لا أدري من أطيع أمي التي تعبت او قاست من أجلي أو زوجتي التي سأعيش معها بقية حياتي

الحالة
مغلق ولا يسمح بالمزيد من الردود.

D aucun

:: طبيب ::
أحباب اللمة
إنضم
4 جويلية 2009
المشاركات
2,094
نقاط التفاعل
564
نقاط الجوائز
473
العمر
36
الجنس
ذكر
السلام عليكم وصح رمضانكم
أولا اني لاطرح موضوعي ليس للمشاركة بل لاني اهدف الى اعطاء بعض الناس من خلال هدا المنتدى كلمات او نستطيع ان نقول نصائح منكم تم مني لعلهم يهتدون الى سواء الصراط
نعم يوما ما كنت بمستشفى لامراض النساء برفقة زوجة اخي التي غاب زوجها وهي تشتكي الام الحمل كنت جالسا في قاعة الانتظار قدمت عجوز قمت لاجلها وتركتها تجلس بعد مدة بقي المقعد شاغرا دخل شاب و امراة كبيرة مسنة وشابة صغيرة يظهر انها لاتعاني الا الدلل
المهم اتت هاته العجوز التي لاتقوى على الوقوف فاستلقت على الكرسي وتأوهت من شدة التعب والكبر ما لبثت ان تلفظ انفاسها حتى خاطبها الشاب امي لا ارى انك متعبة بقدر فلانة وهو يقصد زوجته فارى ان تقومي لتجلس هي نظرت اليه وفي عينيها يظهر انها غير راضية تماما على ما اقدم عليه الوالد قاومت المراة قليلا ثم التجات الى نفس الحائط الذي ارتكز عليه فبدات تحكي همها فقالت انه ولدها ولا يعطيها اي قيمة ويفضل زوجته عليها و و و و و هنا كلمت زوجة اخي لتقف فترتاح المراة المسنة فاول ما قالته والله لن اجلس لانها مريضة سمعت خطابنا امرأة اخرى وكانت بمفردها فقامت وتركتها ترتاح لتتفرغ للشاب فنادته قائلة هل من هاته قال امي وهاته قال زوجتي قالت الا تستحي من فعلتك وانتم تعرفون اذا انطلقت مراة في الكلام فماكان من الزوج الا ان خرج مطئطئا راسه اما الزوجة فقد بدت عليها ملامح الحشمة
انظرو اخوتي اهكدا اعامل امي ؟ (ولا تقل لهما اف ولا تنهرهما) صدق الله العظيم
(الجنة تحت اقدام الامهات) صدق رسول الله
نعم هي امي واعزها فوق ولو 10 من زوجتي نعم (خيركم خيركم لاهله وانا خيركم لاهلي) كما قال الرسول صلى الله عليه وسلم ولكن امي امي ومهما تكن هي امي
نعم لااكون مقصرا في حق زوجتي ولكن لن اكون ايضا مقصرا في حق امي والزوجة التي لاتحترم امي صراحة لن اتزوجها ويكفي انني سمعت يوما فتاة تخاطب صاحبتها فتقول ساكون لام زوجي بنتا لها نعم الزوجة انت وبئس الزوجة بطلة الفيلم السابق وبئس الولد انت
اخواني كيف ترى هدا الولد ؟ اترى هو محق فيما يفعل ؟ وهل تفضل انت زوجتك على امك او العكس؟
واتن اختي اكنت لتجلسي كما فعلت هي ؟تم كيف ترين الى ام زوجك؟
 
السلام عليكم
اخي انا معك في كل ماقلته وانا معى الرجل الذي يفضل امه على زوجته وهذا حقه فهي التي ربته وسهرت من اجله والام تبقى ام مهما فعلت ...وانا عندما اذهب لبيت زوجي اضع امه فوق راسي لاني اعتبرها امي ..ولن ارضى ان زوجي يفضلني على امه والله لا ارضاها ولكن ان اجد منه التقدير والمحبة والا يهملني ....لكن هناك من الرجال من يتبع كلام امه والام تغار من زوجته وتقول كلاما قاسيا عليها فيصدقها الابن ويكره زوجته ..
شكرا لك اخي على طلرح الموضوع
 
شوف نخدمو بواش قال الرسول صلى الله عليه وسلم
الراجل عندو أومو لولة ومنبعد زوجتو
والمرا عندها لازم تراعي الزوج
ومنبعد والديها

 
نشكرك اخي على الموضوع الرائع
وانا مع الراجل لي يطيع امه واكيد ايضا ما لازمش عليه يهمل الزوجة نتاعو
 
notlbelou lhidaya hada makan
 
اخي امك اولى من زوجتك الزوجة تعوض و الزوجة لم تلدك ولك تسهر عليك في الليل و اما الام لا تعوض و هي التي سهرت وتعبة وشكرا
 
السلام عليكم و رحمة الله تعالى و بركاته
و الله انا نشوف كل الحق على الزوجة كان كل مرا مقبلة على الزواج تصفي نتيتها و تقرر بلي عائلة زوجها تكون عايلتها و الله حتا الزوج مهوش رايح يقصر مع امو و مام زوجتوا رايح يزيد تقديرو ليها
حنا بناتنا لالا من يوم الخطبة و هيا تقرر كيفاه تلف امو و كيفاه تبعدو على خواتاتو و كيفاه تحتكر الراجل غير ليها و توجد في روحها تقول داخلة حرب
خويا رانا في وقت صعيب مابقا للعبد غير ربي يسترنا و يلطف بينا
 
امك اولى اخي
 
بارك الله فيك خويا المخطار


شوف انا نصارحك بحاجة ...انا عندي العالم تاعنا كامل ...خليني من العالم ..نقلك المجرة كومبلي والله ما تسوى ظفر من اظفار الوالدة ربي يحفظهالي ... الريح كي تفوت منحبش عليها و ديما معاها و ديما المخلوقة تدعيلي وحنانتها والله ما تسعاها مرا .. في نص الليل تنوض طيبلي تيزانة كون تشوفني غير سعلت ..خير يما ما يتعدش وعلى كبرها ومزالت تلتها بيا ... انا ندعي ربي نلقى بنت لحلال اتللي ديرها ثاني كي يماها ماشي نفرق بيناتهم ولا نفضل ..الام عندها صح حدود مثلا ما تتدخلش في امور بيني وبين زوجتي .. بصح حقوق الام كبيرة بزاف ... مالازمش نغفل عليها ولا ننساها بمجرد ما تجي مرا خرى للدار

مشكور خويا المخطار و ربي يوفقنا باه نبرو بوالدينا .. ونقومو بيهم .. و مكانت الام عظيمة وعظيمة بزاف
 
السلام عليكم
عندك الحق اخي انا كذالك راني معاك مقام الأم عالي( امك، ثم امك، ثم امك، ثم ابوك ولم يقل زوجتك)
انا كذالك راني ام ونحس بأم زوجي لاكن في بعض الاحيان العجوزة تكون متسلطة بزاف
خصوصا على زوجة الابن تبقى تضغط عليها خصوصا واذ كانو عندها بناتها يبقاو يردو بالهوم غير فيها
واغلب المشاكل يتكونو من اخوات الزوج ماشي من الأم
والابن يلقى روحو في صراع بين الزوجة والام
ولاكن الدور يرجع للزوجة كيفاش تربح عجوزتها لطرفها وتذكر الزوج ديالها دائما بأنه كيما انت راك تتعب على اولادك امك كذالك تعبت باش رجعاتك راجل
والله بصدق راني نقول واش رني عايشة ودائما عندي خوف من غدوى لوكان نظلم عجوزتي تعيا وتجي دالتي
وكيما نحب يما نحب عجوزتي
ونصيحة تهلاو في امهات ازواجكم وأكيد راح تجنيو بزاف خيرات دنيا وأخرة
 
اهلا بصحتكم لفطور
لي عودة مرسي كامل
 
هذا وين عجبتني في رايك.... كي شفت الموضوع قلت اليوم ندوس معاه بصح يعطيك الصحة
أنا أيضا الوالدة متوفية "رحمها الله" لكن و الله لو كانت حيه نعامل زوجتي معاملة هتلر من أجل والدتي على خاطر على بالي ما تستاهلش نعارض أمي اللي حملتني 9اشهر و قاسات و قاسات..... و هذا رايي مانيش نزعق

صح سحورك dr
 
السلام عليكم

هي الوحدة فينا ما تكرهش يكون عندها راجل يحبها و يقيمها و ...
بصح لوكان جات هذ الكنة بنت حلال ما تخليش راجلها يعامل امه بهذ المعاملة
هذي دنيا و غدوا من غدوة يديرولها و لادها كيما راه يدير راجلها لامه

انا على حسب رايي الخير مرأة و الشر مرأة
هي وحدها في يديها تسقم و في يديها تعوج

 
شكرا لك أخي على الموضوع الرائع وانا معك في الرأي لازم الام ثم الام ثم الام مهما تكون واعرة او تتدخل لازم الصبر معاها واكيد الزوجة في بلاصتها والام في بلاصتها وكل وحدة وحقها لكن بر الام هو الاولى
 
أنا أيضا الوالدة متوفية "رحمها الله" لكن و الله لو كانت حيه نعامل زوجتي معاملة هتلر من أجل والدتي على خاطر على بالي ما

يا اخي ربي يرحم الوالدة نتاعك و يرحم امة محمد اجمعين
بصح انا على حسابي لوكان ربي يرزقك ببنت الحلال ما تسحقش باش تولي هتلر

الحر يفهم من الغمزة و الحمار ( اكرمكم الله ) يفهم بالنقزة


ربي يرزقك ببنت الحلال ان شاء الله
 
آخر تعديل بواسطة المشرف:
شوف خويا مختار قبل كل شي ء نقولك صحا فطورك وربي يحفظك ويخليك على الموضوع القيم ولي يستحق التقييم

ونقولك كلمة تفهم منها كلش لي مادارش الخير في يماه عمرو مايدير الخير لا في زوجتو ولا في إنسان واحد أخر

ومنها خويا مختار بالاك تلقا هذ الجايح لي هدرت عليه في قصتك اليوم مادامها جديدة عندو ومازال راهم ملاح مع بعضهم بصح أتاكد أنو منين تبدى المشاكل رايحا هي تقولو مادرتش الخير في يماك حبيت ديرو فيا أنا وهذاك الوقت يعرف قيمتو مليح
نقولك فاللول خويا مختار كامل يقولولك أنا عندي يمات راجلي ما يمات راجلي ونحطها على راسي بصح من أول مشكلة تبدى الحرب ومهما كانت الأسباب درك ماراناش فالأسباب بصح رانا فالمشكلة في روحها وماكانش قد لي يربح دعوة الخير من عند والديه والطفلة لوكان جات تخمم كل ماترفد مع الراجل والديه كل ماتربح دعوة الخير وكل ماتزيد تكبر في عينين راجلها والنقطة المهمة لي لازم حتى لمرى تديرها في راسها أنها إذا لقات الراجل مادارش الخير في يماه تستنى حتى هي دالتها راهي جاية غير ماتتقلقش وراني قلتها لي مادارش الخير في يماه لي رباتو وتعبت عليه ورجعاتو راجل مايعرف يدير الخير في واحد أخر وعلاش راني نأكد على الطفلة كثر من الطفل راك عارف الطفل لي مادارش الخير في يماه ماعندي مانهدر عليه وهذا الزمان يهدرو بصح لازم الطفلة هي لي بيدها حوايج بزاف في مثل هذه المواضيع يعني إذا هي مابدات ترفد وتحط أنا نظن كلش يمشي مريقل وحتى إذا شافت راجلها مقصر في حق يماه لازم هي لي ترجعو تربح راحتها وراحتو وحتى هو يولي يحشم ويحترم أهلها ويماها هي تاني الموضوع قيم ومازال نرجعلو خويا مختار
ربي يحفظك وربي يخليك وربي يعطيك بنت لحلال خويا مختار تستاهل كل الخير
تقبل الله الصيام والقيام وصالح ألأعمال للجميع
 
ربي يهديه
واظن ان معاملة الاولاد لوالديهما تعود إلى التربية التي ربوهم عليها
والرجل الجزائري ليس له موقف وسط إما يكون مع الام ام مع الزوجه
رمضان كريم
 
ســـلام ... شوف أخي بالنسبة للرجل اذا كان لامه ومافيهش الخير فلن يكون فيه خبر لاي كان بعدها حتى للزوجة اللي راه يدللها الان وهو غافل على عمرو فالحق الوالدة فوق راسو ويبين الشي هذا للزوجة أكثر فشتان بينهما وكامل علبالنا .... أما عن الزوجة نظن بل متاكدة انو المراة الفايقة تحط والدة زوجها فوق راسها وتزيد تحثو على ذلك ان كان مقصر لانها تعي انو اذا حبت تسعد في حاتا ويباركلها ربي تبدا من والديه فان احسن لهما ربح رضاهما ودعوات خير وجنة ان اء الله منهما ومكاش خير من هذا واكيد هي تعلم انو دعوات هكذا لزوجها وكل خير من ذلك هو لها كذلك ....

بـــــارك الله فيـــك على الموضوع

ااه والله لم انتبه لرد اخي عبيدو الا بعد وضع ردي وراه وفى وكفى عن الفكرة اللي حبيتها وربي يبارك فيه تان

 
السلام عليكم وصحة فطوركم
مختار هذه قصة مؤثرة حقا لمن للأسف منتشرة بكثرة ولولا مثل هذه القصص لما كانت ديار العجزة ممتلئة بالشيوخ والعجائز الذين لهم أبناء وبنات عاقين.
أخي إن غياب الوزاع الديني والأخلاقي هو السبب الرئيسي فيما يحدث وإن كنت لا أعفي الوالدين من المسؤولية لأنهم لو أدوا واجبهم وربوا أولادهم التربية الصحيحة لما كنا نشاهد ونعايش مثل هذه الظواهر.
أما بخصوص سؤالك حول أيهما تطيع :
فأقول لكل منهما مكانتها وإن كانت الأفضلية للأم لكن على الانسان أن يحاول فمثلما للأم علينا حقوق فللزوجة حقوق والشرع واضح في كيفية معاملة كل منهما.
وكما قال المثل كما تدين تدان، رايح يجي اليوم ويتعامل هذا الشخص بمثل ما عامل به أمه
 
سلام
وشكرا على الموضوع في قمة الروعة حقا ويستاهل النقاش
على كل حال هذا الانسان مو انسان على زوجة اليوم ينسى أم سنين و هي تربي واجب عليه يحترم ويصون و......................و زوجة ولكن مشي على حساب أم تاعوا المرأة خيرها في غيرها اما أمي فهي تاج راسي و موموا عيني .تعرف أخي الكريم والله نرفزتني هذه القصة وهذا الابن الله يهديه على كل حال .
الي مافيهش الخير في أهلوا ما فيه خير في الناس
أما البنات فلا اضن أنوا ولا واحد منا ترضى لأمها هذا الشيء إذا أنا طعت أم زوجي و حترمتها وووو راح ترجع هذ المعاملة عليا و على أمي
نتمنى كل واحد يدير في بالوا أنوا مافي أغلى من الوالدين مهما صار (حقهم حق و باطلهم حق)
سلام و مشكور أخي على موضوعك ربي يحفضك
 
الحالة
مغلق ولا يسمح بالمزيد من الردود.
العودة
Top