الموهبة دفناها ولا دفنتنا

[abidou 20081]

ان شاء الله وشكرااااااا

العفو أختي الكريمة نورتي الصفحة وربي ينورك دمتي

 

[D aucun]

خويا مختار ربي يحفظك وكامل لكلام لي قلتو عندك الحق فيه رانا في بلاد تشجع لفساد وتدفن المواهب وما نقولش مواهب برك بل ظواهر عندنا ماشي غير مواهب وفي كل المجالات ونزيد نقولك أنا مانهدرش على موهبتي ونقدر نقولك أنا عصامي ورانا كامل مدفونين في هذا لقبر ماشي بلاد إذا هدرنا فالبالون تلقى الرجلين معوجين ويضرب فالملايير شكون ولد فلان وفلان على خاطرش لي يلعب تاع الصح راهم حاقرينهم ويزيدو يردموهم على خاطرش بلايص لوخرين تطير جينا فاغاشي تع الإختراعات والله غير راهخم يخرجو لعجب بصح وين يروحو يلقاو الباب مغلوق يسمعو بيهم الخارج يبعتولهم ويعطوهم إمتيازات ما يحلمش بيها هذيك الناس ياخويا داو علينا معاملة الإسلام وخلاونا العقول فارغة والداعية محمد عبدو واش قال منين خرج لأوروبا قالهم روحت لقيت الإسلام وما لقيتش المسلمين وجيت لبلاد لعرب لقيت المسلمين ومالقيتش الإسلام ومن هذي تقدر تصرف بزاف حوايج والجابوني لي قالهم الحمد لله لي عرفت الإسلام قبل مانعرف المسلمين تكفي هذي

ربي يخليك وربي يحفظك وربي يعطيك ماتتمنى دمت ​

خويا عبيدو قريت الرد تاعك علي عندها بزاف مي محبيت نرد لانو كنت خايف مناقشتنا تاخذ منحنى او منعرج سياسي علاديك نقولك هدي بلاد ميكي والله غالب علينا بلادك و تحبها فور عليك ونقولك عبيدو علابالي ماهي داخلة في الموضوع مي حبيت نقولك انو وكيلهم ربي في كل شيء
ونزيدك ولاد لي كالكان ماغادي يخطونا لانو نقولك اذا بدات تمشي حساب المكانة تاع الشخص غادي يلقو ارواحهم في التحت مي نقولك الارادة تعمل المستحيل ونزيدك هوما يثبطوك مي تعرف السامط يغلب القبيح مرسي خويا عبيدو تقبل رايي

 

[abidou 20081]

خويا عبيدو قريت الرد تاعك علي عندها بزاف مي محبيت نرد لانو كنت خايف مناقشتنا تاخذ منحنى او منعرج سياسي علاديك نقولك هدي بلاد ميكي والله غالب علينا بلادك و تحبها فور عليك ونقولك عبيدو علابالي ماهي داخلة في الموضوع مي حبيت نقولك انو وكيلهم ربي في كل شيء
ونزيدك ولاد لي كالكان ماغادي يخطونا لانو نقولك اذا بدات تمشي حساب المكانة تاع الشخص غادي يلقو ارواحهم في التحت مي نقولك الارادة تعمل المستحيل ونزيدك هوما يثبطوك مي تعرف السامط يغلب القبيح مرسي خويا عبيدو تقبل رايي

والله غير رد مميز تع الصح وهذي النقطة لي حبيت نوصلها للغاشي كامل ولي هي الصامت يغلب لقبيح ماشي كيما رانا نشوفو فالغاشي إستسلامي لأقصى درجة وعندو أحكام مسبقة تقولو حوس على خدمة يقولك وين رايح تصيبها تقولو أرواح نروحو لذيك لبلاصا يقولك عفنا خلاص تقول هبطت عليهم الفشلة واش هذو ولاد ليكالكان زايدة فوق راسهم ريشة لي يغلط يخلص ونقولك حاجا والله كي نعرف الحق معايا حق دين ربي مايكبر في عيني حتى طحان حشاك المشكلة أنو الغاشي تلقاه يقولك بالاك والو ماتقربش هذا عندو لكتاف وهذاك ولد فلان حنا لي نطلعوهم وهما غالطين ونشدو لحيوط ونبداو نقطعو فيهم على شكل خذمة لعجايز ربي يخليك وربي يعطيك ماتتمنى وكيم راني تاني نتمنى الغاشي ينفض على ظهرو شوية غبرة ويتحرك شوية مايرقدش ويحبها مسقيا
ربي يحفظك خويا مختار دمت مميز ​