المراهقة / المراهقة / المراهقة موضوع للمناقشة

[يسرى 2008]

السلام عليكم ورحمة الله تعالى وبركاته
اليوم حبيت نطرح موضوع على المراهقة لانو حسب علمي انو نسبة الاعضاء المسجلة هنا 50 بالمية مراهقين
في هادي اليامات نلاحظ انو الكوبل كترو في البلاد
وولاو حتى البيبيات عندهم حبيب/ت
وكيما تسقسيهم وتقوليلهم كيما تكبرو اعمل حبيبات وتنتهي القصة بالزواج تقولك لا
اتصورو مرة سقسيت طفلة جارتنا متحرمش على الخرجان مع الدكورة
انها تيزيها من اللعب الفاسد وتنتبه في قرايتها خير
قالتلي هدا امر عادي لاننا مراتهقين ولازم نغلطو مرة ولا زوز
ولازم نجربو باش نتعلمو
ولا سقسيت طفل لوخر قال هههه الحب هو الاساس وخصوصا في عمرنا هدا يكتر الحب وضروري

ولا الطفل لوخر سقسيتو على اللافيتات الي عندو تاع الحب والغرام والعشق قالي هدا عادي لاني مراهق ويفتخر بروحو

ولا الطفلة لخرة قالتلي انا منخرجش بصح نحب في القلب ونحلم في الحب
بصح اجابتي ليهم
الحب مش عيب ولا حرام بصح يكون عيب وحرام كيما يكون مش في وقتو متلا سن 12-18 مش حب
هدي مراهقة وكاين الي ميعديهاش لانو فاهم ويعرف صلاحو ومتربي
وكاين الييعديها لانو في ساعا يتخدع ومش متربي ممكن

يعني الحب والخرجان تاع الليسي والسيام هدا لعب يا بنات او الدكورة تلعب بيكم وحاطينكم خاتم في يديهم
وتاني اهل حبكم وخرجانكم هدا راح ينتهي بالزواج
طبعا لا
وكونو متاكدين انو الطفل الي يلعبها يحبكم والكلام الحلو الي يقولوهولكم او كدب في قلبهم تلقاهم يقولولكم روحو روحو لدياركم يا مش متربييين
يا بنات احنا لو عملنا غلطة في حياتنا راح تقعد متبتة عند الناس حتى نهار الي نزوزو فيه وكل يوم يعايرونا بيه
بصح الدكورة راهم مخلوقين للاخطاء وللشارع وللدزوفير
وش راح نعملو هدا الحكم تاع الجزائر
الطفلة لازم تحافظ على شرفها خاطر الشرف يقعد محفور
والي مشو موافق على راي
يجادلني ​

 

[صمت الذكريات]

جزاك الله خيرا ان شاء الله

 

[kikina]

تعتبر المراهقة مرحلة انتقال هامة وحرجة في حياة الفرد فهي مرحلة حساسة وصعبة من العوامل التي تجعلها خطيرة وحساسة بالنسبة لبناء الشخصية الفرد
المراهق في هده المرحل يعاني من عدم الاستقرار حيث يكون في حالة دهول وعد الاستقرار و الاتزان والقلق من جراء مايحدث له من تطورات مطرودة في جميع جوانب حياته
كما يشعر بعدم الامان عادة الى ان يجعل من داته مركز الاهتمام فهو يتسعرض امكانياته ويحاول ان يكون طريفا ومسليا ويزاول كافة الوان المشاغابات والمضايقات والمتاعب سواء في البيت او في الشارع او في المدرسة ....
المراهق هش الشخصية يعني اي هدرة نتاع واحدة من/ اسرة .زملاء . اساتدة..../ تأثر فيه وهادا التأثير يظهر لنا في شكل سلوكات مختلفة يمكن ان تكون ايجابية او سلبية /ولمثل يقول لي جي مربي يجي مربي من دارهم /

 

[avril.lavigne]

شكرا بارك الله فيك

 

[يسرى 2008]

العفو شكرا على ردكم
عندك الحق اخي kikina
مشكور ​

 

[kikina]

العفو شكرا على ردكم

عندك الحق اخي kikina

مشكور ​

عفوا اختي kikina مش اخي .......:thumbup1::thumbup1:

 

[biya]

موافقاتك يا يسرى2008 وحتى انا راني حايرة فيهم
انا تاني نتلاقا مع بنات في الليسي قاعدين مع الدكورة يحكيو يضحكوا ............والعجب وين
قدام الاساتذة !!!!!!!!!!!!!!!!!!!!!!!!
واش نقولوا .. ربي يهدي ما خلق

 

[biya]

موافقاتك يا يسرى2008 وحتى انا راني حايرة فيهم
انا تاني نتلاقا مع بنات في الليسي قاعدين مع الدكورة يحكيو يضحكوا ............والعجب وين
قدام الاساتذة !!!!!!!!!!!!!!!!!!!!!!!!
واش نقولوا .. ربي يهدي ما خلق

 

[المتفائلة خيرا]

مشكورة على النصائح تمنياتي ان يستفيد منها الجميع
مرحلة المراهقة صعبة ياسر
ويقولو عليها هي مرحلة الحب وهذي مجرد تفاهات

 

[pixau_dz]

امين


المهم :لو كان هناك سن مراهقة لذكر في الكتاب المقدس {القران} أو في السنة النبوية الشريفة

هذا التفكير غربي لازم نتنحاو عليه

زلا راني غالط ؟؟؟؟


تقبلو مروري

 

[قَطٌر❀ الٌنَـدَى]

والله انا موافقاتك الف بالمية

والله غير البنات هبلو والذراري اكتر

انا في الليسي في نهار الواحد رانى نشوف في العجب ورانى حايرة

بصح واش ديري هذا هو الوقت اللي رانا عايشيين فيه

ربي يهدينا​

 

[MaLAK niCE]

و الله عندك الحق اختي
و الهدرة بكل اللي تهدري فيها صحيحة 100/100
و انا موافقتك بصح الحوايج اللي نشوف فيهم بزاف و كترو
وكتاه يخلص هادا
وربي يهدينا اجمعين

 

[سلسبيل ايمان]

يعني الحب والخرجان تاع الليسي والسيام هدا لعب يا بنات او الدكورة تلعب بيكم وحاطينكم خاتم في يديهم
وتاني اهل حبكم وخرجانكم هدا راح ينتهي بالزواج
طبعا لا

صح عندك حق وكون جينا كامل نخممو هكا كون وحدة ما تغلط

 

[joura]

السلام عليكم
و شكرا علي الموضوع
انا بالنسبة ليا الهدرة لي هدرتيها كاملة صحيحة 100/100 بصح ما تدخلش في سن المراهقة علي خاطر سن المراهقة ما كانش من اصل و من كثرة ما تداولت الهدرة بلي سن المراهقة هذا هو السن لي راح يغلطو فيه الاولاد و يكونو طايشين شوي ....... حفضوها لولاد ولاو يطبقو فيها .
و الخرجة مع دكورة بالنسبة ليا غلطة في اي سن كان علي خاطر لي عينو فيك الدار قدامو ........ ولا راني غالطة .
​