لو والدك تزوج هل تحضر عرسه

[merieme hassi]

لو والدك تزوج هل تحضر عرسه

السلام عليكم
واش راكم
حابه نتناقش في هذا الموضوع
لو باباك تزوج لاقدر الله
تحضرين عرسه ولا لا
الردود من فضلكم
​

 

[نور الدين زنكي]

السلام عليكم
علاه لا قدر الله ؟؟؟؟ ياخي ماشي حرام ؟؟؟ ياخي حلال
انا والله غير نفرحلو ونباركلو ونعاونو ..... غير يقدم :thumbup1:

 

[podolsky]

السلام عليكم


اولا كلمة لاقدر الله ماشي في بلاصتها نورما ل وكي يتزوج وراه المشكل لازم نحضر عرسو بل من واجبي نحضر انا مول العرس كيفاش ما نحضرش شكون يحضر امالا

 

[bnt-baghdad]

لاطبعا منحضر عرسه

كيف افرح لشي يبكي امي ويدمر حياتنا​

 

[نور الدين زنكي]

لاطبعا منحضر عرسه

كيف افرح لشي يبكي امي ويدمر حياتنا​

علاه يدمر ؟؟؟؟ ياو راح يبني
ماشي خير من يروح يدير حاجة اخرى التحت تحت ؟؟
ديجا هذي حاجة حلال

 

[omar.lakaf]

على كل حال راهو متوجه بــ زوج او راهو كبير عنده 70 سنة لهادا ماضنيتش رايح يزيد الثالثة كون جا صغير او حب يزيد يتزوج نورمال انا الي نغني في عرسه على خاطر نبغيه بزاف عمرو ماجرحني ولا ضربني ولا طلبت منه حاجة ورفضهالي بويا راهو كي صاحبي نحكي معاه نورمال وكأننا اصدقاء
على كل حال راني مهبول والمهبول رفعة عنه القلم
ولهادا نقولك ماديريش عليا
ههههههههههههه​

 

[merieme hassi]

الشي حلال الي يتزوج و نحضرلو بصح الحرام راه في ما يعدلش ما راناش في مسلسل الحج متولي

 

[mustapha158]

أبي وتجب طاعته وطلب رضاه في كل شيء لكن إلا في هذه الحالة مستحيل نحضر العرس نتاعو حفاظا على مشاعر أمي وإن كان متأكد بلي مايدريرهاش والله أعلم

 

[دودو لبزاف]

هههههه كي توافق لمعلمة نووورمال

مي ماشكيتش يعيش كون يخرج بيها طاي طاي
​

 

[02asma02]

حرام عليك خويا
تحب ليماك تبكي والضرورة
انا في بلاصتك والله ما نقبل كيما نحب لنفسي نحب لغيري :cursing::cursing::cursing:

 

[da3boulla]

ممكن نحضر، خطراكش اللي يهمني انو يكون سعييييييييييييد في حياتو
نحضر و نباركلو و نعامل مرتو عاااااادي طووووووووووووووول

 

[merieme hassi]

merci beaucoup

 

[سراب الروح]

السلام عليكم ورحمة الله تعالى وبركاته:ربما الخوض في هذا الموضوع عميق جدا...وهو متشعب...وزواج الاب مرة ثانية محلل له رغم مرارته وصعوبته بالنسبة لنا...ولنكن واقعيين لماذا يريد زوجة ثانية؟؟؟ويبقى هذا السؤال عالق ولكل له اسبابه...وعن نفسي انا التي استقبلتها ليلة الدخلة وادخلتها غرفتها واحضرت لهم العشاء على اكمل وجه ولا تعتقدو ني فرحة او شي من هذا القبيل...بل عين تبكي لاجل امي وعين تضحك لاجل ابي وما اصعب هذا الشعور الاليم...ولكن الله ارحم بعباده و لا ننكر الحق..والسلام عليكم دمتم.

 

[bnt-baghdad]

علاه يدمر ؟؟؟؟ ياو راح يبني
ماشي خير من يروح يدير حاجة اخرى التحت تحت ؟؟
ديجا هذي حاجة حلال

بالنسبة النا واكثر اللي نعرفهم قليل جداا جدا الزواج الثاني
بعائلة امي وابوي كلها مكو زواج ثاني
الزواج الثاني يخرب البيت الاول والزوج يتركهم تقريبا
لان تصير معارك ومشاعر كره وبغض بين الزوجتين وبالتالي اولادهم​

 

[055naruto]

سلام
انا لوكان بابا يتزوج نحضر عرسو ونقوملو بيه
ماشي ربي محللو 4
وعلاش انا ما نحضرش ونفرحلو بالحلال












بصح انا علابالي با با ما يديرهاش







































































ع خاطر بابا مايقدرش يديرها
















































































مام يما تقبلو مايديرهاش



















































































ع خاطر هو الله يرحمو ويرزقو بالحور العين فالجنة ان شاء الله


















مشكور اخي ع الموضوع
وبارك الله فيك

 

[djahidkabylie]

عادي جدا ياك ربي شرع ربعة

 

[hamlaoui5]

كون غير جا حي انا لنخطبلو​

 

[عاشقة مجهول]

عرسوا مانحضروش ..............بصح من حقوا انوا يتزوج ............بصح بعد ماتوت ماما (ربي يطولي في عمرها )

 

[iam-The-Darkness]

انا نحبو فوق كلشي مي يخلي ماما و روح لوحدة اخرة مانسامحوش طول حياتي

 

[killua0555]

...بابا يزوج ..منشكش .........بصح الزمان غدار لوكان يديرها


ياااه نديرلو عرس مطنطن ..غاشى يحكو فيه 100 سنة لقدام

للولة ....نفوت ندير للعروسة ..و حد لاكوب ...مكاش ..كيما تاع طوكيو هوتال ..و لاغوب سور ماشى شابة تستحق لمسة سحرية من يديا :closedeyes::closedeyes::closedeyes:

................و قاطو ..باش نوفر على بابا نردو طعام ( كسكس )...هاكدا 2 فى 1

...............و نحكم ميكرو و بداك الصوت الشباب ......نجيبلهم زوج غنيات :closedeyes::closedeyes:..على الكيف

و مع الاخر نبارك لبابا الغالى ........

.......................هاكدا نكون درت كادو شباب لبابا لعزيز ....و لا واش قولتو