علاقات الحب بين الفشل و الألام والجراح

[abidou 20081]

عبيدو خويا نقولك حاجة
مول النية اذا ما ربح يسلك على خير
وراك فهمتني ما نشقاش نحكيلك راك شفت قصة في الموضوع لي كتبتو و راحلي وهي تقريبا نفس قصتي
المهم بارك الله فيك اخي عبيدو

تأكد خويا مختار والله غير مول النية هو لي يربح دايما ومول الحيلة تعطيه ليام برك وتدور عليه ويخليص اللول والتالي وهذي رانا نشوفو فيها وربي خلق الدنيا على زوج حوايج الحق والباطل وشكون لي شاف مول الباطل نهار ربح وكاين لي يقولك غير ناس الباطل لي راهم عايشين وهذو أصحاب النفوس الضعيفة لي تهدر كيما هكذا ولا لي نقص إيمانو بربي وربي حرم الظلم على روحو كيفاش يرضى بالظلم ولقصايص بزاف والدليل قدام العين وكل لي بناها على لخدع دارت عليه ورجع يخلص وعلى هذي إذا كان الإنسان عندو ثقة في مولانا يعرف بلي مهما كنت حيلي ولا ظالم والله غير تخلص وما كانش قد الصفى والنية ومول النية هو لي يربح صحيح يقاسي ويعاني بصح تأكد يعيش حياتو متهني وضميرو مرتاح ماشي كيما الخداع والله ياخويا مختار غير ما يحبوش يحكو غير يباتو عايشين حياتهم خايفين والدليل تلقاه غدوة متزوج وما عايش لهنى والشك دخلو في راسو كل اليوم على بالو راه دايرها ويستنى ويقتاش يخلص وعلى هذي يقولك الناس اللولة ماتدير ماتخاف ربي يخليك وربي يعطيك ماتتمنى خويا وربي ينورك دمت​