بقــــلات طيلــــة شهـر رمضــان كل الأعضـاء أدخل ، أعقــــد و انـــوي و قــرا فـــالك ال

[نور الشحرورة]

مساء الخير
نويت هذي على حبيبي و خطيبي العزيز
البوقالة 5

:
جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .
دمت حبيبي بود

 

[RaNiA]

البوقالة 4 :
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

ههههه مازال الحال شوي ​

 

[jinan27]

الخمري جا يخطب فيا وجابلي معاه هدية
نعطيلو روحي ونزيدلو عينيا
هذي البوقالة في خاطرك حبيبتي وردة الروح
أما أنا نويت على البوقالة رقم 5
اني نسنى تعطيني بوقالة من عندك وزيد زغرودة من فوق هههه
صحة رمضانكم وكل عام وأنتم بخير
​

 

[shy_girl]

البوقالة 4

: النور يا النور و النور عينيا طبطبوا على الباب و جابو لي اللي عزيز
عليا راني نتمنى من ربي يجي يطلب يدي من ماليا .

آميــــن يا ربي
ان شاء الله كي نهار اليوم و علاش لا لا
آه انا تاني عندي بوقالات بزاف ربي يعيني و نجيبهم لحبابي في اللمة
شكرا لك
​

 

[وردة الروح]

مرحبا بكل أحبابي
مرحبا بك حبيبتي جيــــنان نورت الموضوع والله
راني نستنى في طلتك البهية
شكرا للبوقالة اللي نويت علي
و أنا ننوي عليك هذي و هي من البوقالات اللي عندي
أعقدي و نوي و على اله تعجبك ههههههه

في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .

و هذي على كل الأعضـــــاء الأعــــــزاء

حكمت الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف .


و هذي زغــــرودة في خاطرك جيـــــان​

بووووووووووووووووووووبووووووووووووووووووبوووووووووووووووووويااااااااااااااااااااااااااااااااااااا

صهرة ممتعة حبيبتي ​

 

[jinan27]

باسم الله بديت ..و على النبي صليت ...
رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
في خاطرك وردتي الجميلة...اتمنى تعجبك
طبعا بوقالتك عجبتني ،،،
شكرا حبيبتي على كلامك الرائع وعلى الزغرودة
وهذي في خاطرك يووووووووي ،،،اليوم قراجمي يوجعو هههههه
المهم زغردتلك
وهذي البوقالة الى اختي
باسم الله بديت ..و على النبي صليت
خيرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
صحة سحوركم
​

 

[وردة الروح]

بسم الله بديت و على النبي صليت و على الصحابة رضيت
عقدت و نويت هذي على روحي
على وردة الروح هههههههه

أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .
يا رب تعجبك هذي يا وردة الروح
؟؟؟؟؟؟​

 

[imadyahia1]

البوقالة 4

:
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

 

[وردة الروح]

بسم الله بديت و على النبي صليت و على الصحابة رضيت
و هذي على مشرف
رمضانيات اللمة
@MINI -FARID@
في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .

يووووووووووووووووووووويووووووووووووويووووووووووووووويوووووووووووويا انشاء لله تعجبك
صح صحورك

​

 

[وردة الروح]

لسم الله بديت و على النتبي صليت و على الصحابة رضيت
أعقدت و نويت هذي على الزميل
عماد رامي ​

imadyahia1

يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك .
انشاءلله تعجبك
صـــــح صحـــورك
​

 

[نور الشحرورة]

البوقالة رقم 1

:
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

 

[Łøst Fłôwęr]

شكرا بزاف وردة الروح
البوقالة رقم 1

:
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

​

 

[Łøst Fłôwęr]

وهذه على لبعدي

1-انت كالوردة فالكاس انحبك و ما عندي حاجت فالناس...

ان شاء الله تعجبكم​

 

[din@ c00l]

البوقالة 4

:
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

 

[ZAHRA-NOOR]

البوقالة 2

:
نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .
شكرا

 

[أحلام البليدية]

البوقالة 3

:
يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة
شكرااااااااا

 

[إبن الشاطئ]

البوقالة 7 :
اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا
.يصح شكون يفسرهالي

 

[رفيف_ العلمة]

البوقالة 4

:
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .

شكرا لك​

 

[وردة الروح]

أحبائي صح فطوركم
و هذب البوقالة في خاطركم جميعا
​

باسم الله بديت ..و على النبي صليت …وعلى أصحاب الأسماء ألي تبدأ بالجيم هذى البوقالة نويت…

رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.
صهرة ممتعة أتمناها لكم جميـــــعا ​

 

[ACHWAK2002]

النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .
ههههههههههههههههههههههه