- إنضم
- 15 مارس 2009
- المشاركات
- 8,149
- نقاط التفاعل
- 3,609
- النقاط
- 356
هدرتو كامل على الصداقة مبين الراجل و المرى ... مبين الطفل و الطفلة .. تفاهمتو في حوايج و اختلفتو في حوايج ...... بصح انا مازال مهدرتش .. رغم انو عندي لكثير الي نقولو ...
يقلك اللي ما هام .. ما عام .... ما يعرف شحال من ليلة في العام
جربت في دنيتي حوايج بزاف ... و ارائي هي خلاصة تجاربي ...
تسالوني سؤال واش تقول فيها نتا ... و انا نجاوبكم .. ماتدومش و هي علاقة مصالح ...
ما تزربوش رواحكم ... خلوني نكمل .. مشي مصالح مادية ... لكن نفسية
الطفلة تدير ذراري صحاب باه تاخذ منهم الجانب الرجالي في التخمام في دنيتنا هاذي .. و نظرة الراجل لامور كثيرة كالحب ,الزواج ,المراة الجميلة ,الاصحاب , مشاكل العصر , ... امور كثيرة متلقاش النظرة عليها في بنات جنسها ... يعني يعود عندها راي ( النظرة النسائية و الرجالية في نفس الوقت )
الطفلة تدير طفل صديق لانها محتاجة انسان يسددلها خطاها .. حنا الرجال عقلانيون .. ونتوما النساء عاطفيون .. وش معناها
معناها لو البنت شاورت بنت اخرى في امر يهمها راح تعطيها راي وبعد ساعة راح تعطيها راي اخر بحسب عاطفتها و الطفلة تميل القلب في احكامها .. ويسهل احيانا خداعها بارق الكلمات .. لانها احساس جميل في هاذ الكون .. اما الراجل فانو يخضع الحكم العقلي و مفاهيمو و يدخل جوانب الموضوع العديدة في معالجة القضية... نعطيكم مثال
اميرة صرالها مشكل مع جمال .. كي تحكي لصاحبتها على المشكل رد هاذي الاخيرة مراحش يكون موضوعي 100/100 فاذا كانت تمر هيا لخرى بفترة سيئة راح تسود عينين اميرة في جمال .. اح تجعل من الحبة قبة .. في عوض ما تجي تنحي عليها .. راح تزيدلها في المشكل ... نفرضو ان صاحبتها تغار ..راح تحاول بشتى الطرق التاثير سلب على عقل اميرة ... واذا فرضنا ان صاحبت اميرة تعرف جمال و مالف يتوددلها ... راح يكون ميلها في طرح القضية لجانبو .. حتى و لو كان غالط ....
باه تصقسي طفلة صاحبتها لازم تكون هاذ الاخيرة في مرحلة هادئة وفي فترة سكون فكري ...
اما صاحب جمال فراح يطغى عليه الجانب العقلي .. راح يسالو على اسباب ابقضية و مدى تعقيدها .. راح يحاول يوصل معاه لحل ميكونش التثير فيه العاطفي كبير.. وهاذا في حالت اذا كان صديق بمعنى الكلمة .. واذا كان صاحب جمال ما يتفاهمش مع اميرة .. ماراحش يدخل هاذ الجانب و ذا كثر عليه يقلو ربي يسهل في علاقتكم ... الا اذا كان منافق فانو يحاول زرع الفتنة ...
الطفلة ايضا تحتاج صديق بجنبها لانو قد يعوض غياب الحبيب او الزوج المستقبلي من ناحية هاذ النقص الغريزي فينا ( الذكر لازم بجنبو انثى و العكس صحيح )
تخيلو عامل يبقى مثلا مدة شهرين في مكان المعمل الخالي ... راح يضيق خاطرو من عدم تواجد لبنات واول حاجة يديرها بعدما يولي و يطل على الدار هو التجول و مشاهدة الجنس الاخر اللي غاب على عينيه ...
و تخيلو بنت تروح من الدار في عطلة بعدما كانت في اقامة جامعية ... راح تكره الدار ( صحيح انها راح ترتاح من عناء الاقامات ...) لكن بعد اسبوع راح تتوحش الرجوع .. ماشي لصديقاتها فقط ولكن لجانب نفسي مخفي .. انه لزم تشوف الجنس الاخر اللي هو الرجال ..
الاناث يحتاجو يبينو الانوثة تاعهم في مشيتهم في لباسهم في طريقة كلامهم .. يحتاجو نظرات الاطراء و الوله عند الرجال ... المراة تحتاج انها تكون جميلة .. ولولانظرات الاعجاب هاذي ما تزينت اي بنت قبل الخروج ... النساء زينة في الارض ... ومش معناها ان الطفلة اللي تتزين انها ماتحشمش كيما نقولو
هاذو اراء مهيش حقيقة علمية .... راني نحكي من مبدا نعطو تصوراتنا و وجهة نظرنا .. و منيش نقنع فيكم ... راني نمد في كيفه نخمم
.... باقي في الموضوع
- لماذا يدير الولد بنت كصديقة
- لماذا ولف الطفلة .. واعر
آخر تعديل:
