♥♥ قليل من الحب للتحميل ♥♥ Un peu d'amour téléchargé ♥♥

[Moha le sage]

انا لا ميموار نتاعي راهي معمرة
ماعندي وين نزيد

لاكان تحب نمدلك؟؟؟؟؟؟؟؟

انا الديسك دير تاعي فارغ من الحب والحنان ....... اذا قادرة كيفاش تعقبي عقبي منقولش الا

مرسي عليك

 

[شذى الجنة]

سلام خويا محمد
موضوعك رائع من جميع النواحي بارك الله فيك وكل مواضيعك قمة وتستحق النقاش
بالنسبة للظاهرة التي طرحتها هي ظاهرة منتشرة في عالمنا العربي وذلك راجع لعدة اسباب
وانا نقولك راني مجربة كل شي حكيت عليه وبالصدفة لقيت هاذ الحب و لقاني
والله أعلم كيف ستكون النهاية
تقبل مروري وشكرا لك مرة اخرى ​

 

[abidou 20081]

السلام عليكم خويا عبيدو
دايما متميز بردودك الاوسع والاشمل من المواضيع ..
حنا عاطفيين صح ..كي نشوفو مسلسل نتعلقو بيه .. كي نلقاو بطل خير نحبوه ولا شخصية قاسسية نكرهوها .. نتعلقو بالكليبات والافلام اللي تحكي قصص الحب .. بصح نهار تجي للواقع ناشفين ونغلبو المصلحة على اي احساس .. زيدلها خوافين و منحلوش قلوبنا حتى ولو لقينا ناس تستاهل

عوامل بروز الظاهرة هاذي العولمة و انتشار الانترنت في كل المدن .. والتطور التكنلوجي الكامن في المام الجيل هذا بوسائل الاتصال ..

اهم عامل في هاذ الظاهرة هي تمكن الاناث من الاتصال من البيت ... راح تقلي كيفاه ونا راح نجاوبك .. قبل مثلا كان التعرف صعيب .. متوقف على خروج الطفلة من الدار ولا في الجامعة ولا في وقت قصير ... ضف الى ذالك ان البنات ميحكوش مع الذراري بسهولة و باش يتعرفو لازم لقاءات بزاف .. الامر هذا غير مممكن في الواقع ..زيدلها عوامل خرى كالمجتمع اللي يلاحظ و يتبع سلوكات البنت و يهمل سلوكات الطفل ...

يعني بظهور هاذ الشبكة صارت الطفلة حرة بدون مراقبة على واش تدير وتخلصت من الاعين اللي كل مرة تتبعها .. وحتى لما الكثيرات يخرجو برا ..تلقاهم يروحو للسيبار ... من نفس المعادلة فهم اغلب الذراري ان الوقت تبدل وان بنات بزاف مسجلين في الانترنت .. فبدل هو ايضا التيريتوار تاعو .. بعدما كان باب الليسي و لا المارشي ولا الجامعة ولا l'arret de bus اللي كان هو يصايد فيهم ... و دورها انترنت و منتديات و بسودوات وتصاور وتعليقات قد تجلبلو واش يحب ومن ثم كبرت الظاهرة هاذي وتفاقمت و صار معضم البنات والشباب متعلقين بشخصيات في النت اكثر من معرفتهم لناس برا ......


حبيت نصارحك في حاجة خويا عبيدو .. سبقلي وسجلت في عدة منتديات فرنسية في معظمها..سجلت فيهم كاي واحد باش نشوف قدراتي و نعرف حوايج على المجتمع .. على كيفية التفكير تاعهم ..في مواقع .. كانت توفرلك الطرف الثاني لي هو الحب الضائع حسب هاذ المنتديات .. بحكم دينهم و مجتمعهم .. هاذ المنتديات الالكترونية تلعب دور كبير في التقارب عندهم .. يعني بمجرد انك تشوف صورة الطرف لاخر وتتبادلو كلام ورسائل حتما راح تديرو موعد لقاء .. يعني هنا المنتدى راه يلعب اكثر من 50 % من قسط التعارف ... عكس مجتمعنا العربي اللي مايسمحش بهاذ التعارف الا في الخفاء ..

وانا هنا مجرد محلل لا اكثر ولا اقل .. فيما اذكر سجلت في منتديات و غيرت مكان الاقامة وخليتو في فرنسا يعني كاني عايش معاهم واحتفظت بكل ميزات شخصيتي الصور القامة الدين اللغات ... نقلك كان كل يوم تقريبا اكثر من 10رسائل ولا فيديو تاع بنات عجبهم البروفيل كيما يقولو تاعي في تلاث منتديات ومواقع تعارف وكانو يبعثولي باه نتلاقاو في منطقة معينة او في مقاهي .. يعني باش نشوفو بعضانا ونتكلمو على الهواء الطلق ونخرجو من الافتراضية للواقع ... وهاذا هو الصح عندهم والا وعلاش يسجلو اصلا ...

هاذ القصة سردتها من باب اثراء الموضوع لا من باب ذكر مغامراتي .. باه نعطي مقارنة فقط بين المنتديات الغربية ومنتدياتنا العربية ......

يعطيك الصح خويا عبيدو ...

وعليكم السلام ورحة الله تعالى وبركاته
تحليلك منطقس وواقعي إلى أبعد الحدود أخي محمد يعني من خلال تحليلك نفهم بلي سبب كل هذا المشاكل هي الكبت بلغة علم النفس لكن المشكلة لكبيرة منين الأغلبية حبت تتحررمن هذاالكبت ماعرفتش طريق لي تمشيها ومنه تخلقت عندنا نقص الثقة والخوف في كل المجالات وبالنسبة ليا محمد وبكل صراحة ماتهمنيش الطريقة لي يتلاقا بها الشاب مع الشابة لأن الصدف بزاف وكل واحد كيفاش تلاقا مع لي يحبها وتحبو يعني طريقة الإلتقاء ماتهمش كيما التوافق والهدف من العلاقة ومع العلم لأن الهدف يتحدد في الكثير من الأحيان بعد التواصل وعلى هذي نشوفو لونقاجمون بزاف والأهداف قليلة تسألني علاش نقولك الأغلبية يكتشف عدم التوافق بعد التواصل والبعض إختلاف في الأهداف كاين لي يحوس على علاقات عابرة وخلاص بالنسبة للمغامرة تاعك عبر المنتديات بالرغم نقولك زادت النص فالموضوع صح من باب المقارنة ومليح كي تأخذ المقارنة من باب التجربة هكذا تكون النتائج دائما صحيحة ونصارحك أنا ماعنديش هذا المغامرات يعني كيما يقولو ما بحثش فيهم بصح من باب واش حكيت أ،ت ومن باب واش رانا نشوفو نقدرو نحطو بعض النقاط منها أن أصحاب عقلية الإنفتاح كيما في أوروبا يبنو على الواقع يعني الأنترنت مجرد وسيلة ومن بعدها يخرجو للواقع ويشوفو هل تتطابق الصورة لي رسموها في الخيال مع الصورة فالواقع وماتنساش أنهم من مجرد لقاء الأول يقدرو يقيمو الشخص واش يسوى سيريو تاع هف العقلية كيفاش وراني نهدر على العلاقات الحقيقية ماشي أصحاب العلاقات العابرة لكن لو نحطو المجتمع تاعنا والمجتمع تاعهم نلقاو فرق كبير وما نهدرش على التحفظ نهدر على العقليات بحذ ذاتها هما متربيين على حاجا لي هي الصراحة وماعندهمش زوج وجوه وحنا يالطيف تلقاها في منتدى دايرة أيات قرأنية وتهدر غير بالدين تقول من الجامع ماتخرجش وفي منتدى أخر تصويرة تحشم أنت باش غير تشوفها وتاني هنا مارانيش عمم يعني ماعندناش طريق وحدة ومن هذا التصرفات تلقاها حتى في علاقاتها على هذا النحو وهنا راني نهدر كي الطفلة كي الطفل ومنها الطفلة دايما في راسها الطفل هذا راه يجيب فالوقت بيا والطفل تانبي نفس التفكير ويقعدو كي القط والفار هذا يعس في هذا وحتى هدرة تاع فايدة ما يحطوها ويدرسوها مع بعض نجيك درك علاش ولينا عاطفيين في الخيال كثر من الواقع من هذا الأمور كامل لي راهم يصراو كل شخص ولا يحوس على علاقة مثالية كاملة في الواقع مستحيل كاين عوامل بزاف تأثر على هذ العلاقات وما ندخلوش فيها بصح فالأفلام يلقاو راحتهم فيها ويعيشو المشاكل لي تصرى بكل جوارحهم ولوكان نفس المشاكل تصرالهم ما يقدروش يستحملوها يعني يتقبلو المشاكل هذيك من الفيلم ولا المسلسل وفالواقع غير مسموح ومنها نقولك أننا الفيلم ندو منو اللب ونرمو لقشور يعني مانستفادوش منو وعلى هذي تراكمت عندنا قصص بزاف وحبينا نلقاوهم في شخص واحد وهذي من المستحيلات الواقع شي والفيلم شيء أخر وباش مانكثرش عليك وراني نشوف في روحي طولت نقولك بلي الأغلبية تاعنا عندهم نظرة مسبقة بالنقص دايما ولي خلقت هذا الجو تاع النت وغيرو وراك ذكرت ظاهرة تاع الملاقيات تاع بيبان الليسي وغيرها وهذي كلها ملاقيات تاع هف وتفوات وقت يعني يجو يتفرجو فالسلعة ولي عجباتو يحط موراها وهذا من اللول يعني مفقودة منو الثقة عكس الشخص لي حط عينو على واحدة من قبل وبعد ماعرف عليها حوايج ملاح لتم بدى يحط عليها والمشكلة كامل لي يشكو من نقص الثقة بداو علاقتهم بالطريقة لي راك هدرت عليها يعني من اللول الإخيار غالط ويحملو فالناس المسؤولية نتمنى فهمت لواش راني نرمي خويا محمد وربي يحفظك ويخليك وربي ينورك ويعطيك ماتتمنى دمت ودامت مواضيعك المميزة ونتمنى ماكثرتش عليك *​

 

[Moha le sage]

لي عودة مع الردود ................

 

[Dr.CrAzY]

وش راح نقولك
ضربتني بموضوعك في الصميم
بكل صراحة
تقدر تقول خوك راهو يعوم هنا
اوربما تتطور العلاقة وتولي
par tel
والقضية مش اني مالقيتش في الواقع
أصلا ماحوستش باه نلقى
لكن الصدفة في النات وكيف قلت السكايب والميسنجر
جعلتني نلقى
وتقدر تقول والفت بهداك العبد
....اعععع عبالي راني نبان طايح على راسي
مي معليش كي تكون تستاهل
.........
الكلام ليقلتو خويا معظموا صحيح
وكيف يقولك سقسي المجرب وماتسقسيش الطبيب
شكرا على الموضوع
واش نقواك على الرابط
دركا راني plein d'amour
اذا احتجت راني نرجعلوا
thanks


​

 

[Moha le sage]

لي عودة ................

 

[القط ابو جزمة]

مياو مياو

انا نحوس على قطة وميكونش ضفارها طوال ولازم تكوم مكونيكتيا ديما

 

[امينة.19]

بصح كاين 1% من قصص المنتديات تكمل بزواج و يتوج فيها هاذ l'amour online بارتباط ...

الباقي اوهام .. بصح هي حاجة تصبرو بيها رواحكم لان حياتنا العادية متخليكمش تعيشو كيما حابين .. لان حياتنا العادية كي تقول نحب حرام وعيب .. وكي تقول العيب و تدير الحرام ...normal

وهاذ الشئ لي يغيض .......

شكرا اخي على هذه الالتفاتة المميزة عندك الحق بلاك 60%من الشباب بانيين احلام وهمية عبر النث والهواتف النقالة نتمى منهم يتعقلو ويعيشو في الواقع ملزمش يتهربو منو لازم يواجهو مش يحوسو يتهربو بطرق ابشع من الواقع .كل شئ بالمكتوب

 

[ميسومة الدلوعة]

شكرا لك على هدا الموضوع نقلك الصح الحب يجي خطرة وحدة ما شي زوج خطرات والي يحب بزاف نقلو دلك ماش حب ولف برك قادر الي يجي ينسيك في الحب القديم

 

[Moha le sage]

لي عودة ..........................

 

[best-arch]

ما لقيت ما نقول كلماتك بالفعل حقيقة و تنطق عن لسان الجميع...........و حقيقة جد محزونة نتمنا ان تتغير.....

مشكوووووووور................بوركت على الموضوع




​

 

[بنت لبلاد]

موضوع رائع
حنا لازم نخدمو عقولنا قبل قلوبنا لازم الانسان يحسب كل شئ بالملي
الحياة هادي كي نجيو نشوفو مهيش ملكنا وحدنا ملك لجميع لي دايرين بينا
الكمبيوتر مش رايح يولي مجتمعنا مجتمعنا هو لي رانا عايشين فيه
مجتمعنا لي نحسو بيه لي نقومو بنشاطات حيوية فيه
لازم كلنا نحطو في بالنا بلي ملزمش نرتابطو باشخاص مش شايفينهم
لازم منعلقوش قلوبنا بحب وهمي قادر يكون من نفس الجنس بلا معمبالنا بهاد الشئ
و من بعد تولي صدمة قوية علينا

 

[KYNG]

طرحك هايل والستيل تاعك روعة مايلقى الواحد ما يعبر
الحب في الانترنت هي طريقة للهروب من مشاكل الواقع

مرسي محمد

 

[صمت الذكريات]

موضوع اكثر من رائع و طرحك مميز
جزاك الله خيرا ان شاء الله

 

[Moha le sage]

سعدت بمروركم العطر ,,,,,,,,,,,,,,,,,,,,,,,,,,,,,,,,,

 

[جوليا]

موضوعك روعة محمد نشاله تقعد ديما في القمة
جوليا

 

[njouud]

merciiiiiiiiii

 

[Moha le sage]

بصح كاين 1% من قصص المنتديات تكمل بزواج و يتوج فيها هاذ l'amour online بارتباط ...

الباقي اوهام .. بصح هي حاجة تصبرو بيها رواحكم لان حياتنا العادية متخليكمش تعيشو كيما حابين .. لان حياتنا العادية كي تقول نحب حرام وعيب .. وكي تقول العيب و تدير الحرام ...normal

وهاذ الشئ لي يغيض .......

شكرا اخي على هذه الالتفاتة المميزة عندك الحق بلاك 60%من الشباب بانيين احلام وهمية عبر النث والهواتف النقالة نتمى منهم يتعقلو ويعيشو في الواقع ملزمش يتهربو منو لازم يواجهو مش يحوسو يتهربو بطرق ابشع من الواقع .كل شئ بالمكتوب

كيما قلتي امينة كلشي بالمكتوب ومليح الانسان يسعى لمكتوبو ثاني ما يبقاش يتفرج

والناس عقليات في النت وبرا .. بصح غلب عليها الطالح من الفالح

صح فطورك

 

[السوفي حمة]

محمد كتروح تصلي التراويح
أدعي وقول ربي يعطي لكل واحد
واش يتمنى ويعطيه على حساب نيتو

​

 

[Ra Off]

هيه يا محمد هههههه ... ربي يعاونك

::

فيه **** ولا ومافيهش ؟؟؟
خاطاك بلا **** مايدومش بزاااف ​