علاه لي تقيمك تخليها ولي تتكسل عليك تبعها؟

[pRiAnCa*mCeE]

- السلام عليكم ورشراكم ان شاء الله تكونو بخير ...
المهم انا عندي سؤال ديما نطرح فيه على نفسي ومالقيتلوش جواب انشاء الله نلقاه عندكم يا شباب اللمة ...
- لاحظت بلي اغلبية الشباب يتعامل مع اللي تحبو بواحد الطريقة هكا بمجرد انو يعرف انها تحبو وماتقدرش تخليه خلاص يبدى يلعبها مارgة تكسال و طيارة ومنا...و وحدة كي تزيرو وتعمل روحها معلابالهاش بيه تلقاه لاصق فيها كي العلكة...ممكن تفهموني ؟؟؟السؤال للشباب و البنات ممكن تعلقو فقط جاوبوني :confused1: :confused1: :confused1: :confused1: :confused1:

 

[لينة]

صح كاينة منها
و راهي تصرا ياسر

 

[pRiAnCa*mCeE]

مرسي حبوبتي لينة على المشاركة انا عييت نفهم علاه يديرو هكا يحبو التزيار sur هيا يا شباب فهمونا

 

[nabil_39]

السلام عليكم أختي نشاء الله راكي مليحا
كاين عباد يحبوا يتحدوا يقلك نجيبها نجيبها و منباعد كي يوصل ليها يبدى يفتش على ضحية أخرى يتحدى بيها نفسه أو أصدقائه ..... ربي يهديهم
تقبلي مروري و تحياتي​

 

[لينة]

مرسي حبوبتي لينة على المشاركة انا عييت نفهم علاه يديرو هكا يحبو التزيار sur هيا يا شباب فهمونا

مام انا مانيش فاهمة وعلاه يديرو هك

 

[pRiAnCa*mCeE]

السلام عليكم أختي نشاء الله راكي مليحا

كاين عباد يحبوا يتحدوا يقلك نجيبها نجيبها و منباعد كي يوصل ليها يبدى يفتش على ضحية أخرى يتحدى بيها نفسه أو أصدقائه ..... ربي يهديهم

تقبلي مروري و تحياتي​

وعليكم السلام ورحمة الله تعالى وبركاته انا راني مليحة و الحمد لله خويانبيل انشاء الله تكون انت بخير...انا نضن بلي هذا تصرف تاع انسان ما عندو حتى حاجة في حياتو يديرها غير اللعب لاه ميروحش يشوف حاجة يتلهى بيها تفيدو واذا شاف روحو محتاج انسانة تفهمو يشوف وحدة تساعدو ويتهنى ربي يهديهم هذا ما نقولو شكرا على المشاركة

 

[pRiAnCa*mCeE]

مام انا مانيش فاهمة وعلاه يديرو هك

هوما شباب و يفهمو بعضاهم خلي ضك يفهمونا هوما نحن في الانتظار شباب

 

[ج.محمد الصالح]

كما قالك خويا نبيل يدروا مخاطره لي طيحها عندوا حاجه سما بنات والو زواوش من بعد كي يطيحها يكرها

وكاين حاجه اخرى كراهي طفله لي تتكسل عنوا مليحه على لخره وفيها مميزات اخرى ولا هو حبها صح منعرف
ناس مش كيف كيف كل واحد كيفاش يخمم
ربي يسهل على اي واحد

ربي يهدي كل واحد هذا مكان كي طفل كي طفله ؟
ولك مني اجمل التحيات والتقدير
​

 

[kikina]

اكبري شوي و خدمي عقلك تلقاي لحل//ستسفر لكي الايام صغيرتي على الجواب الشافي وتأتيكي بما هوى صواب //

 

[poli]

غريزة في العبد ضك نفسرهالك ههههههههه
اللي يحبك ماش قصة تدلل عليه بصح راكي ضامنته يبغيك تولي ماعندك حاجا فيه
و تروحي تكسبي اللي مايحبكش
ههههههههه عبقورة ياه
مارسي

 

[الأستاذ مصطفى]

ههههههههههههههههههه
أنا عندي الجواب ومقنع

البنت كي أول ماتقولها نبغيه وهي تقولك أنا كمان هاذي بنت ساهلة وممكن أي شخص يخليها تحبو يعني قلبها ضعيف

مي البنت اللي تشيبك باه تقولك راني موافقة هاذيك اللي مانقدروش نفرطو فيها ومانخافوش عليها
وأي شاب يحب البنت كي تعييه يعني تشيبو باش تقبل ماشي ذيك اللي من أول كلمة
وبارك الله فيكم على الموضوع وأسمحولي​

 

[pRiAnCa*mCeE]

كما قالك خويا نبيل يدروا مخاطره لي طيحها عندوا حاجه سما بنات والو زواوش من بعد كي يطيحها يكرها ​

وكاين حاجه اخرى كراهي طفله لي تتكسل عنوا مليحه على لخره وفيها مميزات اخرى ولا هو حبها صح منعرف
ناس مش كيف كيف كل واحد كيفاش يخمم
ربي يسهل على اي واحد​

ربي يهدي كل واحد هذا مكان كي طفل كي طفله ؟
ولك مني اجمل التحيات والتقدير​

انا كاين لي قالولي بلي لي تحبك وتعملك كل وش تحب تولي صامطة لازم وحدة دورة وتخرجلو بعقلية و يشيط معاها خير :confused1: عجب ! ! ! ربي يهدينا مرسي عليك خويا على مرورك المشرف

 

[pRiAnCa*mCeE]

ههههههههههههههههههه

أنا عندي الجواب ومقنع​

البنت كي أول ماتقولها نبغيه وهي تقولك أنا كمان هاذي بنت ساهلة وممكن أي شخص يخليها تحبو يعني قلبها ضعيف​

مي البنت اللي تشيبك باه تقولك راني موافقة هاذيك اللي مانقدروش نفرطو فيها ومانخافوش عليها
وأي شاب يحب البنت كي تعييه يعني تشيبو باش تقبل ماشي ذيك اللي من أول كلمة

وبارك الله فيكم على الموضوع وأسمحولي​

هذي هي لي قاهالي الاغلبية شكرا خويا لعزيز على المرور الكريم بوركت

 

[الأستاذ مصطفى]

هذي هي لي قاهالي الاغلبية شكرا خويا لعزيز على المرور الكريم بوركت

يعني زيرو رواحكم وما تفشلوش بزاف قدام الحب حتى تتأكدو​

 

[pRiAnCa*mCeE]

يعني زيرو رواحكم وما تفشلوش بزاف قدام الحب حتى تتأكدو​

وراس خويا يا انا غير مزيرة فوق الحق ومنيش ساهلة لدرجة نعطيه فرصة يعود يتكسل عليا مرسي على النصيحة خويا

 

[ج.محمد الصالح]

انا كاين لي قالولي بلي لي تحبك وتعملك كل وش تحب تولي صامطة لازم وحدة دورة وتخرجلو بعقلية و يشيط معاها خير :confused1: عجب ! ! ! ربي يهدينا مرسي عليك خويا على مرورك المشرف

لالا اختي راكي غالطه انت راكي تراعي من منظور واحد برك نحكيلك قصه اخرى وانت افهميها كما حبيتي
انا نعرف واحد حب وحده صح ولكن هي متكبر شويه شغل تلعب فيها مارقه المهم هو حبها حب لا حدود ولكن هي معرفتش كيفاش تتوقف على لعب نتاعها وتصوري في نفس الوقت تقرى معاه وحده دارت معاه بحث حباتوا بصح حب وحده اخرى كما يقلوا حب يعمي هههههههه
ولكن هو كي شاف لي تقرى معاه محتارماتوا وداريتلوا قيمه ولا هو ندم كيفاش محسش بيه وذرك راهم مع بعضاهم ونوايها لحلال عادي كلش بالمكتوب وكي سمعت لخرى غاضه حال لازم انسان يعرف كيفاش يتعامل مع ناس باه يكسب قلوب ناس واذا قعد انسان متكبر راح يقعد وحدوا
وانت راكي تراعي شاب واحد تقيسي عليه راعي لخرين شوفي عقليات اخرى
هذ هي
​

 

[brahimalg]

ههههههههه .. اول شيء السلام عليكم .. و مرسي على طرح اموضوع

.. نقولك اختي هي تصرا بزااف صح كما قلتي ... و انا الحمد لله مراهيش تصرالي .. لانو انا مانيش عشاق مريول .. و كم يقالك لكبدة صعيبة وأنا مانيش حاب نكبد ..

و لي راها تصرالو مدبينا يجاوبنا .. و منكم نستفيذ ...

و مرسي على الموضوع و تقبلي مروري

 

[brahimalg]

و ثاني نقولك راهو كل شيء بلمكتوب ...

انا كنت نعرف 3 صحابي زاكي و سيدو و نور الدين .. و هما 3 اولاد ... زاكي يحب بنت اسمها أماني و سيدو ثاني يحب أماني و نور الدين يحب بنت اسمها دعاء .. . لحد الان مشكل مكان ... و لكن المشكل على بالك واش هو ؟؟ هههههههههههههه
شوفو يا سيدي .. طلعت انو أماني تحب نور الدين و دعاء تحب سيدو . و بصح مع لايام واش صرا ؟؟
زاكي دا أماني كما كان يحب و نور الدين د دعاء ... شوفتو الحب راهو تبهديلا و مخلبط كل ..

 

[pRiAnCa*mCeE]

و ثاني نقولك راهو كل شيء بلمكتوب ...

انا كنت نعرف 3 صحابي زاكي و سيدو و نور الدين .. و هما 3 اولاد ... زاكي يحب بنت اسمها أماني و سيدو ثاني يحب أماني و نور الدين يحب بنت اسمها دعاء .. . لحد الان مشكل مكان ... و لكن المشكل على بالك واش هو ؟؟ هههههههههههههه
شوفو يا سيدي .. طلعت انو أماني تحب نور الدين و دعاء تحب سيدو . و بصح مع لايام واش صرا ؟؟
زاكي دا أماني كما كان يحب و نور الدين د دعاء ... شوفتو الحب راهو تبهديلا و مخلبط كل ..

هههههههههه تخلطت طول مرسي ليك خويا على المرور

 

[pRiAnCa*mCeE]

لالا اختي راكي غالطه انت راكي تراعي من منظور واحد برك نحكيلك قصه اخرى وانت افهميها كما حبيتي
انا نعرف واحد حب وحده صح ولكن هي متكبر شويه شغل تلعب فيها مارقه المهم هو حبها حب لا حدود ولكن هي معرفتش كيفاش تتوقف على لعب نتاعها وتصوري في نفس الوقت تقرى معاه وحده دارت معاه بحث حباتوا بصح حب وحده اخرى كما يقلوا حب يعمي هههههههه
ولكن هو كي شاف لي تقرى معاه محتارماتوا وداريتلوا قيمه ولا هو ندم كيفاش محسش بيه وذرك راهم مع بعضاهم ونوايها لحلال عادي كلش بالمكتوب وكي سمعت لخرى غاضه حال لازم انسان يعرف كيفاش يتعامل مع ناس باه يكسب قلوب ناس واذا قعد انسان متكبر راح يقعد وحدوا
وانت راكي تراعي شاب واحد تقيسي عليه راعي لخرين شوفي عقليات اخرى
هذ هي​

:confused1::confused1::confused1:
انا هذي مكنتش علابالي بيها حسبت لي تتكبر عليه هي لي تحكمو ضك نعاود حسابي مرسي ليك خويا لعزيز نتمنى نزيدو نتلقاو نصائح اخرى من باقي الشباب
:angel_not::angel_not::angel_not:​