هكدا ولا أكثر

[أبو هريرة موسى المسيلي]

للإستمتاع بالأغنية يرجى تلحينها بموسيقى:"هكدا ولا أكثر "
يا حفيظ يا ستار ألطف بينا قالك زامبيا راهي جاية تخليها علينا
الجزايري على راسو طاحت من 86 و هو صابر...الحمد لله 2009 يبشر
بالخلايع قلبي تعمر " هكدا و لا أكثر " من نهار شفت القرعة و أنا نفكر " هكدا ولا أكثر "
كيفاش نتأهلوا و معانا مصر " هكدا ولا أكثر " ربع سنين و هي على إفريقيا تسيطر " هكدا ولا أكثر "
بدينا التصفيات بخوف و حذر " هكدا ولا أكثر " كي جا غزال الأمل كبر " هكدا ولا أكثر "
ماتش أنتاع رواندا خلاني متحسر " هكدا ولا أكثر " نقطة برك علاش ماشي أكثر " هكدا ولا أكثر "
الماتش اللي موراه مع مصر " هكدا ولا أكثر " قلت الجزاير يا فالجنة يا فالقبر " هكدا ولا أكثر "
لولاد حققونا إنتصار باهر " هكدا ولا أكثر " خلاو العالم كامل يهدر " هكدا ولا أكثر "
كيفاش الجزائر ربحت مصر " هكدا ولا أكثر " أبطال إفريقيا تاهو في تشاكر " هكدا ولا أكثر "
ياو هادي الكل سعدان الماكر " هكدا ولا أكثر " دار لشحاته خطة ساحر " هكدا ولا أكثر "
مافهمش المعلم يدافع و لا يغامر " هكدا ولا أكثر " أزرب الشباك راهو تعمر " هكدا ولا أكثر "
كي ماقدرش الدموع بدات تنهمر " هكدا ولا أكثر " قلت علاش يا سعدان هكدا تمكر " هكدا ولا أكثر "
السيد كان جاي فرحان مغتر " هكدا ولا أكثر " قالك عندي فريق محال يخسر " هكدا و لا أكثر "
جيت نأخد ثلاث نقاط و نسافر " هكدا ولا أكثر " أمالا هاك ثلاث كفوف و ماتزيدش تدصر " هكدا ولا أكثر "
الصحافة أنتاعهم بدات تبرر " هكدا ولا أكثر " قالك وكلونا ماكلة تهرهر " هكدا ولا أكثر "
وكتاش تستعرفوا باللي فريقنا كبر " هكدا ولا أكثر " ياو مابقيناش كعبر و أرمي للعور " هكدا ولا أكثر "
اليوم روراوة كلشي محضر " هكدا ولا أكثر " ياو ماخلى حتى حاجة للزهر " هكدا ولا أكثر "
أخترع قانون باش فريقنا يقدر " هكدا ولا أكثر " يجيب لاعبين لعبوا لبلد آخر " هكدا ولا أكثر "
يا الحاج الشعب كامل فيك يشكر " هكدا ولا أكثر " كون نتأهلوا لك الفضل الأكبر " هكدا ولا أكثر "
نيجيوا للماتش انتاع زامبيا المنتظر " هكدا ولا أكثر " قلنا هدا أصعب إمتحان للخضر " هكدا ولا أكثر "
خاطراكش يربحوا غير في تشاكر " هكدا ولا أكثر " ياو آخر فوز عليه ست سنين فالنيجر " هكدا ولا أكثر "
و ربحناه بسيف واحد بصفر " هكدا ولا أكثر " لهدا الشعب كان متخوف أكثر " هكدا ولا أكثر "
يوم المباراة شفنا أداء مغاير " هكدا ولا أكثر " اللاعبين ثقتهم فأنفسهم بدات تكبر " هكدا ولا أكثر "
بوقرة كان تقول وحش مكشر " هكدا ولا أكثر " خلع كاتونغو و صحابو المصاغر " هكدا ولا أكثر "
و كملها بهدف اللي الشعب بيه تحرر " هكدا ولا أكثر " و خلاه يخرج للشوارع يعبر " هكدا ولا أكثر "
كملنا نشاهدوا المباراة بحدر " هكدا ولا أكثر " و فاجأنا سعدان بتغيير يحير " هكدا ولا أكثر "
كيفاش يخرج غزال الجزائر " هكدا ولا أكثر " و يدخل صايفي اللي حطيناه غبر " هكدا ولا أكثر "
فاللحظة هادي الشعب كان يكفر " هكدا ولا أكثر " وشبيه سعدان هكدا يكعبر " هكدا ولا أكثر "
أنا مافهمتش كيفا ش يفكر " هكدا ولا أكثر " يدخل في شايب مكان لاعب شاب و مؤثر " هكدا ولا أكثر "
بصح كانت المفاجأة الأكبر " هكدا ولا أكثر " من أول كرة صايفي يفجر " هكدا ولا أكثر "
حناجر 30 مليون مناصر " هكدا ولا أكثر " أكثر المتفائلين مكانش ينتظر " هكدا ولا أكثر "
حطوا رفيق أصبح عاقر " هكدا ولا أكثر " و واش من فايدة منه مع الخضر " هكدا ولا أكثر "
اليوم يا صايفي الشعب كامل في يشكر "هكدا ولا أكثر" ياو سامحنا علي هدرنا عليك بالشر " هكدا ولا أكثر "
رجعت البسمة لشعب مدمر " هكدا ولا أكثر " و أصبح فالمونديال غير يفكر " هكدا ولا أكثر "
و بالمستقبل راه يستبشر " هكدا ولا أكثر " سيرتو كون يتعادلوا رواندا و مصر " هكدا ولا أكثر "


هيا قاع غنوا معانا
قواوي في زامبيا أبهر
" هكدا ولا أكثر ..."
ياو في شباكه شي ما يعبر
" هكدا ولا أكثر ..."
رفيق حليش غير يتطور
" هكدا ولا أكثر ..."
اللعب في ماديرا ماشي فالنصر
" هكدا ولا أكثر ..."
عنتر يحيى ما عندي نهدر
" هكدا ولا أكثر ..."
يكافح حتى الحكم يصفر
" هكدا ولا أكثر ..."
بحداه بوقرة اللاعب الأكبر
" هكدا ولا أكثر ..."
اللي أصبح أحسن لاعب في الخضر
" هكدا ولا أكثر ..."
رجع الدفاع أنتاعنا جدار من حجر
" هكدا ولا أكثر ..."
لا عدا البالون اللاعب ولله ماعبر
" هكدا ولا أكثر ..."
جهتك يا بلحاج الله يستر
" هكدا ولا أكثر ..."
في زامبيا من جهتك كلانا الخطر
" هكدا ولا أكثر ..."
حداري بابوش في تطور مستمر
" هكدا ولا أكثر ..."
و ماتدريش على سعدان كيفا يفكر
" هكدا ولا أكثر ..."
كي يحطك فالبنك مكان لاه تكشر
" هكدا ولا اكثر ..."
خاطاكش تصرالك كيما لزهر
" هكدا ولا اكثر ..."
في وسط الميدان ننتظر واش يتغير
" هكدا ولا اكثر ..."
يا لموشية بلاصتك في خطر
" هكدا ولا أكثر ..."
آو جاي يبدا أسد يزأر
" هكدا ولا أكثر ..."
المهم تفاهم مع منصوري فالستر
" هكدا ولا أكثر ..."
واحد فيكم يخلي بلاصتو للزائر
" هكدا ولا أكثر ..."
ياو ماتقولوش علي شعره أصفر
" هكدا ولا أكثر ..."
صراحة عندو بنية تخلع أكثر
" هكدا ولا أكثر ..."
مطمور دورك فالميدان غير يكبر
" هكدا ولا أكثر ..."
ياو راك تجري كيما شوماخر
" هكدا ولا أكثر ..."
و المجهود أنتاعك ماهوش يتبخر
" هكدا ولا أكثر ..."
و النتائج بدات تظهر
" هكدا ولا أكثر ..."
ما تقلقش كون ينافسك لاعب آخر
" هكدا ولا أكثر ..."
آو جاي يلعب ضد الرأس الأخضر
" هكدا ولا أكثر ..."
صراحة ولله لاعب ماهر
" هكدا ولا أكثر ..."
يعيطولوا فالطليان زيدان الأصغر
" هكدا ولا أكثر ..."
منصب صانع ألعاب كان شاغر
" هكدا ولا أكثر ..."
و فيك يا مغني كان ينتظر
" هكدا ولا أكثر ..."
الشعب الجزايري شحال فرح بالخبر
" هكدا ولا اكثر ..."
خطاكش مراد لاعب ساحر
" هكدا ولا اكثر ..."
زياني فالقامة هو الأقصر
" هكدا ولا اكثر ..."
بصح فالأهمية هو الأكبر
" هكدا ولا اكثر ..."
كي خطانا في رواندا الفريق تودر
" هكدا ولا اكثر ..."
مافهمش يدافع ولا يغامر
" هكدا ولا اكثر ..."
راهم يقولوا من مرسيليا راح يغادر
" هكدا ولا اكثر ..."
ديشامب العنصري فيه يحقر
" هكدا ولا اكثر ..."
يا كريم فولسبورغ فيك ينتظر
" هكدا ولا اكثر ..."
ياو ماضيعش فرصة العمر
" هكدا ولا اكثر ..."
أرمين فاه يديرلك صح قدر
" هكدا ولا أكثر "
و يتبع فيك مند الصغر
" هكدا ولا أكثر "
و أكيد معاه راح تنفجر
" هكدا ولا أكثر "
و ممبعد الفرق الكبرى فيك تفكر
" هكدا ولا اكثر ..."
و أنت لي تولي تتكبر
" هكدا ولا اكثر ..."
هادي ريال و هادي إنتر
" هكدا ولا اكثر ..."
و أنت تقول لا فضلت مانشستر
" هكدا ولا اكثر ..."
عندنا جبور مهاجم طائر
" هكدا ولا اكثر ..."
تفاهمه مع زياني والله يحير
" هكدا ولا اكثر ..."
تقول لعبوا مع بعض مند الصغر
" هكدا ولا اكثر ..."
يا رفيق الهدف انتاعك فشباك مصر
" هكدا ولا اكثر ..."
دار فالشعب شحال من منكر
" هكدا ولا اكثر ..."
هدا تغاشى و هداك طاحلو السكر
" هكدا ولا اكثر ..."
نصف فيها فقدت الحناجر
" هكدا ولا اكثر ..."
واحد ما آمن باللي ثلاثة صفر
" هكدا ولا اكثر ..."
الوزراء انتاعنا تحضن و تفتخر
" هكدا ولا اكثر ..."
سايي لولاد قهرنا مصر
" هكدا ولا اكثر ..."
خلي يهبل سامر زاهر
" هكدا ولا اكثر ..."
و خليه كيما يفسر
" هكدا ولا أكثر "
يقول ربحنا سقاطة و لا زهر
" هكدا ولا اكثر ..."
حنا مايهمناش أهدر واش تهدر
" هكدا ولا اكثر ..."
نيجيوا درك لغزال الجزائر
" هكدا ولا أكثر "
اللي محمرلنا وجهنا ورا لبحر
" هكدا ولا أكثر "
فالكالشيو اللي مافيهش الزهر
" هكدا ولا أكثر "
المدافعين يا تخلي البالون يا تتكسر
" هكدا ولا أكثر "
يا غزولة من لي جيت و الجزائر تنتصر
" هكدا ولا أكثر "
أنت فأل خير و وجهك قمر
" هكدا ولا أكثر "
ضويتنا بيه الطريق إلى الحدث الأكبر
" هكدا ولا أكثر "
كأس العالم حلم كل بشر
" هكدا ولا أكثر "
بلا ما ننساو صايفي الجوكر
" هكدا ولا أكثر "
و بزاز اللي بسبتو السنغال اتقهر
" هكدا ولا أكثر "
بلا ما ننساو بوعزة المدمر
" هكدا ولا أكثر "
و زاوي اللي فالفريق هو السكر
" هكدا ولا أكثر "
يضحك حتى أكبر مكشر
" هكدا ولا أكثر "
سامحوني طولت عليكم الشعر
" هكدا ولا أكثر ..."
سي بون هدا آخر سطر
" هكدا ولا أكثر ..."
ياو بالتوفيق للخضر
" هكدا ولا أكثر ..."
​

 

[ayoub_online]

هههههههههههههههه
أغنية هايلة تخصها غير الموسيقى
ربي يخليك خويا​