي يجيب الخير للجميع


​

​

​

 

[بنت الـ25]

أهلا مريومة نورتينا في قسمنا الغالي
الظاهر انو الكثير منا كان مخنوق ويفتش على فرصة باش يفرغ قلبو ^^
عملتي مليح كي ما خليتش ألمك حبيس صدرك

فترة الخطوبة هي وعد بالزواج وهي الفترة اللي يتعرفو فيها الخطيبين على عقلية بعضام
منقولوش بكل عميق خاطر بعد الزواج اللي تبان بزاف خبايا
كاين أمور يقدرو يتجاوزوها بحكم اختلاف البيئة اللي ترابو فيها ويقدرو يتألقلمو وكاين لي ما يقدروش
أو بالأحرى حوايج وطبائع ما يقدروش يقبلوهم فالطرف الآخر

انتي من الأول هكدا ديجا لقيتي باللي عقليتو تع قاتلي ختي وقاتلي يما
وانا صراحة هاد الطبيعة منحبهاش فالراجل
الراجل اللي يسمع كلام نسا ولا كلام اي واحد حتى لو كان باباه خاصة في أمور متعلقة بيه هو وبرك يخوف
خصوصا كي يكون يسمعلهم في كلش وفي أمور خاصة ملازم حتى واحد يدخل روحو فيها
نعتبرو راجل بدون شخصية والحياة معاه رح تكون صعيبة وفالريسك ديما
صح فسخ الخطوبة يسبب ألم معنوي للمرا أكثر من الراجل لكنك انتي بقرارك هدا تجنبتي شر عظيم
وربي سبحانو أكيد ما شافش فيها خير فحب يبعد عليك هاد الخطيب قبل ما يكون أي ارتباط رسمي وزواج ...الخ

وحدة جارتي كانت خطبتها قبلي بسمانتين تلاقيتها هداك نهار نسقسي فيها عادي على الجهاز ووين ولات في قضيانها ...الخ اك تعرفي حكايات بنات
قاتلي راني فسخت الخطوبة
علاش؟؟
خاطر وحدة من لافامي تعو قاتلو اختبرها وسقسيها على الماضي تعها وألفتلو قصص عليها
هو بلا ما يسمعلها قرر ديجا يبطل عليها وبعت امو وفسخت الخطبة ورجعتلهم المهر والخاتم
هي كانت متأثرة لكن أنا قلتلها انو مزية هاد الحكاية صرات قبل ما تطيح الفاس فالراس وتولي عندو وتصرا رح يطلقك بلا ما يقرا ولا يفهم

كارثة بعض لرجال
والحمدلله اللي خرجتي من هاد القصة بأقل الأضرار وجرح معنوي يبرا مع الزمن
موفقة غاليتي
يضاف الموضوع للقائمة http://4algeria.com/forum/threads/419250/​

 

[hadil2044]

لاباس كي ريحتي حنونة
الفايدة في راحة البال
وربي يبعد عليك الهم
​

 

[روز]

الخيرة فيما اختاره الله
وأكيد الله لم يكتب لك نصيب معه
ولعل في فسخ الخطوبة خير
الله يعوضك على رجل أحسن منه ان شاءلله
وأحييك على شجاعتك في اتخاذ القرار وقدرتك على تخلص من الخوف والتبعية

 

[¬Đỉaмơŋđ ✿]

وعليكم السلآم و رحمة الله و بركآته


الرآجل اللي يسمع بزآف لكلآم النسآ مآفيه حتى خير ..
كيمآ قلتِ أختي الوحدة منّآ تحلم بإنسآن يشآركهآ حيآتها الحلوة والمرة
تستقر وتتهنىّ مش تزيد تتغم وتغم فاميلتهآ كي يشوفوها كهذاك مش هآنية..
مرآت يتحط الواحد في موقف صعيب أكبر من عمره وبآش يتخذ قرآر مصيري في حيآتو مش بالأمر السهل أبدا..
إنتِ ربي حبّك وعرفتِ الإنسآن هذا قبل مآتتطور الأمور أكثر
كيمآ يقولو"ربُ خيرِ لمْ تنَلهُ كآنَ شرًا لوْ أتآكِ"
ربُ الخير لآيأتي إلا بالخير وسبحآنه لآيصرف عنّآ أمر إلا لحكمة هو وحده يعْلمهآ
الصآبر ديمآ ينآل والعوض من الله عز وجل جميلُ
إن شآء الله القآدم أجمل ربي يعوضك بالرجل اللي يستآهلك ويفرحك ويهنيك

​

 

[أم محمد رائد]

فالأول نحييك على شجاعتك مريومة كي حكيتي حكايتك هنا
و حنا ناسك و حبابك ربي يعوضك و عسى أن تكرهواأمرا و هو خير لكم
ربي يهنيك و يداوي جرحك يا غالية

 

[السلطانة]

وعليكم السلام

الخيرة فيما اختاره الله
نحييك اختي على شجاعتك
لانك فضلتي تعيشي مرتاحة افضل من اختناق بعد الزواج وخليتي عقلك هو لي يكون فيصل
تجربة صعبة لكن الحمد لله حسيتي بعدها براحة بالرغم من الألم لي فات فيها
ربي يرزقك الزوج الصالح ان شاء الله
​

 

[ام اشراق]

اخت حكايا انت حكايتك كما بنت خالتى انت بعدا ايقولك خواتتو بصح هى اروح لام صحبتها بحكم كانت تخدم معاه وهى اللى وراتلو بنت خالتى واللى تصرا بيناتهم اروح يحكيهالهم وكل ماتشرى حاجة حتى تسمعهم يهدروا
لما احكتلى دهشت كاين رجال هكدا هى ماكانتش عندها الجراءة كل مرة تداوس معاه على جال هذ الشئ وتقول نبطل اومبعد تعاود ترجع ليه بقا على زواجها اشهر قليلة ورانى خايفة ماطولش معاه نصحتها باه تهدر معاه
ماحبتش نخرب عليها بصح كل واحد واش راه ربي كاتبلوا
ربي يعوضك عليك ويرزقك انسان صالح وتتهنى معاه
تحياتى الخالصة

 

[سفيان اسلام]

السلام عليكم

عندك الصح اختي الزواج فرحة مشي هموم وتخمام
بصح اختي نتي مريتي بتجربة. كاع البنات يصراولهم هاك
اصبري ختي لعند ربي مشي بعيدة وتفائلي خير
ومتخميش وكونك على تقة بالله بلي يعوضك خير منه
بالتوفيق

​

 

[Hakan]

الله يهدي الاخت مينات ما خلاتليش واش نهدر يابن عمي وين راهو حقي من حل المشاكل
اختي حكايا الورد الرجال قلال والنساء قلال وانت ان شاء الله من القلائل وربي يعوضك براجل من هذوك سبحان الله هو اللي خطبك ولا خواتاتو يخي عقلية يخي والله مافيه رحت الرجلة ربي يهديه المهم تهلاينا في روحك والمقدمة عجبتني بزااف حسيت روحي انسان كبير نهار قلتي***بعض الأشياء و بعض الأسرار تحبس في القلب​

ولكن يجي نهار وين تحب تخرجها لناسك و حبابك يشاركوك
حزنك كيما شاركوك فرحك***​

ربي هنيك اختي​

 

[SOFIANE020]

عندك الصح في واش درتي في بالي
ربع خوتات مشي مزوجين صعيبة انتحار في بالي
متلقايش السعادة هكدا والله اعلم
ربي يجيب الخير

 

[قوقا]

المهم ترتحت وريحتي راسك
ربي يهنيك اختي

 

[AmiR@RoRo]

السلام عليكم


هدا هو القدر والنصيب
احمدي ربي اختي ربي بعدك على الهم والمشاكل
هدا زواج مش لعبه تخيلي كون صبرتي عليه وتزوجتي بيه راح تكون حياتك مقيده وغي مشاكل
الراجل لي يحكمو فيه خواتاتو ودارهم ماشي راجل
راكي تهنيتي

ربي يعوضك ما خير ان شا الله
ويبعتلك راجل الي يستاهلك ويهنيك
​

 

[@R@ZIK]

السلام عليكم
شكرا اختي لي فتحتينا قلبك وفرغتي شوية
الرجوع من نصف الطريق أقل خسارة من اكمال الطريق كله
ربي يعوضك خير
وعسى أن تحبو شيئا وهو شر لكم


ربي يوفقك في حياتك​

 

[هآجر]

سلام عليكم

هذا مكتوب الاختي الغالية
وربي ما راح يكتبلك غير الخير
كما قلتي الزواج استقرار و راح تكونوا روح وحدة
مش من والة يجي يدخل روحي بالاخص اذا كنت راح تسكني معاهم فهنا الكارثة
المهم انت متفقديش الامل
مكتوبة راخ في الطريق ما عليك الا الدعاء و فقط
ربي يوفقك ان شاء الله​

 

[stelllo]

الحمدلله ع كل حال
وهذه التجربه بالعكس راح ترجعلك بالمفيد وتكوني اقوى ان شاءالله

 

[حكايا الورد]

أهلا مريومة نورتينا في قسمنا الغالي
الظاهر انو الكثير منا كان مخنوق ويفتش على فرصة باش يفرغ قلبو ^^
عملتي مليح كي ما خليتش ألمك حبيس صدرك

فترة الخطوبة هي وعد بالزواج وهي الفترة اللي يتعرفو فيها الخطيبين على عقلية بعضام
منقولوش بكل عميق خاطر بعد الزواج اللي تبان بزاف خبايا
كاين أمور يقدرو يتجاوزوها بحكم اختلاف البيئة اللي ترابو فيها ويقدرو يتألقلمو وكاين لي ما يقدروش
أو بالأحرى حوايج وطبائع ما يقدروش يقبلوهم فالطرف الآخر

انتي من الأول هكدا ديجا لقيتي باللي عقليتو تع قاتلي ختي وقاتلي يما
وانا صراحة هاد الطبيعة منحبهاش فالراجل
الراجل اللي يسمع كلام نسا ولا كلام اي واحد حتى لو كان باباه خاصة في أمور متعلقة بيه هو وبرك يخوف
خصوصا كي يكون يسمعلهم في كلش وفي أمور خاصة ملازم حتى واحد يدخل روحو فيها
نعتبرو راجل بدون شخصية والحياة معاه رح تكون صعيبة وفالريسك ديما
صح فسخ الخطوبة يسبب ألم معنوي للمرا أكثر من الراجل لكنك انتي بقرارك هدا تجنبتي شر عظيم
وربي سبحانو أكيد ما شافش فيها خير فحب يبعد عليك هاد الخطيب قبل ما يكون أي ارتباط رسمي وزواج ...الخ

وحدة جارتي كانت خطبتها قبلي بسمانتين تلاقيتها هداك نهار نسقسي فيها عادي على الجهاز ووين ولات في قضيانها ...الخ اك تعرفي حكايات بنات
قاتلي راني فسخت الخطوبة
علاش؟؟
خاطر وحدة من لافامي تعو قاتلو اختبرها وسقسيها على الماضي تعها وألفتلو قصص عليها
هو بلا ما يسمعلها قرر ديجا يبطل عليها وبعت امو وفسخت الخطبة ورجعتلهم المهر والخاتم
هي كانت متأثرة لكن أنا قلتلها انو مزية هاد الحكاية صرات قبل ما تطيح الفاس فالراس وتولي عندو وتصرا رح يطلقك بلا ما يقرا ولا يفهم

كارثة بعض لرجال
والحمدلله اللي خرجتي من هاد القصة بأقل الأضرار وجرح معنوي يبرا مع الزمن
موفقة غاليتي
يضاف الموضوع للقائمة http://4algeria.com/forum/threads/419250/​

صحيح الكثير الكثير مخنوق و هذا متنفس للتنفس
أشكرك أولا على هذه المساحة الرائعة
و أشكرك على الكلام الجميل اللي تفضلت بيه عليا
و كيما قلت الحمد لله على أقل الأضرار
​

 

[حكايا الورد]

لاباس كي ريحتي حنونة
الفايدة في راحة البال
وربي يبعد عليك الهم
​

صح راحة البال أهم شيء
مشكورة على مرورك بموضوعي
​

 

[حكايا الورد]

الخيرة فيما اختاره الله
وأكيد الله لم يكتب لك نصيب معه
ولعل في فسخ الخطوبة خير
الله يعوضك على رجل أحسن منه ان شاءلله
وأحييك على شجاعتك في اتخاذ القرار وقدرتك على تخلص من الخوف والتبعية

ربي يخليك سيديتي على كلامك الرائع
و الشجاعة لازم في مثل هذي المواقف
و الحمد لله على كل شيء
​

 

[حكايا الورد]

وعليكم السلآم و رحمة الله و بركآته


الرآجل اللي يسمع بزآف لكلآم النسآ مآفيه حتى خير ..
كيمآ قلتِ أختي الوحدة منّآ تحلم بإنسآن يشآركهآ حيآتها الحلوة والمرة
تستقر وتتهنىّ مش تزيد تتغم وتغم فاميلتهآ كي يشوفوها كهذاك مش هآنية..
مرآت يتحط الواحد في موقف صعيب أكبر من عمره وبآش يتخذ قرآر مصيري في حيآتو مش بالأمر السهل أبدا..
إنتِ ربي حبّك وعرفتِ الإنسآن هذا قبل مآتتطور الأمور أكثر
كيمآ يقولو"ربُ خيرِ لمْ تنَلهُ كآنَ شرًا لوْ أتآكِ"
ربُ الخير لآيأتي إلا بالخير وسبحآنه لآيصرف عنّآ أمر إلا لحكمة هو وحده يعْلمهآ
الصآبر ديمآ ينآل والعوض من الله عز وجل جميلُ
إن شآء الله القآدم أجمل ربي يعوضك بالرجل اللي يستآهلك ويفرحك ويهنيك

​

صح و خصوصا اني كنت رايحا نسكن معاهم
ماكانش بيت مستقل على هذي خفت بزاف
شكرا ليك على كلامك الجميل
ربي يخليك
​