هاي هاي هاي هاااااااااااااااااااااااااااااااااااااييييييييييييييييييييييييي
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ياو النهار تاع اليوم ههههههههه فات أنتيك كي العادة خوكم خرج من السيبار على الربعة تاع الصباح أيا فت للقهوة فطرت بيان ركبت بوس وقلت توكلنا على الله المهم وصلت لقسنطينة هبطت للسانتيفي الكبير وركبت في كار لسكيكدة وكنت أول الواصلين لسكيكدة رغم أنهم كامل ما علابالهمش بلي راني جاي إلا علي ..
وصلت لتم عيطت لعلي دار شوية روطار مي نورمال خوكم رجلة منين يروح هههههه حتى لقيتو وصل لعندي يعني علي أيا قالي نقعدو في قهوة ما لقيناش بلاصة قلتلو نتحركو نمشيو وخلاص المهم ندورو ههه بقينا نحكيو منبعد عيط علي لعبدو قالو راني جاي وزاد عيط لسامي وسامي ورؤوف وحمزة بيان سور أيا لحق سي فلون هو الأول هههه بقينا أنا وهو وعلي راكم تعرفو شوية تمنشير فالغاشي تاع اللمة شوية تمنشير في حبابنا هاذو هوما العرب ههههههههههه حتى لحق بينا سامي ورؤوف وسامي23 وحمزة المهم تلاقينا ....
وكامل عرفتهم إلا سامي 23 يتسما أول مرة نشوفو يعني عرفتو لأنو الوحيد ألي ما نعرفوش هههههههههههههههههههههههههههههههههههههههههههههههههههههههههههههههههههههههههههههههههههههههههههه
المهم كي شفتو بعد عرفتو بلي مصرفق في مخو المهم بقينا نمشيو ونحكيو حتى خرجحنا لأماكن الللللللللللله أكبر ههههههههههه والله بلايص فور فتنا قدام البحر ونحكيو ونصورو في بعضانا يعني ألي يغفل يعطيوه فوتو وبقينا هاملين وبيان سور أنا ألي نحكي خاطرش ضربهم الصم البكم ههههه حتى خرجنا لوحد الجبل وفيه طريق تقول سور الصين العظيم هههههههه
طلعنا فيه شوية ومنبعد خرجنا وبقينا نسركلو بالاك مشينا 20 كيلو هههههههههه .
أيا منبعد درنا فوتوات قدام البحر وعلى الرمل والريح يدينا فينا ويجيب يا سيدي وطلعتلي أنا نطلع في وحد البوتو هههههههههه صورني سامي 23 المهم بقينا هكذيك نحكيو ونضحكو ركبنا في بوس يعني قربنا شوية فالبلاصة هههههههه مول البوس كان فارغ ركبو 7 من الناس صايي ههه جاب الجورني ههه ومنبعد ضربناها آبيي حتى وصلنا لوحد الريسطو المهم دخلنا كلينا الشيء ألي كتب ربي ههههههه وهذا كوتليلت هههههههههههه والله تغدينا بالبيان وكامل كلينا حاجة تصلح وخلطناها بالجاج ههههههه كتر خير خونا علي إلا سامي 23 ضرب السباكيتي هههههههههههه بالاك بلا جاج ههههههههه خاف يخلع ليسطوما ههههههههه ومام عندنا فوتو ليه وهو ياكل فيها .... طولها 5 مترات وهو يجبد تقول كومبريسور .....
المهم خلصنا الغدا طلعنا نشميو وللعلم سي سامي 23 والله ماهو معانا أصلا راه يشري فالهدرة مع بنات الناس هههههههه قلتلكم مصرفق في عقلو أيا دخلنا للسيبار دار عبدو الموضوع هذا كامل دخلو ودارو رد إلا أنا علاه في رايكم لأني عندي زهر يكسر الحجر المكرو تروديمارا وحدو كيما جيت نرد والكونيكسيو تقول سلحفاة هههههههه ماجات تفتح باج تاع اللمة من جديد حتى خرجت روحي ههه علابالكم كون في لاشين كون راهم طلعو قمر بكمالو .
أيا كامل ردو إلا أنا قلتلهم خلي كي نروح وندير ردي ههههه السحري بيان سور ...
نسيت ما ذكرتش حلقة ههههههه هي أنا سامي النورمال مش الترافيك سامي 23 .
أصيب بخلل في الدماغ هههههههههه ضرستو وجعتو ههههههه قريب مات هههههه
مي أنا ما خفتاش عليه مادام كاين الدكتور علي والجراح سامي 23 .
جابولو الدوا وداواوه ( يا حليلي شوف الأخوة والصداقة ) .
المهم حتى برات الضربة .. رغم أن رؤوف تاني جا بفمو وارم ههههههه هو تاني بالضرسة الحمد لله كيما وجعتنيش ليسطوما خاطرش طحت فالماكلة بلا غسيل ههههههههه .
المهم جاء وقت الفراق واععععععععع واععععععععععع .
أنا درت في حسابي نروح في طاكسي باه نلحق بكري ههههههههه مي من زهري المليح كي قربنا لقسنطينة الكابل أومبرياج طااااااااااااااار ههههه يتسما لازم يبقا ماشي بنفس الفيتاس هههههه تقلق منها مولاها حبس يخدمها هبطت أنا شعلت قارو وقلتلو أنا سبابك هههههههه علابالكم علاه ( فاللقاء الأول كيما تلاقينا أنا وعبدو وعلي ورؤوف وسامي كي عدت جاي مروح طار الكابل أومبرياج تاع الكار وطحنا أومبان ووصلت لقسنطينة روطار وبت تم ولغدوة كي ركبت لميلة تاني طار الكابل أومبرياج تاع الميني كار ألي موصلتني لميلة هههههههههههه يتسما أنا هو السبة وزادت تعاودتلي اليوم ) المهم نكملكم الحكاية قلت للشفور بلي أنا سبابك ولا يضحك وونوضها دوزيام ولات تدير طن طن طر طر فرفرفرفر وناضت ههههههه الحمد لله كملنا الطريق ألي بقات بالدوزيام يعني الفيتاس دوزيام ما يطلع ما يهبط هههه .
وصلت روطار لقسنطينة كيما المرة ألي فاتت فاللقاء الأول .
لقيت غير الكار تاع شلغوم العيد ركبت وراكب وبايع راسي قلت يا جابت راس يا جابت كرعين ههه .
وصلت لشلغوم العيد درت شوية في وسط الظلمة هاذيك منبعد لقيت فرودور أداني لبوحاتم يعني بلدية قريبة للدائرة ألي نسكن فيها ههههههه الشر ب40 ألف أداني مي معليش المهم نوصل لداري .
وصلت لبوحاتم ما لقيتش الفرود دورتها ستوب ههههههههه أيا مع هزيت يدي لقيت واحد مولا 504 حبس قلتلو فرجيوة يعني الدائرة ألي نسكن فيها قالي الطوموبيل فيها ليسونس وراهي تمشي مليح وأحنا منين تدينا نروحو قلتلو يالله نموت على الناس ألي تمشي برك ههههههههههه أيا وصلني تقريبا للدار وكملت الحكاية .............
هههههههههههههههههههههههههههههههههههههههههه
فالحكاية هاذي كامل حاب نفهم شكون هو ألي يدعي فيا كل ما نعود مروح باه يتقطع الكابل أومبرياج تاع الطوموبيل ولا الكار ألي نركب فيها هههههههههههههههه
يا إما سي فلان يا إما سامي 23 يا إما سامي يا إما علي يا إما حمزة يا إما رؤوف هههههههههههههههههه .
خلاصة الحكاية النهار فات بيان خويا علي دار معانا الواجب أكثر من اللازم بارك الله فيه ونخلفوهالو نهار يتزوج أنا ألي نشطحلو في عرسو بربي إن شاء الله هههههههههههههه .
سي فلان حكا وعلق مي شوية شوية ههههههه ماكانش قاعدلنا خلاص منين تقطر قطرة تاع الشتا يفتح المظلية هههههههه خاف على شعرو ههههههههه مي برد قلبو معانا بالضحك ومام ضحكنا معاه .
سي حمزة البارا تاني ظهر إنسان أنتيك وظهر جونتي كتر من كي كنت نعرفو بار نت ما عندي ما نوصف الله يبارك وخلاص .
سي رؤوف ساكت ساكت كي نقولو كاش حاجة يضحك ديراكت ههههههههه تقول ما نعرف وين نسا عقلو مي كرهتو كي رجع يتكيف كيما من قبل مي معليش ضحكنا معاه .
سي سامي أي سيجزامي خاطرش راهم زوج سامي 23 وسامي السيجزامي ألي راح نحكي عليه ظرك عجبني بزاااااااف وعندو صمت بلا حدود ههههههههههه الطريق طول وأنا نقولو أنت عقلك وين أنت وينك راك هنا ههههههه يضحك وما يحكيش بزاااف .
سي سامي 23 ظهر مريض من راسو ههههههههه وخاف نصوروه على غفلة وديما عاس روحو مي عقلية أنتيك ويحب يحكي مع البنات هههههههههههههههههههههههههههههههههههههههههههههه ومام شبعنا ضحك معاه .
بقيت أنا ههههههههه ملي وصلت وأنا نرحي وناكل ههههههههههه من لي وصلت وأنا نهدر حتى تفارقنا ههههههههه تقول بلعت كاسيت ههههه مي شبعتهم ضحك وشبعنا دوران وتوانيس وفات اليوم روعة وما يتنساش وغيرو يا ألي ما حضرتوش غيرو هههههههههههه سيرتو كي صوروني معلق في بوتو تاع تريسيتي هههههههه .
المهم النهار كان من أروع أن يكون وعلي بارك الله فيه وربي يخليه لينا الواجب وما طارتلوش معاه بلاصة هههههههههه سامي 23 المريض رؤوف رؤوف وهو يفهمني علاه سميتو رؤوف رؤوف هههه سي فلان حفيظ الدراجي هههههه حمزة خويا البارا هعهههههههه ما تزيدليش ههههههه سامي الحكيم بالاك كون نحسبو عدد الكلمات ألي نطق ما يفوتوش عشرة ههههههههه هاردو المختل عقليا ألي ما عندوش عرق في راسو يصلح ههههههههه .
رغم أننا مراض كامل مي درنا يوم لا ينسا وإن شاء الله الخطرة الجاية في 39 الوادي ولا في سوق أهراس .
والي قادر يجي يجي مرحبا بيه مي يجيب معاه الفراش والغدا والسلاح هههههههههه راح يحارب .
والسلام خير الختام
