ادخلوا بسرعة من فضلككككككككككككككم

[lina18258]

مساء الخير على الجميع
انا عندي موضوع وحبيت ناخذ رايكم فيهكامل كيما جينا نحبوا يكون عندنا اصدقاء او بالاحرى
صديق مقرب تحكيلوا كامل واش يصرا معاك وتفوت الوقت معاه يعني نغلطوا مع بعضياتنا احيانا
مي نورمالموا الهدرة تقعد بيناتنا و ما تخرجش لبرا ونحلوا مشاكلنا لوحدنا و بيناتنا بلا ما يدخل واحد براني
انا كانت عندي صحبتي وكنت نحبها بزاف بصح مرة اكتشفت بلي راهي تشكيني للناس وما قالتليش في وجهي انا نقول لكم الصح نحب صحبتي كي تزعف عليا تحكي معايا وتنبهني وما تتخطانيش وتحكي للناس لي بيناتنا
المهم انا الحق ما حملت هدي جاست منها وما ولاتش عندي الثقة فيها اطلاقا
الحق و الله غير انضريت بزاف وقاستني بالفور عشرة سنين ما شافت غير الخير مني وتجازيني هكدا
حبيت تعطوني رايكم واش ندير معاها وكيفاش نتصرف معاها
عاونوني تعيشوا

 

[KAKASASA]

ارجعي لصديقتكـ، و اخبريها بأن تكتم اسراركم ... و اذا عاودت خبرت الناس ، متحكيلهاش اسرارك ..

 

[نجيب القناص]

روحو انت وهي وديرو المصالحة الوطنية في كاشي ريسطورة وخلصي انت ..... عن بالك ادخلت نجري حتي طحت ربي اوكيلك حلي مشاكلك وحدك

 

[lina18258]

يكتر خيرك هكدا لي يطلب النصيحة تقولوا حل مشاكلك وحدك
على العموم يكتر خيرك وسلامة راسك من الطيحة

 

[la_fleur_de_joie]

شوفي اختي حنا كاملين نغلطو علاخاطرش حنا عباد وماشي معصومين من الخطا...علابالي بلا ضراتك هذي العفسة سيرتو مين هذي صحبتك من 10 سنين...بصح شوفي اختي انا من رايي خلي الخطا غير فيها وانتي هدري معاها باينة بلا العلاقة مغديش تكون كيما الماضي بصح حاولي تحسسيها بلا انتي ماغلطتيش معاها وكنتي توجوغ الصديقة الوفية لها..وخطرة على خطرة جبديلها على كاش مشكل صرالها وحكاتوهولك هاكذا باش تعرفك بلا انتي تاني عندك هدرة عليها وكنت قادرة تقوليها للناس...
والله العظيم يا اختي مايدوم في الانسان غيرالعيب لذلك خلي العيب منها ماشي منك...وربي يسهلك في حياتك ويبعد عليك ولاد وبنات لحرام..وحاولي ماتخميش بزاف في هذا المشكل سيرتو في هذي الفترة تاع الامتحانات
وشكرا لثقتك فينا بطرحك هذا المشكل علينا

 

[RaNiA]

مام انا ديفوا يصراولي ديجاست كيما هكا
ونصيحتي ليك

لي يجيك منو الريح سدو واستريح
ولي خانك مرة سيبون انساي حكايتو
صح المسامح كريم مي مش لدرجة انو يتماداو و يخرجو لهدرة للبراني
منا يقولو تبقا بيناتنا منا يخرجوها

وصح العبد مش معصوم من الخطأ ودركا بالاك تسامحيها مي كون تتكرر ننصحك تبعدي عليها :cursing:​

 

[دعاء الليل]

جزاك الله خيرا
انا اقول لك لا تحكي لها مرة اخرى مشاكلك ولاكن انصحك بان تبقي دائما تمشي معها بالنية الصالحة.
يقولك مول النية ويلا مربحش يخرج على خير

 

[خزار]

شكرا لك و
جزاك الله خيرا
انا اقول لك لا تحكي لها مرة اخرى مشاكلك ولاكن انصحك بان تبقي دائما تمشي معها بالنية الصالحة.

 

[الهام وهران]

عليك بمحاورتها واخبارها سبب استياءك منها
لازم تحطي النقاط فوق الحروف ، والاصدقاء لازم ينصحو بعضهم ويصارحو بعضهم بحقيقتهم كيفاش يشوف واحد الثاني حتى لو كانت الحقيقة مرة بصح تدفع الانسان للتغيير الى الاحسن
بالتوفيــــــــــــــــــــــــق اختاه​

 

[نجيب القناص]

الصحيح عمرو ما اطيح وديجا انا قتلك ديري المصالحة واتصلي بعبد العزيز بوتفليقة هو لي يعرف اطبقها هههههههههههه بلا عندو الخبرة

 

[sindiana]

اتمنى لك التوفيق

السلام عليكم خيتي/اولا اريد ان انصحك نصيحة يجب ان تتأكدي من الموضوع اي ان تتاكدي جيدا ان كانت صديقتك حقا شكت بك الى الناس لان لدي ايضا صديقة مقربة جدا و اموت عليها يمكن اذا فارقتها بموت بسسس حاولو البنات كتير انو يفرقو بيناتنا بصح ممقدروش خاطر نعرفو رواحنا غاية****** يعني لازم تتاكدي يمكن انو هالكلام مو صح/ثانيا اذا كان حقا شكت بيكي لا تحكيلها مرة تانية عن اسرارك حتى تبني معها علاقة صداقة مميزة و مبنية جيدا مرة اخرى و ذلك بعد محاكاتها و تقولين لها لماذا فعلت كذا و كذا يمكن رح تفهمك شو اللي صار يمكن فهمتي انتي الموضوع غلطططططططط/انا عم قول هيك لانو كمان صار معي نفس الشي بس ككان اللي سمعتو غلط يعني الناس كانت تبي تفرق بنا و شكراااااااااا باي ربي يوفقك اختي

 

[lina18258]

بارك الله فيكم كامل كيما جيتو على الرد يعطيكم الصحة
الصحيح عمرو ما يطيح ويلا طاح يطيح واقف
خويا نجيب القناص يعطيك الصحة و الله غير ضحكتني
بعد الرد نتاعكم انا نسيت الحكاية ووكلت ربي هو الي شايف ويعرف ومول النية دايما رابح
وانا الحمد الله قلبي ابيضضضضضضضضضضضضضضضض وننسى بيفيه ودائما نقول
الله اكبرولا حول ولا قوة الا بالله
يعطيك الصحة مرة اخرى على الرد وانشاء الله تكونوا دائما بخير

 

[podolsky]

السلام عليكم
انا ننصحك بلي ماكاش في هذا الدنيا الي يحتفظ بسرك اكثر منك
كيم يقولو ايلا ضاق صدرك بشي وحكيتو اعرف بلي صدر الغير اضيق من صدرك على هذا الشي
صح تغيصك انو يحكي باسرارك مي الغلطة انت درتيها
انا نقولك كيفاه
السر اذا تعدى شخص واحد فقد معناه واسمه ما يوليش سر أصلا يولي حكاية نورمال ممكن تسمعيها من جهة وحذة أخرى عادي والسبب هو نحن نفشي اسرلرنا للغير ونندم

مانيش حاب نزيد عليك هي الله يهديها وانت بلاك تعوديها معها ولا مع اي شخص اخر
ولا احكي ليماك يماك وفقط وفقط وفقط
سلام

 

[الورد الأحمر]

هذي صاحبتك وانت تعرفيها خير منا
إلى تستاهل أنك تسامحيها ما تبخليش
المسامح كريم
إلى شفتي منها حوايج خلاف ما ملاحش
ما يخليوكش تقدر تسامحها أنا ما نلومكش
بصح نقولك صحبة عشر سنين تاع بكري
ما تساويهاش صحبة 1000 سنة تاع درك
يعني ما بقيتيش بالاك تلقاي صاحبة وحدة أخرى
ترتاحيلها وديري فيها الثقة
حبيت نأكدلك بكلامي هذا على السماح يعني
تخاف تندمي مرة خلاف وتقولي كون حتى سامحتها
أقعدو مع بعض فرغو واش كاين في قلوبكم
أهدرو كلش هكذا و تفاهمو
على خاطر كون ما تهدروش وتديروها كلي ما صرا والو عمرك
لا تقدري تنساي واش دارتلك وزيد مع الوقت
تعود تحسبيلها على كلشي يعني تعودي تعبي في قلبك عليها
يجي نهار الشي لي عبيتيه كامل وما هدرتيش عليه
يعود صماطة ولا كره ولا حقد
نتمنى نكون فدتك وانشاء الله خير
و اتهلاي في روحك
...​

 

[ملاااااك]

أنا من رايي تروحيلها وتقابليها ....أهدري معاها أفهمي منها علاش دارت هكا
ومبعد قرري واش تدير معاها كي تعرفي وجهة نظرها مليح وتذكري دايما انو المسامح كريم



والله يوفقك

 

[Lonely Girl]

الصحبة نتاع الصح مكانش مكانش زوج بنات صحبات ولا صحاب مقطعوش في بعضاهم لوكان جاو يسمعو الاحباب وش يحكو عليهم احبابهم في الغياب مبقاتش صحبة