رابطة عشاق وفاق سطيف

[ayoub_online]

مرسي أختي فطيمة
المهم ماتنسايش تدعي معاك للوفاق باش يربحو
و كون يربحو العشا عليا​

 

[sam_houssem]

غير يربحو انت العشاء عليك والسهرة عليا

نباتو نشطحو راني عيطت لبايونسي وتفاهمنا

 

[fatima188]

انشاء الله نربحووو
آمين يا رب
وليوم الجمعة الدعاء راهوو مستجاب​

 

[ayoub_online]

الله ياجماعة راني مقلق
شريت البيي باش نروح للسطاد
جا خالي و ناحاهالي
كون ماشي شويا قدر كون درتلو حاجة
​

 

[youba115]

بالتوفيق لممثل الجزائر

 

[sam_houssem]

انت اوموا شريت ونحاوهالك شوف حالتي لي دارولنا شيقة الروح
لابروس تاع المرة هاذي تقول راهي طيب على الشمعة

راني قريب نبكي ولابورس ما دخلتش منين راح نشري البيي

نشوف فاطيمة برك تسلفلي حتى يفرج ربي

 

[fatima188]

ميش خسارة فيك وفي لونطونت
نمدلك ميش نسلفلك
بصح والله غير تشفوو واحد شراها ونحاوهالو ولوخر يستنى في لابورس
تشفووو في زوج
يخي يعgب الماتش في التلفيزيون اتفرجو ومبعد اخرجو تسهروووتوال عين الفوارة
بصح ما تطلعوش فوgا راهي gريب تطيح ​

 

[sam_houssem]

ميش خسارة فيك وفي لونطونت
نمدلك ميش نسلفلك
بصح والله غير تشفوو واحد شراها ونحاوهالو ولوخر يستنى في لابورس
تشفووو في زوج
يخي يعgب الماتش في التلفيزيون اتفرجو ومبعد اخرجو تسهروووتوال عين الفوارة
بصح ما تطلعوش فوgا راهي gريب تطيح ​

تعيشي فاطيمة كي شغل مديتيلي اخيتي

والا على عين فوارة غير ما تخافيش رانا قلال صحة ما نريبوها ما والو قولي اربطو حجرات في كرعيكم باه ما يهزكمش الريح

 

[ayoub_online]

انت اوموا شريت ونحاوهالك شوف حالتي لي دارولنا شيقة الروح
لابروس تاع المرة هاذي تقول راهي طيب على الشمعة

راني قريب نبكي ولابورس ما دخلتش منين راح نشري البيي

نشوف فاطيمة برك تسلفلي حتى يفرج ربي

بصح راني سمعت بلي لابورس الأخيرة راهي دخلت

و لاه على جال 300.00 تهز لابورس

ياو روح لباباك قولو أعطيني نشري بيي ضك يعطيك 500.00

أنا والله غير راني نديباني بالدراهم لي خدمت بيهم في الصيف

بصح والله راهي تحرق في قلبي

وهاذي توصي للجاية

و بربي ان شاء الخطرة الجاية داخل داخل​

 

[ayoub_online]

تسجيل الهدف الأول من توقيع اللاعب زياية​

 

[fatima188]

نهاية المباراة بهدف 1مقابل 0
من توقيع زياية
الف مبروك للوفاق
التاهل لنهائي كأس الكاف
وشكراااا للرائع
زياية ​

 

[shéryfa luna]

mabrooooooooooook ess
vive ess​

 

[ayoub_online]

ألف ألف مبرووووك علينا و مازال النهائي ان شاء الله
​

 

[sam_houssem]

مبروك علينا
وحقا ايوب راك قلتها ما حبوش يبينو كلشي راهم خباوه للفينال

المهم الكاليفيكاسيون والعاقبة ليكيب ناسيونال

فاطيمة اختي راكي مرابطة راشية وينراها 3-0

صافي كي قلتيلي راني رايح نلقى مليار ماكانش منها
خسارة

 

[ayoub_online]

لالا خويا خويا حسام
راهم مالعبوش خلاص
والله راهم زيرو اليوم ماعجبونيش خلاص
ربي يجيب الخير برك
​

 

[عازفة الاحزان]

السلام عليكم تمنيت البارح نشاركم الفرحة مي الله غالب
بصح و الله العضيم قلبي كان هنا
مبرووووك علينا
و العقوبة للكاس
​

 

[sam_houssem]

ماش هكذاك يا ايوب خويا
خاطي انهم ما لعبوش
لادفارسار زيرو ما تقدرش تلعب معاه ودير قرون ماتش
وزيد منين مركاو البيت بكري وضمنو بيها الكاليفيكاسيون رجعو يسيرو في الماتش وما داروش قروند بارتي

مي خويا ايوب لفينال حاجة وهدرة اخرى
تشوف الكحلة تفنن

جايبيناها انشاء الله

 

[sam_houssem]

السلام عليكم تمنيت البارح نشاركم الفرحة مي الله غالب
بصح و الله العضيم قلبي كان هنا
مبرووووك علينا
و العقوبة للكاس
​

وعليكم السلام ورحمة الله تعالى وبركاته

ماعليش اختي عازفة المهم شاركتينا بقلبك والمهم اكثر كي ربحت الكحلة وزهاتنا

المرة الجاية برك ارواحي وجيبي معاك دربوكة رايحين نحفلوها

 

[fatima188]

مبروك علينا
وحقا ايوب راك قلتها ما حبوش يبينو كلشي راهم خباوه للفينال

المهم الكاليفيكاسيون والعاقبة ليكيب ناسيونال

فاطيمة اختي راكي مرابطة راشية وينراها 3-0

صافي كي قلتيلي راني رايح نلقى مليار ماكانش منها
خسارة

واش تحب
نورمالمووو أكثر من 3_0 هوما برك ماكانوش حابين يلعبووو
خافو من لعين
ههههه​

 

[fatima188]

السلام عليكم تمنيت البارح نشاركم الفرحة مي الله غالب

بصح و الله العضيم قلبي كان هنا
مبرووووك علينا
و العقوبة للكاس​

المهم كنت معاناا بgلبك هاذيك هيا
والمهم ربحنااا
وانشاء الله الكاس​