بقــــلات طيلــــة شهـر رمضــان كل الأعضـاء أدخل ، أعقــــد و انـــوي و قــرا فـــالك ال

[وردة الروح]

السلام عليكم
و عليكم السلام و رحمة اله و بركاته
​

صحة فطورك

ربي إعيشك و انت زادة
راكي طولتي غير الخير ؟
​

حبيبتي وردة

نعم حبيبتي جينان ؟

وش حوالك اليوم ؟؟ ان شاء الله مليحة وبخير ...

راني مليحة و الحمد لله و انت كيفك ؟

انوي فالك اليوم يقول

بسم الله

بسم الله بديت وعلى النبي صليت

عليه أفضل الصلاو و أزكى التسليم

جايز على باب دارنا ، لابس تلمساني ، قتلو يا شيخ

الله أكبر و اش هذي الشيخ با جينان ؟
علاه حرام عليك ؟
أنا طفلة الله الله علي كما الوردة في البستان يديني شيخ ؟
وعلاش حرام عليك ؟
ماكانش كيفاش
أنا نتدي واحد شاب جاي للدنيا ولا ما نديش خلاص ؟
​

اتمنى تعجبك

ما عجبتنيش خلاص ؟
ما عليك غير تبدليها و فورا ؟

سلامي لك​

 

[zahra09]

السلام عليكم

واش راكم

صحا فطوركم او صحا فطوركم

تصبحوو بالف خير​

 

[jinan27]

ههههههه تعرفي والله ضحكتيني خاطر حسيت بيك زعفت من بوقالة !!!!
حبيبتي انت وردة الله الله بصح كلش مكتوب ربي هو الصح اما هذو البوقالات انا عن نفسي هم للتسلية لا أكثر
وخاطرك غالي خلاص هذي البوقالة في خاطرك ويا رب تعجبك هذي المرة اما الاولى اسفة والله ما كان قصدي
ان شاء الله ربي يرزقك بسيد الشباب قولي امين
انوي ضرك


أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .

يوووووووووويييووووووووووي
وهذي الزغرودة في خاطرك

دعواتي لك
كل الود
​

 

[jinan27]

السلام عليكم
وعليكم السلام ورحمة الله وبركاته​

واش راكم
لاباس الحمد لله وانتي ؟؟؟ ان شاء الله تكوني بافضل حال​

صحا فطوركم او صحا فطوركم
الله يسلمك وانت زادة صحة فطورك وسحورك​

تصبحوو بالف خير
وانت من اهل الخير والجنة​

 

[وردة الروح]

السلام وعليكم وشراكم وصح فطوركم
انا اول مرة راح نشارك في منتداكم الرائع ممكن نحط بوقالات

أهــــلا حبيبتــــي
tatouha
مرحبــــأ بـــك في قعدتنـــــا المميـــز و الشــــابة
و هذي البوقالــة في خاطـــــرك
لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.

على ربي تعجبك
سهـــــرة ممتعــــة ​

 

[وردة الروح]

السلام عليكم​

واش راكم​

صحا فطوركم او صحا فطوركم​

تصبحوو بالف خير​

أهليــــن حبيبتـــي
زهــــرة
صـــح فطــــوركم
و بمـــا أنه زرتنــــأ الليلة
هذي البوقالة في خاطرك
بسم الله
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

على ربي تعجبك
ســــلام

​

 

[وردة الروح]

ههههههه تعرفي والله ضحكتيني خاطر حسيت بيك زعفت من بوقالة !!!!

حبيبتي انت وردة الله الله بصح كلش مكتوب ربي هو الصح اما هذو البوقالات انا عن نفسي هم للتسلية لا أكثر
وخاطرك غالي خلاص هذي البوقالة في خاطرك ويا رب تعجبك هذي المرة اما الاولى اسفة والله ما كان قصدي
ان شاء الله ربي يرزقك بسيد الشباب قولي امين
انوي ضرك ​

أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .​

يوووووووووويييووووووووووي
وهذي الزغرودة في خاطرك ​

دعواتي لك
كل الود​

هكـــذا نتفاهمــــو عزيزتـــي
واش من الشيخ يرحم باباك
هههههههههه
هـــذي راهـــي عجبتنـــي
تعيشي حبيبتي
و أكيـــد البوقالات نتسلو فيهم فقط
بصح و مع ذلك لازم تكون التسلية تسر القلب
ماشي شيـــخ يا جينــان
رني تغميـــت ؟
ربي يحفظـــك ​

 

[Moha le sage]

اهلا بيك وردة

روحي ترى انوى عليا بوقالة تكون كحلة كي ايامي

صح فطورك

 

[jinan27]

​

ماشي شيـــخ يا جينــان
رني تغميـــت ؟

ربي يحفظـــك ​

هههههههههه
وعلاش الغمة ،،تعرفي أنا أصلا ما شفتش البوقالة كما شوفتيها انت ...
تعرفي مثلا احنا كنا في الجامعة كنا نقدرو الاستاذ وننادي عليه يا الشيخ رغم ان كلهم صغار في السن وشباب الله الله
المهم ان البوقالة الاخرى عجبتك وراقت لك وهذا الأهم
ما تتغمي ما والو وش مكتبلك ربي يجيك حبوبة
دعواتي لك​

 

[وردة الروح]

اهلا بيك وردة

روحي ترى انوى عليا بوقالة تكون كحلة كي ايامي

صح فطورك

أخـــي
Tarkan
صـــــح فطــــورك
أهـــلا بك في قعدتنــــا الشــــابة هــــذي
والله نورتنـــنا بوجـــــودك
و هـــذي البوقالــــة في خاطـــرك
بســــم الله
اعقــــد
و انـــــوي
و هـي بوقالــة بيضــة كما سعــدك و أيــامك
مشيتي عالية... وطولتي دالية... شبان ورجال ... يتبعو فيا ويمشو مذلولين ...مثل حمير القرية والبادية...ومن غير المولى وحبيبو ما في مين يعلى عليا ​

و هذي تولويلـــة عليـــك
يوووويوووووووووويووووووووييييياااااااااااااااااااااااااااااا​

على ربي تعجبــــك

وماشي المـــرة التاليــــة ​

سهــــــرة ممتعــــــة ​

 

[وردة الروح]

هههههههههه

وعلاش الغمة ،،تعرفي أنا أصلا ما شفتش البوقالة كما شوفتيها انت ...
تعرفي مثلا احنا كنا في الجامعة كنا نقدرو الاستاذ وننادي عليه يا الشيخ رغم ان كلهم صغار في السن وشباب الله الله
المهم ان البوقالة الاخرى عجبتك وراقت لك وهذا الأهم
ما تتغمي ما والو وش مكتبلك ربي يجيك حبوبة

دعواتي لك​

آآآآ إسمحيلـــي
ماعلباليش بليك راكي على الشيوخة اللي قراونا في الجامعة ؟؟؟
كـــان لازم تفهميني يا العزيزة
لا كان هذا واش قصدتي ما عليهش ؟
ههههههههههههه
ربي يحفظك
​

 

[وردة الروح]

صـــــح فطـــورك
حبيبتـــي
جينــــان
على سلامتــــك
انشـاءلله تكونـــي بخيـر و جوزت نهـار شبــاب
و هــذي البوقالـــة في خاطـــرك
يا اللي زايدة في عذابي في النهار انومك و في الليل نترجاك أعطيني كلمة من فمك يرحم اللي رباك

انشاءلله تعجبــــك
و سهرتـــك ممتعــــة

​

 

[jinan27]

لا كان هذا واش قصدتي ما عليهش ؟
ههههههههههههه
ربي يحفظك ​

خلاص كي عجبك الحال ربي يرزقك بشيخ من الشيوخة تاع الجامعة ويكون شباب وصغير في السن
عارفة ضرك راحتلك الغمة وراني نشوف فيك تبتسمين من الحشمة
ههههههههه
قولي امين​

 

[وردة الروح]

خلاص كي عجبك الحال ربي يرزقك بشيخ من الشيوخة تاع الجامعة ويكون شباب وصغير في السن

عارفة ضرك راحتلك الغمة وراني نشوف فيك تبتسمين من الحشمة
ههههههههه

قولي امين​

لالا
ما ابتسمتــــش
ضحكــــت حتى معدتي وجعتني
ههههههههههههههه
آمين يا رب العالمين
شكرا
و لك بالمثل ​

 

[jinan27]

اهلا وسهلا يا الوردة
صحة فطورك حبوبة ،،وش اليوم راك مليحة ؟؟
اليوم فالك يقول
بسم الله

جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق
يا رب تعجبك اليوم
سلامي​

 

[وردة الروح]

الله إسلمـــك و انـــت زاده
اليوم راني تعبانــــة با العزيزة
و الله غير تعبانة بـــزاف
و الحمد لله على كل حال
حال خير من حال
إسقسي عليك الخير
ربي يسترك
البوقالة راهي عجبتني الله يسترك
و يعطيك الصحة
سهـــرة ممتعـــة
​

 

[azoula]

بسم الله
البوقالة 7 :
اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

شكرا وصح رمضانك

 

[وردة الروح]

بسم الله
البوقالة 7 :
اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

شكرا وصح رمضانك

صـــــح فطـــــورك
شكرا لمـــرورك
و هـــذي اليوقالـــة في خاطـــرك
عيطت على سيد الملاح ... حسبت الناس رقود ... تزعزعت الدالية طاح منها عنقود ... النجوم قالت نكشف والقمر قال نذوب ... اصبر ياقلبي ياك كل شيء مكتوب .

سهــــــرة ممتعــــــة
​

 

[وردة الروح]

حبيبتــــي جينــــان
صـــح فطـــورك
أمسية طيبة و قعدة ممتعــــة
و هـــذي بوقالتـــك لهـــذه الليلة المباركــــة
شجرة ياسمين نايضه في وسط الغرفه ... عروقها سنجبير وغصانها قرفه ... والله ماننساك يازينه الوقفة .

أرجو أنت تعجبك
و سهــــرتك ممتعــــة ​

 

[وردة الروح]

حبيبتي حبيبة الرحمن
صــــح فطـــورك
و أهـــلا بـــك
و هــــذي بوقالتك لهذه الليلـــة
ياخاوتي ياولاد العموم ...الدنيا الدور والشده ماتدوم .... والحال خليه على حالو ... واللي مكتوب في الجبين تشوفو العين .

أرجـــو أن تعجبــــك
و سهــــرتك ممتعـــة
​