ولف الطفل ساهل ... و ولف الطفلة صعيب (الجزء 1 )

[Moha le sage]

هيا واينهو الجزء الثاني

كي نقراه نرد على كلش خبطة وحدة

ونقولك اسكو صحيح ولا غالط ​

خوك ديما صحيح مانيش نالف ولكن نحكي واش عايش

 

[الورد الأحمر]

- لماذا يدير الولد بنت كصديقة
للتسلي واللعب لا أكثر ...قد يعدها بالزواج و..و.. ولكن هذه مجرد اغراأت
أنا معك 100/100 العلاقة لن تدوم ابدا ......مصالح فقط

ردي من ردها
...​

 

[Moha le sage]

ردي من ردها


...​

مشكورة على ردك

 

[Moha le sage]

+++++++++++++++++++++

 

[Moha le sage]

مشكوووووووووووووورين

 

[البراءة]

تركان راك رعيت اللمة علابالك .... نستعرف بيك

 

[Moha le sage]

 

[Moha le sage]

مشكورييييييييييييييييييييين على ردودكم

 

[Moha le sage]

+++++++++++++++++++++

 

[Moha le sage]

++++++++++++++++++++

 

[عازفة الاحزان]

معااااااااااااااااااااااااااااااااااااارف مفهمت فيها والوا و منيش قادرة نخمم نركز مع روحي مليح ونردلك لخبر اسمحلي خويا محمد بصح هذي عقليات و أنا نقلك ولف الطفلة ساهل وولف الطفل صعيب لخطر نتوما في رمشة عين تبيعوا و أحنا برك نتعذبوا يا حصرتي على دمعاتي راحوا خصارة
مشكووووووووووووووورتقبل مروري السخيف
:angel_not:شيطانة:angel_not:
ههههههههههههههـ​

 

[Moha le sage]

معااااااااااااااااااااااااااااااااااااارف مفهمت فيها والوا و منيش قادرة نخمم نركز مع روحي مليح ونردلك لخبر اسمحلي خويا محمد بصح هذي عقليات و أنا نقلك ولف الطفلة ساهل وولف الطفل صعيب لخطر نتوما في رمشة عين تبيعوا و أحنا برك نتعذبوا يا حصرتي على دمعاتي راحوا خصارة
مشكووووووووووووووورتقبل مروري السخيف
:angel_not:شيطانة:angel_not:
ههههههههههههههـ​

شوفي يا شيطانة ..عفوا امينة ههههههههه انا ماني نبيع ماني نشري .. راه الولف ساهل والفراق مقدرت عنو ... اسمعي لغنية هذي ذرك تتنحالك شوي غمة و تفطني .. من بعد نجاوبك :001_tt2::001_tt2:

 

[souss]

ok عفوا راني نستنى فيه

 

[yanni]

كي تداوس اميرة مع جمال لازم عليها تنحي قلبها وتخمم بعقلها وما تسقسي حتى واحدة من حباباتها الفراق ديما صعيب يالوكان بنت مع بنت

 

[تسنيم الهناء]

الطفلة تدير ذراري صحاب باه تاخذ منهم الجانب الرجالي في التخمام في دنيتنا هاذي .. و نظرة الراجل لامور كثيرة كالحب ,الزواج ,المراة الجميلة ,الاصحاب , مشاكل العصر , ... امور كثيرة متلقاش النظرة عليها في بنات جنسها ... يعني يعود عندها راي ( النظرة النسائية و الرجالية في نفس الوقت )

هذا الموضوع اكدوه في واحد الكتاب خرج جديد كتبو واحد منشط حصة امريكي انطلاقا من تجاربو الشخصية و من الحالات لي كانت تفوت في الحصة انتاعو لقا بلي المراة ديما تحوس تفهم كيفاه الرجل يخمم و تحديدا في مجال العلاقات و الحب مالا كتب واحد لكتاب

Act Like a Lady, Think Like a Man: What Men Really Think About Love

اذا عندك وقت اضربلو طلة تفهم

و تبقى المراة بلا رجل= 0
رجل بلا امراة= 0




​

 

[حنين الروح+]

انا نحب يكون عندي صديق سيرتو كي يكون متربي ولد فاميليا ويعزن ويعزني ويحترمني نلقاه في كل الاوقات على الاقل يوريلي حوايج وينصحني
مرسي محمد

 

[abidou 20081]

خويا محمد بارك الله فيك على الموضوع القيم بصح راك طلعت لادوز ماكانش لي يقدر يفهمك واش تقصد وكل واحد ولا يحكي في همو وأنت راك دخلت في جانب نفسي بزاف بسط شوية وعطيهالهم على قيس العقلية والفهم
من خلال كتابتك للموضوع عطيت تفاسير وشروحات أغلبهم داخلين في الجانب النفسي ودخلت حتى في طريقة التفكير ونقولك اغلب الطرح صحيح وكاين منو مي المشكلة في طريقة فهم الموضوع على حساب ماشفت والله واحد مافهم لواش راك تقصد ولا لواش راك ترمي ونقولك خويا من بكري الطفلة حساسة وعاطفية وهذا ما يعنيش الطفل ماراهش حساس بصح كاين فرق بين الجنس الخشن والجنس الناعم ونعطي مثال باش تفهمني راجل ومرتو راقدين فالليل ناض الطفل الصغير يبكي فاليل لمرى تنوض مخلوعة على الطفل كاش ماخصو ولا كاش ما صرالو والراجل ينوض يزقي ويعيط خرجيه وأخرجي معاه برا من هذا المفهوم كامل يقولك الراجل قاسي ولمرى حنينة بصح السؤال المطروح علا ش لمرى تحب ولدها وباباه مايحبوش هنا الغلطة لي يطيحو فيها بزاف الناس الراجل تاني يحب ولدو بزاف وبالحد لي مايقدر حتى واحد يتصورو في نفس المثال نعطو الدليل في ديك اللحظة لي راه يعيط وقالها خرجيه واخرجي معاه تقولو لمرى نوض الطفل راه مريض حالة هذاك الوقت ينوض المخلوق حوايجو ومايلبسهمش وبالاك يخرج يجري بيه فالزنقة بلا لبسة وماراهش فايق بروحو وعلاش الفرق هنا بين النقطين وعلاش الراجل هنا رجع كثر من لمرى حنين ومنها نعرفو بلي راجل عندو إحساس وعندو شعور قوي بصح المرأة تجي رهيفة على الراجل والراجل يحتاج دائما للدافع والمحفز للشعور تاعو باش مانهربوش بعيد على الموضوع خويا محمد نقولك بلي الحافز تاع الطفلة قبل الزواج هو الشاب والحافز تاع الطفل كيف كيف ولوكان الطفلة مايخزرلها حتى واحد وما يكلمها حتى واحد رايحة أوتوماتيك تشك فغي روحها لأقصى درجة تقولك مارانيش شابة ولا فيا حاجا ماشي مليحة المهم توسوس الطفل إذا ماخزرولوش الطفيلات ما يتوسوسش كيما الطفلة يعني يقولك ماعنديش الزهر فالطفيلات ولا ماننكسبش واش راهم يحوسو المهم على بالو بلي نهار يجي النهار ويديرها في دارو الفرق فالتفكير أنو الراجل ماعندو ماخسر وهو لي يجبها ماشي هي لي تجيبو فالزواج مارانيش نقصد حاجا أخرى على خاطرش فالعلاقات كاينين لي راهم يجبدوهم من ودنيهم نتمنى تفهم لوين راني نرمي خويا محمد باش مانكتروش نرجعو لنقطة الولد علاش يدير صديقة وهنا تتشعب الأسباب كاين لي يدير صديقة على خاطرش مالقاش الأمان فالأصدقاء لي دارهم وشحال من خطرة ولينا نسمعو كلمة تعرف مرى ولا تعرف راجل كاين من باب بداية لعلاقة أكبر وكاين لي عندو حبيبتو وداير صديقة لمصلحة يعني تدي وتجيب والأسباب عديدة وفي كل الأسباب تبقى النية هي الفيصل والسؤال الثاني نظن من الموضوع تقدر تفهم علاش ولف الطفلة واعر ورانا قلنا بلي حساسة ورهيفة تاع الصح سنة الله في خلقه
موضوع يحتاج إلى كثير من التعمق والشرح وأنت خويا محمد كل مرة تخدعنا بواحد المواضيع الله يبارك وتبغي تنفضلنا المخ شوية ربي يحفظك وربي يبارك فيك وربي يعطيك ماتتمنى وفي إنتظار الجزء الثاني تقبل مروري وأسمى عبارة التقدير والتحايا
تقبل الله منا ومنكم الصيام والقيام وصالح الأعمال ​

 

[نجاة40]

كلامك صحيح في حالة علاقة اخوة برك يعني ماكانش حب نتاع امراة لرجل لانو العلاقات هاذيك دايما تفشل وكيما قلت الطفلة لازمها راي من وجهة نظر البنت والذكر لانو عواطفها تسيطر على تفكيرها في اغلب الاحيان ولازم واحد يقويها ويوجها الحمد لله رب اخ لم تلده امك عندي اخ من اللمة ربي يحفظو ينصحني وننصحو والحمد لله رايين خير من راي ​

 

[02asma02]

السلام عليكم
موضوع قيم ورائع وكل كلمة قلتها في محلها ولك مني احلى تقييم

 

[السوفي حمة]

كل ولد عندو صديقة وكل بنت عندها صديق لكن البداية تكون داخل البيت
الطفل يميل ليماه ويتقرب منها أكثر وأحيانا تكون أختو هي صديقتو والطفلة تميل لباباها وكيما قلنا أحيانا يكون خوها هو صديقها خاصة إذا كانوا متقاربين في السن.
من بعد صداقة البيت تصبح غير كافية ويبقى البحث عن الجنس الآخر هدف كل طرف وهذه سنة الله في خلقه وكل طرف يبحث على الشيء المفقود عنده لأن الله سبحانه وتعالى مخلقهاش فيه وإذا لقي كل طرف الطرف الثاني إلي يحوس عليه تنشأ هذه التي نسميها صداقة
لكن هل هي صداقة أو هل ستبقى صداقة ؟؟؟؟؟
رأيي الخاص منظنش لأن تركيبتنا النفسية ترفض تبقى هذه العلاقة في إطار صداقة فقط لكن تحوال تطويرها إلى علاقة أخرى
وهذا رأيي الخاص
​