طلــــــــــــــــــــــــــــب زواج .. شاب27 سنة .. متخلق ..مثقف

[Moha le sage]

شاب 27 سنة .متخلق..مثقف ... مقبول الشكل و المظهر ..ماكث بالبيت .. يبحث عن نص دينه

الشرط الاساسي ان تكون عاملة لا يهم في قطاع الدرك الوطني او في مصنع وقد لا يهم الشكل ...


وعلاش صار الراجل مريح في الدار يتفرج في les matches :scared: .. و يلعب في الديمينو برا .. ومرتو هي لي تخدم و تجيب في الدراهم وتزيد تخدم في الدار و تقوم بالبيت ؟؟ :thumbdown:

وهاذ السيد وعلاش ماجابولوش ماكنة خياطة و يزيد يتعلم ليزيقوي و الكروشي و خدمة لي نابخون مادامو قاعد في الدار :confused1::confused1:

ولينا نشوفو بزاف رجال يحوسو على المرا لي تخدم باه تعطيهم la paie تاعها hmy: .. واش هو السبب الحقيقي لهاذ الظاهرة ؟؟ غلاء المعيشة ولا ديوثة بعض الرجال او اشباههم ؟ او التفنيين او ماذا

اعطونا رايكم ... كيما يقولو في les sujets ..حلل وناقش

 

[Moha le sage]

​

 

[D aucun]

اهلا محمد عندي بزاف ما حكيت معاك نشالله تكون غايا
محمد اسمحلي لانو ما غادي ناقشك في هذا الموضوع لانو
ان ناقشتك ولربما نبان اني نظلم في صنف و نترك الاخر
اتعلم لو انا نرجعو للاصل المرأة بلاصتها الدار ورعاية اولادها
ووين ولات تخدم ولينا نشوفو في البطالة
ولو كان غير جات نيvو والله ما تغيضك راك تعرف الاساليب
لي يدخلو بيهم من ........و............و...........و..............و...
مع اني ما نعممش لانو كاين نسا والله يستاهلو مناصب عليا في البلاد
والذكر يستهل يقعد حاكم الحيط ويحكم الحيط لانو المستقبل تاعو بونداني
ونعطيك اخي مثال بسيط وبسيط جدا غير في التبلاع تاع العام في الجامعة
وهذا كل ما استطيع قوله لك
تقبل مرور اخيك مختار

 

[programmeur]

والحاجة لي تحيرني
علاش المرأة تتزوج مع واحد كيما هدا

 

[beautiful -soul]

أي صح هدي الظاهرة انتشرت بزاف و فيهم بزاف الي حاكمهم الطمع في دراهمها و دركا ولاو يصقصيو على خدمت باباها إدا عندوا الدراهم ...البروبلام دركا علابالهم بلي هدا لي جا يخطبك طماع في دراهمك و يقبلو نورمال كل شي عادي...
السبب الي خلاهم هكدا الطمع و التفنيين........ لقاوها حاكمة
تقبل مروري أخي محمد...و يعطيك الصحة على هدا الموضوع الرائع.....

 

[safo]

شكرااااااااااااااااااااااااا

 

[beautiful -soul]

​

هههههههههههههههههههه تضحك ............بصح رانا نضحكو على الواقع

 

[صريحة]

لو كان نبدى نحكي معاتش تفرى بابا :angry:
مي كلمة راجل معناها كبير ماطيحش بيها وتقلها لاي واحد يلبس سروال .......:thumbdown:..................
وزيد عيطلو رجيل عيطلو ديوث (وما أكثرهم هده الايام لعنة الله عليهم )hmy:
راني منحكيش عليهم كل على خاطر كاين لعندهم ظروف .....................................
قلوا راجل قلوا علاه رخست الرجال :glare:​

 

[farida91]

هدا تتزوج بيه وحدة جايحه ههههههه
صح والله غير كترت الظاهرة
ولينا نشوفو المرا تخدم و الراجل يتفرج خخخخخخخ
كون جا راجلي نجيفوووو ههههه
الراجل راجل مالازمش يتكل على مرتووووووو
مرسي على الموضوع تركان ​

 

[killua0555]

ضحكتنى متقف ههههه ا........ييه لقيتنى حايرة فى هاد النقطة هههه ..يتما علاش سلك التعليم خصوصا ...و يقولك تكون واش تكون مهم تكون تخدم فى سلك التعليم ....منكدبش عليك مالقيتلها حتى سبب يتما لوكان نقولو الخدمة الى مكاش و ....الخ و هادا يقبلها لروحو يعيش زيادة ...يعطيك الصحة موضوع شباب لوكان نبدا نهدر اليوم نديرو حصة تاع علم الاجتماع خخخخخ

 

[abidou 20081]

ههههههههههههههههه والله ياخويا محمد غير تعرف واش تجيب من المواضيع ربي يحفظك عندك الحق واش راك تقول النيف والكرامة نقصو بزاف وتلقى بزاف لي يقولك أنا نجيبها خدامة وما نيش عارف واش وكل واحد واش يخرجلك من سبة واحد يقولك الوقت صعاب كي تهني غير من روحها راهي هنتني واحد يقولك هكذا نقدرو نعيشو بيان آليز وكل واحد كيفاش يفكر بصح فالصح كامل مشتركين على نقطة لي هي الشهرية تاعها والزواج من هذا النوع عمرو لا عمر دار ورانا نشوفو فيها وقالمشاكل لي راهي تصرى كل يوم هذي من جهة ومن جهة أخرى السياسة لي راهم يتبعو فيها بني كلبون أشباه المسؤولين لعنة الله عليهم دنيا وأخرة حشا لي ما يستاهلهاش هي تجيب ملف تاعك وتجيب الملف تاعها هي مقبولة وانت تروح تشد لحيط تدخل لأي إدارة تلقاها معمرة غير طفيلات في وسطهم واحد يضحك ويقسر والخدمة ربي يجيب تزيد تتعمق شوية لداخل تلقى الله يحفظ ويستر واش راه صاري وهذي هي السياسة لي راهم يتبعو فيها وحتى الطفلة فالخدمة ماعندها حتى إحترام التحرش الجنسي داير حالة لي عاقلة يخرجوها من عقلها ولا تطير من بلاصتها ولي تحلقف وتشيت هذيك ترجع هي صاحبة الأمر والنهي وكي تحب تفري لافير شوف معاها وما تشوفش مع الديوث تاع المدير تاعها أشباه رجال ياخويا محمد والله غير الرخس لأقصى درجة وتلقى مسابقة يربحو فيها لولاد سبحان الله بقدرة قادر ترجع كامل طفيلات ناجحين راهم يقولو روحو يالرجال أحكمو الديار وجيبولنا بناتكم يخدمو في بلاصتكم وأسمحولي إذا قلت هذا الكلمة وعلى بالي بلي كبيرة بصح هذا هو الواقع والله والله إذا مانفضنا الغبرة على ظهرنا غير يلبسونا الطابليات ويحكمونا الكوزينة ومع أشباه الرجال هذي والرخاس لي راهي شادة لبلايص الشباب تاعنا غير يروح يموت ويكمل يدير الجال في شعرو ويشد الحيط وشوفها حتى فابيروات منين يدخل الراجل يستقبلوه بكلمة واش تستحق ومنين تجيهم واحدة يستقبلوها تفضلي ختي كاش ما ستحقيتي راني هنا وفرق بيناتهم لعنة الله عليهم إلا من تاب واصلح و مارانيش من كلامي ضد عمل المرأة بصح كاين لازم عدالة وكاين بلايص ماشي وين جات خلو شوية إحترام للمرأة في روحها مرا بوليسية مرا جدارمي هذي لي تروح تحكم المجرمين خلونا من تمسخير ولا دمير يعطوه للراجل وهي علاش جابوها لتم مولاها يخمم الغنية تاع المساواة لي راهم يهدرو عليها ماقالها لا ربي لا الرسول عليه أفضل الصلاة والسلام وراهم كامل يشاركو في لفساد وعند ربي باش يقابلو الموت كاينة *وتكون وأنا نطلب من الشباب كامل يقول والله ماراني مسامح هذا المفسدين دنيا وأخرة هكذا ربي يسلط عليهم السخط وهكذا نربحو على ظهرهم الحسنات في الأخرة ربي يخليك خويا محمدج وربي يحفظك دايما مواضيعك مميزة ودمت ودامت مواضيعك القيمة ​

 

[POLIYANA]

ويبقى السؤال مطروح
:confused1::confused1:​

 

[brahimalg]

نقولك كلمات بلاك توصلك الاجابة لراك تحوس عليها .. و انا هذي الكلمات سمعها من زماان

يا حفيظ يا ستار الزواج رجع للزفار يبغو وحدة للتخدم عندها لوطو و الدار

شوف الناس وين تخمم و فيمن دير الثقة يبغو للعندها الدراهم باش يخرجو من الغرقة

لي عندها الطنوبيل قع يبغو يخطبوهاااا و مسكينة بنت القليل وحد ما يطمع فيها .


وانا ان شاء الله يا لخو كي نبغي نزوج مدابيا تقعدلي في الدار ... و إدا حبت الخدمة تريح في الخدمة ديالها .

 

[ACHWAK2002]

هذا التفنيين و الدلال
تلقى الراجل الي كان مدلل عند والديه و الي ماعلموهش معنى الرجولة الحقيقية هو الي يطلب المرا الي تخدم

 

[TOUTA32]

والله عندك الحق مرة تناقشت انا وطفل يقرا معايا قالي انا مازلت مانزوجش واذا زوجت نديها تخدم ختراه حنا كامل فقنا للعفسة هاذي مرتك تعاونك وانت ناقص عليك مصروف قلتلو مليح بصح بشوي بالشوي تعود انت اللي تضرب النشاف فالدار قالي لا هاذي مستحيل نديرها قلتلو والله ديرها تعود عبد عندها
والله واش نقولك خويا انا بالنسبة ليا نحتقر الراجل لي يستنى مرتو باه تعطيلو الدراهم لوكان جات الرجلة بالسروال رانا كامل نلبسو السروال بصح مازال كاين الرجال صح مي راهم خدامين ذرك ماشي قاعدين للنت والتمسخير​

 

[02asma02]

والله انا نظن بلي هذه الظاهرة راهي في كل مكان ولو كان نحكوا عليها ما نكملوش
بصح انا نظن بلي الرجال نتاع هذا الوقت يحوسوا يعيشوا بلا ما يتعبوا مانيش عارف كيفاه
هذيك هي يختار مرأة خدامة تخدم عليه وهو يرقد في الدار

 

[zagane]

شاب 27 سنة .متخلق..مثقف ... مقبول الشكل و المظهر ..ماكث بالبيت .. يبحث عن نص دينه

الشرط الاساسي ان تكون عاملة لا يهم في قطاع الدرك الوطني او في مصنع وقد لا يهم الشكل ...


وعلاش صار الراجل مريح في الدار يتفرج في les matches :scared: .. و يلعب في الديمينو برا .. ومرتو هي لي تخدم و تجيب في الدراهم وتزيد تخدم في الدار و تقوم بالبيت ؟؟ :thumbdown:

وهاذ السيد وعلاش ماجابولوش ماكنة خياطة و يزيد يتعلم ليزيقوي و الكروشي و خدمة لي نابخون مادامو قاعد في الدار :confused1::confused1:

ولينا نشوفو بزاف رجال يحوسو على المرا لي تخدم باه تعطيهم la paie تاعها hmy: .. واش هو السبب الحقيقي لهاذ الظاهرة ؟؟ غلاء المعيشة ولا ديوثة بعض الرجال او اشباههم ؟ او التفنيين او ماذا

اعطونا رايكم ... كيما يقولو في les sujets ..حلل وناقش

salame alaycome
شاب 27 سنة .متخلق..مثقف ... مقبول الشكل و المظهر ..ماكث بالبيت
زيد
رب بيت ممتاز

.. يبحث عن نص دينه

هما حبو مساوات = = = = = =

 

[D aucun]

salame alaycome
شاب 27 سنة .متخلق..مثقف ... مقبول الشكل و المظهر ..ماكث بالبيت
زيد
رب بيت ممتاز

.. يبحث عن نص دينه

هما حبو مساوات = = = = = =

ههههههههههههههههههههههههه

 

[pRiAnCa*mCeE]

هذي يديرها غير واحد ما يحشمش ديوث هو راقد ومرتو تخدم برا وفي الدار مع احترامي لكل شباب لمتنا...

 

[لينة]

نقولك كلمات بلاك توصلك الاجابة لراك تحوس عليها .. و انا هذي الكلمات سمعها من زماان

يا حفيظ يا ستار الزواج رجع للزفار يبغو وحدة للتخدم عندها لوطو و الدار

شوف الناس وين تخمم و فيمن دير الثقة يبغو للعندها الدراهم باش يخرجو من الغرقة

لي عندها الطنوبيل قع يبغو يخطبوهاااا و مسكينة بنت القليل وحد ما يطمع فيها .


وانا ان شاء الله يا لخو كي نبغي نزوج مدابيا تقعدلي في الدار ... و إدا حبت الخدمة تريح في الخدمة ديالها .

اوه مازلتي مش حاب تخدم البرا المراة اللي حتجيبها ؟
ههههههههههههه