قصتي مع اللغات: أتحداكم اذا لقيتو اللي ينافسني في اللغة العربية و الفرنسية..

[رنيم الصمت]

رجعتلك على جالها
قيل قتل فيل قبل طلوع الفجر

بصح منعرف قتلوه ولا انتحر كي كتب موضوع ومرجعولوش الردود بزاف

هذا بحال حكايتو مس كي حكايتي؟؟؟؟ ميعرفش لغة الفيلة و حصل في المنتديات :laugh:​

وحسب رواية اخرى قرى هاذ الموضوع بصح كان يفهم بزاف فرونسي وعربية جاه عزرين قالوا انت تفهم بزاف ايا وراحت لمولاها روحوا

الصراحة؟ تفسير منطقي جدا و راني خايفة لا نتوما تنتحرو
مش خايفة عليكم ... :001_rolleyes:
خايفة لا ندخل للحبس و نتحاسب في سبتكم :laugh:​

ايا صح فطورك متزعفيش على الفيل رانا خير منو كي مناش فاهمين بزاف

أيا الحمدلله لي راكم شادين رواحكم و أحياء :001_tt2:​

 

[حفيد هواري بومدين]

فكرتينا في ليمات نتاع النية :thumbup:
والله مواضيعك كل قمة
تستاهلي التقييم يا رنيم
صحا صحورك
:angel_not:​

 

[رنيم الصمت]

اووووووووووووووووووووووووووووووو

صح دا تسربيلي كرطونة نتاع شهادة

الحملديك و والدينا و والديك

كرطونة؟؟؟؟؟ صبتها؟؟؟؟ :001_tt2: الله يكثرلنا من هاذ الكراطين ... كي مانا بالعربية مانا بوالو .. لاخرة نفيدو شوي صواردة :001_rolleyes:​

كي تعودي دا تسربيهالي ابعثيلي في برية وقوليهالي باش نستيكي وندير الريحة
ونروح للحفاف وندير تحفافة مريقلة

سبحان الله حتى هي قالتلي كي تعولي تبعثيني قوليهالي .. مفهمتش علاه :001_rolleyes:​

ومتنسيش السينياتور نتاعك ايه ............... ايه ..............

بيان سووووووووور :001_cool: وش تسوا كرطونة بدون لمستي :001_cool:​

 

[رنيم الصمت]

فكرتينا في ليمات نتاع النية :thumbup:

والله مواضيعك كل قمة
تستاهلي التقييم يا رنيم
صحا صحورك

:angel_not:​

شكرا يا دكتوراللمه :thumbup: و ربي يحفظك
و صحا صحورك​

 

[عاشق باتو]

انا منمطولش راها قالتلي ما ما مظولش في المنتديات راهم يلاهوك على قرايتك اااااا اااا قلطت....
قالتلي وش رايك نبدلوها - غالتلي - ومتلا قتلني تصبح - غتلني -
و متقراش تولي - متغراش - ...... مطقتش - مطغتش - .... قالب - غالب - قلب الوز - غلب اللووز-
طبقة الازون - طبغة الازون - ..... قويدر - غويدر - .... قادة - غادة ....... قهوة - غهوة-
قرفية - غرفية - ....قريبية - غريبية -
انا قنية من قدموا لي قنية راقب علامة مقرميل ليل - غنية غدموا لي غنية راغب علامة مغرم يا ليل -
قاطو - غاطو - ... قوفريط - غوفريط- ..

وكملي لي رويحتك يا المقروطة تولي ..... مغروطة

 

[منتصر]

زعما كاين منها
هيا صح سحوركم

 

[رنيم الصمت]

انا منمطولش راها قالتلي ما ما مظولش في المنتديات راهم يلاهوك على قرايتك اااااا اااا قلطت....
ايه صح راك جبتها موسيو :thumbup: ضرك نروح
قالتلي وش رايك نبدلوها - غالتلي - ومتلا قتلني تصبح - غتلني -
و متقراش تولي - متغراش - ...... مطقتش - مطغتش - .... قالب - غالب - قلب الوز - غلب اللووز-
وللا قرب اللوز:thumbup:
طبقة الازون - طبغة الازون - ..... قويدر - غويدر - .... قادة - غادة ....... قهوة - غهوة-
قرفية - غرفية - ....قريبية - غريبية -
شوقي.... شوغي :001_tt2:
انا قنية من قدموا لي قنية راقب علامة مقرميل ليل - غنية غدموا لي غنية راغب علامة مغرم يا ليل - :laugh:
قاطو - غاطو - ... قوفريط - غوفريط- ..

وكملي لي رويحتك يا المقروطة تولي ..... مغروطة

تصبح على خيغ
وصحا صحوغك :thumbup:
​

 

[رنيم الصمت]

زعما كاين منها
هيا صح سحوركم

الصراحة؟؟؟؟؟؟؟؟؟؟؟؟؟؟؟

مش كامل :001_rolleyes:
فيها شوي ابداع

الصراحة لقيتها هاذي الطريقة الوحيده باه يقراو مواضيعك و يفهمو رسالتك :thumbup:

صح صحورك​

 

[Moha le sage]

اهلا بيك ولا اهلا بيا الفايدة وباب الراي

انا كنت ادبي و في الجامعة قريت فرونسي يعني راني بناشي ذرك .. بصح vive الدارجة

اللغة المهمة ذرك هي لانفورماتيك ... راهي بارتو .. هي الصح والامي لي ميعرفهاش

شوفي ا لفصحى في المنتدى العام والفرنطيطة في تاع اللغات و الدارجة توال خونا عبدو و كي تكون حاجة في قلبنا نخرجوها ثاني بالدارجة توال خونا دريس

سلمى فا اليكول راهم بدلوها ذرك ولات amina و manil .. علابالي بزاف لي معلابالهمش بلي راني معلم تاع فرنسية ... المهم لا علينا

نتي راكي فور واذا ما صلحتلكش في منتدى بالعربية تراي وانص اgان ... ربما يفهموك بصح بي كارفول في الردود تاعك ..

منيش مالف نقرالك مواضيعك بصح هذا عجبني وين كنتي متخبية هههههههه سير تحت ربع كوفيررطات



ايا بونوي عليك وصح صحورك

 

[caracala12]

السلام عليكم
صح فطورك اختي

علبالك كي قريت العنوان تاعك قريب ما دخلت
نقلك الصح خفت

م الحمد لله قدرت نقراه م صعوبة
انا حتى الدارجة منعرفش نقراها
تقبلي مروري​

 

[رنيم الصمت]

اهلا بيك ولا اهلا بيا الفايدة وباب الراي
:thumbup: :thumbup: ايتس غود الثقة بالنفس مستر محمد
انا كنت ادبي و في الجامعة قريت فرونسي يعني راني بناشي ذرك .. بصح vive الدارجة

مالا فيك الفايدة :thumbup:

اللغة المهمة ذرك هي لانفورماتيك ... راهي بارتو .. هي الصح والامي لي ميعرفهاش

ذاتس رايت :thumbup:

شوفي ا لفصحى في المنتدى العام والفرنطيطة في تاع اللغات و الدارجة توال خونا عبدو و كي تكون حاجة في قلبنا نخرجوها ثاني بالدارجة توال خونا دريس

خطاتنا من عبدو.. بالعافية ......... أنا صحيح اذا نحو هاذ القسم مانتلاش نرجع للمة


سلمى فا اليكول راهم بدلوها ذرك ولات amina و manil .. علابالي بزاف لي معلابالهمش بلي راني معلم تاع فرنسية ... المهم لا علينا

amina في وقتكم، حنا ضرك لميس فاأ ليكوا وللا نور وللا ميرنا ....الخ :w00t:


نتي راكي فور واذا ما صلحتلكش في منتدى بالعربية تراي وانص اgان ... ربما يفهموك بصح بي كارفول في الردود تاعك ..

هه.. سأعمل بانصيحه و أيل تراي و ربي يجيبها زينة :thumbup:


منيش مالف نقرالك مواضيعك بصح هذا عجبني وين كنتي متخبية هههههههه سير تحت ربع كوفيررطات

ايه صح هاذا ساكند موضوع ليا ترد عليه :001_rolleyes:

ايا بونوي عليك وصح صحورك

شكرا لمرورك نورت
​

 

[رنيم الصمت]

السلام عليكم​

و عليكم السلام...​

صح فطورك اختي​

مع أنا في وقت الصحور بصح .. الله يسلمك وصحا صحورك​

علبالك كي قريت العنوان تاعك قريب ما دخلت
نقلك الصح خفت​

:laugh: ماكش سامع بالمثل لي يقول ما تحكمش من المظهر :laugh:​

م الحمد لله قدرت نقراه م صعوبة
انا حتى الدارجة منعرفش نقراها
أيا الحمدلله لي راك تسلكها دارجة :thumbup:​

تقبلي مروري​

أهلا بيك في موضوعي و شكرا على الرد​

 

[Moha le sage]

بعد عناء كبير و تقرعيج في مواضيعك لولة .. عرفت بلي نتي هوبا الحبوبة

مالا رو - اونشونتي من جديد ... هههههههههههههه

ولا عبتها وحدا خرى وساكتة كلي مكاين والو ومخليتيني نجغبل هههههه

بزاف لي بدلو اسمهم ونا بديت ننسى .. بصح ذرك نمركيك في كناش

 

[كلي امال]

السلام عليكم و رحمة الله تعالى و بركاته
و الله المشكلة ماشي انك تتعلمي اللغات المشكل انو ما تعلمنا لا اللغة العربية كما ينبغي ما زدنا تعلمنا معاها لغة اخرى
و الدارجة راهي مشكل وحدوا حتا الاساتذة تلقايهم يشرحوا الدرس بالدرجة و هنا التلميذ منين رايحة تجيه العربية الفصحى الا اذا قاراها وحدو و هدي قليلة بزاف
و كيما قال الاخ محمد دركة ولات لغة لانفورماتيك اللي ميعرفلهاش هو الامي
موضوع فوووووووووووووووور بزااااااااااااااااف

 

[dida007]

merci هههههههههههههههههههههههههههه
درت انجاز اليوم ​

 

[رنيم الصمت]

بعد عناء كبير و تقرعيج في مواضيعك لولة .. عرفت بلي نتي هوبا الحبوبة

مالا رو - اونشونتي من جديد ... هههههههههههههه

ولا عبتها وحدا خرى وساكتة كلي مكاين والو ومخليتيني نجغبل هههههه

بزاف لي بدلو اسمهم ونا بديت ننسى .. بصح ذرك نمركيك في كناش

:laugh: فقتلي ؟؟؟؟ :thumbup:
قليل اللي فاقولي :thumbup:
و أنا صح مطفيه الضو و دايرة روحي نيو جيرل :001_rolleyes: ​

 

[رنيم الصمت]

السلام عليكم و رحمة الله تعالى و بركاته


وعليكم السلام و رحمة الله و بركاته ...


و الله المشكلة ماشي انك تتعلمي اللغات المشكل انو ما تعلمنا لا اللغة العربية كما ينبغي ما زدنا تعلمنا معاها لغة اخرى


صحيتي العربية لي نورمالمو لغتنا .. تخيلو يجي واحد غربي و يسألنا على الانجليزية أو الفرنسية أو غيرها و نقولولو منعرفوهاش... تجيه نورمال ... بصح العربية :blink: .... كارثة


و الدارجة راهي مشكل وحدوا حتا الاساتذة تلقايهم يشرحوا الدرس بالدرجة و هنا التلميذ منين رايحة تجيه العربية الفصحى الا اذا قاراها وحدو و هدي قليلة بزاف

و حتى أساتذة اللغات الأجنبية تلقايهم يحكو بالدارجة :blink:

و كيما قال الاخ محمد دركة ولات لغة لانفورماتيك اللي ميعرفلهاش هو الامي
موضوع فوووووووووووووووور بزااااااااااااااااف

شكرا لمرورك يا غالية نورتي​

 

[رنيم الصمت]

merci هههههههههههههههههههههههههههه


درت انجاز اليوم ​

شفت الواحد كيفاه يتعلم من غيرو :thumbup:
مبروك لعقوبة ل سالما فا أ ليكول :laugh:​

 

[ميسومة الدلوعة]

ههههههههههههههههههههههههههههههه ما عليش رنومتي قتلتيني ضحك دمك خفيف بزاف بصح لكان لازمك شويا تعرفي تقراي لفرونسي والعربة اقراي في القواميس وديري كل ساعة احفضي فيها 10كلمات بلفرنسية واقراي الكتب بزاف سيرتوا الفرنسية تقبلي مروري حنونتي

 

[رووفي]

ههههههههه والله ضحكتيني وربي يجعلها ضحكة خير

بارك الله فيك على الموضوع