وشراكم يا ناس الهدرة ، وجعوكم افامكم من الهدرة ولا لالا؟ ههههههههههه
لي يوجعو فمو يروح للدونتيست :p
ليوم جيت باش نحكي على وحد الظاهرة هك راها مدايرة رايها فالمجتمع تعنا
وهي ظاهرة : الكذب أو بلان بيبليك ولا الكذب والناس تسمع وبدون حشمة ولا حياء
كاين ناس تنحى الحياء من وجوهها وحل محله قزديرة مصدة
يمشي فالطريق ويكذب الناس تسمع، فالبيس ، فالحوانت... باغتو
وما يتبهدل ما يتكاكا ما يحط روحو دار حاجة مش مليحة .. عادي
نعطيكم أمثلة صرات قدامي وانا نسمع ونشوف
قبل ما نبدا نخدم في خدمتي الحالية كنت حاكمة مكتب إعلام آلي، يعني كل أصناف الناس تجيني
وحد نهار دخل عندي client مالف ديما يجي ، راجل كبير قد بابا ، ونشفالها كنا في رمضان
ألو
وي وينك
راني فالدخلة تع بوصوف
قول والله
تكذب فيا؟ ما نحلفش اني صايم
طيرلي النعسة هديك ورجعت هك
عيب والله ،، هاااا راك كبير
يعني الكذب فرمضان حلال والحلف بصح حرام ؟ امشي روح تسركل على روحك
ومرة انا قاعدة في رحمة ربي فالبيرو تاعي ، حتى نلقى واحد خرج مالريسطورون لي حدانا يهدر فالتلفون ويعيط
وشبيك أني قتلك راني في سطيف
والله غير راني في سطيف
ومبعد حبس وحد السيد برا قالو: خويا انا وين راني؟ السيد ما لقاش وش يقولو
وهو يهدرلو بين شواربو يوقولو قول سطيف
قالو السيد سطيف
قالو اهدرها بصوت عالي: قالو: راك في سطيف
قالها هاه سمعتي ؟
هههههههههههههههههههههه والله مليحة قالك ضربني وبكا وسبقني واشتكى
قعدت بلا راس
ههههههههههههههههه
وقبيل انا قاعدة وحدي نش فالدبان نسمع في واحد يهدر فالتلفون برا : اني منقدرش نهدر معاك راني نسوق يحكموني لابوليس
انا قلت بالاك طوموبيل تعو مقارية دوك يركب فيها ويبقط
مي السيد باقي يمشي ويقول: اني قتلك منقدرش نحكي معاك راني نسوق ديجا هاو باراج دك يحبسوني لابوليس
هو صح باراج مي تع اللي راكبين مش تع الراجلين يا حوجي
واللي حيرتني وفتاجأت ودارتلي الدوخة في رجليا
مالا وقت الظهر هكداك كنت انا وماما فحانوت تع لماعن نلقاو وحد الطفلة قاعدة تاكل فهديك البيتزا تع خامج وبنين
ايا صونالها التلفون
وين راكي
راني نتغدا
وين تتغداي؟
وين يعني ؟ كيما مالفة فالبهجة
وش تاكلي؟
والله دومونديت بلا شاورما مزال موجدش
شو صحانيت الوج ههههههه
وهي فالحقيقة قاعدة تهوشر فالزقاق والرايح والجاي يتفرج
والبائع يعيط : بيتزا سخونة حارة يا لونجااااات
والله ماينة
قالتو: راني فالأودي تع papa طالعة لافاك
قالها: راني راكب موراك فالبيس، متخلصيش بلاصتك راهي خالصة
ههههههههههههههههههههه
وفالأخير قولولي وشمن طينة هاد العباد؟ ووشمن وجه صحيح مقزدر مركبين؟
باش نشري واحد
ويا ترى صادفوكم بزاف هاد الناس؟
وكيفاش ردة فعلكم ؟
آخر تعديل بواسطة المشرف:
