واش تخيروا.... البقاء او الانفصال؟

[شمس اللمة]

السلام عليكم
انا راني حابة نطرح موضوع و بصراحة هذا هو الموضوع الاول ديالي
راني حابة نعرف كيفاش تتعاملو مع شخص يكون قريب ليكم بزاف و تحبوه بزاف يقدر يكون بالنسبة ليكم الحبيب ولاّ اعز صديق المهم يكون يعنيلكم بزاف ... بصّح في كل مرة و كل مناسبة يبينلكم هاذ الشخص بلي ماراهوش حاطكم في نفس لبلاصة في قلبو ....مالgري كي تواجهوه يقعد يقول بلي ماشي صح.... بصح افعالو يفضحوه:thumbdown: يبان بلي راهو حاب يستغلكم برك و يولي كي شغل gاع هاذيك الصداقة(ولاّ الحب) لي كان من قبل كان يgزيستي غير في راسكم....
واش تديرو:تخيرو تبقاو مع هاذ الشخص و تتحملوالخدع ديالو و تستناو منّو الpire و بيان سور هاذ الشي يوجعكم .... و لاّ تخيروا تسوبيميو هاذ الشخص من حياتكم و تنساوه كامل و بيان سور تتحملو الvide اللي خلاه... خاطر صعيب بزاف باش تزيدو توثقو في الناس لهاذ الدرجة و يوصلو لنفس المرتبة ؟​

 

[sarah02]

سي سوور نونكمل معاه بويسك ...مانيش نطلب عليه :001_cool:
​

 

[samahcom]

Im sory ma3ndich ijaba

 

[نور الانوار]

الي ينساني ننساه

وعلاه نتعب روحي وهذا الشخص ولا على بالو ؟​

 

[شمس اللمة]

سي سوور نونكمل معاه بويسك ...مانيش نطلب عليه :001_cool:​

مافهمتش اختي اجابتك... صافي تخيري تتفارقي مع هاذ الانسان؟....
شكرا على الاهتمام بالموضوع​

 

[شمس اللمة]

Im sory ma3ndich ijaba

يعطيك الصحة كو مام على المشاركة :001_smile:....مام انا و الله غير راني كيما نتَ ما صبتش الاجابة ... كاين مواقف في هاذ الدنيا راسك يحبس منها و ما تصيبش الاجابة...

 

[شمس اللمة]

الي ينساني ننساه​

وعلاه نتعب روحي وهذا الشخص ولا على بالو ؟​

تخيري الفراق و ما تخافيش تندمي و مبعد كي تقعدي تسوفري بلا هاذ الشخص و تحسي بلي هاذ الvide كان قادر مايكونش لوكان ما خليتيهش؟خاطر هاذ الشخص ماشي اي شخص عادي في حياتك ياو جوزتو كيفكيف يامات و يامات و عشرة و كاين حاجات مشتركة بيناتكم
يععطيك الصحة على الاهتمام بالموضوع اختي​

 

[صديقة الشقاوى]

ادا كانت صداقة حقيقية لن اتخلى عنه بكل سهولة بالعكس اعمل كل جهد لاريه الصواب من الخطا ادا كان غائب عن الوعي ولكن ادى مانفع معاه والوا انديرلوا درس عمروا ما ينساه

 

[Amine7N]

الانفصال بدون ان تتريثي
شخص مثل هذا ضعيه تحت رجلك وامشي عليه

 

[شمس اللمة]

ادا كانت صداقة حقيقية لن اتخلى عنه بكل سهولة بالعكس اعمل كل جهد لاريه الصواب من الخطا ادا كان غائب عن الوعي ولكن ادى مانفع معاه والوا انديرلوا درس عمروا ما ينساه

صح اختي عندك الحق شخص كيما هاذا اما راهوغايب عن الوعي و لازملو كف باش يفطن و يولي لعقلو و لاّ ما يعرف معنى الصداقة و المشاعر الصادقة و في هاذ الحالة حاجة ما تفيد معاه ....الله يهدي الغاشي صعيب باش تلقا واحد يقدر المشاعر الصادقة في هاذ ليام
يعطيك الصحة على الاهتمام بالموضوع​

 

[الناصر صلاح الدي]

ندير مجهودي معاه و اذا ما كانش نجبد عليه أحسن.تقبلي مروري

 

[شمس اللمة]

الانفصال بدون ان تتريثي
شخص مثل هذا ضعيه تحت رجلك وامشي عليه

صح عندك الحق اخي بالاك هذا هو الحل مع ناس كيما هاذو ...
يعطيك الصحة على النصيحة و الاهتمام بالموضوع اخي
​

 

[3afaf]

هذي تقول القصة تاعي وكل كلمة كتبتيها سراتلي ..........ومع شخص عزيز بزاف
ونقولك انا واش درت حكمت التليفون حكيت معا هداك الشخص وقوتلو بلاك تزيد اتعيطلي ولا دور من جيهتي :angry:...ومن هداك اليوم ابدا منهدرش معاه.... ياختي كرامتي فوق كل اعتبار وعلاه راني نطلب عليه وعلاه حتى نخلي شخص تافه يعاملني هكداك.

اذن:yahoo: يحا الانفصال:yahoo:​

تقبلي مروري

 

[شمس اللمة]

ندير مجهودي معاه و اذا ما كانش نجبد عليه أحسن.تقبلي مروري

شكرا على الاهتمام بالموضوع و شكرا على المرور اخي​

 

[noussy 03]

قالك لي يحبك حبو ولي نساك لا تسال عليه
انا كون ليا تنساي هدا الحب ولا الصداقة وتتعاملي معاه كاي انسان عادي

 

[poli]

nabka m3ah mais mach kima kont
ana natmana yasrali mawkif kima haka
takabaloni

 

[شمس اللمة]

هذي تقول القصة تاعي وكل كلمة كتبتيها سراتلي ..........ومع شخص عزيز بزاف
ونقولك انا واش درت حكمت التليفون حكيت معا هداك الشخص وقوتلو بلاك تزيد اتعيطلي ولا دور من جيهتي :angry:...ومن هداك اليوم ابدا منهدرش معاه.... ياختي كرامتي فوق كل اعتبار وعلاه راني نطلب عليه وعلاه حتى نخلي شخص تافه يعاملني هكداك.

اذن:yahoo: يحا الانفصال:yahoo:​

تقبلي مروري

صح اختي... هاذ القصة راني سور بلي صرات لبزاف غاشي و نقولك علاه ...خاطر الناس عادو يخبو وجههم الحقاني بلي ماسك معا الاول يبانو هايلين و تقول لوكان غير ما نسعاهم غير هوما ويخليوك حتى توالفهم و تديرلهم بلاصة كبيرة في قلبك و مبعد كي ينحيو الماسك تاععهم و يبان وجههم الحقاني تجيك الصدمة:blink::bored:....و لوكان تواجههم و تقولهم وعلاش تبدلتو يقولك لالا حنا ما تبدلناش نتي لي ما عدتيش تشوفي مليح.... و مبعد انت تقولي ماعليش بالاك انا اللي كنت نيماجيني و راني غلطانة هات غير يولو كيما كانو ...بصح ياريت...يخليوك حتى تنساي الصدمة الاولة و يزيدولك ضربة وحدة اخرى.... واش تحبي هكذا ولاّت الدنيا ....الناس ولاّو يتنافسو شكون اللي يجرح كثر ...ما يقدّروش اللي يحبهم و يخونو العشرة.... وعلاش؟:confused1::confused1:
ربي يهدي ما خلق و هذا ماكان
صح اختي على الاهتمام بالموضوع​

 

[Lonely Girl]

انا صراتلي شحال من مرة نتخدع في ناس كانو عزاز بزاف عليا مي سايي كي خدعوني مبقاتش بيناتنا صحبة وش من صداقة تبقى كاينة المصلحة برك ولي يخدعوني نجبد عليهم بالبارد راني هكدا وحدي عايشة بيان والله خيرملي ندير صحبة غير المشاكل والهدرة وال...........​

 

[شمس اللمة]

قالك لي يحبك حبو ولي نساك لا تسال عليه
انا كون ليا تنساي هدا الحب ولا الصداقة وتتعاملي معاه كاي انسان عادي

بصح هاذ الشي يوجع بزاف سورتو كي تشوفي بلي هاذ الشخص راهو قادر يكمل حياتو بلا بيك كشغل جامي ولا عرفك ...و مبعد كي تديسيدي تعامليه بسطحية و تعامليه المعاملة لي يستحقها تصيبيه و لاّ معاك كيما كان بكري و يبدا يلومك و يقولك خنتي العشرة ... واش تديري ومبعد لازم تولي كيما كنتي...
صح اختي على المشاركة فالموضوع​

 

[شمس اللمة]

nabka m3ah mais mach kima kont
ana natmana yasrali mawkif kima haka
takabaloni

نشالله عمرو مايصرالك موقف كيما هكذا اختي و نشالله ما يصرا لحتى واحد خاطر موقف صعيب....
صح اختي على المشاركة في الموضوع​