أختي متوسوسيش ...أنا ديما يصرالي هكا بصح لقيت الحل أني منروبونديش ولوكان روبوندي ويعرف صوت طفله والله غير يهبلك و يخرجك من رحمت ربي ...السلام عليكم و رحمة الله تعالى و بركاته
اسعد الله اوقاتكم و ملاها يمنا وبركة ان شاء الله تعالى يارب
واش حوالكم ان شاء الله تكونوا بالف خير يارب؟
سايسونيي برك هدا اول موضوع لي هنا ، ان شاء الله يكون في المستوى
و على بركة الله نبدا :
شوفي يا خوتي و الله العلي العظيم كاينة وحد الظاهرة حبستلي مخي صدقوني مالقيت واش ندير و مالقيتش الحل ، ربي يقدرني و يصبري ان شاء الله
و اللي هو : الديرونجمو في التيليفون
ياو شحال من مرة يغلطوا في الرقم ، هيه ماعليهش مبصح لما تقلوا راك غالط كاينين اللي ولاد ناس متربيين ماشاء الله مايزيدش يدخل الرقم ديالهم ابدا
لكن كايني يعاودوا و لما نقللهم خير يقولولي عجبنا صوتك ؟؟؟؟؟؟؟؟؟(زعمة تقولولي حوحو يشكر روحو:$:$:$كن والله كيما نقللكم )
ياو يا خوتي و الله العظيم نبقى بلا راس و مانلقا واش نقول ولما نفيق نقول اتقي الله يا اخي و من فضلك ماتزيدش تعاود
كاينين اللي يفهموا و كاينين يقولولي وعلاه حنا نديرو في حاجة عيب ولا حرام ؟؟؟؟؟؟؟؟؟؟؟؟؟؟
واش نحكي مع هدوا درك قولولي برك:s:s:s:s
و اكيد نتوما تقولوا علاه تعبي على رقم ماتعرفيهش ، اني نجاوبكم لانو نمد رقمي و تيليفوني كان ديما مقفل و يبقى في البيت و انا نروح لعند العائلة و لا صحباتي و نمدلهم رقمي من عند امي نقول ربما وحدة من صحاباتي ولا من العائلة اللي مديتلهم رقميو انا ماعنديش رقمهم
ماعليهش ، و مرة يا خوتي عبيت على وحد الرقم قلتلوا: السلام عليكم و رحمة الله تعالى وبركاته ،شكون معاي ؟
والله العظيم بالحرف الواحد قاللي: حبيبك (و انا وليت هكدا:-o:-o:-o:-o:s:s:s)
ياو من الشوكاج نحيت التيليفون من ودني و بقيت نشوف معاه قلت بالاك سمعت غالط
رديتوا لودني وقلتلوا: عفوا واش قلت ؟ قاللي: راني حبيبك :-o:-o:-o:-o:s:s
قلتلوا :اتقي الله و كوبيت في وجهوا و حطيتوا في لاليست بلوكي
و مرة عيطلي وحد المخلوق في نص ليل قلتلوا :السلام عليكم شكون معاي ؟
قاللي: انتي نوال ؟
قلتلوا: لا لا خويا راك غالط ، قاللي: مايهمش نحوس على طفلة وخلاه
و في هداك الوقت تيليفوني مافيهش السيلونص و مافيهش لاليست بلوكي
قلتلوا :اتقي الله يا اخي ،
قاللي: علاه راني ندير في حاجة غالطة ؟
وليت انا كيما المهبولة من الشوكاج:-o:-o:-o:-o:-o
انا نكوبي و هو يعاود ولاني كنت نسنتنى في صحبتي تعيطلي تحتاجني مابلعتوش لانو كنت نبلعوا بالشهورة حتى ابي ديما يبهدلني يقللي :(علاه راني مدايرلك تيليفون ههههههههههههههههههه جيبيه هنا نكسروا واش تديري بيه :d:d:d:d)
المهم نرجع للموضوع ، لما قلقني قلتلوا يا اخي ماتزيدش تعاود راني مخطوبة
قاللي: حتى انا متزوج :-o:-o:-o:-o:s:s:s:s:s
صدقوني يا خوتي حليت عينيا على طول، و من بعد قلتلوا ولما متزوج علاه تعيطلي روح احكي مع مرتك؟
قاللي: كرهت منها
قلتلوا وانا واش دخلني علاه تديرونجي في بنات الناس ؟
قاللي: اصلا راهي في دارهم و حبيت نعيط لوحدة نحكي معاها ،
قلتلوا شوف يا اخي حكيت معاك باللمليحة ولكن باين انت مامتربيش و ماتخافش ربي انا والله العظيم والله العظيم والله العظيم ثلاث مرات كون يزيد يدخلني رقمك نمدوا لخطيبي ولا لابي و من بعد حل روحك
و السلام عليكم و رحمة الله تعالى و بركاته
(و بيناتنا في هداك الوقت ماكنتش مخبوطة ههههههههههههههههههههههههههههههههههههه)
مازادش دخلني الرقم هداك و لما هاتفتني صديقتي بلعتوا ست شهور هههههههههههه كالعادة و العوايد
المهم : شكون اللي تصرالها كيفي ؟
و مانحكيش على البنات فقط و حتى الشباب
هل الشباب ايضا يعانون من ازعاجات البنات لهم في الهاتف ؟
ربي يخليكم و يبارك فيكم للمتابعة و اتمنى انو الموضوع يكون في المستوى و يعجبكم ان شاء الله
بارك الله فيكم و جزاكم خيرا
تحياتي و ماتضربونيش برك :p:p:p:$
اختكم في الله ملك له
:regards01::regards01::regards01::regards01:
ههه،تفكيتي من تليفون مي أنا منقدرش نحيه ....ولوكان نحو معنديش باش نكونكتي ههههه ..سلاااام
اهلا اختي
هههه،يافطيمه وأنت علاه محليتيش لباب ل جيلالي ماتحشميش ههههه...الله يحفظك ليليا...هههه
اهلا صفاء
ههههههه...قصفتيها قصف عشوائي تستااااهل ...وأنت واش تديري ...براجلها...خليييك فيها...هههههه
قوليلي ناس مهابل لازم تتمهبلي معاهم تقوليلو متزوجة يقولك نورمال يحساب الناس.كيما هوما مرضى انا.كل يوم عندي حكاية فالتلفون
ايه ولما راجلها رجع للدار عيطتلي قدامو ونسمع العياط المخلوق يقولها ما نعرفهاش كنت خدام وانا.نقولها كذاب كان عندي هههههه مزية جا قلبي.حنين.هههه حكات معايا يماها فهمتها قتلها هاكا باه.ما تزيدش تحصل فبنات الناس ههه
ههههههههه ههههههه ..هههه نعرف قلبك حنيييين ......مسكييين جاي من الخدمة لهوثاااتو..ههههه....الله لا تربحها...الحمدلله ...ليكلمتي أمها....لوكان خلعت راااجل المسكييين...هههههههه....
والله وتشوفي آفة ماشي مرا صرعتني قلت ليماها كي روح من عندها ويطلقها تستاهل عييت معاها فالاول نقولها والله ما نعرفو وانا كنت مخطوبة قتلها انا مخطوبة انعلي بليس كثرت قتلها اللي قلتو من بعد فهمت يماها مي لو هي وحدها نخليها فحسابها وخلي تخلى على راسها وراسو
