- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السّلام عليكم يا ناس لمّتي الطيّبين والغاليين
إن شاء الله راكم كامل لاباس؟
والله كل الحروف لا تُوفِّي حقّكم
أما بعد
والله من مدة راني نشوف في إبداعات الإخوة والأخوات ما شاء الله
وحبيت نقتبس من عندهم شوي
والفكرة لي حبيت نقتبسها منهم هي
فكرة جمع مجموعة من المواضيع القيّمة في سلسلة عنوانها عندو علاقة بالمضمون
وهاد المرة حبيت نفتتح سلسة جديدة خاصة بقسم[/COLOR] "واش راك تهدر"
سلسلة {أعيدوا إلينا أخلاقنا وإسلامنا}
بالاك راكم تستغربو هاد العنوان
تبعوني نقولكم
في هاد السلسلة رايحة نتحدث عن الفرق بيننا وبين الدول الأجنبية في الكثير من أمور الحياة
بالاك نصفكم يقول أنو الفرق بيناتنا هو الإسلام
خاطر حنا رانا شعب مسلم وهوما شعب كافر وحنا أحسن منهم
صح حنا مسلمين ميزنا ربي بالإسلام ونزّل علينا القرآن وخلا فينا سنّة الرّسول صلى الله عليه وسلّم
بصح وين راه الإسلام ؟؟
حنا مسلمين بالفم برك يعني ظاهرا برك بصح المضمون تاعنا ما عندو حتى علاقة بالإسلام
زعما ظاهرا نصليو ونصومو ونروحو للمساجد بصح كن نوليو
للمعاملة الطيبة والأخلاق لي لازم تبان فينا كمسلمين ما نلقاو والو
وبلا ما نذكرو المسلمين لي يروحو للحرام لأنو هادو ماراهم مسلمين لا ظاهرا ولا باطنا
على عكس الدول الأجنبية ظاهرهم كفار بصح باطنهم ومعاملتهم معاملة الإسلام
وكأنك كي تروح لدولة مسلمة تلقى المسلمين وماتلقاش الإسلام
وفي بلد أجنبي ما تلقاش المسلمين بصح تلقى الإسلام
هنا مارانيش نفتح في مجال باه نتبعو الكفار
لا بالعكس لأنو كاين أمور تاعهم مليحة وكاين لي غالطة
لكن حنا نحاولو نشوفو الجانب المليح , لي من الأصل راهو تاعنا كمسلمين
وتخلينا عليه للغرب
أجل .. أخلاق المسلم والإسلام حنا لي تخلينا عليها وخليناها تروح للغرب
مالا ربما بهاد السلسلة رايحين نكتاشفو أمور لي غابت في البيئة المسلمة
وانتقلت لبيئة غربية , ورايحين نحاولو نرجعو الوعي للناس
أو للإنسان المسلم بصفة خاصة
فربما نغيرو شوي ولا تتحرك فينا النخوة هاديك ونحاولو نسترجعو صفات المسلم لي ضاعت منا
ومن خلال هاد السلسلة رايحة كل يوم نطرح موضوع ونشوفو آثار هاد الموضوع عندنا وعند الغرب والفرق بيناتنا
وعلاه يكون الموضوع هادا إيجابي من طرف الغرب فقط بالرغم من أنو ظهر عندنا
ورايحين نطرحو أسئلة ونزيدو نذكّرو بأمثلة حية من الواقع
فربما نرجعوأخلاقنا وإسلامنا
وانتقلت لبيئة غربية , ورايحين نحاولو نرجعو الوعي للناس
أو للإنسان المسلم بصفة خاصة
فربما نغيرو شوي ولا تتحرك فينا النخوة هاديك ونحاولو نسترجعو صفات المسلم لي ضاعت منا
ومن خلال هاد السلسلة رايحة كل يوم نطرح موضوع ونشوفو آثار هاد الموضوع عندنا وعند الغرب والفرق بيناتنا
وعلاه يكون الموضوع هادا إيجابي من طرف الغرب فقط بالرغم من أنو ظهر عندنا
ورايحين نطرحو أسئلة ونزيدو نذكّرو بأمثلة حية من الواقع
فربما نرجعوأخلاقنا وإسلامنا
ان شاء الله تعجبكم هاد الفكرة وان شاء الله تلقى موافقة من المشرفين
وإذا تم اعتمادها ولقيت عليها اقبال
رايحة نطرح أول موضوع عن قريب إن شاء الله إذا كتب ربي وإذا كنت من الحييّن
بتشجيعكم تعاونوني فلا تبخلوا علي بآرائكم
اتهلاو في رواحكم وسلام
ملاحظة أي كلمة تذكر خلال هذه السلسلة ليست للتعميم , فدائما هناك نصف كأس مملوء ونصف كأس فارغ, وكل كلمة موجودة في الموضوع هي لإحياء أخلاق الإسلام الميتة بداخلنا فقط وليست لمعاتبة أي أحد
تحياتي للجميع
تحياتي للجميع
آخر تعديل:
