ايها الذكر اجبني وبكل صراحة

[JULI]

ايها الذكر اجبني وبكل صراحة وشجاعة
اذا كنت ممن يعاكس الرايحة والجاية (ولا تخجل بذلك بما انك تفعله)مذا لورايت اختك تتعاكس
(علاه خانقها في الدار ومفرغ غشك في بنات الناس) بصراحة جاوبني على هذا السؤال الي سالتو الكثيرين وكل الجابات كانت "هاكا ماكانش سبب" او اسباب تافه غير مقنعة لا داعي لذكرها
انتن كذلك ايتها الشابات اجبنني وبصراحة هل مرة خرجت وحدك ولا مع صحاباتك وسلمت من الهدرة الزايدة الي يقولوها والمشكل الاكبروالي يضحك في نفس الوقت حتى الشياب واولاد 9 سنين رجعو يديرو هكا ؟؟؟؟؟؟
:cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing::cursing:

 

[salim.022]

السلام عليكم
اولا انا عن نفسي لست من النوع التي تتكلمين عنه
عافانا الله واياكم
ثانيا نحكيلك قصة على واحد زميلي في الخدمة
واحد النهار كان يمشي مع اصحابوا (جولة من جولات المعاكسة للبنات)
شافوا مجموعة من الشابات قالهم هو ايا نروحوا نلعبوا بيهم شوي
ولما وصلوا لقاهم خوتاتوا وابنات عموا
قال لاصحابوا - العبوا وحدكم هادوا دارنا:yahoo:
والله القصة واقعية
شكرا JULI​

 

[JULI]

هذا الشخص يستاهل بصح اكيييييييد ما تابش شكرا على ردك

 

[marabou]

ااااالسلام على من اتبع الهدى انا عن نفسي متزوج جديد وما عنديش الوقت باه ن..........

 

[salim.022]

من شب على شيء شاب عليه​

 

[moha39]

ااااالسلام على من اتبع الهدى انا عن نفسي متزوج جديد وما عنديش الوقت باه ن..........

مبروك عليك خويا وربي يكمل علينا ونتزوجوا قولو امين

 

[moha39]

اما عن الموضوع انا نحشم نخزر في طفلة كيفاش نقدر انعكسها هذي عقلية مريضة

 

[ayadzadam]

الاخت الكريمة موضوعك ليس بعيد عن الحقيقة لاكن انت تلقي كله اللوم على الشباب إلا أن بنات اليوم لهم الدور
الكبير في انتشار هذه الظاهرة يعني لو كانت الفتاة
محتشمة ومتعففة باللباس الساتر الشرعي البعيد
عن الفتنة لكان حالها افضل وانا ما اظنش
البنت اللي ساترا روحها ولابسة
الحجاب رايح ينتبهولها الشباب ويهدرو معاه بصح البنت المتبرجة وطالق شعرها ولابسة السيري والميني اكيد تكون تجلب الانظر ليها........
واخيرا التربية هي الاساس

وشـــــــــــكرا جزيلا على الموضــــــــــــوع
​

 

[JULI]

اخيayadzadam ما نقولكش لا ..صحيح كاين بنات هما يكونو السبب الاكبر بصح شكون الي قالك المحجبات ما يتعرضوش للمعاكسات؟؟؟ بلاك هادا بكري بصح درك كي المحجبة كي الي ميش محجبة وحدة ما تسلم
عموما شكرا على ردك

 

[طارق القبطان]

أنا عمري عاكست طفلة أما عن الآخرين أكيد أنو يعتبرها تسلية
ولكن هناك بعض الفتيات يعجبهم الحال كي يعاكسها واحد تلقاها تنفخ في روحا

 

[JULI]

عجبتني هادي تنفخ في روحا
شكرا على كل حال

 

[kikina]

كي ذراري كي لبنات كاليتي وحدة......خخخ

 

[المشوار]

​

الاخت الكريمة موضوعك ليس بعيد عن الحقيقة لاكن انت تلقي كله اللوم على الشباب إلا أن بنات اليوم لهم الدور
الكبير في انتشار هذه الظاهرة يعني لو كانت الفتاة
محتشمة ومتعففة باللباس الساتر الشرعي البعيد
عن الفتنة لكان حالها افضل وانا ما اظنش
البنت اللي ساترا روحها ولابسة
الحجاب رايح ينتبهولها الشباب ويهدرو معاه بصح البنت المتبرجة وطالق شعرها ولابسة السيري والميني اكيد تكون تجلب الانظر ليها........
واخيرا التربية هي الاساس​

وشـــــــــــكرا جزيلا على الموضــــــــــــوع​

كلامي كنت رايح نكتبه مخليتلي والوا هههههه .....هذا يعبر عن راي التام في الموضوع

 

[غريب في بلادي]

مشكورة ..........موضوع جميل وطرح رائع

 

[zagane]

salame alaycom

lazem lebnate yekhordjou semana wahadhoum
wa lawlade yekhordjou semana wahadhoum
haka yethale elmochkil

 

[ayadzadam]

اخيayadzadam ما نقولكش لا ..صحيح كاين بنات هما يكونو السبب الاكبر بصح شكون الي قالك المحجبات ما يتعرضوش للمعاكسات؟؟؟ بلاك هادا بكري بصح درك كي المحجبة كي الي ميش محجبة وحدة ما تسلم
عموما شكرا على ردك

انا كي قتلك المتجبات ماشي كلهم انا اتكلم عن المتحجبات بمعنى الكلمة اي حجاب القلب
وكاين اللي يلبسوه لارضاء الوالد او الاخوة لا لإرضاء الله
والنتيجة : < لابسه ول مالابساتوش كيفكيف >
وانا في نظري اللي يتعرض للمتحجبات شياطن في ابدان بشر ....... ..
واتمنا ان فكرتي وصلتلك
​

 

[ayadzadam]

كلامي كنت رايح نكتبه مخليتلي والوا هههههه .....هذا يعبر عن راي التام في الموضوع

ماعليش خويا ربما شفت الموضوع قبلك

المهم رانا متفاهمين :thumbup1: على الجواب :blush:

​

 

[المشوار]

ماعليش خويا ربما شفت الموضوع قبلك ​

المهم رانا متفاهمين :thumbup1: على الجواب :blush:​

اكيد كلام منطقي ومعقول وللاسف الشديد حتى اقتباسك الثاني ليس بعيد عن ما أردت ان اقوله

اضنك من أصحاب ذوقي حياك الله اخي وبياك وسدد طريق حطاي وخطاك ​

 

[بلبلة الجزائر]

أنا كنت أعاني كثيرا من المعاكسات ,,مع أني الحمد لله مريقلة​

لكن بعد لبسي لجلباب و النقاب​

خلاص ,,,راحت كامل هاذيك التفاهات ​

والحمد لله رب العالمين نمشي حرة

والسلام عليكم والرحمة الله و بركاته​

 

[punisher_18]

في هدا الوقت التحراش ولا ايجي من البنات ربي ايجيب الخير برك