هل مهر الفتاة دليل على قيمتها ؟؟؟

[ام الغالي]

انا راجلي من ولاية الطارف وانا من العاصمة
ومايشقاش نحكي لك على ناس الشرق والشروط ديالهم
الفم انتاع المحزمة و البلطة 6 مطارح صووووووووف و زيد وزيد
المهم انا كي جا خطبني بابا شرط له الهنا
اومبعد يماه قالت له لالا نجيبلها كيما بنات لهيه
بلطة (مقليس ذهب)
وزعما خدمت لي 6 مطارح صوف (العين برك اللي شافتهم خلاتهم عندها)
ونهار العرس جات خته تديني هاكداك
والله غير بوالو
لوكان جيت بنت عار غير تما نبهدلها انا خفت من الفضايح
قالت لي السمانة الجاية يكونو عندك
السمانة الجاية رانني في 6 سنين زواااااااااااااااااااااااااااج
انا عندي 6 نسا خاوتي وحدة ماشرطو فينا املايها
لكن كي نروحو و لله الحمد بالشان و الطبع
ندولها اكثر من اللي شرطو فيها
الكبش و السميد والله الله عليك يا قلبي
انا لا كبش ولا عتروس ولا هم يحزنون
حسبي الله و نعم الوكييييييييييييييييل
حقارين
كي ماجيتش بنت البلد حقروني
خاطر هوما في عراسهم يبداو يتزايدو على بعضاهم
اللي ذبح بقرة لاخر يذبح 2

 

[صكصك أمين]

يا خويا ضرك يقلك زيد حق الرضاعة
لأمها و حق ما رباها باباها يعني بكل احترام يبيعوافي بقرة .

 

[حنوون]

اقلهن مهوراا اكثرهن بركة صح الصداق من اركان الزواج وهو حلال على البنت ومن حقها انها تطلب المهر بس بدون مبالغة وتقدر ظروف زوجها وانها راح تعيش معاه ع الحلوة والمرة وكل ما اقتصدت فمصاريف العرس كل ما وفرت لعيشة هنية مع زوجها ولا تنسو ادا ما عطاها المهر المتفق عليه فلا تحل عليه ما لازم ينقص اي ركن من اركان الزواج والا .........