el hadra 3lia wel ma3na 3la jarti , wallah ya el waharna ta3 essah w kima gallek khouna menna erroubla sans arret w ma 3andek ma tgari , hak wari hak ,مرحبا إخوتي
آآآآآآآآآآآآآآسفة على مقاطعة حديثكم
و لكن الموضوع أعجبني كثييييييييييييييييييييييرا لأنه مختص في اللهجة الوهرانية الرائعة:party:
و أنا حابة نشارك معكم و نهدر معكم باش نتعلم نهدر بالوهرانية بشكل ممتاز
تسمحولي نشارك معاكم ؟
الدار دارك أنوشة
و دي عايزة كلام
الزدمي و ما تخافيش
و هدري كي جات كلات
و لا مفهمتيش ندبرلأختي فلوكة هاهاهاها
:redface: و حبيت منتدى اللمة بزاف ، و حابة نتعرف على أصدقاء من وهران:party:شكرااااااااا ختي janiya على الترحيب نتاعك
العفوأنا هدى من المغرب و تحديدا من مدينة طنجة
أنا منعرفش نهدر بالوهرانية مزيان ، لذلك الكلمة اللي ما عرفتهاش غدي نكتبها بالعربية الفصحى
مشروط عليك يا بنيتي قاع هاذ الغبينةقوليلي يا janiya واش راكي؟ لاباس؟
غادي دوخي بالهدرة تاعنا
غي خطيك ساعفيني
و الله رحمة ربي في هاذ الساعة
و أنت كي راكي دايرة ؟ غاية ؟
انتي من وهران؟ و لا من مدينة ثانية بالجزائر ؟
هاهاهاها هاو مين في ميزك
من وهران و طريق نهوزن هاهاهاهاها
بصح كي غادي تأمنيني و أنت متعرفيش الهدرة الوهرانية ؟
شفت كيستون كيدايرة ولااااا هاهاهاهاهاها
أيا أختي معرفة خير إن شاء الله
و مرحبا بناس المغرب و طنجة بزااااااف
و راني شريتلك فلوكة قاع متخميش
و الله متغرقي هاهاهاهااها
تحيااااااااااااااتي
معلييييييييييش ، المهم ماكانش مشكل ويدا دخت ، و الهدرة تاعكم غايا و فووووووور بززززززاف :party:أهلااااا و سهلا ختي janiya واش راكي اليوم ؟
(بالمناسبة انتم تقولو "واش راكي" و لا " كيراكي" و لا بزوجهم؟)
زعما تلعبيها ما علابالكيش ها ختي و شكون ينجمك
دايما أون فورم ربي يخليك
و ان شاء الله غدي نتعلمها
غير صبرو معايا غدي نهبلكم بالأسئلة نتاعي:P
أنا قاع ماتهبلينيش راني خايفة عليك أنت يا بنيتي
و لا نقولك حاجة شربي كالسيبرونات :biggrin:
باش راصك مايدركش و عصبيه قدام مترقدي
و الصبر ها أختي حياتي و أنا صابرة
نجي عندك أنت و نحبس
زيدي كملي علي هاو أنا بغيت البخص
يا سلااااااام!!! متشرفيييييييين إذن
هاد الكلمة نتع "في ميزك" ذكرتني بواحد الشخص نعرفو هو ثاني من وهران يقولها بزاف و لكن عمري ما فهمتها واش تعني بالضبط؟ حسب فهمي معناها كي " و دي عايزة كلام" :P، و لكن قوليلي كيف تقولوها fi mezek ؟ و لا fi mzk؟ و لا آش؟
لا أختي مشي كيما هاك راكي غالطةما كانش مشكل أيا ختي ، إذا بديت نغرق غدي نطلب مساعدة الجمهور و لا الاتصال بصديق هيهاهاهاهاها
علابالك كان مدابيا نفهمك مي البروبلام
درتلك لكوموند على الفلوكة
و مازال ما جابوهاليش
ها صبري أنت تاني معايا ها بنيتي
علا خاطر بلا بيها متفهميش
براص ما كيما راني نقولك
و سقسي لي تبغي
و تعرفي ديجا واحد من وهران ؟؟ها قوليله يعلمك ؟؟
ها ستوت راكي حاصلة فيا أنا
لاااااااااا لي قالهالك زعق عليك
هاديك في من سيربح المليون
هنا راكي من سيهدر الوهرون هاهاهاهاهاهااه
شكراااااااا أنا عرفتك قلبك كبير :yes:
و الله إلا فيلاااااا
قوليلي واش راكي تديري؟ تقراي و لا تخدمي؟ و كيراها وهران ؟ و كيف الجو عندكم؟
تعلميلا أختي راحتي من راحتك و ما بيناتناش
قاع متخميش و ربي يحفظك أنوشة على صبرك معايا
و جاسبير راكي تفهمي شا راني نهدر
متتكليش على الفلوكة صح أختي
و لا مفهمتيش راني هنا و ما ننسوش
بلي لازم نفيد و نستفيد
ما كانش مشكل، و ربي يحفظك انتي تاني:yes:
bien sur أنا راني نفهمك ، و حتى مين ما نفهمش كلمة نحاول نفهم السياق نتع الجملة :P
en plus ما تنسايش بلي حنا جيران و لهجاتنا متقاربة و الــ communication طبعا موجودة
بصح الفرق كاين في بعض الكلمات :yes:
و لحد الآن أنا ما متكلاش على الفلوكة و إن شاء الله ما غديش نتكل عليها
طبعاً
معليش مقبولة منك
يا ختي الهدرة تاع الوهرانية فووووووور بزااااااف :heart:، لو ما كانتش فور ما كنتش نحب نتعلمها 8)
bien sur! أي لهجة عندها مميزات و خصوصيات ما يعرفوهاش غير مواليها
كل لهجة عندها كلمات خااااااصة حتى حد ما يفهمها غير إذا كان من هديك البلاد أو عاش فيها سنين
و عندي ليك سؤال على معنى بعض الكلمات ممكن تشرحيلي المعاني نتاعهم:
أنوشة ؟؟؟؟ = الشابة أي صغيرة في السن و جميلة و يقولون أيضا للشباب فحشوش و أنوش صغير و شباب و فحشوش = عنده بوكو تيكي
لوبا لوبا ، على حسب ما فهمتها شويا شويا ، أو "شيئا فشيئا" >> قوليلي إذا كان فهمي صحيح و لا لا :P نيشان أختي ما نخافش عليك راكي عفريتة
نزعق ، فهمتها و لكن غير للتأكد ، هي "أمزح" صح؟
هاذ الشيرة واعرة الله يسلكها على خير و تقولي أنا مغرباية :wondering:مشفنا والو من لهجتك؟؟ و أنا نعرفها غاية قاع متغيبيهاليش ياك أيا راني نقارع فيك تهدري المغرابية نفهمها غاية متخميش و نرد عليك و قاع راسك يحبس
وخا ألالا هدى دبا راني نستنا آجي نهدرو أنا وياك المغرابية و حيّد عليك الوهرانية ما شي خير لك إيوة تهلا في راصك
