الطفلة في 19 مراة ... و الطفل في 19 مهوش راجل

[ahlam03]

اسمحلي خويا بصح مانيش معاك في واش قلت نلقاو راجل في الأربعينات عقليتو تاع واحد صغير و نلقاو شاب في 20 ماشاء الله راجل ونص ماجاتش في العمر بالعكس مليح الرجل يتزوج في سن مبكر للتعفف.......تقبل مروري .

 

[Moha le sage]

اسمحلي خويا بصح مانيش معاك في واش قلت نلقاو راجل في الأربعينات عقليتو تاع واحد صغير و نلقاو شاب في 20 ماشاء الله راجل ونص ماجاتش في العمر بالعكس مليح الرجل يتزوج في سن مبكر للتعفف.......تقبل مروري .

خسارة ... كون قبل ما تبداي تجاوبي ..... اقراي الردود تاع الناس وتاوعي

راني ديجا جاوبت واحد قبلك

 

[Moha le sage]

بعد بسم الله

اولا ما قلتش ان سن البلوغ عند الراجل 30 سنة هاذي ما يقبلها لا ربي لا العبد .. انا نوريك ولد جارنا في عمرو 15 نتي تقوليه راجل..

ثانيا مارانيش نحث في الناس باه يدو وحدة اقل منهم ... بل بالعكس راني نقول بسبب تردي حالة المجتمع .. يعني صعوبة المعيشة .. الواحد ما يقدرش يتزوج اذا كان في العشرين بوحدة خاصة اذا كان يحبها ...

ياو افهموني .. راني نحكي على الحب المستحيل .. الذي ما يقدرش يتوج بزواج لان الطفل مزال ماهوش واجد .. و ليس ماهوش ناضج...

نعرف شحال من واحد يحكيلي عاش قصة حب ... يقولولي قلتلها اتزوجي وديري حياتك

انا في هذا الموضوع .. كون فهمتيه مليح .. بجانب الفتى المخلوق الي يحب فتاة .. و يتمنى تكون شريكتو .. لكنو مش قادر شقاه ... و الطفلة التي باه ماتروحش ضحية قصص حب فارغة .. و باه ما تودرش شبابها .. صارت تفضل انها تحب و ترتبط بشخص اكثر منها ... وهاذا كامل من املاء المجتمع

مانيش نحكي على لي يقدرو يتزوجو في سن مبكرة .. هاذوك نسبة قليلة .. راني نحكي على معضم الشباب اللي يشوفو امام عينهم فتاة احلامهم .. ومايقدرو يديرو والو

كيما قال صاحبي اللي عاش قصة حب عندها 3 سنين : قلتلها روحي كشما يجيبلك ربي مكتوب .. و باه ما نظلمكش .. قالهالي و دمعو عينيه .. لاخاطر هو انسان زوالي .. ويحب الطفلة ذيك ..

انا كون جيت رايس تاع بلاد .. نزوج اغلب الشباب في 20 و نديرلهم منحة تاع 20مليون مثلا يعون روحو بيها باه يتزوج .. و نديرلهم باه يقدرو يشرو دار تسترهم بالتقسيط او اي نوع من الدعم ...

نشاء الله الاعضاء قبل ما يزيدو يردو عليا يقراو هاذ الرد تاعي

قريتيه الرد يا احلام ؟؟؟

مشكورة على طرح رايك

 

[zinnoo walido]

سلام عليكم
خويا تاركان الله يحفضك كلش صح في واش راك تقول راني معاك


توجور مين عضو يجبد مشكل من المشاكل الاجتماعية رايح نوافقو مي الحل هو وحيد ودايما نقول عليه


وجوب المراة تبقى فالبيت ينتحلوا جميع المشاكل ياو المراة تهتم ببيتها راهي موجودة فالكتاب والسنة وقاع نعرفوها واش دا المراة برا تخدم




بقاع المشاكل زواج سكن بطالة العنوسة الفقر والله او والله تنتحل بهذا الحل الوحيد
​

 

[Moha le sage]

سلام عليكم
خويا تاركان الله يحفضك كلش صح في واش راك تقول راني معاك


توجور مين عضو يجبد مشكل من المشاكل الاجتماعية رايح نوافقو مي الحل هو وحيد ودايما نقول عليه


وجوب المراة تبقى فالبيت ينتحلوا جميع المشاكل ياو المراة تهتم ببيتها راهي موجودة فالكتاب والسنة وقاع نعرفوها واش دا المراة برا تخدم




بقاع المشاكل زواج سكن بطالة العنوسة الفقر والله او والله تنتحل بهذا الحل الوحيد
​

خويا زينو بارك الله فيك .. يعطيك الصحة اللي راك فاهمني...

بقات هذيك تاع المراة تريح في الدار ولا تخدم ... فيها هدرة تطول ..بصح نديرولها قعدة خويا

عود زورنا شوي

 

[يسرى 2008]

مشني راح نقلك مشكور ولا شكرا ولا ميرسي
خاطر انت بايدك
كتبتي موضوع تقول فيه متكتبوليش هكا
هههههه
راح نقلك
وجهة نظري كيفك
وشكرا
​

 

[Moha le sage]

مشني راح نقلك مشكور ولا شكرا ولا ميرسي
خاطر انت بايدك
كتبتي موضوع تقول فيه متكتبوليش هكا
هههههه
راح نقلك
وجهة نظري كيفك
وشكرا
​

هاذ الهدرة تعجبني ...

نحي على وجهك باه نشوفو .. بانتلي نعرفك من عينيك ههههههه

عودي زورينا منين ذاك

 

[حسان]

انه موضوع جميل قابل لنقاش موضوعي لكنني اخالفك في رأي كله برمته

تحكم على واقع بما تراه حاليا و ليس بما تراه علميا شامل

نحن عندنا الرجال بعمر 22 و 23 يتزوجون بفتيات 19 و 18 و سبب هو خدمة وطنية في سن 20

و لولاها لكنت 20/19 أو 19/18

أما عن 35 و 26 و..... غيرها و سبب البطالة و السكن و مصورف


و إلا لقاء

تقبل تحياتي الخالصة

 

[Moha le sage]

انه موضوع جميل قابل لنقاش موضوعي لكنني اخالفك في رأي كله برمته

تحكم على واقع بما تراه حاليا و ليس بما تراه علميا شامل

نحن عندنا الرجال بعمر 22 و 23 يتزوجون بفتيات 19 و 18 و سبب هو خدمة وطنية في سن 20

و لولاها لكنت 20/19 أو 19/18

أما عن 35 و 26 و..... غيرها و سبب البطالة و السكن و مصورف


و إلا لقاء

تقبل تحياتي الخالصة

تحياتك مقبولة اخي الكريم ... ولو تاملت مليح ردودي لا فهمتني ..

انا راح ندير الردود في الموضوع الاول

 

[avril.lavigne]

شكرا جزيلا محمد موضوع روعة

 

[Moha le sage]

شكرا جزيلا محمد موضوع روعة

وردك اروع ياختي سوسو

 

[محمد90]

عندك الصح ياخويا بارك الله فيك

 

[rafika32]

كلامك واقعي منطلقه الواقع
بصح
يا اخي لو كان جات الناس
تخاف ربي وملتزمة بدينها

لا حب لا عمي علي لا في 20 لا في 30

هذي العلاقات هي لي خسرت العقليات نتاع العباد
ربي يهدي .........ان شاء الله ​

 

[samahcom]

ana 3omri 22 ans tzewajt 3andi 3am marti rahi godami 3morha 20ans normal kolech 3adi

 

[farida91]

عندك الصح يا خويا في كل كلمة قلتها
مشكور ​

 

[هاجر جزائرية]

موضوعك مميز ورائع وكلامك صحيح وانا معاك نساء 19 ورجال من 25 فما فوق والي يزوج على 20 او غيرو انا نظن ماراهش رايح ينجح في زواجو وتقبل مروري

 

[Moha le sage]

عندك الصح ياخويا بارك الله فيك

الله يعطيك الخير خويا ... شرفتني بردك

 

[Moha le sage]

كلامك واقعي منطلقه الواقع
بصح
يا اخي لو كان جات الناس
تخاف ربي وملتزمة بدينها

لا حب لا عمي علي لا في 20 لا في 30

هذي العلاقات هي لي خسرت العقليات نتاع العباد
ربي يهدي .........ان شاء الله ​

الحب خلقو ربي ماشي انا اما العلاقات المشبوهة فانا بريء منها براءة الثوب الابيض من الدنس

قصة حب عفيف و تنتهي بزواج هاذا هو الامثل ...

وربي يحفظك ختي رفيقة

 

[Moha le sage]

ana 3omri 22 ans tzewajt 3andi 3am marti rahi godami 3morha 20ans normal kolech 3adi

rabi ytem inchallah w tjibo thoria salha ... kon enass kamel yakedrou ydirou kifkoum yrouho bezaf machakel men had leblad

 

[Moha le sage]

عندك الصح يا خويا في كل كلمة قلتها
مشكور ​

ربي يحفظك ختي فريدة مارسي على الدخول