كل واحد يدخل يجاوبني

[حفيد هواري بومدين]

متحصل على 3 شهادات باكالوريا
الاولى ب 11.5 اختصاص جيولوجيا
وتانية ب 12.75 اختصاص بيولوجيا
والتالتة 14 اختصاص طب وان شاء الله حاب نوصل ندير اختصاص طبيب قلب
​

أنا اختصاص علوم التسيير تخصص مالية و نهار اديت الباك و جبت معدل مليح كان أول خيار هو طب بصح ما كتبش ربي المهم الحمد لله

يا يختي تقدري تعاودي مدام الحلم نتاعك هادا
ربي يوفقك ان شاء الله
​

 

[md081fr]

اختصاصي علوم التسيير تخصص مالية
و نهار الي ربحت في 2000 استنيت حتى الوحدة تاع اليلي وكي جابو resultat راحت التريسينتي أو شفناها على الشمع لهلا يشوفكم في ذاك النهار مع السوسبانس
المهم ربحت او كملت القرايا
أو راني شومااااااااااااااااااااااار

 

[zalasoft]

السلام عليكم و رمصانكم بالصحة
أنا إختصاص BIOTECHNOLOGIE و على نهار اللي جبت فيه الباك ما كانتش الفرحة اللى كنت تقارع لها على خاطرش بنات عمي في زوج (02) ما جابوهش بصاح الحمد لله راني راضية بإختصاصي و حابتو بزاف
:thumbup: سلام :thumbup:​

 

[manal_39]

انا اعطوني علوم اجتماعية وراح ادير ترونصفير وانبدل علوم قانونية وادارية

واش نحكيلك على هاك النهار راه احسن نهار في حياتي وهاك الفرحة المغمورة بالدموع وفرحة الاهل والاحباب

وزغاريد النساء راه نهار لا ينتسى من الذاكرة

:yahoo::yahoo::yahoo::yahoo::yahoo:
​

 

[lady.nina]

متحصل على 3 شهادات باكالوريا

الاولى ب 11.5 اختصاص جيولوجيا
وتانية ب 12.75 اختصاص بيولوجيا
والتالتة 14 اختصاص طب وان شاء الله حاب نوصل ندير اختصاص طبيب قلب​

يا يختي تقدري تعاودي مدام الحلم نتاعك هادا
ربي يوفقك ان شاء الله ​

الله يبارك



انا تخصص ارطفونيا

و كنت نعاون في ماما نديرو الطعام pq كنت déja شفت فالليل كي كنت راح نرقد


thanks

 

[ملكًة الاحسآس]

انا اختصاصي علوم قانونية واداية (اه يعني حقوق)
ونهار جبت الباك كنت نستنى فالنتيجة mais الله غالب ماحسيتش بالفرحة على خاطر صحاباتي قريب كامل ماجابوش الباك
وحبيت ندير فرنسية والله غالب ماكتبتش​

 

[مروىch]

انا نهار اللي خرجت النتيجة كنت رايحة نرقد هههههههه

و كي خبروني و ليت نرجف وحدي و عيطت للعايلة واحد وحد

و خيرت تخصص جراحة اسنان chirurgie dentaire
​

 

[برشلونية]

انا عندني 2باكات
الاول 13.24 درت بيه بيولوجيا
والتاني 12.17 درت بيه رياضيات واعلام الي
وحابة نجوزو مرة ثالثة وندير بيه ان شاء الله طب اسنان

 

[نقطة حبر]

انا هذا العام الاول نعقب وان شاء الله نجيبو

 

[**بنت الأصول**]

أنا إختصاصي أدب
لما قالولي عن الباك
كنت إنصلح في البورتابل تاعي حبسلي هديك الدقائق
والنتيجة قالي عليها بابا .

 

[ريانة الجزائر]

السلام عليكم..
انا جبت الباك في 2007 وكنت خايفة بزاف مانجيبوش لانو كنا الدفعة الاخيرة من النظام القديم..وصعبولنا هاداك العام..
النتيجة سمعتها نهار من قبل ..كنت نتفرج فالتلفزيون.. عيطلي خالي و قالي بلي جبت الباك..عدت نبكي من الفرحة..مي مكملتش لما عرفت بلي خويا مجابوش و كل صحاباتي تاني..
من الصغر كنت حابة اعلام آلي رغم طلب ابي بالتسجيل في الطب..
والحمد لله راني ناجحة فيه..و اتمنى نكمل قرايتي في مجال عندو علاقة بالطب حتى نكون ضربت عصفورين بحجر واحد..​

 

[حجابى شرفى]

اختصاصى لغة وادب عربى ونهار جبت الباك مانخبيش عليك بكييت بزاااااااااااااااااااااااااف حتى دوووووووخت هههههههههههههههههههههههه والحمدللله

 

[vision]

نهار الي جيبت الباك كنت في دار جدتي و كانت العائلة كلها متلايمة و انا كنت في الطابق الأول أحكي مع ابنت خالتي سمعت أختي توغ و تقول مااااااااااااااامااااااااا ما فهمتش شار صرا رحت نجري زحفت من رجلي اليمني و هودت في الدروج زاحفة حتي عانقتني توأمي و قاتلي ديناه انا بكيت بزاف لني كنت معلقة امال كبيرة على هذه النتيجة فالحمد لله تحصلت عليه أما بالنسبة لما كنت اريد أن أدرس كان حلمي دراسة التجارة الدولية لكن الله لم يكتب لي ذلك و أنا الأن أدرس ترجمة

و أقول لكل من تحصل على شهادة البكالوريا عدم نسيان الحمد لله لأن الفضل كله له احمدوا الله كثيرا و اجتهدوا و اعملوا على النجاح

تحياتي لكل الناجحين لهذه السنة

 

[سالومي10]

اختصاصي رياضيات واعلام الي ونهار اللي حبت الباك كنت عند جدي وكنا مجتامعين كامل ونقصرو حتى عيطلي خويا وقالي جبتيه ومن الفرحة بكيت بزااااف

 

[عبد الرؤوف3]

التخصص محروقات مهندس دولة
نجحت الباك يوم 10/07/2007

 

[وهاب وناس]

يا جماعة انا راني في المدرسة التحضيرية للعلوم الاقتصادية و التجارية و علوم التسيير النهار الي خرجت فيه النتيجة كنت مع صاحبي عيطولنا قالولنا راهي خرجت بعثنا كيف كيف صاحبي دوبل و انا الميساج بين يدي مقدرتش نفتحو الا بعد نصف ساعة و كي نجحت سجت لله حمدا و شكر و بقيت نصبر في صاحبي . و حاجة اخرى معدلي 12.81 و هو المعدل الاخير للقبول في هده المدرسة و صح عيدكم للجميع

 

[بنت الـ25]

أنا إعلام واتصال...صحافة يعني..تخصص علاقات عامة relation publique
كي خرجت النتيجة شافهالي خويا في موبيليس..تع الدار كامل مقلقين ويستناو، وأنا راقدة ... كنت حابة نقرا طب الأسنان..مي في هاداك لعام طلعو المعدل تعها لـ 13 وانا ديت لباك بـ 12.85...شبعت بكا
مبعد قنعت ولعام هدا نخلص​

 

[[ايمآن]]

اختصاص ادب عربي ما نحبوش انا عندي باك تسيير واقتصاد نهار الباك.الله لا يردو كنت حابة تجارة لوكان مش الخمسة اللي جبتها في الرياضيات

 

[نورالضحى]

السلام على كل الجزائريين و الجزائريات و خاصة أعضاء منتدى اللمة و صح عيدكم كامل
حبيت نقول أنا كانت رغبتي دايما هي الفلسفة و صح ما جاتش كيما نحبها لأنو معدلي ناقص لكن الإختيارتاعي قربني ليها على خاطر راه علوم إنسانية والحمدلله على كل حال
و شكرا على الموضوع

 

[لحظة أمل]

انا اختصاصي اعلام الي informatique
كي ديت الباك ماعجبنيش المعدل كنت حابة غير ميدسين
وندمت كي ماعاودتش السنا كي قبلوهم ب 12
​