موجه للجامعيات هل أنتي موافقة على إقامة العلاقات بالجامعة

[أماني2]

الحشمة والحياء ضاعت؟؟؟؟؟؟؟؟

ماشي هادا هو الحل وأد البنات حتى هادا ربي حرموا أنا نشوف بلي ما علينا إلا كي نشوفوا المنكر ننهاو عليه ندو أجر خير
بصح كاين حاجة اخرى هي انه كامل الناس تعرف الصح من الغلط بصح يديروها بلعاني بنت ولا ولد، طبعا يدخل :angry:الشيطان في الوسط
السؤال اللي محيرني دايما كي نشوف أشياء كيما هادي تصير قدامي نقول سبحانك ياربي راهم عارفين بلي راك تشوف فيهم بصح معلابالهم حتى بواحد وما يخجلوا ولا يحشموا من روحهم؟ لا حول ولا قوة إلا بالله انا واحدة من الناس نحشم في بلاصتهم؟؟؟؟؟؟؟؟:cursing:

 

[حفيد هواري بومدين]

وسباب المشاكل دورك قلة حياء البنات خاصة
برسكو كون جات الطفلة تحشم وماتهزش راسها من لرض
انبوسيبل تقدر تخرج مع طفل برا وحتى تحكي معاه
ديفو فيكم
يا اماني (بلاك ابار انتي لباقي كامل راه....)

​

 

[lala القالمية]

قلتها قالولي ماراكيش نورمال
قلتلهم الي تحكم قدرها واحد مايوصلها
ق نفسك شر نفسك
لولاد صح عندهم أخطاء وديفوات
مي شكون اللي فتحلهم المجال مش لبنات
ماقلناش الطفلة تدفن روحها ولا تقعد فالدار
لالا قلنا تعرف قدرها وتصون روحها
والله كون الطفلة تعرف قدرها يجي النهار اللي الطفل يعرف فيه قدرو​

 

[أماني2]

عندك الصح أختي اللي تحكم قدرها حتى واحد ما يوصلها
والديفو ماشي غير في لبنات برك برك، لولاد تاني ماشي معصومين هوما تاني فيهم ديفو ونقولك دايما الشيطان الله ينعلو ويخزيه هو سباب هدا الشي كامل،
صحة ولوكان ماشي لولاد البنت توصل روحها لهاد الشي والذنب علامن على البنت وحدها اعتقد انو الولد فان يدي الذنوب كيما هي اذن للثنين مشتركين في الجريمة.

 

[حفيد هواري بومدين]

الطفل يغلط صحا
مي شكون سباب غلطة نتاعو؟؟؟
طفلة محجة وساترة ورحها وحاكمة قدرها ويجي سي خونا يدور بيها؟؟؟
او يحشم حتى يخزر معاها صح؟
​

 

[tito30dz]

يعطيك الصحة ناريمان الناس مش كل كيف كيف .​

ومذابيك أختي ماتوصفيناش بالذئاب لأنو ربي خلق وفرق ونتي إلا كنتي حابة ديري علاقة مع شخص قصد الزواج أنا نقولك علاه متسنيش مكتوبك علاه حتى تقيمي علاقات !! نتي ثاني تكوني براغماتية ومنفعية في هاذي الحالة إلى كنتي حابة ديري علاقة خليها حب صافي ونتيجة تكون إيجابية ونتي ثاني متكونيش مغفلة هكذا منكونو حنا ذئاب ولا نتوما مغفلات وتكونو ضحايا ومدام مجربتيش متقدريش توصفي بالذئب ومتقوليش سمعت ولا حكاولي ولا شفت لأنو كل بنت وعقليتها وكل شاب وعقليتو فهمتي يا أختي الكريمة ومذابيك تصلحي مفهومك لأني أنا في ردي هذا إحترمتك وقلت مغفلات كنت قادر نقول ( نعجات) ولا راني غالط أرجو أن تكوني فهمتي واش راني نلوح

 

[tito30dz]

والله يا نادية لي وصفتنا ب (الجيعانين) نقولك حاجة يقول السفيه بما فيه .
الرجل عمرو لكان مشتاق ولا جيعان لخاطر الرجل ميتعكاش والعصمة في يدو ويخير وش يحب ويجيب وش يحب ومنين حب بصح البنت ديما عندها مشكلة ديما تخمم في الزواج وتخاف على روحها كان متخرجش من دارهم وتخاف ليفوتها القطار كفاه تقولي عليه جيعان . عمري راسك مليح والله الرجل مكان نهار جيعان كاين لي حب يفوت الوقت وكاين لي حب يمتع روحو وكل واحد كفاه المهم متطفرش فيه هو ديما تطفر في البنت لأنها من البداية ناوية على حاجة الرسول ناهينا عليها من الأول كفاه دير الحلال بالحرام الزواج بالعلاقات!!
المرأة لي باغية تتزوج تسنى مكتوبها في بيتها كما الفحلات لأنو حتى الي دار معاك علاقة وتزوج بيك يولي يذكرلك في عيوبك ويقولك نتي صاحبتيني على جالت مصلحة مش بيك حب صافي نقي .​

 

[أماني2]

دعاء و تهنئة بشهر رمضان المبارك

اللَّهُمَّ اجْعَلْنَا إِلَى جَمَالِ آيَاتِكَ نَاظِرِينَ، ولِرَوَائِعِ قُدْرَتِكَ مُبْصِرينَ، وَإِلَى جَنَابِكَ الرَّحِيمِ مُتَّجِهِينَ، وَاجْعَلْنَا عَلَى نَهْجِ النَّبِيِّ المُصْطَفَى - عَلَيْهِ أَفَضَلُ الصَّلاَةِ وَأَزْكَى التَّسْلِيمِ - سَالِكِينَ، وَبِسُنَّتِهِ وَهِدَايَتِهِ عَامِلِينَ، وَبِآثَارِهِ مُقْتَفِينَ، وَمَتِّعْنَا اللَّهُمَّ بِصُحْبَتِهِ فِي جَنَّاتِ النَّعِيمِ. اللَّهُمَّ اجْعَلْنِي أَخْشَاكَ حَتَّى كَأَنِّي أَرَاكَ، وَأَسْعِدْنِي بِتَقْوَاكَ، وَلاَ تَجْعَلْنِي بِمَعْصِيَتِكَ مَطْرُوداً، وَرَضِّنِي بِقَضَائِكَ، وَبَارِكْ لِي فِي قَدَرِكَ، وَانْصُرْنِي عَلَى مَنْ ظَلَمَنِي. ​

اللَّهُمَّ بَلِّغْنا رَمَضَانَ.. اللَّهُمَّ بَلِّغْنا رَمَضَانَ.. اللَّهُمَّ بَلِّغْنا رَمَضَانَ..

​

اللَّهُمَّ اجْعَلْ عَمَلَنَا كُلَّهُ خَالِصَاً لِوَجْهِكَ الكَرِيمِ..




اعاده الله علينا و عليكم و على الامة الاسلامية باليمن و البركات​

​

 

[sarra]

والله انا من راي اختي ناريمان
معظم الناس وين يسمعوا كلمة جامعة يروح بالهم للعلاقات بين البنات والرجال
هو صح كاين لي مدايرين البهادل تم حتى يخلونا نحشمو نقولو رانا جامعيات مي ماشي الكل كيف كيف

 

[حفيد هواري بومدين]

الأغلبية تغلب الأقلية
يعني واحد مليح في جماعة نتاع قباح
يقولو او منهم
مع انو ماوش قبيح ومايتبعهمش
معاهم برك

​

والله انا من راي اختي ناريمان
معظم الناس وين يسمعوا كلمة جامعة يروح بالهم للعلاقات بين البنات والرجال
هو صح كاين لي مدايرين البهادل تم حتى يخلونا نحشمو نقولو رانا جامعيات مي ماشي الكل كيف كيف

 

[hicham500]

هههه نشوف في الردود يبانو اكل ما شاء الله بصح اشكون هوما لي راهم في الجامعة واحد ما يكذب على روحو على الجيهتين الدكورا بالبنات في 2 يتبعو هدو الصوالح ولي يقرا الردود تاعكم يقول راهم ناس لي يهدرو من افغانستان يجماعة خليو البير بغطاه والي مربي من عند ربي وكيما يقولو المربي والمربية من الجامعة للدار للخدمة مكانش زيــg زاg :angel_not:

 

[sarasara]

هذاك واش خاصنا علاقات ؟؟؟​

الله يهدي ماخلق ​

انا عن نفسي افكر في التفوق ونيل الشهادات العليا ​

كالماجستير والدكتوراه​

افكر في الوصول الى مناصب مهمة ​

افكر في تقديم بحوث للافادة كتاليف كتب مثلا​

افكر كيف اكون استاذة ناجحة في المستقبل​

وانا في الجامعة لايشغلني الا البحث العلمي​

وتطوير افكاري وتوسيع معرفتي ​

بالمطالعة الموجة طبعا​

وليس العلاقات​

ماهذا؟؟؟لاشيئ انه طريق الشيطان​

وواجبنا هنا ان ندعو للناس اصحاب العلاقات هذه​

بالهدي -ان شاء الله ربي يهدينا-​

وان شاءالله ربي ينصر اخواننا المسلمين​

في الاخير تقبلو مروري ​

الله اعنا على الصيام والقيام ​

من اختكم سارة ​

 

[zinnoo walido]

ايلا لقيت وحدة تفهمني رايح بلاك تكون علاقة هك سطحية مجرد اصدقاء هذا رايي وربي يهدينا

او صاحيت حبيبنا على الموضوع

 

[شيماء33]

عندك الحق يا نريمان درك ول هدا الشيء بارتو

 

[nina_89]

السلام عليكم

الوقت لي رانا فيه هو لي خلا هاذ العلاقات تتنتشر حتى ولى الواحد يحوس على لي مالحقتش تقرى ف الجامعة باش يتزوج وبيناتنا كل واحد يعطيه ربي على حساب نيتو و صح رانا ف الجامعة ورانا نشوفو ف الباطل لي راه صاري (وبنت الاصل ليها ربي هو عالم بيها ) و الباقي ربي يهديه كي البنت كي الولد و حتى الوالدين و المجتمع لي رانا فيه ربي يستر نا ويهدينا..... امين
واللوم ماراهش على البنت وحدها و حتى واحد ما عنده حق باش يحاسب غيره ولي أذنب كاين ربي سبحانو و بيناتنا الحمد الله الزواج مكتوب الله كنا حنا بنات الجامعة نروحو فيها (ولا لالا يا لبنات )
​

 

[حفيد هواري بومدين]

وين راح تلقاها؟؟؟
شما بقات الحرمة كيما بكري؟؟؟
الا من رحم ربي
​

ايلا لقيت وحدة تفهمني رايح بلاك تكون علاقة هك سطحية مجرد اصدقاء هذا رايي وربي يهدينا

او صاحيت حبيبنا على الموضوع

 

[lala القالمية]

هههه نشوف في الردود يبانو اكل ما شاء الله بصح اشكون هوما لي راهم في الجامعة واحد ما يكذب على روحو على الجيهتين الدكورا بالبنات في 2 يتبعو هدو الصوالح ولي يقرا الردود تاعكم يقول راهم ناس لي يهدرو من افغانستان يجماعة خليو البير بغطاه والي مربي من عند ربي وكيما يقولو المربي والمربية من الجامعة للدار للخدمة مكانش زيــg زاg :angel_not:

السلام عليكم:
خويا هشام الناس اللي رانا نهدرو عليهم مايناقشوش
هدي الأمور أصلا
يعني مثلا كون نروح أنا دركا لعند طفلة جامعية من هاد النوع باه ننصحها ياو ماتسمعنيش أصلا وتبدا تقولي راكي كاvيا ونية ومعقدة وروطار علينا
ماتفتحلكش باب النقاش أصلا
ونفس الشي بالنسبة للذكور كون نروح بش نناقش واحد فيهم يبدا يقولي روحي متكسريليش راسي بالجياحة تاعك
وغدا لقيت واحد ولا وحدة فتحلك باب النقاش معنتها راه فيه ولا فيها أمل
أما هذوك راهم دايرينها عيني عينك ماخايفين لا من ربي لا من حتى واحد ويقولوهالك في وجهك /نورمال رانا ف2009/
الوقاحة بكل أساليبها:cursing:​

 

[سماح4]

العلاقات في الجامعة أغلبها مزيفة

 

[narimane]

حابة برك نفهم علاه جاتكم غير على بنات الجامعة هاو الفساد ف كل بلاصة
راكم بهدلتونا كاش ما خليتو فينا​

 

[كرستين]

انا ضد هذي الفكرة

وحبيت نقول لكل بنت كي تكملي قرايتك هوما يحوسوا عليك

ماشي نتي تحوسي عليهم

ونقول لكل ولد ارحمونا رانا ماسلكناش منكم حتى محتشمين ومتحجبين en plus تقولوا علينا حنى مانسواوش

كاين وكاين ماشي كل الناس كيف كيف