هل مراقبة جوال الأخت أو الزوجة تدخل في الخصوصية

[eyad_shoo]

القلم الجريح

إن شاء الله ياخويا محمد خذ راحتك

:angel_not: اكتبى متل ما تحبى المهم لازم اتكونى مقتنعه فى كل الكلام

 

[farouk sansiro]

بدأت أكتــب بالقلــم همومــــــــى*****فبكى القلــم قبل ان تبكــى عيونى

تلك هي حقيقة طبعي فأعذروني ***** مشكلتي الصراحة وعنها لا تلوموني ​

 

[farouk sansiro]

يعطيك الصحة

 

[abidou 20081]

اكتبى متل ما تحبى المهم لازم اتكونى مقتنعه فى كل الكلام

الرد هذا كان على رجل وليس أنثى أخي
شكرا على المرور الكريم دمت

 

[abidou 20081]

يعطيك الصحة

الله يسلمك خويا وربي يحفظك نورت الصفحة بالطلة تاعك ربي ينورك

 

[*amina*]

السلام عليكم
فيما يخص اجابتي انا محتارة بين نعم و لا لكن بالنسبة للأخ يعني احيانا نعطيلو الحق اذا كان شاك بلي خاجة ماشي نورمال راهي تصرا لأختو اما ان كان من دافع الفضول او السيطرة فهنا منعطيلوش الحق لانو من البورتابل رايح يوصل لحاجة اخرى
اما للزوج اذا كانت الزوجة كذالك صاريلها حاجة مهيش طبيعية فيحق للزوج ان يفتش هاتفها لأن زوجته تعتبر شرفه و اي حاجة تمسها تمسو و اي كلمة غير لائقة تمسها تمسو اما ان كان من باب الغيرة او الفضول فأكيد هذا راح يخلق مشاكل بيناتهم لأن الشك في غير محله يعتبر اثم
و تبقى الظروف هي سيدة الموقف و التي تعطي اجابة عن تساؤلاتك اخي الكريم
شكرا لك دائما متميز كما عودتنا بمواضيعك الاجتماعية
بوركت اخي الكريم
والله اعلم
*بريق الايمان*​

 

[abidou 20081]

السلام عليكم
فيما يخص اجابتي انا محتارة بين نعم و لا لكن بالنسبة للأخ يعني احيانا نعطيلو الحق اذا كان شاك بلي خاجة ماشي نورمال راهي تصرا لأختو اما ان كان من دافع الفضول او السيطرة فهنا منعطيلوش الحق لانو من البورتابل رايح يوصل لحاجة اخرى
اما للزوج اذا كانت الزوجة كذالك صاريلها حاجة مهيش طبيعية فيحق للزوج ان يفتش هاتفها لأن زوجته تعتبر شرفه و اي حاجة تمسها تمسو و اي كلمة غير لائقة تمسها تمسو اما ان كان من باب الغيرة او الفضول فأكيد هذا راح يخلق مشاكل بيناتهم لأن الشك في غير محله يعتبر اثم
و تبقى الظروف هي سيدة الموقف و التي تعطي اجابة عن تساؤلاتك اخي الكريم
شكرا لك دائما متميز كما عودتنا بمواضيعك الاجتماعية
بوركت اخي الكريم
والله اعلم
*بريق الايمان*​

​

عندك الحق ختي ربي يخليك وحنا تاني قلنا الظروف هي الأساس لان الشك المباشر هذا يخلق كثير من المشاكل
وإذا كان من باب غيرة ولا خوف عليها أنا نظن إذا فهمت من هذا الناحية رايح يكبر في عينيها وتحس بلي كاين واحد يخاف ويغير عليها ويحميها بصح إذا كانت في كل مرة يسمط هكذا ترجع على شكل نقص الثقة وهذي لي ماشي مليحة وتوسع الهوة بين الأخ وأختو والزوج وزوجتو ولازم تكون الأمور مبنية على التفاهم والتقة خير ملي تكون مبينية على أمور هشة تم تم يبان العيب هكذا وتخلق مشاكل كبيرة ويرجع سوء التفاهم وقلة الثقة بين هذا الشخصين هو لي سائد
حفظك الله ورعاك أختي العزيزة وربي يعطيك ماتتمني دمتي ​

 

[LA BELLE KOUKA]

الثقه اساس كل شيء في عوض انك تراقب اختك او زوجتك حاول انك تكسبها احسن ​

 

[malako]

موضوع رائع

 

[abidou 20081]

الثقه اساس كل شيء في عوض انك تراقب اختك او زوجتك حاول انك تكسبها احسن

بارك الله فيك ختي لعزيزة كلام صواب والثقة أساس كل شيء والكسب خير من لخسارة وهي لازم تاني تعرف وتحافظ على هذ الثقة ربي ينورك وربي يحفظك دمتي

 

[abidou 20081]

موضوع رائع

أنت الأروع ختي بمرورك وكم كان يكون أكثر روعة لو أعطيتينا وجهة نظرك أنت دمتي أختي العزيزة حفظك الله ورعاك وربي ينورك كيما نورتي الصفحة ​

 

[aMiNa-K]

نورمال لوكان خويا يكون التلفون تاعي عندو.. ديجا بابا دايرني نيميرو بريفيري التلفون تاعي يظل عندهم في الدار..:001_wub:
و انا ماعنديش السوسة تاع التقرعيج نحكم كاش تلفون ندخل لل les jeux ولا نصور بيه برك.. وان شاء الله زوج المستقبل مانهبلوش :angel_not:.. و هو نفس الشي التلفون تاعي ادا حب يضل عندو ان شاء الله بصح ادا تكون عندو السوسة تاع التقرعيج و كل مرة يسقسي تماك نتقلق نحيلو يمات التلفون كامل و مايزيدش كامل يشوفو:001_tt2:

​

 

[البراءة]

انا واحد من الناس نايد فكرة تفتيش جوال اختي
طبعا نخاف عليها ومنحبلهاش لعواج:glare:
وهدا مش راح نحسبوه تجسس لانو الهدف من هدا شيء ايجابي

اما عن تشتيش المراة لجوال زوجها هدي حاجة عادية مادام الزوج مداير والو
وعلاه راح يخاف
​

 

[لينة]

ههههههههه
انا كي نتزوج نبدل la puce
لانو ماشي كيف كيف كي تكوني متزوجة و ماشي متزوجة

 

[abidou 20081]

نورمال لوكان خويا يكون التلفون تاعي عندو.. ديجا بابا دايرني نيميرو بريفيري التلفون تاعي يظل عندهم في الدار..
و انا ماعنديش السوسة تاع التقرعيج نحكم كاش تلفون ندخل لل les jeux ولا نصور بيه برك.. وان شاء الله زوج المستقبل مانهبلوش .. و هو نفس الشي التلفون تاعي ادا حب يضل عندو ان شاء الله بصح ادا تكون عندو السوسة تاع التقرعيج و كل مرة يسقسي تماك نتقلق نحيلو يمات التلفون كامل و مايزيدش كامل يشوفو
​

ربي يخليك وأنت طبقتي سياسة لي مايديرش علاش يخاف ,وتاني لحوايج لي مبنية على الثقة تكون حلوة ويكون التفاهم أكثر من التصادم والزوج المستقبلي إن شاء الله تاعك مارايح يتعب معاك وما يلقى حتى مشكل معاك إذا كان طبقتي هذا السياسة وبالعكس تزيدي تكسبي ثقتو أكثر وأكثر وإذا الواحد مخليتلو كامل التيليفون ويكثر من التقرعيج في كل مرة هذا تسمى سامط ويدخل نوع من نقص الثقة وهي لي تجيب المشاكل
ربي يحفظك وربي يخليك وينورك كيما نورتي الصفحة وربي يعطيك ماتتمني دمتي​

 

[abidou 20081]

انا واحد من الناس نايد فكرة تفتيش جوال اختي
طبعا نخاف عليها ومنحبلهاش لعواج
وهدا مش راح نحسبوه تجسس لانو الهدف من هدا شيء ايجابي

اما عن تشتيش المراة لجوال زوجها هدي حاجة عادية مادام الزوج مداير والو
وعلاه راح يخاف​

خويا لعزيز من حقك وهذي ختك ولازم تغير وتخاف عليها ولي ماحماهاش خوها شكون يحميها بصح لازم تفهم كيما هاك ماتفهمش بلي نقص ثقة باش ماتحسش بالنقص وما تكرهش حياتها في ما يخص تفتيش الزوجة لبورتابل زوجها نقولك إذا كان تنكاد هكذا تكرهلو حياتو تاني وإذا كان من باب تخاف على راجلها وغايرة عليه بلا سماطة زايدة نظن حتى هو يتقبل هذا ألمر عادي وكلش تسمى راح على طريقة التصرف
ربي يحفظك خويا وربي يجازيك وينورك ويعطيك ماتتمنى دمت ​

 

[abidou 20081]

ههههههههه
انا كي نتزوج نبدل la puce
لانو ماشي كيف كيف كي تكوني متزوجة و ماشي متزوجة

والله أختي العزيزة لينا أحي فيك الصراحة المتناهية لا يهمني مالخطأ أو الصواب لكن الجواب بتلقائية وبكل صراحة قليلا مانجده وافهم ماترمين إليه جيدا يعني لي كان قبل الزواج يبقى قبل الزواج وهكذا دخلتي حياة جديدة بنيميرو جديد
ربي يخليك وربي يحفظك ودمتي ودامت صراحتك المتناهية ​

 

[السوفي حمة]

خويا عبيدو أنا وأنت شكون يفتش البورتابلات نتاوعنا
أنا عندي برتابل دوبل بيس وأنت واش عندك ؟؟؟؟؟؟؟
لأن كل من يفتش لازمه مفتش حسب واش نعرف
وإلا حنا رجال مسموح لينا كلش ؟؟؟؟؟



​

 

[abidou 20081]

خويا عبيدو أنا وأنت شكون يفتش البورتابلات نتاوعنا
أنا عندي برتابل دوبل بيس وأنت واش عندك ؟؟؟؟؟؟؟
لأن كل من يفتش لازمه مفتش حسب واش نعرف
وإلا حنا رجال مسموح لينا كلش ؟؟؟؟؟​

هههههههه خويا حمة لي كيما وأنت على حساب مانعرف مافي كرشنا التبن مانخافو من النار أنا عندي n95 وعندي 1100 واحد لالين ولاخر بيس كارت وادام راني نكتب هكذا يعني ماعندي على واش نخبي وكلمة حنا الرجال مسموح لينا كلش ماشكيتش هذي ههههههههههههههه على حساب ماراني نشوف الرجالة حقرت ومازال يشوفو فيهم بهذ النظرة بصح كلامك حلو وليه معنى كبيرة وخير مانقولك رانا درك ليبر يعني حتى واحد مارايح يفتش بورتابلاتنا بصح نهار يكتب المكتوب دبر راسك خويا حمة دوبل بيس ماتنفعكش راهي تولي عندك فالدار بيس وحدة وياربي هههههههههههههههههههههه
ربي يحفظك وربي يخليك وربي يعطيك ماتتمنى خويا حمة نورت ​

 

[D aucun]

والله أختي العزيزة لينا أحي فيك الصراحة المتناهية لا يهمني مالخطأ أو الصواب لكن الجواب بتلقائية وبكل صراحة قليلا مانجده وافهم ماترمين إليه جيدا يعني لي كان قبل الزواج يبقى قبل الزواج وهكذا دخلتي حياة جديدة بنيميرو جديد


ربي يخليك وربي يحفظك ودمتي ودامت صراحتك المتناهية ​

واه خويا عبيدو انا تعجبني الصررحة لكني نتمنى انو لي يقول الصراحة تعجبو تانيك
واسمع الراي تاعي

ههههههههه
انا كي نتزوج نبدل la puce
لانو ماشي كيف كيف كي تكوني متزوجة و ماشي متزوجة

هنا دون اطالة وقلتها في موضوع من قبل انو كان الشخص الاول شابا يريد الزواج والثاني شيخا له حنكته في هاته الحياة
اراد الشاب ان يسأل الشيخ اي الفتيات احسن ؟لم يرد غليه الشيخ ألح فلم يرد
نهض الشاب منصرفا ثم قال للشيخ
يا ابت ادع لي ربي ان يرزقني ببنت حلال فأجابه الشيح وسأكتبها بالعامية
ربي يعطيهالك خارجة غير مع واحد
نظن فهمتيني وفهمتني خويا عبيدو