الدزيريين و اللغة العربية؟؟؟

[aMiNa-K]

السلام عليكم
مساء الخير يا جماعة اللمة
كثير من الجزائريين ادا مانقولش الاغلبية تاع الجزائريين زروقا في الفصحى و انا وحدة منهم:bored:
يعني نصيبو بزاف غاشي مايعرفوش يكونو جملة باللغة العربية.. و خلو الهدرة حدث و لا حرج

نمد شوية امثلة:
*دراري صغار تاع دوك يجي يقرا نص بالعربية تصيبو يهجي مايجي يكمل النص حتى يهيقلك
*و الوزير اللي يقرا نتائج الانتخابات هاداك حدث و لا حرج
*و نزيد مع الامثلة انا.. راني نقرا في الجامعة بصح انا و العربية زوج.. جارتنا قالتلي نكتبها دوموند بالعربية.. مانكدبش عليكم ضربت عشية كاملة و انا نكتب فهاديك لادوموند حتى بالسيف

*و زيد و زيد و زيد

مافهمتش
*علااااااااش عندنا هاد المشكل في العربية؟
*و وعلاش في الجامعة يرجعونا نقراو كلش بالفرنسية؟ يقولو مكاش مراجع بالعربية؟ بصح يقدرو يترجموهم ولا لالا؟

* و نقولو اللي كبار في السن مايعرفوش العربية علاجال الاستعمار و في وقت فرنسا كانو يقراو بالفرونسي بالسيف عليهم.. بصح و الاجيال اللي منبعد علاش مايعرفوش العربية؟.. الجيل تاع دوك يدوخ نشوف طفلة صغيرة ماردارتش 5 سنين بصح تهدر مع واحد كبير بالفرونسي نووووووورمال (مسرحة) في عوض مايعلمولها العربية علموها الفرونسي

وشرايكم فها الضاهرة يا خاوتي؟



​

 

[055naruto]

سلام
هدي نتيجة من نتائج العولمة الي راهي معروفة
وكيما كاين ناس هدرو فرونسي يعني بفرانسا ولا بالماريكان كاين الي مازال يهتمو بالعربية
هى حاجة مليحة الواحد يتعلم لغات غيرو كيما قال الرسو ل ازكى الصلاة والسلام عليه في معنى الحديث:
من تعلم لغة قوم امن شرهم
مي لازم علينا نشدو في لغتنا شويا
ونقولك حاجة روح فالموضوع قول عاااااااااااااااادي وماشي نووووووووووورمال
خخخخخخخخخخخخخخخخخ
حنا هاك هدو هما لعرب انتا كيفاش تعرف 1 عربي ادا مقالكش بون سوار كيفاش راك سافا .هاو أر يو guy
هههههههه
سلام على الكرام تقبل مرورينو
:thumbup:

 

[Robben 11]

لي مايعرفش ينطق لعربي يروح يفلاشي لسانو ههه​

مررســـــــي​

 

[slim.daoud3]

جيل واعر
نتائج ضعيفة والفائزين بشهادة التعليم الإبتدائي 94 بالمائة والباقي يمتحنون إمتحان إستدراكي أي

100%يذهبون إلى المتوسطه العام المقبل
ههههه

مشكــــور على الطرح الجميل
تقبلي مروري​

 

[sofiane dj]

اليوم قلبي معبي وش نقول وش نخبي حارتلي في هاذي وتخربطت الحق تاع ربي !
:music_whistling:
نظن بللي اسبب الاول و الرئيسي يرجع للاستعمار !
:bored:
مشكوووووورة على الموضوع المميز

الذي يعكس واقعنا المرير ​

 

[slim.daoud3]

اليوم قلبي معبي وش نقول وش نخبي حارتلي في هاذي وتخربطت الحق تاع ربي !

​

​

كاين الي قالي مازالت النية مادام الدراري يهربو من المؤسسات التربوية

وكاين الي قالي مازالت الباراكة مادام التلميد يقرا وهو يسكن في براكة


هههههه

راهي تلفتلي الحق تربي


تقبلو مروري

 

[sofiane dj]

[/center]

كاين الي قالي مازالت النية مادام الدراري يهربو من المؤسسات التربوية

وكاين الي قالي مازالت الباراكة مادام التلميد يقرا وهو يسكن في براكة


هههههه

راهي تلفتلي الحق تربي


تقبلو مروري

هههههههههههه يعطيك الصحة شريكي هاذيك هي بالذات ​

 

[slim.daoud3]

[/center]

كاين الي قالي مازالت النية مادام الدراري يهربو من المؤسسات التربوية

وكاين الي قالي مازالت الباراكة مادام التلميد يقرا وهو يسكن في براكة


هههههه

راهي تلفتلي الحق تربي


تقبلو مروري

كاين الي قالي راح الخير وراح الشان ما دام les primeres على cem بلاشان​

 

[abidou 20081]

لغتنا العربية يالغتنا والله قبل الخوض في الموضوع أود أن أقدم لك تحية من أخلص التحية على موضوعك المميز
للأسف نعاني في لغتنا لكن المشكلة قبل أن تكون دراسية فهي تربوية وتعلمين أن الكثير ممن تسمعينهم يتحدثون الفرنسية لديهم حافز قوي لتعلم هذه اللغة والإهتمام بها أكثر من اللغة العربية وذلك أغلب الشعب الجزائري يريد الهجرة ومن صغره يبدأ برسم خريطة الطريق لنفسه بعيدة كل البعد عن الدول العربية ومسألة أخرى جد مهمة وهي مسألة الزوخ بحيث الذي يتكلم بالغة الفرنسية في نظر المجتمع المعمي مثل مجتمعنا يعتبر دلك الشخص صاحب ثقافة واسعة وصاحب مستوى رفيع لذلك نتعاند على تعلم اللغة الأجنبية على لغتنا أما مسألة التعريب الذي تتحدثين عنها أظن أنك تناقضين نفسك وكيف لولي من ولاة أمورنا أو الأغلبية منهم لايعرفون نطق جملة صحيحة بالعربية وتريدينهم أن يترجمو كل المناهج إلى اللغة العربية أنت هنا تلعبين بمناصبهم فكيف إن كان كل شيء معرب كيف له التصرف بعد ذلك أم تريدينهم أن يعودو للدراسة من السنة الإبتدائية ههههههههههه
الف تحية وشكر على موضوعك القيم وتحيتي العاطرة لك ازفها عبر هذه الصفحة وأرجو أن تتقبليها وأن تتقبلي مروري معها

 

[zagane]

salame alaycome
hna ta3e bekri chwaya hak wa chwaya hak
ta3e dork la arabiya la firanciya la ingliziya la ..........

 

[ابن اليمن]

تسلمي أمينه على الموضوع الجيد و المهم وأنا ممن عانو بالجزائر اول ما أجيت الجزائر الكل يتكلم كلام لاهو بالعربي ولا هو بالفرنسي ولا الانجليزي كلام من قاموس خاص ولاكن الحمد لله واحده واحده حتى تعلمنا منكم كل شي وأصبحنا ضمن قاموسكم والقليل جدا اللي يتكلم اللغه العربيه والكل مقبل على الفرنسيه وتقبلي تحياتيى

 

[نور الانوار]

في رايهم الي يعرف الفرنسي تسما متقدم .. << ربي يكمل بخير ويدوم التقدم على خير
​

 

[abidou 20081]

نعم أعيد وأكرر وأتحمل مسؤولية كلامي أن الكثير منهم يظنون أنفسهم تقدمو لما يتكلمون باللغة الأجنبية والذي يتحدث هنا يتقن كم من لغة وليس جاهل لكن افتخر بلغتي العربية وكلامي هذا مؤخود من الواقع ومن أفواه الكثيرين ومنهم من يقول لك لما تسأله لماذا يجيبك بالعبارة الأتية يا يما واش بيك حبيت طيح بيا نهدر بالعربية واش حسبني وكذلك الكثير من الجمل الدي تأدي نفس المعنى لذلك بنيت كلامي على أن الأغلبية تظن أن التقدم هو عند الزوخ والفوخ بلغة ليست لغته وأعيد حتى لا يأول كلامي إلى شيء أخر ...تعلم اللغات شيء جيد لكن أن نستعمله بدل لغة القرأن فهذا العار الكبير
تقبلو مروري وأرجو أن تفهمو قصدي والمغزر منه وعدم التأويل من فضلكم

 

[aMiNa-K]

سلام
هدي نتيجة من نتائج العولمة الي راهي معروفة
وكيما كاين ناس هدرو فرونسي يعني بفرانسا ولا بالماريكان كاين الي مازال يهتمو بالعربية
هى حاجة مليحة الواحد يتعلم لغات غيرو كيما قال الرسو ل ازكى الصلاة والسلام عليه في معنى الحديث:
من تعلم لغة قوم امن شرهم
مي لازم علينا نشدو في لغتنا شويا
ونقولك حاجة روح فالموضوع قول عاااااااااااااااادي وماشي نووووووووووورمال
خخخخخخخخخخخخخخخخخ
حنا هاك هدو هما لعرب انتا كيفاش تعرف 1 عربي ادا مقالكش بون سوار كيفاش راك سافا .هاو أر يو guy
هههههههه
سلام على الكرام تقبل مرورينو
:thumbup:

هههههههه
ياو ماشي بلعاني.. (نورمال) زلقتلي sans faire attention :music_whistling:
و عندك الحق.. هي صح مليح نتعلمو لغات اخرى بصح ماشي على حساب العربية.. رانا اهملناها كامل مسكينة :bored:

ميرسي اختي على الرد ​

 

[aMiNa-K]

لي مايعرفش ينطق لعربي يروح يفلاشي لسانو ههه​

مررســـــــي​

هههههههههههه
فلاشيتو مسكين بصح راهو بلوكالي :blink:

ميرسي خويا على الرد ​

 

[aMiNa-K]

جيل واعر

نتائج ضعيفة والفائزين بشهادة التعليم الإبتدائي 94 بالمائة والباقي يمتحنون إمتحان إستدراكي أي​

100%يذهبون إلى المتوسطه العام المقبل
ههههه​

مشكــــور على الطرح الجميل
تقبلي مروري​

راك تشوف ياخو عجب.. الواحد يقرى هاد النتائج مخو يحبس
الله يصلح احوالنا

ميرسي خويا على الرد​

 

[aMiNa-K]

اليوم قلبي معبي وش نقول وش نخبي حارتلي في هاذي وتخربطت الحق تاع ربي !

:music_whistling:
نظن بللي اسبب الاول و الرئيسي يرجع للاستعمار !
:bored:
مشكوووووورة على الموضوع المميز ​

الذي يعكس واقعنا المرير ​

انعم ايه.. الاستعمار سبب من الاسباب
بصح عندنا 47 سنة ملي دينا الاستقلال و مازالنا نعانيو من هاد المشكل للان

ميرسي خويا على الرد ​

 

[aMiNa-K]

[/center]

كاين الي قالي مازالت النية مادام الدراري يهربو من المؤسسات التربوية

وكاين الي قالي مازالت الباراكة مادام التلميد يقرا وهو يسكن في براكة


هههههه

راهي تلفتلي الحق تربي


تقبلو مروري

راك تلفتنا الرابعة خو :blink:

مشكور على الرد​

 

[aMiNa-K]

لغتنا العربية يالغتنا والله قبل الخوض في الموضوع أود أن أقدم لك تحية من أخلص التحية على موضوعك المميز
للأسف نعاني في لغتنا لكن المشكلة قبل أن تكون دراسية فهي تربوية وتعلمين أن الكثير ممن تسمعينهم يتحدثون الفرنسية لديهم حافز قوي لتعلم هذه اللغة والإهتمام بها أكثر من اللغة العربية وذلك أغلب الشعب الجزائري يريد الهجرة ومن صغره يبدأ برسم خريطة الطريق لنفسه بعيدة كل البعد عن الدول العربية ومسألة أخرى جد مهمة وهي مسألة الزوخ بحيث الذي يتكلم بالغة الفرنسية في نظر المجتمع المعمي مثل مجتمعنا يعتبر دلك الشخص صاحب ثقافة واسعة وصاحب مستوى رفيع لذلك نتعاند على تعلم اللغة الأجنبية على لغتنا أما مسألة التعريب الذي تتحدثين عنها أظن أنك تناقضين نفسك وكيف لولي من ولاة أمورنا أو الأغلبية منهم لايعرفون نطق جملة صحيحة بالعربية وتريدينهم أن يترجمو كل المناهج إلى اللغة العربية أنت هنا تلعبين بمناصبهم فكيف إن كان كل شيء معرب كيف له التصرف بعد ذلك أم تريدينهم أن يعودو للدراسة من السنة الإبتدائية ههههههههههه
الف تحية وشكر على موضوعك القيم وتحيتي العاطرة لك ازفها عبر هذه الصفحة وأرجو أن تتقبليها وأن تتقبلي مروري معها

صح خويا.. كاين اللي يتكلمو بالفرنسية لاسباب الهجرة و كاين اللي باش يزوخو.. يتعلمو زوج كلمات و يقعدو يصدعونا بيهم

بصح و الدراري صغار.. طفل صغير تاع 5 سنين يخمم على المستقبل تاعو و يميتريزي الفرنسية باش يحرق؟؟؟؟؟ :001_huh:

وشمن تناقض راك تهدر عليه!!!.. ماعلابالكش بلي عقل الانسان قادر يستوعب لغة في مدة ثلاثة اشهر و يولي يتكلم بيها بطلاقة!!! الدولة لو عينها ترجم كل المراجع لوكان راهي ترجمتهم ياحصراه.. بصح !!!

شكرا لك على الرد اخي​

 

[aMiNa-K]

salame alaycome
hna ta3e bekri chwaya hak wa chwaya hak
ta3e dork la arabiya la firanciya la ingliziya la ..........

صح خويا.. رح يصرالهم كما الغراب اللي حب يقلد المشية تاع الحمامة.. في الاخير ماتعلمها و ماقدر يرجع للمشية تاعو
الله يستر برك :bored:

شكرا لك على الرد​