قصة حبي مع خالد الجلفاوي * أستحلفكم الله أن تقرأوها وتضعوا ردا*

[دمعة حزن من قلبي]

السلام عليكم
اختي حبيت نقلك بلي في مواضيع كيما هذي خمي بعقلك ودعي قلبك جانبا
اذا كان يحبك كان قدر ظروفك وصبر عليك
ومدام حلمك من الصغر اكمال دراستك فمتخليش اي عائق يوقف جنبك وحاولي تتحداي قلبك ونفسك وتكملي مشوارك
ثانيا انت راكي في فترة المراهقة يعني هذا مجرد اعجاب و والفتو بعضكم
اختي انا نقلك تداركي الموقف قبل متزيد حالتك سوء بعيد الشر
و النفس امارة بالسوء اختي ومديري الثقة في حتى واحد خاصة في الوقت لي رانا فيه (اظن راكي فاهمتني)
واخيرا نتمنالك راحة البال و التوفيق في الدراسة
اختي اياك وتفرطي في دراستك
ومتحطيش اي واحد في ميزان واحد مع دراستك ولا عائلتك
و كيا راكيتقولي عائلتك ذات شرف متخلي حتى واحد يهدر في عائلتك وخلي باباك يمشي وراسو مرفوع بيك ختى
تقبلي مروري اختي

شكرا لك أختي على الكلام الرائع

الدراسة إن شاء الله هي الأولى

وانا قاطعة عهد على نفسي رغم الظروف ورغم كل شيء غير الدراسة لي ما نضيعهاش

شكرا لك وادعيلي معاك بالتوفيق وانا ايضا نتمنالك كل التوفيق أختي​

 

[silena samanta]

مازالك صغيرة الدراسة اولا

 

[°~Kenza_02~°]

السلام عليكم
اختي العزيزة انا راني بنت في مثل سنك وكي قريت قصتك حسيت بيك لكن .........
بغيت نقلك كلام نتمنى تفهميه ..
انت راكي صغيرة يعني سن مراهقة وفي هاذ السن اي وحدة تخالجها الاحاسيس الي عشتيها واي وحدة في سنك تمر بلي مريتي بيه .......لكن انت مادامك متفوقة الله يباك وتباني واعية وفاهمة كان لازم عليك تكوني اقوى من احساسك ....كان لازم تفكري بعقلك قبل قلبك ......طبعا انت كي تتحدثي مع شخص ويبانلك بلي يفهمك وصادق معاك ويحبك اكيد رايحة تتعلقي بيه ويبانلك فارس احلامك والانسان الي راكي رايحة تكملي معاه حياتك ....بصح يا اختي لازم تعرفي بلي هاذ مجرد شعور ويفوت مجرد سن ويمشي ....كان لازم تحبسي قبل ما يوقع الفاس ف الراس وتتعلقي اكثر واكثر .......وكتب القدر انك تحبيه وتتعلقي بيه .....بصح عندك اهم منو ...عندك قرايتك الي تحققلك احلامك.....عندك امك ربي يخليهالك وباباك ....ما يأنبكش ضميرك كي تخوني ثقتهم وديري حاجة الي راكي عارفة بلي هوما ما همش راضيين بيها ؟؟.............
وما تبكيش وتقولي انا ضيعت رجل احلامي ....ما زلتي صغيرة ومازال العمر قدامك وديري في بالك بأنها مجرد احاسيس وتروح ومستقبلا كي تلقاي مكتوك وديري دارك علابالي بلي تندمي وتتمناي لوكان عمرك ما خضتي هاذيك التجربة..........نصيحتي انسايه ونحيه كامل من بالك
وان شاء الله يكونلك درس وما تعاوديش غلطك وديري اولويات في حياتك قرايتك ومستقبلك....الحب والزاج جي بعدها
اسمحيلي اذا قسيت عليك ..........ونتمنى نكونو اصدقااااء .....ولك مني احلى تحية

 

[بلبلة الجزائر]

السلام عليكم ورحمة الله و بركاته​

أولا: أنا أهنئك على صراحتك ووثوقك بآرائنا .​

ثانيا : أهنئك أكثر و أكثر على إتخاذ رأيكي هذا ,,,,, ​

هل تعلمين يا حبيبتي لو يعلم أبوك أو أخوك بكي ؟؟ سينالون منك ​

ويعدمون الثقة منكي . ويسحبون منك النت . وربما يسحبونك من دراستك !!​

وربي يسترك دنيا و آخرة يا غالية ​

وتتعذبين نفسيا ,,, وتندمين على اليوم الذي ولدتي فيه ​

- ثم كلامك معه من البداية ليس بمحله !! هذا دليل على إنحراف حياء الفتاة ​

ثم هذا خالد هل سيرضى لأخته تتكلم مع أجنبي على أساس حب !!​

لا والله ,,,,,,, غدا لما يروح يتزوج يدي وحدة تستحي وعمرها​

ماتكلمت مع أحد ,, إسأليني أنا ,,, أنا من ولاية الجلفة و أعرف شبابنا أحسن منكي ,,,​

ناس الجلفة عمرهم ما يتزوجوا عن طريق النت < صدقيني > ​

وفي الختــــــــــــــــــــام :​

إجعلي هذه الصفحة سرابا , وأرميها وراء , ولاتفكري فيها يوما ,,,, ​

ولو بيدكي لقلت لكي إحرقي تلك الأيام التي تكلمتي فيها معه ....​

وتذكري يا صغيرتي خالقكي الذي أنعمكي بنعمة البصر و العقل < الحمد لله > ​

الله أنعمكي .... فكيف ستشكرينه ليزيدكي ؟؟ آهاكذا ستشكرينه ؟؟​

هيا حبيبتي قومي حالا توضئي وصلي ركعتين و استغفري ربكي​

و استسمحيه , واجعلي أيامك نقية صافية بنور إيمانها و تقواها .​

والسلام عليكم يا غالية ​

 

[assoma]

"السلام عليكم"

والله غير قصتك قتلتني...
انا نقولك حاجة وحدة" دع الطير حر اذا رجع اليك فهو لك..واذا لم يرجع فهو من البداية ليس لك"
وانشاء الله مايكون غير الخير...وكلشي بالمكتوب
ربي يصبرك..وهاذي شدة وتفوت
اختك اسوومة​