خاوتي و خواتاتي أرواحو حنصارحكم بشي.. لأول مرة

[Moha le sage]

شوفي مليح نتي مجهولة وانا معلوم ومواضيعي يعرفوها كامل ... ماشي فخرا .. ولكن لاني اكثر واحد تعلم ...

حوسي على مواضيعي في ملف الهوية راح تلقاي لكثير الي يهمك صدقيني

ونزيدك حاجة راني هنا ابعثيلي وعندي الحلول بزاف بزاف... واللي ما يعاونش الناس يموت براني ...

 

[tarek-83]

أنا أنصحك بالصبر يا أختاه فهذه مصيبة بلاك بيها ربي صبحانوا
كل الرجال ما فيهم لامان حتى أنا . الدنية صعيبة و الطريق طويلة
قادر يمشي معاك و يدور عليك لأنه الشيطان هو ألي جمعكم سي كيف كيف رايح يفركقم
الصبر الصبر الصبر الصبر مفتاح الفرج ​

 

[zola_ta]

و عليكم السلام و رحمة الله و بركاته

اختي أنا بالاك رايحة نجاوبك بطريقة مختلفة على اجابات خاوتنا اللي جازوا ، صدقيني هادي نصيحة من اخت الى اختها كيما قلتي نتيا درتي فينا التقة خاطر راكي حاستنا خواتك ...
ما رايش رايحة نحللك و نحرملك و تقولي هادي جاية تنصح و تتمنصح عليا ، أنا نعطيك رأيي و اقتناعاتي ، اختي حبك راهو نقي و انت راكي تباني عاقلة و نقية meme الشاب اللي هدرتي عليه راهو يبان عاقل و يخاف ربي ، و يا سعدك في وقت كيما هادا تلقاي واحد عندو الحياء و يحشم حتى ادا يعبر على مشاعرو ، انت على حساب هدرتك راكي قريب تكملي قرايتك و الحمد لله حتى لدوك ما درتي حتى علاقة تخالف الشرع ، و بالاك هو راهو يسنى تكملوا قرايتكم و يجي يخطبك يعني تبداو حياتكم بالحلال كيما نقولو ، اختي ما نقولكش ما تحبيهش خاطر هادي حاجة ماشي بيدينا ، هاد الاحساس يجي حتى و لو حاولنا منعه ، بصح حبيت نقوللك الحب أطهر من أن يشوه بعلاقة محرمة و هي صح علاقة محرمة حتى ولو أن الكثير يلقاو الأعذار و يعتبروا هاد الشي شئء عادي في الوقت الحالي ، خلي علاقتك بيه تبدا بالحلال و يكون خطيبك ثم زوجك على سنة الله و رسوله ، أما ادا كنت خايفة ما يكونش احساسو اتجاهك نفس احساسك نقوللك ادعي ربي يجعلو من نصيبك في صمت ، و ربي ان شاء الله يلاقي بيناتكم في الحلال ، و كوني متأكدة باللي من ترك شيئا لله ( أقصد العلاقة و ليس حبك ) عوضه الله خيرا منه ، المهم ديري ربي بين عينيك و ما تخافي من والو و أكيد رايحة تلقاي راحة نفسية كي تتوكلي على ربي و ان شاء الله تكون حياتك ملؤها السعادة ، لأنك اتقيت الله و قاومتي نفسك لوجه الله ، حاجة واحدوخرا حبيت نقولهالك بالاكي من رفيقات السوء اللي ينصحوك باش تهدري معاه ولا يقولولك هادي حاجة عادية مادامك تحبيه و... تعرفي هدرة البنات ...
هادا واش حبيت نقوللك اختي و ان شاء الله تتقبلي مني نصيحتي لأني والله غير حبيتلك مصلحتك

مع خالص حبي و تقديري
أختك zola :wink:

​

 

[حفيد هواري بومدين]

الحل او بيد ربي وعند صحبتك
شوفي كيفماه تولهيها ولا تحكيلها
لكانت صديقة وفية يعني
ومايحس بالجمرة غير لي يقيس عليها
والمرة جاية ماتقوليش مانطيحش ومانيش مدايرتها في بالي ولا
الحب راه نضرة كيما يقولو
كي تشوف العين القلب يعشق

جربي ورانا هنا نتحاورو ​

 

[haroune]

و الله واش راح نقلك أختي
مانقدرش نقلك ديري هدي ومن بعد تندمي
مالا ديري اللي يريحك و نشاله ما تخيبيش
و المكتوب في الجبين لازم يجي نهار و تشوفو العين
وربي يجيب اللي فيه الخير
​

 

[صمت الذكريات]

انا نظن لا تتكلمي اي شيء

 

[sleepingbeauty]

حبيتو بيني و بين نفسي
و ما قلتلوش علي في نفسي
ماعرفش ايه بيحصلي لما بشوف عينيه
ما بقيتش عارفة اعمل ايه
ماعرفش ليه خبيت عليه
بضعف اوي و انا جنبو و بسلم عليه

الاعضاء راهم كفوا و وفوا كيما يقولوا اما انا منقدرش ننصحك لانني صراتلي نفس حكايتك بالضبط و ماعرفتش نتصرف ​

 

[بلبلة الجزائر]

​

أختي العزيزة سأنصحكي نصيحة من القلب إلى القلب​

أو نصيحة كفتاة متزوجة و شافت الدنيا مليح ,,,,​

أختي العزيزة إياكي ثم إياكي أن تبعثي له أو تتكلمي معه !!​

لأن :​

1- أولا ربنا الذي أنعمكي نعمة البصر التي أبصرتي بها لهذا الشاب ,,,​

ربنا الذي أنعمكي نعمة العقل التي تفكرين به بهاذا الشاب ,,,,​

ربنا الذي أنعمكي نعمة المشي التي تمشين بهما للجامعة فالتقيتي بهما بهاذا الشاب ,,,​

و,,,,و ,,,, و,,,,​

ربنا لايرضيه الإختلاط و عدم غض البصر ,,, فمابالكي بمصارحة عن ​

حب وما أدرى ذلك ,,,,, فهل يطيب لكي نفس و أنتي​

تعصين الرحمان الرحيم ؟؟​

***************​

2- ثانيا : زوج المستقبل يا غالية الم تفكري فيه ؟؟​

صوني زوجكي ليجدكي صافية نقية ويرفع رأسه عاليا بكي​

ولكي لايأتي يوم تحسين أنكي تخفين سرا حقيرا حقيرا حقيرا .....​

************​

3- ثالثا : أهلكي يا حبيبتي ,,,, أبوكي أخوكي ,,,,, هل يرضيهما أن تصارحي شاب عن حب ؟؟ لاأظن ذلك ,,,,,,,​

أظن أنهما منحاكي الثقة فلا تضيعيها ,,,,​

***********​

4- رابعا : وهل تضنين أن هذا الشاب سيحبكي بمصارحته ؟؟​

بالعكس سيحتقركي أنتي و أهلكي !!​

ثم هو صغير ,,,, أعطيلوا 30 سنة لكي يكون قادر على الزواج​

أنتي حينها تكونين راكي جايبة عيال ,,,, ههههههه​

إن شاء الله عيال الخير ,,,,​

***********​

إن كنتي قادرة على تخطيّ كل هذا ,,, فافعلي مابدا لكي ​

اسأل الله أن يثبت قلبكي لدينه .​

 

[بلبلة الجزائر]

​

مابال الإخوة هنا ينصحون نصائح​

لا يرضونها لأخواتهن البنات !!​

لاحول ولا قوة إلا بالله ,,, اتقوا​

الله ربكم الذي يراكم ,,,​

استغفر الله ,,, استغفر الله ​

 

[aMiNa-K]

​

مابال الإخوة هنا ينصحون نصائح​

لا يرضونها لأخواتهن البنات !!​

لاحول ولا قوة إلا بالله ,,, اتقوا​

الله ربكم الذي يراكم ,,,​

استغفر الله ,,, استغفر الله ​

و الله عجبتيني اختي :001_cool: .. في زوج ردود تاوعك ماشاء الله ..بارك الله فيك :001_wub:

على خياتهم مايقبلوش بصح بنات الناس معليش :cursing:.. عندهم منطق غريب عجيب :blink: ..عييت نحوس نفهم كيفاش يخممو ماقدرتش ..:bored:​

 

[بلبلة الجزائر]

و الله عجبتيني اختي :001_cool: .. في زوج ردود تاوعك ماشاء الله ..بارك الله فيك :001_wub:​

على خياتهم مايقبلوش بصح بنات الناس معليش :cursing:.. عندهم منطق غريب عجيب :blink: ..عييت نحوس نفهم كيفاش يخممو ماقدرتش ..:bored:​

وفيكي بارك الله يا أخيـــــه

بالفعل منطق غريب !! كيف يفكرون !!

هل هذه حرية أم تزيف أخلاقي !!

سبحان الله المولى

​

 

[Adrenaline]

بلبلة الجزائر​

بارك الله فيكي أختي على كلامك الطيب وجازاك الجنة .... معكي حق في كل كلمة قلتيها...
ان شاء الله ربي يهدينا أجمعين وكامل شباب و بنات المسلمين
~~تقبلي تحياتي~~​

و لصاحبة الموضوع أنصحكي بتفادي هذه الدوامة لي ما رايحة تسببلك غير العذاب
تحياتي لكي​

 

[مجانة كوم]

مجهولة مساء الخير منورة اللمة بمشاركتك الاولى اماعن موضوعك والله غير خليتيني نجاوبك ذراع باسكو تباني من هدرتك بنت فاميليا .1 كي قلتى عليه حشام ومايقدرش يهز راسوا فيا هذي تقدر تكون صح وتقدر يكون راه يغلط فيك باسكو دراري نتاع درك واعرين ويعرفو ينصبو .المهم يلا كان من نيتو نتمنى ماتصارحيهش انتي خليه هو يلاكان حس بيك صح يصارحك هو وباه يديرلك قيمة .ونتمنى يلا كتب المكتوب تروحوا بعيد امين يا رب .مجرد راي شخصي

 

[لحظة وداع]

أختي في الله قد لايحق لي أن أقول لك إفعلي ذاك أو ذاك لكن النصيحة واجبة وأنا مع رأي الأخت بلبلة الجزائر في رأي أكتمي كل شيء في قلبك كما يقال إذا لم يكن صدرك أوسع لأسرارك فكيف يكون أوسع عند من تفشين سرك له لذلك توكلي على الله هو القادر على كل شيء وربي يجيبلك الي فيها الخير
تقبلي تحياتي وربي معاك ان شاء الله

 

[كرومة]

السلام عليكم.....

والله اظن الكل حسو بيك مي نقولك حاجة خليها على ربي برك.......

ولي في فايدتك ربي يجيبها

 

[ninette0]

مــااصعب أن تحب شخص لا يعلم بحبك.......

 

[maram9]

مساء الخير أختي أكيد رانا كامل فوتنا المرحلة كيفك وراني حاسة بيك ونوصيك أختي ردي بالك تصارحيه بلي تحبيه ونتي ما تحاوليش تتجاهليه اتصرفي مع عادي كأي زميل والا كان صح ناويلك الخير راهو يقولك و أنت اسناي والمكتوب على الجبين تشوف العين وين تدري بالاك راه ناويلك الحلال. تقبلي مروري ...............

 

[بلبلة الجزائر]

بلبلة الجزائر​

بارك الله فيكي أختي على كلامك الطيب وجازاك الجنة .... معكي حق في كل كلمة قلتيها...
ان شاء الله ربي يهدينا أجمعين وكامل شباب و بنات المسلمين
~~تقبلي تحياتي~~​

و لصاحبة الموضوع أنصحكي بتفادي هذه الدوامة لي ما رايحة تسببلك غير العذاب

تحياتي لكي​

​

اللهم آجمعين



​

 

[mimi_hodhod]

ننصح اختي ما تبيني والو هذه تصير مع كل وحدة
لوكان تبينيلوا بلي تحبيه ما يعجبوا الحال لانك تحت اختباروا
لان لازم ايشوف كيف عقليتك
احذر احذر عندك تقوليلوخلي في قلبك وما تحكيش لا خطرانش تخلصي ثمنها بعدين
انا حاسة فيك لان الموقف مريت بيه ونجحت بصمتي

 

[عمار صادق]

قبل أن تدخلي في هذه الدوامة أرجو منك أن تطلعي على كتاب عنوانه "صفقات رابحة" لكي تعلمي ماذا تفعلي بنفسك قبل المجارات في مثل هته الأمور