كل واحد يدخل يجاوبني

[ضحكة من القلب]

انا حبيت اطلب منكم انو كل واحد يسجل واش هو الاختصاص اللي يدرسوووو
وواش كان نهار اللي جاب الباك ديالو يدير
ماتقولوليش
طبيب برك




انتظر ردودكم​

 

[programmeur]

اختصاصي اعلام ألي
نقولك واش كنت ندير نهار لي ربحت فيه الباك كنت نقارع لنتيجة ههههههههههه

 

[etmeriem]

اختصاصي علم الاجتماع التربوي نهار جبت الباك كنت حابة ندير هدا التخصص قبل ملا بطاقة الرغابات ولكني كنت مترددة بينه وبين علم النفس

 

[manel06]

تخصصي ترجمة نهار اللي جبت الباك ما امنتش و منكدبش بكيت من شدة الفرحة اما الاختيار كان اختيار الوالد انا حبيت حقوق لكن الوالد اصر

 

[sisila]

تخصص علوم اقتصادية علوم تسيير وعلوم تجارية ل م د
كي جاتني النتيجة في البورطابل كنت نتفرج وكي شفتها بلي ربحت ما عجبنيش المعدل
المهم قلت ليما ولبابا ولدار وفرحو وخلاص

 

[D aucun]

الحمد لله نقرى ............ ونهار جبت الباك تاعي فرحت بزاف كنت قدام الميكرو و(الحمدلله الذي هدانا لهذا وما كنا لنتهتدي لولا ان هدانا الله)صدق الله العظيم
مرسي اختي

 

[البراءة]

اختصاصي هندسة ميكانيكية
نهار لي خرجت فيه نتائج نتاع الباك كنت نلعب في الدومين....
​

 

[shahrazad]

اختصاصي علوم التسيير
و نهار الي قالولي على نتيجة تاع الباك كنت نغسل فلماعن هههههه شديت اللرض و بديت نبكي
و الحمدلله انا الي حبيت هاد الاختصاص
شكرااااااااا

 

[serine199]

انا لغة و أدب عربي بصح مانيش حابة هدا التخصص راني رايح ندير ترنسفار /كنت حابة ندير لغات بصح مكتبهاش ربي و عودة الباك لمرة الثانية الحمدلله جبت عتاوني علوم اجتماعية

 

[DAHO_MATRIX]

اختصاص علوم قانونية وادارية


نهار اللي جبت الباك يومين ما رقدتش من الفرحة وبقيت غير نستنى وكتاش الدخول الجامعي

ههههه

 

[ج.محمد الصالح]

انا اختصاصي علوم الإعلام والإتصال وهي رغبتي وانا سنه الثانية
اجمل فرحات هي فرحت باك وحدها خويا
وخاصة للوالدين
​

 

[NAZIHA DZ]

اختصاص لغة فرنسية
كي جبت الباك معقلتش كامل واش درت كنت نقول قبل النتيجة المهم نجيبو لوكان انا التالية في القائمة مي من بعد معجبنيش المعدل

 

[sarra]

انا تخصص مالية (علوم مالية ومحاسبة) ل م د
انا قالولي على النتيجة قبل بنهار والله من الفرحة قريب دخت مي كنت حاسة بحاجة ناقصتني ماما كانت ماشي في الدار (كانت في ستاج)
و فرحة الباك وحدها مهما تفرح ما تجيش كيما هي بالنجاح للجميع

 

[sarasara]

الحمد لله الذي هدانا وانعمنا بنعمه

واما فرحة الباك والله غير نورمال

يعني عادي جبت الباك وشفت النتيجة في البورتابل

ونورمال لا اغمى عليا ولاهم يحزنون

وكان حلمي ان احقق نتاجئج مرضية والحمد لله

كنت الثانية على مستوا الثانوية والبلدية والحمد لله

واما حلمي كان ان انال شهادات عليا في اللغة الفرنسية

والحمد لله اخترتها ووجهت الى المدرسة العليا للاساتذة -استاذ لغة فرنسية

افكر الان في الاجتهاد والعمل بجد للنجاح والتفوق

وهذا ماادعو اله اخوتي فنحن سنكون جيل المستقبل وسند الامة

والحمد لله راضية بكل ماقدمه الله لي

لاتنسو الخير مااختار الله

اللهم اعنا على الصيام والقيام


اختكم سارة

تقبلو مروري​

 

[zinnoo walido]

علوم تسيير تخصص مالية

كنت راقد خاطي في نوم عميق بارسكو مجانيش الرقاد عيطلي حبيبي قلي بالباركة مالا بقيت حي ذيك اليلة

 

[nina_89]

انا التخصص تاعي اعلام الي
و نهار الباك كنت قريبة نهبل النتيجة ما حبتش تتلعلي بالخف مي الحمد الله ربي جاب الخير

 

[linine]

انا اختصاص علوم قانونية وادارية

 

[shy_girl]

انا غير كيما جبت الباك هاد العام يعني تقدرو تقولو مزالي فرحانة ههههههه
راني راحا نقرا رياضيات و اعلام الي ....ربي يستر راني غير نستنى في الدخول الجامعي

نهار اللي خرجت النتيجة وش نقلكم انا شفتها وحدي في موبيليس و ما جيت نقرا المساج حتى قريب دخت من الخوف و مبعد جا المساج
Resultats Bac
no: ******
mention
غير شفت مونسيو عرفت راني رابحة و مبعد شفت المعدل عجبني بزاف و رضيت بيه الحمد لله
و مبعد قعدت نبكـــــــــــــــــــــــــــــــــــي و سجدت لربي و ماما ترمي عليا في الماء و تقولي راكي رابحة و علاه تبكي ؟ههههههه و الله كانت دموع الفرحة ماما مفهمتش هههههه

ايــه و الله احساس بزاف مليح ما يقدر يفهمو غير اللي جرب

تقبلو مروري و شكرا
​

 

[طيور الجنة21]

الحمد لله الذي هدانا وانعمنا بنعمه

أنا اختصاص لغة انجليزية

نهار اديت الباك قريب تشوكيت

 

[souss]

أنا اختصاص علوم التسيير تخصص مالية و نهار اديت الباك و جبت معدل مليح كان أول خيار هو طب بصح ما كتبش ربي المهم الحمد لله