رانا نرجعو للور ولا كيفاش

[abidou 20081]

السلام عليكم
عندك الحق اخي و الله ما يهمو المشاركات عادي لكن المواضيع و الله لا غاضونا
و خاصة مواصيع رائعة مثبة تحذفت
الاعلان راه يقول 20-7-2009 لكن للاسف كاين مواصيع قديمة و تحدفت ف 15 جويلة و ربما قبلها


هي المشكل كان فالاستضافة ماشي من منتدانا و راكم عارفين المنتدى راه كبير و كل يوم راه يزيد
هي من الفروض كل يومين او 3 يحفظو نسخة من المنتدى باه ادا حدت مشكل ما نتاثروش بزاف


المهم ضرك حدث المشكل و نظن ماكانش امل يرجعو
الحاجا الوحيدة نتمناو ما يتعاودش المشكل

عذرا على التدخل
بارك الله فيك
شكراا

ربي يحفظك ويخليك خويا وهذا لكلام الزين صح لي صرى صرى وهذي مشكلة وصرات نتمنى نستفادو منها ونتمنى الأعضاء يعاودو ثقتهم بالمنتدى وبيدنا أحنا نرجعو اللمة خير ملي كانت صح المواضيع لي راحت تغيض بصح كانت تغيض بزاف لوكان راحت اللمة كامل ونقولو هكذا ولا كثر وبيدنا نعاودو نرجعو لي ضاع ونزيدو عليه ربي يحفظك ويخليك وربي يعطيك ما تتمنى خويا دمت وتدخحلك أسعدني حقا كيف لا أقبله أو تقدم إعتدارك عليه وهو شرف لي
​

 

[abidou 20081]

واش رايحين نديرو لازم نتقبلو الوضع

ههههههههه على السلامة المهبولة ربي يخليك والله غير عندك الحق لازم نتقبلو الوضع وأحنا رانا متقبلينو والدليل على ذلك مازالنا هنا ورانا نشاركو وما فشلناش هذي الفايدة ونتمنى كاين بعض الأمور تزيد تتصلح ومنها التبليغ تاع المشاركات ماراهيش تجي في الإميل وهكذا يسببلنا مشكلة باش نرجعو على أصحاب المشاركة في وقتها المهم بيدنا نطلعو المنتدى وبيدنا نحبطوه والحمد لله راني نشوف في كامل الأعضاء ما فشلتش وراهي ناشطة ربي يخليك ختي ظل الياسمين وربي يحفظك
​

 

[abidou 20081]

والله غير تفشل
والله كنت نستنى لحق 1000 مشاركة عاودو ولوناني 200 من 850
بزاف والله كرهت حياتي درك والله الgو تاع المشاركة راح

خويا مختار شكون لي ما يعرفكش ولا ما يعرفش المشاركات المميزة تاعك والله أنا من الناس لي دايما نقرى المشاركات تاعك وحبيت تحرمنا منهم والله غير نقولك بحارة على كلش المهم ما نخسروش حتى عضو والفنا بيه في هذا اللمة وهذي هي الفايدة خويا مختار ماتفشلش برك وتقدر تعوض تم تم كامل جاتنا فاللول صامطة وما عرفناش منين نبداو بصح شوية شوية بديت نلقى في راسي قعدت مشكلة تاع التبليغ بالإميل هذي لوكان يسقموها هكذا باش مانديرش الروطار فالردود على الأعضاء خويا مختار ربي يخليك وربي يحفظك ودمت مميزا معنا ما تفشلش خويا لقدام برك
​

 

[abidou 20081]

والله ياخويا عندك الحق، هاذي هي بلادنا

بلاد الله غالب في كلش ختي بصح هذا المنتدى تاعنا حنا وحنا لي قادرين نطلعوه وحنا لي قادرين نهبطوه وراكي شفتي الحاجا لي تفرح صح هي كامل الأعضاء همتهم حاجا وحدة وهي ماتزيدش تتعاود باش ما يخسروش مواضيع ومشاركات ونتمنى هذ الضربة ورات للإدارة تاع اللمة لنهار أخر وهكذا ما تزيدش تتعاود تصرالنا ونقعدو كامل في لمتنا ولا نحب نسميها عائلتنا ربي يخليك ختي وربي يحفظك وربي يعطيك ما تتمني دمتي

 

[abidou 20081]

الله يحفظ... هاااااا​

مازالو راجع للخلف...راني نشوف
ooooffffffffff​

خويا بوطرفاية الله يخليك صح الله يحفظلنا اللمة تاعنا بصح ماشكيتش راهي ترجع للور راهي بدات تتسقم قعدت شوية حوايج يدزيدو يريقلوها وإن شاء الله تفرى ما تفشلش القدام خويا وربي يخليك وربي يعطيك ما تتمنى دمت

 

[abidou 20081]

يا جماعـــــــة ....

وشنهي ذي الكلمة اللي راكم تقولوا فيها ؟؟؟ يعني : متخلفين ؟؟؟؟؟؟

نعرف باللي المتخلف اللي يقول أنا متخلف
ربي يهديكم

اعطولي المرادف نتاع كلمــة متخلف !!!!!

= موش لاحق ؟؟ الحمد لله ، مداموا الواحد عندوا الثقافة والوعي الاجتماعي راه لاحق
= موش غني ؟ لا ، مش معناها كيما هاك
= معندوش التكنولوجيا ؟ الناس اللي قدامنا مالا متخلفين ؟ بصح ربي فضلهم علينا في الدرجات ....
= ما عدناش المواضيع ياسر ؟ لا ، المشكل إذا كان ما عدناش الناس اللي يخدموا المواضيع

والله ، رانا متخلفين صح ، على خاطر مش عارفين النيفو نتاعنا ، على خاطر نحقروا رواحنا ، على خاطر كون يجينا واحد براني ( مش دزيري ) ويشوف هذا الموضوع يقلك هذون متخلفين على خاطر قالوا رانا متخلفين

العزة ماهيش في المادة ، العزة في الروح
ولو كانت العزة في المادة ، وكراها بقات الأقوام اللي نحتت الجبال وحفرت الأرض و ...
بصح بقات الناس اللي عندها الدين والروح والعزة ...

تحياتــــــــــــــــــــي

خويا دونا نقدر نجاوبك بالنيابة على جميع الأعضاء وبالأخص أني أنا من وضعت هذا الموضوع وأنت قلت لوكان يجي براني يقرى هذا الموضوع يقول حنا راما متخلفين ياخويا دونا إذا كان هذا البراني يتبع فالمنتدى تاعنا راه عرف واش صرى وراه عارف واش رانا نقصدو وإذا كان من لي فيزيتور يعني عابر سبيل ماراهش محتاج حتى يقرى الموضوع باش يعرف بلي كامل لعرب راه في تخلف والناس لي كتبت رد وقالت رانا متخلفين ماراهش مستتني روحو منها راه يقول كامل يعني فيها أنا وأنت وهو وهذي معناها للواقع لي رانا عايشينو وكان عندو المنتدى كي شغل متنفس ليه وراحت عهليه حاجا عزيزة لوكان ماجاتش عندو عزيزة والله ما يقيمك حتى برد وعلى بيها راهي غايضاتو وكل ما راه يطلب فيه هو يلقى المنتدى تاعو في القمة يعني لا إنقطاعات ولا تضييع للمواضيع وحنا هنا مارانا نقصدو لالإدارة ولا مشرف هما تاني راهم يقاسو معانا وما ظنيتش كاين واحد يحب للمنتدى تاعو باش ماينجحش ولي نقصدوه أننا مالازمش تعاود تصرالنا وأنا راني نقولها ونعاودها بحارة على ىالمشاركات وبحارة على كلش حاجا وحدة برك يبقى المنتدى مريقل وكلش يتخلف ربي يحفظك خويا دونا وربي يعطيك ماتتمنى وأفهم قصدي برك
​

 

[abidou 20081]

تسلملى على الكلمات الموزونة ويسلموا ايديك على الرد الجيد

مؤسس ومدير عام شبكة فورالجيريا الإعلامية لك جزيل الشكر على تتبع هذا الموضوع ويسرني ذلك كثيرا بصح نتمنى أنت تاني تفهم واش رانا نقصدو من الموضوع وحنا مارانا نطيحو بحتى واحد وعمري ما نفكر بهذا المنطق المنتدى عند كامل الأعضاء راهي عزيزة والشيء لي صرالها هي لي خلات الناس تنطق وهي لي خلات البعض يخاف يحط موضوع ولا مشاركة ويقول أنا نضرب دورة مانلقى حتى حاجة وهذي مهما كانت قيمة الموضوع عند مولاه يحسلها ولازمنا نفهمو واش راه يحوس إذا حبينا نرتقي بالمنتدى ما نحوسوش على واش حنا نحبو بالعكس نشوفو الأعضاء واش تحب وعلينا بتصحيح المجرى إذا كانو خرجو عليه المهم المنتدى الحمد لله لي راه رجع واللمة عاودت تلايمت من جديد وهذي هي الفايدة ربي يحفظك ويخليك وربي يكون فالعون خويا لعزيز
​

 

[abidou 20081]

يا خويا ابيدو و الله غير عندك الحق في كل كلمة قلتها
رانا نرجعو للور و لا وشنو ؟؟
شوفني غير انا كيفاش رجعت
و انا راني عكسك تمام
انا راه غايضني بزااااااااف كي رجعت لهاذ المستوى
و مرسي على الموضوع الممييييييييز جدا
و صح و علاش رانا نرجعو للور؟؟؟؟

المشكلة ختي لوعة الحب على حساب ما شرحولنا يقولو بلي إدارة المنتدى تعرضت لعملية نصب وإحتيال من طرف صاحب الخادم الذي كانت موضوعة فيه ولذلك تعرضنا ما تعرضنا له وتم تشغيل المنتدى إلا بنسخة إحتياطية كانت محفوظة وهذا المشكلة ما وقعتش غير فالمنتدى تاعنا هكذا على حساب ما فهمت والمهم واش تحبي نقولو غير الحمد لله لي رجعت خير ملي راحت كامل وهذي الفايدة ونتمنى ماتعاودش تروح ونخسرو مشاركات ولا مواضيع ومانخسروش أعضاء ما شاء الله كيما أنتما ربي يحفظك ويخليك ختي لوعة وربي يعطيك ما تتمني ونقولك ما تفليش تعودنا عليك ناشطة في المنتدى
​

 

[لوعة_الحب]

ربي يخليك يا ابيدو
مرسيييييي

 

[abidou 20081]

ربي يخليك يا ابيدو
مرسيييييي

بلا مزية ختي لوعة الحب وربي يحفظك ويخليك ويعطيك ما تتمني

 

[The DoN]

خويا دونا نقدر نجاوبك بالنيابة على جميع الأعضاء وبالأخص أني أنا من وضعت هذا الموضوع وأنت قلت لوكان يجي براني يقرى هذا الموضوع يقول حنا راما متخلفين ياخويا دونا إذا كان هذا البراني يتبع فالمنتدى تاعنا راه عرف واش صرى وراه عارف واش رانا نقصدو وإذا كان من لي فيزيتور يعني عابر سبيل ماراهش محتاج حتى يقرى الموضوع باش يعرف بلي كامل لعرب راه في تخلف والناس لي كتبت رد وقالت رانا متخلفين ماراهش مستتني روحو منها راه يقول كامل يعني فيها أنا وأنت وهو وهذي معناها للواقع لي رانا عايشينو وكان عندو المنتدى كي شغل متنفس ليه وراحت عهليه حاجا عزيزة لوكان ماجاتش عندو عزيزة والله ما يقيمك حتى برد وعلى بيها راهي غايضاتو وكل ما راه يطلب فيه هو يلقى المنتدى تاعو في القمة يعني لا إنقطاعات ولا تضييع للمواضيع وحنا هنا مارانا نقصدو لالإدارة ولا مشرف هما تاني راهم يقاسو معانا وما ظنيتش كاين واحد يحب للمنتدى تاعو باش ماينجحش ولي نقصدوه أننا مالازمش تعاود تصرالنا وأنا راني نقولها ونعاودها بحارة على ىالمشاركات وبحارة على كلش حاجا وحدة برك يبقى المنتدى مريقل وكلش يتخلف ربي يحفظك خويا دونا وربي يعطيك ماتتمنى وأفهم قصدي برك
​

يا خويــا ، كي قتلك واحد براني مش معناها باللي راني نستنى في هذا البراني باه يقلي نتا متخلف ولا نتا واصل ، على خاطر عارف النيفو نتاعي
وقتلك هذي الكلمــة باه نوصل الفكرة اللي كنت حابها توصل للأعضاء ككل ...

واللي ردوا عارف باللي عندهم رابطة بالمنتدى ، بصح كي نقعدوا نتحصروا ونشوفوا وش راح ، وش اللي صار ، ما راحش يرجع المنتدى كيما كان
صح ، اكل حابين يطلع المنتدى ، لأنه منتدى جزائري ، بصح مانيش شاتي نتم ثاني تسقطوا في نفس الخطأ اللي واقع فيه عامــة الناس والشباب في الجزائر

المهم ، اللي وصلتوا الفكرة اللهم بارك ، واللي ما وصلتوش إن شاء الله توصلوا



تحياتـــــــــــــــي
​

 

[لوعة_الحب]

ههههههههههههههه

​

 

[abidou 20081]

يا خويــا ، كي قتلك واحد براني مش معناها باللي راني نستنى في هذا البراني باه يقلي نتا متخلف ولا نتا واصل ، على خاطر عارف النيفو نتاعي
وقتلك هذي الكلمــة باه نوصل الفكرة اللي كنت حابها توصل للأعضاء ككل ...

واللي ردوا عارف باللي عندهم رابطة بالمنتدى ، بصح كي نقعدوا نتحصروا ونشوفوا وش راح ، وش اللي صار ، ما راحش يرجع المنتدى كيما كان
صح ، اكل حابين يطلع المنتدى ، لأنه منتدى جزائري ، بصح مانيش شاتي نتم ثاني تسقطوا في نفس الخطأ اللي واقع فيه عامــة الناس والشباب في الجزائر

المهم ، اللي وصلتوا الفكرة اللهم بارك ، واللي ما وصلتوش إن شاء الله توصلوا



تحياتـــــــــــــــي

خويا دونا المنتدى رجع وراه يخدم مليح ولي راح راح وحنا بيدنا نرجعو لي راح والفكرة تاعك راهي وصلت وأحنا محترمينها كيما راك محترم الرأي تاعنا والمهم عندنا هي اللمة الجزائرية تاعنا تبقى الفوق وخلاص ربي يحفظك ويخليك ودمت

 

[abidou 20081]

ههههههههههههههه

الله يدوم الضحكة ختي لوعة وربي يحفظك وخليك جابتك التصويرة ههههههههههههههههههه

 

[لوعة_الحب]

الله يدوم الضحكة ختي لوعة وربي يحفظك وخليك جابتك التصويرة ههههههههههههههههههه

ربي يخليك يا ابيدو
جيت نشوف هاذاك الفيلسوف وش قال
و عجبتني هاد التصويرة

مرسيييييييييي
​

 

[jiji17]

سلام عليكم وش نقولك:001_unsure: خويا راهي ركبتني لاطونسيوhmy: يخي دمار يخي مشاركاتي حكاياتي ودنيتي تسيزات بين نهار وليلا:scared: يا خويا هم فرات ومارسي على الموضوع الجد مهم

 

[أميرة العيون]

والله اخي راك صح فيما الناس و العالم تتقدم خطوة للامام رانا حنا نرجعو عشرة لورا والله في رايي هذ الشئ راح يثبط من معنويات البعض و اذا كنا في كل مرة راح نرجعو اللورا معناها خلينا نموتو خيرلنا ولله مشكلة خويا abidou

 

[لينة]

و الله انا من 395 رد رجعوني ل 44 رد
و الله راك تشوف روطار بشهرين وش حنديرو
كيما يقولوا كلش يجي في الشعب

 

[The DoN]

ربي يخليك يا ابيدو
جيت نشوف هاذاك الفيلسوف وش قال
و عجبتني هاد التصويرة

مرسيييييييييي
​

فيلسوف ؟؟؟؟
ههههههههههههههههههههه

كي عاد هاك ما نزيدش نرد عليكم إن شاء الله

وشكــرا مرة أخرى خويا أبيدو ...
​

 

[الأستاذ مصطفى]

المشكل ماراهش في الادارة ولا في المنتدى
المشكل راهو فالإستضافة يا جماعة​