طبيب بطال وأخر يقري محو الامية و مهندس دولةagent de sécurité وعلاش نقرو؟؟؟؟

[kamou]

أهلا بالاخت العزيزة كامو
اختي الكريمة اذا اردنا ذكر خريجي الجامعة الحياطين فيكفي مثال بسيط عن ذلك
لي فرد من عائلتي لا ازيد فوق هذا له ماجيستير لكن حاكم الحيط حتى انو ما قبل التشغيل لم يتم دمجه فيها ضفي الى ذلك انه سكن مديرية التربية للبحث عن منصب عمل وقاللهم اقبل اني نخدم صلاح المهم مدولي علابال نكفل عائلتو الصغيرة لكن اتعلمين ماكان ردهم
انت ذو مستوى عالي لا يحق بل يحرم عليك العمل كصلاح هذا باللفظ الواحد من احد المسؤولين
و كثيرا ما التقي بجامعيين يعملون روسوفور وقهواجي و و اذا لقى طاكسيور راه لقى
واحد قالي غادي ندير فوتو كوبيي على الديبلوم ونبيع فيه الكاكاو واش ديري اختي ربي خير ولي خلق ما يضع
واريد ان أنبه الى شيء انت يامن تبني رزقك على الرشوة لا تنسي انك تاكل سحتا مع اني نحسن العون

اخي العزيز
قصة من بين القصص الغريبة في نظر البعض
ولكنها تنطق الأبكم في نظرنا نحن الجزائريون
لاننا نرى منها ونسمع منها مايكفينا
ماجستير دكتوراه ودبلوم
وفي الاخير يكتفي بمقعد في مقهى يلعب الدومينو من الصباح حتى المساء


قصة الكاوكاو شفتها بعيني
واحد في مقتبل العمر يبيع الكاوكاو في فوطوكوبي الدبولم تعو
داير طزينة ورق ويبيع فيهم الكوكاو
وكي يسيقسوه وش هدا ؟يقولهم ديت الماجستير تعي فكورنينات الكاوكاو


دك هاكا مش عيب عيب والله عيب
ربي يهدينا ويتبت راينا
​

 

[D aucun]

خويا مشكور على الموضوع

مي راهي هادي الجزاير دراهيموك يعرفوك بناس لا يعرفوك
هادي مقولة معروفة عندنا ولقراية حاجة مليحة بصح للاسف معادش تاكل
تقبل مروري
ورمضان كريم​

هههههههههههه واه خويا هدا شيء مفروغ منو سيرتو مع الجهلة تاوعنا مايستعرف بوالو فير الدراهم تروح دوموندي خدمة = يقابلها 10ملايين
ايه مي نقولك خويا السامط يغلب القبيح ونزيدك تكون صح نيفو تلحق وين جيب حقك مهما كان الحال وفي التالي ياك عبادنا اذا ماربحتهم دراهم تربحهم قراية بورطو القراية ولات في زمان مرسي خويا تحياتي

 

[pRiAnCa*mCeE]

وش تحب بلاد ميكي الله غالب الواحد يقرا لا لقى الخدمة لقى ولا مالقاش ثقافة ليه مرسي على الموضوع...

 

[D aucun]

اخي العزيز
قصة من بين القصص الغريبة في نظر البعض
ولكنها تنطق الأبكم في نظرنا نحن الجزائريون
لاننا نرى منها ونسمع منها مايكفينا
ماجستير دكتوراه ودبلوم
وفي الاخير يكتفي بمقعد في مقهى يلعب الدومينو من الصباح حتى المساء​

قصة الكاوكاو شفتها بعيني
واحد في مقتبل العمر يبيع الكاوكاو في فوطوكوبي الدبولم تعو
داير طزينة ورق ويبيع فيهم الكوكاو
وكي يسيقسوه وش هدا ؟يقولهم ديت الماجستير تعي فكورنينات الكاوكاو​

دك هاكا مش عيب عيب والله عيب
ربي يهدينا ويتبت راينا​

اهلا من جديد اختي
نقولك انا نشوف ناس كيما هاك صدقيني والله نفشل تغيضني وعلاش يسهر ويقتل في روحو من بعدها يبيع الكاكاو هاكا وتقوليلي مانرميش روحي للحوت علاش يا اختي ولينا في بلادنا وكأنا في الغربة تعرفي انا شخصيا حكمت بوست تاع خدمة مام بالنيفو تاعها والله 6 اشهر ارماوني انا وتلاتة صحابي ودخلو اخرين في بلايصنا بورطو والله كنا حنا الاوائل تما واش ديري يرحم بوك يروحلك عام من حياتك باطل ديفوا تقنطي من رحمة ربي
وعلاهش وين راهو ذنبنا حنا انا ماناش ولاد المعارف وعلاش ولد الانسان العادي مايعيش هاكي نقولك والله لي يشد في ربي سبحانو ما يقضي فيه العبد والو وديما اختي الصابر ينال وهادي هي لقى طريقة يوصل بيها كلمتو هي انو يبيع الكاكاو في الديبلوم تاعه وعلاش لانو لقاها اخر طريقة اون سي جامي يشوفو مشكلتو مع اني نظن حتى كي ياكله الحوت يقولو كان جامعي وعنده مشاكل مالقاش الخدمة هدا ان قالوها

 

[D aucun]

وش تحب بلاد ميكي الله غالب الواحد يقرا لا لقى الخدمة لقى ولا مالقاش ثقافة ليه مرسي على الموضوع...

المشكل ماشي في البلاد المشكل في لعباد كل شيء بقا تاع عقلية نعرفه وما نعرفه
مي حاجة مليحة ربي خير وكل واحد يجازيه ربي على حساب نيتو وماعليهش نقرو ويكملها ربي نشالله
مرسي اختي الكريمة

 

[salah.f]

والله ياخويا عندك الحق مي في وحدة راك غالط ماشفتش واش جاي فالمستقبل صحا

 

[D aucun]

يا خويا هذي مصيبة كبيرة اليوم لحب يقرى يقرى لروحو برك ويستنى افرج ربي على خاطر الدولة تبني غير في المدارس والجامعات والسكنات لناس لي عندهم السكنى بالمقابل تغلق في المصانع وتسرح في الخدامة ..........وهي من المفروض تفتح المصانع باه تستوعب هذ الكم من الجامعيين ....والنهار لي يقرو هذ الشباب الحرقة اعاقبوهم بالسجن واذا نجحو في الحرقة ويصبحو مغتربين الدولة الكريمة تقول ليهم حطو اموالكم في البنوك انتاعنا يعني واجب وطني وزيد انقسولهم في سعر التذاكر لدخول الوطن وارواح انت تفهم حاجة مع هذا الحكام والانظمة االجايحة والظالمة للتتحكم بثروات الشعوب ........تقبل مروري هموم مشتركة بينكم وبيننا ...........​

اهلا بالاخت التونسية الشقيقة انتصار صح رمضانكم كاملين
هاكي اختي معظم الدول العربية ان لم اقل كلها تعاني من هاته المشكلة لكن اختي الكريمة لا يحق لنا انو نسبو المسؤولين لانو لربما فوق الطاقة الحاجة لي لازمة هي انو تضرب على حقك وبطرق سلمية
مع ذديك قلتها من قبل ونزيد نقولها دك الواحد ولى في بلادو يحس روحو انو في الغربة
ويلزمك تنافgي مع شعب ميكي سي نو حقك يروح ونشالله مايكون غير الخير
مشكورة انتصار على المرور والرد في رعاية الله

 

[D aucun]

والله ياخويا عندك الحق مي في وحدة راك غالط ماشفتش واش جاي فالمستقبل صحا

اهلا اخي نظنك انت راك فامني غالط لانو انا ما حكيتش على الغيب وكلامك صح لكن الواقع هو لي يحكي يا خويا حنا هنا نديرو ترجمة للواقع واذا راني غالط سقسي تعرف ونظنك راك تشوف بعينيك ما نشقاش نحكيكلك مرسي خويا ربي يخليك

 

[maya31]

شكراا خويا مختار على الموضوع

مي سي فري دروك كل شيىء و لا بالعرف


مدير نتع شركة يضمن مستقبل نتع ولدو في المستقبل مام عندو جلبانة في راس مي هكا ما غاديش يضمن مستقبل لبلاد

و زيد عليها الا ماشي بالعرف بالرشوة



ربي يحفظنا و خلاص شكرااا
​

 

[mokha1422]

هاك مختار خويا ديجا رانا نعرفو بعضنا غايا
ياك راك تشوف وتعرف بواش نجاوب عليك بالتوقيع تاعك

أي صح رمضانكم
خليني نقولك اذا انا مانعجبكش وشكون لي قالك انت تعجبني مي نورمال كي بقات المعرفة كاينة في بلادنا وعلاش ماتكونش كاينة في اللمة
كونك راجل لان ربي خلقك راجل​

 

[D aucun]

شكراا خويا مختار على الموضوع ​

مي سي فري دروك كل شيىء و لا بالعرف​

مدير نتع شركة يضمن مستقبل نتع ولدو في المستقبل مام عندو جلبانة في راس مي هكا ما غاديش يضمن مستقبل لبلاد ​

و زيد عليها الا ماشي بالعرف بالرشوة ​

ربي يحفظنا و خلاص شكرااا ​

هههههههه اهلا مايا غادي نقولك حاجة واش هو ماعلابله بوالو الدراهم الشكارة يا مايا
والبلاد يبعها بالف فرنك المهم هو يسلك راسو هاكي مايا هدي هي بلاد ميكي ربي يستر وخلاص

 

[D aucun]

هاك مختار خويا ديجا رانا نعرفو بعضنا غايا
ياك راك تشوف وتعرف بواش نجاوب عليك بالتوقيع تاعك

أي صح رمضانكم
خليني نقولك اذا انا مانعجبكش وشكون لي قالك انت تعجبني مي نورمال كي بقات المعرفة كاينة في بلادنا وعلاش ماتكونش كاينة في اللمة

كونك راجل لان ربي خلقك راجل​

هههههههههه اواه راك معمر و زي اذا فتحتلك الطريق خلات اللهم نقولك اسكت خير ونزيدك حتى التوقيع دروك نعدلو هههههههههههههه بشوية عليك

 

[iman13]

تكبر وتنسى

 

[zinnoo walido]

ياخويا نديرو لي علينا نجيبو الديبلو والباقي اتكل على ربي هو الرزاق

علابالي بلي مناش ساويين حتا بقرايتنا مي واش دير الله اقرا واتعب ونحي الديبلوم بجيه

مشكور صبر قلبك ودير ربي في بالك يمهل ولا يهمل

رمضان كريم

 

[D aucun]

تكبر وتنسى

hhhhhhhhhhhhhh sa7a amouna merci pour le passage

 

[D aucun]

ياخويا نديرو لي علينا نجيبو الديبلو والباقي اتكل على ربي هو الرزاق

علابالي بلي مناش ساويين حتا بقرايتنا مي واش دير الله اقرا واتعب ونحي الديبلوم بجيه

مشكور صبر قلبك ودير ربي في بالك يمهل ولا يهمل

رمضان كريم

صحيت خويا كلامك هو الصح حنا نديرو لي علينا والكاتبة تلحق ياك كيما قلت ربي يمهل ولا يهمل صحيت خويا صح رمضانكم

 

[Moha le sage]

السلام عليكم

صح فطورك خويا المخطار ...

كاين واحد الحاجة هي عندي اهم شرط للتطور اي دولة .. وهي التواصل ما بين الجامعات و مبين مختلف القطاعات .. يعني لي تخرج في الميكانيك راح تكون رسالة التخرج تاعو دعم جديد وتطوير لاساليب لم تعرف من قبل ويتم توظيف هاته الخبرات في مختلف المصانع .. و والشخص هذا يوجد من قبل البلاصة تاعو واجدة في المجال اللي قرا فيه هو ...

او مثلا اللي قرا في الطب ولا في البيطرة ولا البيولوجيا ... ابحاث هاذ الناس تعتبر بترول خام كان من الاجدر بالدولة استخراجو .. وتطوير وتوضيف الكم الهائل من البحوثات ورسائل التخرج لفائدة البلاد .. ونقضيو على مختلف الامراض المستعصية و نصنعو الادوية محليا و نفيدو قطاع الصحة وقطاع الزراعة و عدة قطاعات اخرى حساسة بكل ماهو جديد ... يعني طلاب الامس واللي هوما كوادر اليوم ...هوما لي يسوقو البلاد للازدهار هوما لي يغيرو المفاهيم ..هوما لي يقترحو حلوةل للمشاكل الموجودة في سائر القطاعات ... وهوما لي يدفعو بعجلة النمو لهاذ البلاد

الترابط بين الجامعة و بين المجتمع هوركيزة من ركائز تطور البلدان اليوم خاصة بلدان العالم المتقدم .. وما التطور التكنلوجي وغزو الفضاء و اكتشاف مختلف التلاقيح للامراض واكتشاف طرق جديدة في الزراعة و اختراع المحركات من هيدروليكية و مائية .. الا نتيجة بحوث استثمرت ووظفت و وجدت الدعم الكافي لخروجها من مجرد افكار ..الى تسجيدها في ارض الواقع ... و اشيد بالمكانة القيمة المخصصة للمنخرجين في شتى المجالات في هاته البلدان ..اللتي تولي الاهتمام بل توفر كامل الرعاية لكل من يحمل فكرة في راسه.. هذه العناية اللتي صارت تستقطبت الكثيرين من بلداننا النامية .. باسم ظاهرة تدعى هجرة الادمغة



في بلادنا ... حلقة الوصل هاذي مفقودة ... علابالك بلي راح تخلص تقررري ولا تحكم الحيط .. نتا بلاد يحكموها غير اللي ريسانهم خشان ومفرينيين كيفاش راح تتوقع منهم يخممو في المثقفين وفي المتخرجين من الجامعات ؟

حنا اللي بطل في صغرو ودار حنوت خير من لي قرى ولا جاب الدبلوم .. منحلفلكش غير على فئة معينة من الناس قدرت تخدم ولكن بعد جريات و بعدما شافت المعارف و سير رشوات ...

انا شخصيا منعت منها بشعرة ..كيما تعرف عندي ليسانس فرونسي .. و العجز اللي كاين في مجال التوظيف في هاذ المادة هو اللي سمحلي باش نلقى خدمة ..كيما يقولو خطراش les postes تاع الفرونسي كاينين ديما ... بصح واش نحكيلك على اصحابي .. هذا انجينيور في البصريات و لاخر في الجيولوجيا .. الخ .. وكيما دارو ملقاوش وين يخدمو .. وراحت فرحتهم تاع الباك وتاع دخول الجامعة .. بعدما عرفو بللي لازم يخدمو بلا ديبلوم .. وراني نشوف فيهم اللي دار حنوت مع واحد واللي دار طابلة ..الخ و قيس هاذ المثال على دزاير كاملة ... كل عام يتخرجو ويحكمو الحيط




كاين واحد المقياس تاعنا نحسبو بيه الوقت لي يقعدو المتخرج من الجامعة ...

نقولو للي يسقصيك واش تديرونتا هندك زعما عام من لي تخرجت .. نقولو : سنة أولى شوارع

ولا سنة ثالثة شوارع .. بحسب الاعوام لي نريحوهم بلا خدمة

يعطيك الصحة مخطار وربي يوفقك في قرايتك .. وان شاء الله تلقى من وراها خدمة في اقرب وقت





.

 

[chiraz*noor]

مرسي موضوع شباب بزااااااااااااف
ايه يا خويا رجع كلشي بالمعرفة الي عندوا شهادة راه قاعد فالدار والامي
دايلو بلاصته هههههههههههه

 

[razikovet]

c'est vrés مختار خويا... لكن المقولة راك قلتها "أطلب العلم للمعرفة لا للوظيفة"

لأما فيما يخص الخدمة هاذي بلاد "أقفز تعيش"

مرسي على الموضوع​

 

[D aucun]

السلام عليكم

صح فطورك خويا المخطار ...

كاين واحد الحاجة هي عندي اهم شرط للتطور اي دولة .. وهي التواصل ما بين الجامعات و مبين مختلف القطاعات .. يعني لي تخرج في الميكانيك راح تكون رسالة التخرج تاعو دعم جديد وتطوير لاساليب لم تعرف من قبل ويتم توظيف هاته الخبرات في مختلف المصانع .. و والشخص هذا يوجد من قبل البلاصة تاعو واجدة في المجال اللي قرا فيه هو ...

او مثلا اللي قرا في الطب ولا في البيطرة ولا البيولوجيا ... ابحاث هاذ الناس تعتبر بترول خام كان من الاجدر بالدولة استخراجو .. وتطوير وتوضيف الكم الهائل من البحوثات ورسائل التخرج لفائدة البلاد .. ونقضيو على مختلف الامراض المستعصية و نصنعو الادوية محليا و نفيدو قطاع الصحة وقطاع الزراعة و عدة قطاعات اخرى حساسة بكل ماهو جديد ... يعني طلاب الامس واللي هوما كوادر اليوم ...هوما لي يسوقو البلاد للازدهار هوما لي يغيرو المفاهيم ..هوما لي يقترحو حلوةل للمشاكل الموجودة في سائر القطاعات ... وهوما لي يدفعو بعجلة النمو لهاذ البلاد

الترابط بين الجامعة و بين المجتمع هوركيزة من ركائز تطور البلدان اليوم خاصة بلدان العالم المتقدم .. وما التطور التكنلوجي وغزو الفضاء و اكتشاف مختلف التلاقيح للامراض واكتشاف طرق جديدة في الزراعة و اختراع المحركات من هيدروليكية و مائية .. الا نتيجة بحوث استثمرت ووظفت و وجدت الدعم الكافي لخروجها من مجرد افكار ..الى تسجيدها في ارض الواقع ... و اشيد بالمكانة القيمة المخصصة للمنخرجين في شتى المجالات في هاته البلدان ..اللتي تولي الاهتمام بل توفر كامل الرعاية لكل من يحمل فكرة في راسه.. هذه العناية اللتي صارت تستقطبت الكثيرين من بلداننا النامية .. باسم ظاهرة تدعى هجرة الادمغة



في بلادنا ... حلقة الوصل هاذي مفقودة ... علابالك بلي راح تخلص تقررري ولا تحكم الحيط .. نتا بلاد يحكموها غير اللي ريسانهم خشان ومفرينيين كيفاش راح تتوقع منهم يخممو في المثقفين وفي المتخرجين من الجامعات ؟

حنا اللي بطل في صغرو ودار حنوت خير من لي قرى ولا جاب الدبلوم .. منحلفلكش غير على فئة معينة من الناس قدرت تخدم ولكن بعد جريات و بعدما شافت المعارف و سير رشوات ...

انا شخصيا منعت منها بشعرة ..كيما تعرف عندي ليسانس فرونسي .. و العجز اللي كاين في مجال التوظيف في هاذ المادة هو اللي سمحلي باش نلقى خدمة ..كيما يقولو خطراش les postes تاع الفرونسي كاينين ديما ... بصح واش نحكيلك على اصحابي .. هذا انجينيور في البصريات و لاخر في الجيولوجيا .. الخ .. وكيما دارو ملقاوش وين يخدمو .. وراحت فرحتهم تاع الباك وتاع دخول الجامعة .. بعدما عرفو بللي لازم يخدمو بلا ديبلوم .. وراني نشوف فيهم اللي دار حنوت مع واحد واللي دار طابلة ..الخ و قيس هاذ المثال على دزاير كاملة ... كل عام يتخرجو ويحكمو الحيط




كاين واحد المقياس تاعنا نحسبو بيه الوقت لي يقعدو المتخرج من الجامعة ...

نقولو للي يسقصيك واش تديرونتا هندك زعما عام من لي تخرجت .. نقولو : سنة أولى شوارع

ولا سنة ثالثة شوارع .. بحسب الاعوام لي نريحوهم بلا خدمة

يعطيك الصحة مخطار وربي يوفقك في قرايتك .. وان شاء الله تلقى من وراها خدمة في اقرب وقت





.

نشالله يارب يوفقنا كامل في هاد الحياة
محمد خويا الكلام لي قلتو سير جاي من تجربة وخبرة في هاد الحياة وعلابالي ماشي عندك غير ديبلوم فرونسي مي الديبلوم لي معتمد عليه نت هو ديبلوم مسايرة الحياة حسب الظروف هاك خويا محمد تعرف انو هنا يقوللنا تطوير البحث العلمي لالا تهديم البحث العلمي
لانو انت سي فري تقرى مي يقتلوللك كامل واش حصدت بعد التخرج والكلام لي قلتو يا محمد خويا هو لي راه تخدم بيه الدول المتطورة وين عندهم لي نيفو تاعه عساس عساس ولس نيفو تاعه استاذ استاذ ولي دكتور دكتور وبزاف اطباء جزيريين بقدرهم في لوروب وزيد انو بلاك شفت الحصة هاديك تاع طبيب جزايري في الماريكان ماشي بلادنا وين تلقى ليسنسي عساس وامي مدير والله يامحمد خويا مدير نيفو تاعه سنة 6 ابتدائي محمد خويا راني خايف حاجة تبقى الجامعات يمدو لي سبيسياليتي بالمعارف ماشي لاموايان
الله غالب يلزملك ديبلوم مرسوم بالبيي دو سون ماشي جاي من الجامعة علاديك ماظنيت تتماشى الجامعة مع الاقتصاد وفرص العمل مي تتماشى مع فرص الرشاوي والمعارف
يرحم بوك وين تتماشى هنا الجامعة والمجتمع وفرص العمل وتلقاهم يقول خلقنا والخلق من صفات الله ويقولك خلقنا 100 منصب شغل ايه اوجدت 100 منصب شغل لفلان وفلان
يا خويا محمد الحمد لله انك لقيت خدمة ونشالله تكون تيتيلار ماشي كونتراكتييال ونشالله تدوم فيها لانو صراحة محمد في بلادنا وين تلقى كول الخبز الله غالب الامي ياكلها ميل فاي والجامعي خبز يابس ولا لقاه وعجبتني بزاف في كلامك هاداك تاع سنة اولى شوارع و مهندس دوله في حكيم الحيك وهاداك ليسونسي في الديمينو والبوكار ونشالله ماتروحش للكحول والكاشيات ولا دروق
مرسي محمد خويا ربي يخليك وصح رمضانكم كامل في الدار