يا بنات الجزاير .... وما دار فيكم السكايب ....*/فريق النخبة/*

[CHAMEKH]

السلام عليكم بنات وشباب اللمة

اليوم حبيت نقوللكم على موضوع مع اني متاكدة انو الكثيرات من بنات اللمة ما شي رايحة تعجبهم الهدرة الي رايحة نقولها .بصح انا رايحة نقولها عل وعسى ؟؟؟
تعرفو كامل اغنية يا بنات الجزاير .طبعا تعرفوها انا نقللكم بلي رايحين نوصلو لوقت ما نلقاوش فيه معنى لهاد الاغنية لانو بنات الجزاير بداو يروحو ويروحو تاع الصح . رايحيين تقولولي علاه ؟ بكل بساطة لانو وصلنا لمرحلة انحطت فيه البنت الجزائرية الى درجة خطيرة لعدة اسباب واخرها النت وما عاد يصرا فالنت . هاذ الوسيلة اللي مستعملها الغرب للقراية والبحث والعلم جاو بنات الجزاير واستغلوها في موضة جديدة موضة السكايب والحكايات مع هلم شخص . تلقاهم قاعدين يوزعو فالايمايلات تاعهم ويتعرفو على هاذا وذاك لكان غير تعرف اخوة وصداقة لاااااااااااا. طبعا لااا احنا هنا ما نعرفوش الاخوة والتعرف بالرقي نعرفو غير نحولوالامور ونتبعو التوافه . نحكيلكم مثل نشوفو كل يوم فالسيبار تاع الجامعة . نروح كشما ندير فوطوكوبي ولا كشما نحوس على بحث نلقى بنات الجزائر بابهى حللهن ومقابلين الكاميرات وقاعدين يحكيو فالسكايب كوبي على هادا ارجعي مع الاخر . واش نقلكم ربي يسترنا من زمان رايح يجي نعود نحشم نقول فيه اني طفلة . وتقولو بنات الجزاير حاشا لقلييل اللي بقاو. سلااام على لبنات تاع الصح

نسيت رايحين تقولولي الذكورة تاني ؟؟ انا نقلكم يبقى هو طفل وما عندو ما يروحلو......./size]​

الحقيقة ..... ما نغطوش الشمس بالغربال فعلا ما قلتي اختي الفاضلة للاسف الشديد هذا مانراه وبقوة .
للاسف ان بنات الجزاير اللي غني عليهم ذلك الفنان اصبحن ( يعلمن بالرقي على الرذيلة بعينها )
ونسينا الهدف الاسمى لهذه التكنولوجيا التي استغلها الاخرون في امور علمية وفكرية وخواتاتنا لبنات يزوقوا في روحهم من اجل ان تظهر لشخـــــــــص ومن يكون ذلك اشخص الذي اقول عنه فاقد الشيئ لا يعطيه ......................
الحقيقة موضوع يتحق المناقشة ...... بارك الله فيك ​

 

[صقر البوني]

سميه _ الله يحفضك والله ينورك ويبعدك عن كل ما هو مشبوه والله موضوع هادف ونقل لك يا سميه المتربي من ربي الله يهدي هذا الجيل يخي بنات آخر زمان حابين يتزوجوا عن طريق النت والسكايب ؟فاقوا

 

[soumia84]

الحقيقة ..... ما نغطوش الشمس بالغربال فعلا ما قلتي اختي الفاضلة للاسف الشديد هذا مانراه وبقوة .
للاسف ان بنات الجزاير اللي غني عليهم ذلك الفنان اصبحن ( يعلمن بالرقي على الرذيلة بعينها )
ونسينا الهدف الاسمى لهذه التكنولوجيا التي استغلها الاخرون في امور علمية وفكرية وخواتاتنا لبنات يزوقوا في روحهم من اجل ان تظهر لشخـــــــــص ومن يكون ذلك اشخص الذي اقول عنه فاقد الشيئ لا يعطيه ......................
الحقيقة موضوع يتحق المناقشة ...... بارك الله فيك ​

شكرا ليك خويا شامخ ان شاء الله دايما شامخ باخلاقك . والله وقت وصلنالو ربي يسترنا من اللي جاي وهادي هي. واللي تحب التهلكة ليها ولاهلها تدير هاذ الشئ. ربي يسترك خويا لعزيز​

 

[soumia84]

سميه _ الله يحفضك والله ينورك ويبعدك عن كل ما هو مشبوه والله موضوع هادف ونقل لك يا سميه المتربي من ربي الله يهدي هذا الجيل يخي بنات آخر زمان حابين يتزوجوا عن طريق النت والسكايب ؟فاقوا

اااااامييين خويا فهد ربي يخليك على هذي الدعوات والله دعوات كيما هاذي تكفيني. ​

 

[جزائرية توب]

كان عندي سكايب وماوليتش ندخله ادعولي ربي يثبتني على هذا الامر
الله يبارك سمية ربي يحفظك​

 

[soumia84]

كان عندي سكايب وماوليتش ندخله ادعولي ربي يثبتني على هذا الامر
الله يبارك سمية ربي يحفظك​

امين اختي لعزيييزة كوثر ويثبتنا كامل على الشئ اللي يرضاه المهم الانسان ما يعاودش يوقع فالخطا. سلاام عزيزتي​

 

[soumia84]

نصيحة برك نقولها لكل شباب اللمة :ما تمنوش في طفلة تعرفتو عليها من النت لانها تاع الناس اكل مادام تحكي معاك رايحة تكون تحكي مع عشرة بغيرك انا طفلة ونقولها لخاوتي. وانتوما تاني يا لبنات ما تهونوش انفوسكم لدرجة ترضاو تتزوجو من النت . صدقوني مستحيل ينجح واذا نجح الزواج رايح يكون حالة شاذة . خلي روحك نظيفة وقدوة للبنات انتوما وجهوهم ماشي تخليو الناس يحكيو عليكم ويقلو شفتوها معا من تحكي لانها حقيقة وانا نقولها. ربي يستر عليكم كامل خاوتي ويرضي عليكم الوالدين​

 

[Im here for ever]

شوفي ختي سمية عجبني بزاف السوجي ديالك باسكو واش شفتي هدرتي وعندك حق ........وانا حبيت نقول لازم نديرو سوليسيون لهاد البروبلام لازم نحلوه .........وجابلي ربي واحد مايقدر يحلو ابار مول هاد المشكل ولا واش رايكم
يعطيك الصحة ختي

 

[simouka]

بارك الله فيكي اختي الفاضلة
جزاكي الله خيرا على هذه النصيحة

انا احمد الله ما عندي سكايب ما فيا الفيس تاع tchat
الله يدومها نعمة

​

 

[poli]

ana skype ta3i fih ila li na3rafhom
hata hadok samtin li yhabo yat3arfo nsabhom ........hachak
basah homa yajabrok
takabaly morory
skype wasilat itisal mach wa silat ta3arof

 

[آلاء هبة الرحمان]

موضوع مميز جدا يستحق التثبيت

و الله اختي عندك الحق في كل ماقلتيه
بارك الله فيك
و جزاك الله الف خير و جعله الله في ميزان حسناتك

و الله ولهتيني لحوايج بزاف يعطيك الصحة حبيبتي

الحق انا عندي سكايب نحب نتعرف غير على البنات فقط

حتى مدايرا الذكور مايقدروش يتصلوا بي

و الله هكذا و نقولوا قليل

اختي و الله مكانش الي يزعف عليك لاخاطر راكي تنصحي فينا
و يقولك تبع الي ينصحك ميش الي يضحك في وجهك

​

 

[fouad.28]

:thumbup1:

 

[soumia84]

شوفي ختي سمية عجبني بزاف السوجي ديالك باسكو واش شفتي هدرتي وعندك حق ........وانا حبيت نقول لازم نديرو سوليسيون لهاد البروبلام لازم نحلوه .........وجابلي ربي واحد مايقدر يحلو ابار مول هاد المشكل ولا واش رايكم
يعطيك الصحة ختي

خويا لعزيز لكان جا كاين حل فالحل الوحيد انو كل واحد يبدى من نفسو ويصحح الخطا هك نوليو نهزو قيمة الطفلة تاعنا اللي راهي كل يوم تزيد تنقص. شكرا على الرد ربي يخليك​

 

[soumia84]

بارك الله فيكي اختي الفاضلة
جزاكي الله خيرا على هذه النصيحة

انا احمد الله ما عندي سكايب ما فيا الفيس تاع tchat
الله يدومها نعمة

​

ربي يبارك فيك . انت تهنيت ربي يدومها خويا​

 

[بنت الـ25]

انا السكايب مانستعملوش اصلا
وبزاف لي علابالهم...
يا ربي مع msn والياهو ومانعرف
..........
موضوعك مليح سمية.... ويقيس في الجدور
مليحة انك تتعرفي على واحد ولا زوج وواحدة وزوج وحدات ... مش سبعة وسبعين واحد ومبعد تقولي صداقة
مانحكيش عليك
نحكي اونجينيرال
سلااااااام
​

 

[soumia84]

ana skype ta3i fih ila li na3rafhom
hata hadok samtin li yhabo yat3arfo nsabhom ........hachak
basah homa yajabrok
takabaly morory
skype wasilat itisal mach wa silat ta3arof

اها اختي واحد ما يجبرك انت عندك عقل وكبيرة وفاهمة تعرفي تحطيلهم حد. ربي يحميك عزيزتي​

 

[sarah02]

عندي سكيب مي نقصر فيه معا لي زامي مشي كيما يفهموا لوخرين

hmy:hmy:hmy:


اللهمة اهدي امة العرب


​

 

[soumia84]

و الله اختي عندك الحق في كل ماقلتيه
بارك الله فيك
و جزاك الله الف خير و جعله الله في ميزان حسناتك

و الله ولهتيني لحوايج بزاف يعطيك الصحة حبيبتي

الحق انا عندي سكايب نحب نتعرف غير على البنات فقط

حتى مدايرا الذكور مايقدروش يتصلوا بي

و الله هكذا و نقولوا قليل

اختي و الله مكانش الي يزعف عليك لاخاطر راكي تنصحي فينا
و يقولك تبع الي ينصحك ميش الي يضحك في وجهك

​

الله يخليك عزيزتي ويدوم عليك نعمت العقل . حبيت نقولك برك ربي يخليك على هاد الرد الرائع من كل النواحي حتى الناحية الجمالية ربي يبارك فيك​

 

[soumia84]

:thumbup1:

وفيك بارك اخي الكريم دمت ​

 

[soumia84]

انا السكايب مانستعملوش اصلا
وبزاف لي علابالهم...
يا ربي مع msn والياهو ومانعرف
..........
موضوعك مليح سمية.... ويقيس في الجدور
مليحة انك تتعرفي على واحد ولا زوج وواحدة وزوج وحدات ... مش سبعة وسبعين واحد ومبعد تقولي صداقة
مانحكيش عليك
نحكي اونجينيرال
سلااااااام
​

الانسان كي يدير اصدقاء يتعلم منهم ويتثقف والله ما فيها والو بصح توصل بالنات يبيعو مبادءهم وكرامتهم لمجرد نزوات المراهقة والله كبيرة في حقنا . ربي يخليك ​